قطع حبل افكاري
بس فال بنرجع نكمل بكرا

:oاي و بعدين شو عمل صاحب المخدوع؟

:larg::larg::larg:

اي :pos::pos:
رحبو فيني لاني نظميت لمشاهدة القصة :pos:
قصدي لاني بقرى معكم القصة :pos:




























:larg:لساتني بستنى الترحيب :ss:

ولك وين البقية يا

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

:cry::cry:

شو عملت المظلومة بالليل لوحدها
 

عفوا اذا اتاخرت عليكم بس كنت مريض و ما قادر ارفع راسي و كمان الوضع بلبنان كان شوي مخربط المهم انا رجعت و رح نكمل مع المظلومة و من لما صاحب المخدوع شاف الصورة
لما صاحب المخدوع شاف الصورة قلنا انصدم و كان رح يغمى عليه لانه ما توقع انه الصورة يلي وصلت هي صورة اخته ميمي و الاكتر من هيك انها بالصورة هي و شب اول مرة بيشوفه و كان رح يطير عقله و صار يحسب ويضرب اخماس باسداس شو معنى هالشي يلي صار و مين هاي يلي باعته الصورة ولما مر وقت و فاق من الصدمه حاول يكتب للمظلومة بس كانت سكرت الايميل و كان المخدوع كمان مصدوم من صورة اخت صاحبه بس كان متاكد انه يلي معها بالصورة بيعرفه منيح و منيح كتير لانه يلي كان بالصورة مع اخت صاحبه هو اخو رفيقتها للمظلومة يلي علمتها الانترنت و من هون حس المخدوع انه يلي كانت عم تحكي معه هي المظلومة بحد ذاتها و صاحبه ما بيعرف مين مع اخته لانه بالاساس ما بيعرف رفيقة المظلومة و بالطرف التاني كانت المظلومة قاعدة عم تبتسم ابتسامة صفراء لانها كانت عارفة انه يلي تابع معها الحديث مش المخدوع انما هو صاحبه و اما كيف عرفت فهالسؤال هين لانه المخدوع خجول كتير و من طريقة كتابة و الحكي عرفت المظلومة انه صاحب المخدوع يلي عم يكتب و يحكي معها لانه هالطريقة بتعرف مين بيتبعها
اما ليش عملت هيك المظلومة و بعتت صورة اخت صاحب المخدوع مع صورة اخو رفيقتها فلسببين الاول حتى صاحب المخدوع يبتعد عن المخدوع لانه طالما هو قريب منه ما رح تقدر تتقرب هي منه لانه عم يرسم على انه يقربه من اخته و السبب التاني حتى تقطع امل المخدوع انه اخت صاحبه مش مناسبه اله و انها بتعرف شب تاني
و بهيك بتكون حققت اول خطوة بطريقها نحو الهدف يلي براسها
اما المخدوع فقرر انه ما يخبر صاحبه عن معرفته بالشب يلي بالصورة و بنفس الوقت صرف النظر عن البنت (اخت صاحبه) لانه هو ما بيرضى يعرف وحدة مرتبطة بشخص تاني و صاحب المخدوع كا مرتبك و ما عارف شو بده يحكي فبقي صامت و قام انسحب بهدوء من عند صاحبه و نزل الدرج ركب بسيارته و انطلق نحو بيت اهله و كانت عيونه محمرة و عم يطلع منها لهب نار و افكارره عم تاخده و تجيبه يعني كان رايح على البيت و الشر بين عينيه
يتبع غدا (ملاحظة الجزء القادم من القصة فيه امور ممكن تضايق البنات فا بتمنى ما حدا يتضايق )

اهلا و سهلا فيكي و بكل يلي اضم معنا و صدقوني القصة مش مقلب و القصة واقعية و بتحصل كتير بس ما بتنتشر لانها ممكن تسبب مشاكل و بيبقى فيها امور سرية اذا انعرفت ممكن تخلي حدا يستدل على اصحاب القصة الحقيقيين و انا تعهدت لصاحبت القصة انه انشرها بدون ما خلي حدا يحس انه اشخاصها موجودين و الصراحة انا ما حابب جزء القصة بس كل ما اجتمعت مع صاحبت القصة بنفس اليوم بكتبها فا تحملونا شوي و اعتبروها مسلسل و بتمنى كمان انه ما تنتشر القصة و تبقى حصرية للمنتدى و انا بوعدكم بعد ما تخلص القصة بجاوب على ايا سؤال بتحبوا تستفسروا عنه و اذا في ايا استفسار ضروري ممكن عن طريق الايميل جاوب عليه و بتمنى انه تعجبكم القصة و بتمنى من المشرفين انه يرجعوا القصة بالقسم يلي كانت فيه و ما تبقى بالسقيفة و درجة تانية لانها قصة بتعبر عن مشاكل شبابنا و بناتنا و اوضاعنا بشكل عام و لازم كتير ناس يستفيدوا و ياخدوا عبرة منها القصة ببدايتها و الاتي كتير مهم و صدقوني نهاية القصة رح تكون............. بكرة بتعرفوا

هي مظلومه .. بربي بتظلم بلد بحالها
يسلمو اوسكار العرب ... بالانتظار :D

انو وين الباقي:cry:

ييييي يلاااا......:frown:!!

انا اسف من الكل بس رح نوقف القصة مؤقتا بسبب اني موجود خارج البلاد

شو عملت المظلومة بالليل لوحدها
 

نتابع معكم القصة من لما صاحب المخدوع توجه بسيارته على بيته
و االشر بين عينيه و فجأة من دون ما ينتبه ظهر قدامه طفل صغير عم يقطع الشارع و دششششششششششش ضربوا بالسيارة و انحرفت السيارة فيه و دخلت بواجهة محل قريب و تدمرت الواجهة و السيارة و صاحبنا بقلب السيارة كان الدم مغطى وجهه و كان حادث اليم جدا
و بالمستشفى توفى الطفل و صاحب المخدوع اصيب بارتجاج بالدماغ و كانت حلته خطرة جدا و كان من المؤكد عند الاطباء المشرفين عليه انه اذا نجى من الحادث رح يبقى معاق لانه دماغه تضرر بشكل كبير بسبب دخول احدى قطع زجاج السيارة الامامي بعينه اليسرى و عنده نثر زجاجية حادة براسه بالاضافة الى ضلوع مكسورة بصدره
لما المخدوع سمع بهالحادثة الي صارت مع صاحبه المقرب اله جن جنونه و ركض مسرع على المستشفى ليشوف صاحبه او ما تبقى من الانسان الي حبه و لما وصل المستشفى منع من الدخول على صاحبه لانه بغرفة العناية المشددة بعد ما تمكن الاطباء من ترميم جسده المنهك بالحادث (صدقوني الخبر و الحالة نشرت بالجرائد باسماء مخفية)
اما المظلومة لما سمعت بالخبر صابتها حالة من الذهول و الصدمة على الشي يلي عملته و الذنب يلي اقترفته اياديها الاثمة و ما كان عقلها يقدر يستوعب انها تسببت بمقتل طفل و نهاية حياة شاب في مقتبل العمر كان مفعم بالحيوية و النشاط و هو معلق بين الموت و الحياة
اخت صاحب المخدوع يلي بالصورة لما سمعت بالخبر اغمى عليها و يا عيني على امه و ابوه شو صار فيهم و كان منظرهم بالمستشفى بيبكي الحجر من لوعتهم على ابنهم و اهل الطفل الي مات و امه (والدة الطفل كانت معه لما ترك ايدها و ركض باتجاه الشارع ليتفاجىء بسيارة صاحب المخدوع)و تخيلوا معي كيف شعور ام عم تشوف ابنها عم يتناثر اشلاء قدام عيونها و منظره و هو ملقى على بعد امتار من عيونها مضرج بالدماء و عظامه اخترقت جلده لتظهر (يارب نجينا)
وصلت الشرطة على المستشفى و بلشت تحقيقاتها بالقصة و اول ناس بلشو بالتحقيق معهم هم اهل صاحب المخدوع لانه ابنم الي تسبب بالحادث و كان من المفروض انه يعتقل بس بسبب وضعه الصحي و تقرير الاطباء تم الحجز عليه بالمستشفى و تعيين حارس من الشرطة عليه بيمنع اي احد من الدخول عليه حتى اهله و بيكتفوا بالاطباء و الممرضين المعاينيين اله(هالكلام من محضر الشرطة)لحين ثبات حالته الصحية
اهله اتصلوا بالمحامي و طلبوا حضوره على المستشفى فورا و بالجهة المقابلة اهل الطفل طلبوا حضور محاميهم كمان حتى تاخد الاجراءات القانونية مجراها و يوصل لكل ذي حق حقه
بس حصل ما لم يكن في الحسبان و المفاجأة الي روعت المستشفى و البلد كلها انه خال الطفل يلي مات وصل فجاة على المستشفى و حامل بأيده ..........يتبع

معلم اذا القصة حقيقية فهي عن جد حلوة و مشوقة و مؤسفة بنفس الوقت
و اسلوبك رائع يا معلم :D

بس اذا بتطلع شي مقلب
....





...




































اي كمان بتكون ملعوة و مزبوط كمان :lol::lol:

يا حبايبي مليون مرة قلنا انها حقيقية وواقعية و غيرنا فيها بس شوي الاسماء و بعض المناطق و بعدين من خلال المتابعة فيك تحس بواقعيتها و هي امور بتحصل دائما بس 90% بتكون قصص مخباية و السبب معروف لانها بتحرج اصحابها و بشكرك على الاطراء يا زعيم و ياريت هالاسلوب بالكتابة و السرد يعجب كل مين عم يتابع القصة معي و شكرا:deal:

اي و بعدين ؟
شو صارلا ؟
شو عملت ؟
عم بتجرب تكتب قصة هيئتك هات تعلم علينا جرب فينااا

اوسكار العرب رجع من السفر و قريبا رح منكمل القصة و ما بقى نقطعكم يا اخوتي

معلم دخيل ربك اكتبها كلها وخلص مشي الحال
صرلنا سنة احاسيسنا انهزت وانضربت على قلبها
يا ريت تكتبها كلها ويمشي الحال
تحياتي الحارة
ظل جيفارا