3 اشيا بتحبا و3 اشيا بتكرها [الأرشيـــــف]

عرض كامل الموضوع : 3 اشيا بتحبا و3 اشيا بتكرها

Geeny

11/02/2005, 14:52

أنا بدي أطلب من كل عضو بالموقع أنو يكتب عن 3 أشياء بحبها ( هو ) بحالو و عن 3 أشياء بيكرهها

architecturer

11/02/2005, 20:41

والله يا جيني انا ما عرفت شو علاقة العنوان بالموضوع :shock: بس ابلش جاوب :arrowl:

طبعا انا بحب حالي كتير :oops: وهاي الشغلي رح تصعب مهمتي :P
بس اكتر تلت شغلات :arrowl:
ثقتي الكبيرة بحالي يلي احيانا بتكون على شغلات انا متأكد تمام انو مابقدر اعملا ( فينكون تقولو جنان يعني ) :o
والرواق الكبير والهداوي يلي بس ( مؤخرا ) صاير عم عالج فيا مشاكلي
واكيد تالت شغلي بحبا بحالي هي شبوبيتي يلي ما بتتواجه :lol:

ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــ

اما الشغلات يلي بكرها :arrowl:
فينك تقولي الطناش القوي يلي بيصيبني بعض المناسباب ومنون اكيد الدرس او بمجال تقديم المشاريع بجامعتي .
والتنبلي يلي بتدب في اوقات ويلي خلص بتمسكني وما بتعود تتركني شي اسبوع وبعمل متل سبات شتوي :dr:
وبما انو انا بحب حالي كتير ما قدرت لاقي غير هدول الشغلات :P

قولتك : يعني ما بعرف :D

عاشق من فلسطين

11/02/2005, 21:24

موضوع حلو كتير ...وأنا بالنسبة الي بالنسبة للشغلات اللي بحبها فهيي: الشعر ، والصدق ، والصبر ..
والأشياء اللي بكرها بحالي هيي : التوتر ، الشرود ( يعني بشرد كتير ) ، والنوم الكتير ( يعني ساعات طويلة )
ولا تواخذونا..

SABE

11/02/2005, 22:24

مرحبا ست جيني ...
أول شي تلت شغلات بحبها بحالي .. مع إنو شهادتي بحالي مجروحة :lol:
إني رياضي .. و الحمدلله و ما بتحمل إقعد يومين ورا بعضون بلا رياضة ... هاي الشغلة كتير بتهمني .. بس ليش ما بعرف ؟؟؟
تاني شي محب .. و رومانسي ....
تالت شي ... إنو أنا ... يعني مو شوفة حال ... (( لعما لكن شو بدها تنفهم ؟؟ :P ))
لا عمبمزح .. تالت شي إني إجتماعي ... و كتير مبسوط بهالشغلة . إنو بقدر إندمج بسرعة مع الجماعة يلي أنا فيها ...

و الشغلات يلي ما بحبا ...
أوقات بعصب بسرعة .. بس هلأكتير متحسن .. عمضل معصب دائماً :P
وإني بشرد و أنا عمبدرس
و شبوبية زيادة عمتعملي كتير مشاكل .. هاهاهاها :lol:

Geeny

11/02/2005, 23:48

هلأ العنوان إلو كل العلاقة بالموضوع و إذا ما فهمتو اسأل أبو نهلة هو متعود على عناويني :P
الأشيا يلي بحبها بحالي :
*أهم شي أنو بقدر أتقبل أي فكرة و أي إنسان بغض النظر عن كل شي
* شغلة انو كتير طبيعية يعني قد ما تصنعت بتكون شخصيتي طاغية
*أنوبتأقلم مع أي وضع بعد يوم واحد
و بما انو انا طرحت الموضوع بحقلي وحدة رابعة أنو شو ما كانت حالتي النفسية باكل لأنو الأكل ألذ شي بالدنيا :P
الأشيا يلي بكرهها
* أنو بهرب من السعادة يعني لما اضحك بخاف و عودت حالي كون وحيدة و ما عم أقدر غير حالي
*إذا حدا استفزني ممكن استحمل شوي و بعدين بفرط ( يعني بتشوفوا شغلات عم تطير و بتسمع الدنيا صوتي الحلو)*بحلم كتير و انصدمت بحالي أنو ما مستعدة خاطر

HashtNasht

12/02/2005, 00:06

هلأ العنوان إلو كل العلاقة بالموضوع و إذا ما فهمتو اسأل أبو نهلة هو متعود على عناويني

اي بس هالمرة العنوان مالو علاقة بعناوينك حتى ...يعني و الله ما بعرف :P

هلق مشان سؤالك ..بعتذر .ما بحب قول لحدا شو الشغلات اللي بحبا بحالي وشو الشغلات اللي بكرها .؟؟

اذا كتير مصرة عالموضوع بعتيلي استمارة و بشوف اذا بقدر جاوبك ع رواق :o

Geeny

12/02/2005, 10:52