|
يسعد مساكون جميعاً
اللي بيقول أنو مافي تراجع أو تردي أو ما شابه ذلك بيكون عم يضحك لحالو وهاد الشي بيعني أنو في مشكل ما بالموقع ولحل هالمشكل في طريقين متوازيين وهما 1- الطريق الأول يتعلق بإدارة الموقع وعليها البحث بالأسباب وإيجاد الحلول لها والمطلوب من الإدارة أن تقر بالواقع الحالي تؤكد حرصها على البدء باتخاذ إجراءات سريعة لإعادة الأمور إلى مسارها الصحيح 2- الطريق الثاني : يتعلق بالأعضاء , فبدلاً من أن نجلس ونلعن الظلام ليشعل كل منّا شمعة , يعني بدل ما قاعدين من الصبح نتجادل جدل بيزنطي , الموقع أولاً واخيراً بالأعضاء وليس بالمشرفين , يعني نشد همتنا قليلا ونشارك بالمواضيع الأكثر أهمية والأكثر جدية بدل مانروح كلنا عالألعاب والمواضيع الفاضية ونساهم بتدني الأمور اللي عندو مواضيع مهمة وحابب يوصلها إذا عندو إيمان فيها بوصلها , وإذا انحفت بيرجع بينزلها , وشو يعني أنا تخالفت يعني انسلخ جلدك عن عظمك , تحول الموضوع لشغلات عيب ينحكى فيها مشرف مزعوج مني وفش خلقو فيك شو هالشغلة , بتمنى ماحدا يفهم أنو أنا عم دافع عنون ها , لأن أنا أكتر واحد محموق منون بس نيالون مابعرف حدا منون كنت نتفت ريشو وجبتلو انفلونزا المشرفين , كش برا وبعيد والطريق التالت للحل : مبين في مشكلة إدارية بتمنى يحلها الجهاز الإداري ويقوم بواجبو بس بنفس الوقت نحنا الأعضا نقوم بواجبنا وما نسمح لحدا ينزل مستوى الموقع حتى ولو كان مدير الموقع أو صاحب الموقع , واللي مو عاجبو ينطح شي حيط لعل وعسى بيشيل كتف عن صوفي وبيريحها من شي ضربة حيط عن حالي : اللي بدي قولو عالموقع رح قولي سواء عجب الإدارة والمشرفين أو ما عجبون وبيخالفو أو ما بيخالفو طالما كل دقيقة في أدخل وسجل باسم جديد بدخل وما في حدا في يمنعني قول كلمتي سواء كان مشرف واللا عضو واللا مدير بعدين شايف أنا من المشرفين ما في حدا عم بيرد غير ر يما لذلك أنا بتشكر تواجدك والرد علينا , وبدك تتحملي طالما ما في غيرك والناس بدها تفش خلقا , ويبدو طلعت براسك بعتذر عن أي حدا من الشباب أساء إلك وتصبحو على خير |
هوي من جهة انو اخوية تغيرت اي تغيرت
وكتيييير كتيير والكل فايت بالحيط اعضاء ومشرفين بس اللي قاهرني جد الجد انو ابوطوني وقرصان واللامنتمي يغادرو الاخوية وفي اعضاء قدما كمان غادرو الاخوية متل skymonster أو بقايا إنسان و The Light عنجد الحسرة بتزيد بقلبي و خصوصا أسير التشرد اللي صار معو مشكلة كمان ماني حابة ازكرا حتى المشاكل ما بتقيم اصلا اللي فات مات بس بيضلو العيب باقي ووقت بسأل أي عضو ليه ما عم تفوت بيقولو انو الاخوية ما عادت متل زمان صايرة مملة انو وقتا بسأل حالي معقول هالحكي؟ووقت بشوف انو بس عم فوت طلطل واطلع بتأكد انو الاخوية تغيرت ولازم ترجع الاخوية متل زمان وبالنسبة لريمي او ياس انو ما تعتبروا اهانة بس نحنا متعودين ع بعض وهي هيي شخصيتكون ما بيجبركون حدا تغيروها بس معليه ع القليلة بالنسبة للاعضاء الجدد لبين ما يعرفو السيستم والمشاكل ما بتنحل بالاستفزاز وغيرو شوي شوي ومنغير الوضع ومنلاقي حل لانو الشغلة مو بايد المشرفين بس لو ما في منتدى ما في اعضاء ولو مافي اعضاء ما في مشرفين ولو مافي روح الاخوية ما بتضل اخوية <<<وهاد الشي اللي رح يصير بقا اي ...نعم انا معك فؤاد بأيدك برايك انو التغيير لازم Sarita |
اقتباس:
ان شوفو هالاختراع ما احلاه لك صدقا عيب ...بشرفي عيب ان شو الموجود بمشاركه صوفي ؟ ان سابه حدا ؟حاكيه سكس؟ ان شو الي موجود بالمقال يدايق هلقد ليرجع ينحذف؟؟ راح ارجع انشرو مو لشي بس ليرجع يقرا هالمشرف ويعتذر لصاحب الموضوع ولصوفي عن خذفو ... افهمو ان حذف مقاله تعتبر اهانه فكريه لصاحبها مابتفرق عن الشتيمة او اي اسلوب جارح اخر |
اقتباس:
مرحبا للجميع و الك يا سيريتاااا بصراحه كنت عم شوف الردود يعني حتى بالنقاش في انقسام و الظاهر انو اممي لحالوا معقول ما في حدا مع اممي و قادر انو يحط دليل ع تصرف المشرفين او انو يحط شي غلط ارتكبوووه المشرفين العظماء ؟؟؟ يعني كل شهر بدخل مرة ع الموقع و بطلع ممقوت ولووووه انا بالنسبة الي بعتقد انو اممي عندو حكي ولازم تسمعوا و كنت بتمنى لو اني متابع بالموقع لحتى اقدر شارك بطريقة اوضح بس للاسف هدا اكتر شي واضح معي بهاللحظة و انو ضلوا تذكروناااا |
معليش .. انا كنت مقرر ما فوت بالموضوع ..
بس خلينا نحكي بشكل منطقي شوي .. في نقطة ما رح نختلف عليها .. انو " اخوية باقية .. بقينا ام لم نبقى " هي اولا .. تانيا .. بالنسبة للشباب اللي راحو .. انا ماني زعلان لسبب واحد .. انو اخي هادا الانسان اخد قرارو .. وخلص مشي الحال .. طيب خلونا نحكي شوي بال 2006 .. كان في اعضاء .. بحياة عمرنا ما شفناهن .. فا وقت بيجي واحد بال 2008 من شلة ال 2006 وبيقول انو اخوية صارت مملة .. وصارو الاعضاء غير .. انا ك عضو مسجل بال 2008 او 2007 .. رح اتدايق اخي .. انو مثلا شو ما عاجبك شغلنا اخي ؟!! هلأ الزلمي بيكون عم يحكي على فترة عاش فيها مع رفقاتو .. على فترة كان يفوت يعرف الكل .. يفوت يسلّم على هاد .. يسب هاد ويقلو يا زلمي شو هالمقال اللي منزلو ما بتخاف يشحطوك .. يعني الشغلة بترجع للجو اللي عاشو فيه العالم .. هلأ انا بقعد بأخوية كتير .. دوبو ما عندي شي .. برجع بشوف المواضيع القديمة .. يا اخي في منا عليها القيمة .. وفي منا بحسّا تافهة .. مع انو بشوف المشاركات عليها بالكيلو .. وكل الشباب بوقتا شاركو .. يعني كانو مبسوطين .. بس انا بما اني ما بعرف حدا .. ما رح يهمّني الموضوع .. بالنسبة للاستخفاف بالاراء .. بعتقد ما في استخفاف بالاراء .. قد ما في ضغط كبير .. يعني يا جماعة المشرفين عليهن ضغط كبير .. عدد اعضاء هائل .. والبشع بالموضوع انو الجدد اكتر من القدما بكتير .. يعني لسا ما اخدو عالجو .. موضوع فلسفة بالخواطر والخربشات ... موضوع رسم بعالطاير .. يعني ما طبيعي .. وقت الواحد بيشوف هيك شي .. بيقول الله يعين المشرفين .. اخي بعدين تعا لقلك .. معقول انو انسان قاعد عم ينقل شي 25 موضوع بالنهار .. ويحذفلو شي 200 رد .. ما يخربط .. وكمان معقول انو عضو .. عم يتفتل من قسم لقسم .. وفي فوارق كتير كبير بالاقسام .. يعني مثلا يكون بالسقيفة عم يكتب رد على موضوع دورها دور .. بيجي بيروح عالمكتبة .. ما بيطلع من الجوّ .. وبيكمل بالمسخرة .. اخي حكيت كتير .. ويمكن ما وصلت ولا كلمة صح .. ويمكن ما حدا يقرا ردّي .. بس كنت حابب وصل فكرة .. بدون ما قول هدول الشغلات اللي تحت ..بشكل غبي وغليظ * ممكن سؤال : شو يعني اتخالفت ؟ شو نقصك ازا اتخالفت ؟ شو صار ازا انحزف ردّك ؟ لك حبيبنا الموضوع بيروح .. رح يرجع ينفتح مع شي عضو جديد .. انا ماني لا مع المشرفين ولا مع الاعضاء .. انا رح تم بأخوية .. خيو وازا ما عاجبني الكتابات تبعوت هلأ .. رح فوت كل نهار .. اقرا المواضيع القديمة .. هيك انا وسلام |
اقتباس:
مرحبتين ويحد سوري واهلا فيك اقتباس:
|
اعتبروه توضيح اخير:
في مشكل معين حابين تحكو فيها مع تحديد مشاكل معينة للنقاش اهلا وسهلا.. حابين تبقو عم تشخصنوا الحوار وتعتمدو الاهانات والتجرح والشخصنة وانا جاية على بالي كزا وانا بدي مدري شو.. فللاسف بدنا نسكر الموضوع مرة تانية |
ان ماعندن وقت ليجو يناقشو شي الكل عم يعتبرو مشكلة
وعفكر بقللكن اخرتي اليوم بالمعتقل (متل اي حدا بدو يحكي بضل نضام دكتاتوري قمعي) واخر هالموضوع التسكير ويمكن يحذفو الردود رد رد لانن بيخافو من الكلمة بس اذا تسكر موضوع او انحط حدا بالمعتقل فهاد مابيعني من قريب او من بعيد ان نترك هالموقع او ان نوقف نعترض وتكفو وتكفي الاخويه معكن :D |
اقتباس:
وهاد سبق كتبلك عنو فوق بنفس هالموضوع؟ |
اقتباس:
|
اقتباس:
عيني اذا بتريد اذا حافظ شعاريين بدك تسمعنا ياهون مانون لازمينا.. عندك شي منطقي بدك تحكيه اهلا وسهلا عندك شوية مصطلحات فضفاضة وشوية اهانات وتجريح واتهام عن جد صعب نتناقش كمان مرة في شي واضح حابب تحكي فيه ولا بس هيك؟؟ درس بالاخلاق والقيم والوطنية؟؟ |
ابو العبد واممي:
مشان رد صن شاين فيه اهانة واضحة واتهام لشخص بالمتاجرة بقضايا معينة وهاد يعتبر تخوين نظامي يعني.. |
ريمي حبيبة قلبي
لا تعتبري هالردود اهانة او تجريح عم يحكو اجتون الفرصة خليون يحكي عن الشي اللي حاسين فيه اقتباس:
وهييكي كمان انتي عم تجرحي بفؤاد :? |
هلأ من الضهر أبو نجبو وأممي عم يحكو عن موضوع حذف الردود وموضوع أبو طوني والسياسة المتبعة بأخوية ولهلأ لسا بنسأل شو السبب وبدكون نقاش, ما كلشي واضح ووضحو الشباب يعني ما أظن في شي ضل ينحكى من جهة الأعضاء بما إنو مافي أي تحرك من قبل الطاقم الإداري, يعني عفواً منك بس لو في إهتمام شوي بس كان بالقليلة شفنا حدا غيرك هون بهالموضوع والموضوع إلي قبلو, بس للأسف لا تنده مافي حدا.
وما أظن إنو ممكن يصير نقاش إذا طرفين النقاش مالون موجودين تصبحون على أخوية :D |
اقتباس:
الله وكيلك ماصار بريد صار فرع فلسطين |
اقتباس:
شو شايف الحل؟؟ اقتباس:
شو العمل اذا واحد بتقوليلو تعا نتناقش بيقلك سياسة تكميم افواه ومعتقلات ومدري شو.. طيب نتناقش يا عيني.. لاء بدي علمك الاخلاق والوطنية |
اقتباس:
|
وحياة عيونكم عالفاضي :larg:
بس إذا كان في أمل واحد بالمية يستجاب لمطالبنا فأنا بطالب بالاعتذار من أبو طوني عقيد حارة الحلبية وعودته إلينا لأني جد حرام ... بس صاير فينا متل باب الحارة أول شي راح أبو عصام وطالبو بعودته والمخرج أصر على إني وجوده متل عدمه وإني المسلسل رح ينجح بلاه بس الجزء التالت فقد نص جمهوره وبعدين أبو شهاب ومعتز ولازال المخرج مصر إني اللي بروح يروح الله معه مابنتقص شي بس الواقع وضح إني المسلسل بالممثلين مو بالمخرج وهون نفس الشي أخوية بأعضاءها القدام مو بمشرفينها وأديه ماكان الموضوع سخيف أحيانا تعليقاتهم كانت تعطيه الروح فإذا كان في حدا بهمه إني تبقى روح أخوية موجودة فلازم يرمي كل الاعتبارات وهالسخافات اللي مالها معنى مافي شي بينتقص من المشرفين لو حاولو يستوعبه الأعضاء شوي وإذا نحنا فعلا متل ماقال أحمد إني عمنتولدن فخليهن هنن كبار...ولا شو؟؟ |
| الساعة بإيدك هلق يا سيدي 11:25 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون