|
طولو بالكن ياجماعة انا شايف شوي تانية كل واحد رح يسحب شبريتو
انا بقول الي بريد يتفرج يتفرج والي ما بريد يصطفل ومن ناحيتي اول مرة بسمع بهلمسلسل بس شهيتوني احملو من النت واتفرج عليه :p بس حكي Dndoshy فيو وجهة نظر بس مو يعني انو ما تنحرج ولا تحس بشي اي ما حلوي بنوووووب |
اقتباس:
ماهالأفلام عم يحضروها الكل الكبار والزغار والمراهقين. بعدين المسلسلات السورية ماعم يفرجوا شي عم يفرجونا قبل وبعد بس. انا مابشوف اي مشكلة بهالشي |
اقتباس:
اقتباس:
اقتباس:
تانيا .. هلا ابني رح يطلع ازعر.. بعرفو :p.. اكيد رح يطلع مع صحابو و يشوف مجلات و افلام.. الخ و رح يكون من وراي هاد الحكي ولكن لما يكون في شي قدامي..كيف بدي قلك؟ يعني واحد بيجيب كل شي من برا.. الله اعلم شو بيشوف و شو بيفهم.. لما يكون بالبيت هالموضوع مطروح بطريقة او باخرى.. بيختلف الوضع بيصير الصبي مش بحاجة انو يبحبش ع هيك قصص.. الا من باب الفضول و الولدنة اقتباس:
لك لا عنجد عم احكي.. ليش لا؟ * و انا كمان بدي اعتزر ازا طلعت عن الموضوع :D |
اقتباس:
وبالسبة للي عميطالب بانو يصير الجنس يمارس بنص الشارع يااخي وقت بتشوف امك او اختك او بنت قاعدة بحضن شي واحد بنص الشارع ابقى ابتسملن الابتسامة هي الي قلت عليها متل هيك يعني :lol: |
اقتباس:
أبو العبد.. حليئ من خلئتي.. أحسن ما أعملك نيفا لك بشرفي حمَامات الجامع الإموي بيعرفوا بالحب والبوس أكتر منكن!! قال جنس قال!! |
اقتباس:
حزيلي عالقرون يخليلك ياهن ياحأ ويربو بعزك الاهي قلتلي حمامات مو يعني لهون بدك توصل انو نصير متل بقية الحيوانات ايه ايه مابينعتب عليك ايييه والله:lol: |
:)
خايف تصير متل الحيوانات!! تطمّن.. ما رح تصير بس تذكّر إنو "حيوانات الغرب" اللي بيعملوا "جنس" بالشوارع.. هني اللي اخترعوا التكنولوجيا والكومبيوتر اللي خلاّك تقدر تقلل زوق معي هون |
بالله جد عمتحكي يعني الواحد مابيتطور الا وقت يصير يبوس بنص الشارع
بعدين ماانا الي قللت زوق معك شوف حالك شو كاتب |
اقتباس:
تاني شي.. ما في تطوّر بدون حريّة.. وأول شي حرية الفرد الشخصية.. حتى تقدر تفكّر ومن ثم تتطوّر بدّك تكون حرّ.. والحرّية ما بتتجزّأ ثم.. ولو طلعنا عن الموضوع شوي الغرب المتطوّر.. متل ما اخترع العلم والتكنولوجيا بعد تجارب كتيرة.. اخترع منظومة اجتماعية بعد تجارب كتيرة تنيناتهن متطوّرين أكتر من اللي عندنا (وما فينا نقول غير هيك.. لإنو مالنا أحسن منهن بشي) ما بيصير ناخد الأولى.. ونترك التانية يعني.. فيني قلك مثلاً: طالما العالم عنا شايفين إنو السواك تبعنا أفضل من فرشاية الاسنان تبعهن.. واللصلصة من تحت لتحت عنا أحسن المجاهرة بالحب عندهن.. فـ لا سيدي.. رح نضل متل ما نحنا هلق ولبينما يتطوّر هالمجتمع اللي معاجبك على وضعو.. وينتج شي مفيد بهالدنية.. من هون لوقتها.. ما تجي تقلي إنو وضعنا هيك صح ومنيح ويا سلام حاجة هيك. |
اقتباس:
|
يا صديقي إن هذهِ المشاهد المُنتقاة بعناية فائقة هيَ جزء صغير مِنَ الواقع المُعاش فلماذا نخفيها وَ نخافُ منها وَ كأنها غولٌ سَيأكلنا إن ذكرنا اسمهُ على رؤوس ِ ألسنتنا الحمراء فلماذا نرفض الواقع وَ كأننا لا نعيشه ,. |
اقتباس:
عموما اخي انا بتفق معك انو نحنا ماعنا حرية بالوطن اعربي بشكل عام بس الي مابتفق معك فيه حرية البوس بالشارع هي سبب التطور وانا متاكد انو لو الغرب صار يسمح بالني* بالشوارع كمان كنت حضرتك طالبت بالسماح بهالشي بشوارعنا لانو هاد كمان سبب للتطور من وجهة نظرك وانا من وجهة نظري انو سبب تخلفنا هو انو مافي دعم للشباب (من الجنسين) شبابنا عندن طاقات وافكار ومشاريع بتخلينا بمقدمة الامم بس للاسف حكوماتنا بتحارب هالافكار والمشاريع بكل الطرق لحتى وصلنا لمرحة الياس والي مايئس ومصر على تحقيق مشروعو عميهاجر فما دخل البوس بنص الشارع فلا تقلي الحرية مابتتجزأ |
والله هالحكي مزبوط
بس المشكلة يا ريت هالشي يقتصر على هيك وبس الله يستر من الاكبر وعن الخوف والعزلة مش الوحيد ونشوف شو بدو يصير بعدين:D |
اقتباس:
|
اقتباس:
عفكرة ما بحب ولا عمري حبيت ولهلا ما بحب اتدخل بس نرفزتي بافكارك المشتتة عكلن خليك هيك شطور يخرب بيتك شو شطور نفسي شوفك ملتزم بالموضوع والحوار شي مرة :larg: |
انا رايي
بشوف طرح هاي الموضوع مو لتوعيه بقدر ما هو لنشر افكار غريبة عنه منافية لدينا واخلاقنا يعني مثلا الزواج العرفي نص البنات بالجامعه عرفوا من الاتلفزيون وجربوا وعرفوا كيف يتحايلو عالاهل من التلفزيون والافكار الي بتصلهم وعرفواكمان كيف يقدرو ينبسطو بدون اولاد وبدون حمل وبدوا يحسبو للعلاقة يعني لو بطلت عن البنت وهي حامل بدي اتخلص من الجنين بدون شورشرة وازا مو حامل بدي رجع عذريتها وكل هاد لقولو حل؟؟؟؟؟ شو القصص التافهة هاي؟؟ |
اقتباس:
اقتباس:
هاي القصص "التافهة" حياة اشخاص موجودين بيننا .. ما فيكي تنكري وجودهم |
اقتباس:
شي أكيد هالمسلسلات الي عم تنعرض مو جايبينها من خيال بس ليش كترة هالحكي والله القصة مو محرزة صغروها بتصغر كبروها بتكبر كل واحد يدير بالو ع اهلو وخلصنا والله لو قضية الجولان كان انحلت من زمان تحياتي للكل :D |
| الساعة بإيدك هلق يا سيدي 10:06 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون