|
اقتباس:
|
نصيحتي للبنات قبل ما ترتبطي عاطفيا حاولي تحددي شو بدك وشو قدرتك على التحمل المواجهة و الصبر و اهم شي قدرتك على إكتشاف الكدب و إلإدعاء
ان ما توفرو فيكي فنسي حلم بناء أسرة مع حدا بتحبيه و عيشي قد إمكانياتك أما إذا غامرتي كوني حذرة و مستعدة لكل شيء وكوني واضحة ولا تخبي ان شفتي منو تغير وتراجع وهو بيعرف إنك مستعة تساعديه وتستنيه و مع هيك إتغير لا تسآلي إمتى تخطبني خدي قرارك لحالك و هو الخسران اكيد لانك اكيد حطيتي ثقتك بغير محلها أغلبهم مو محل ثقة |
اقتباس:
عن الجواب الأول : لازم الشباب يردّو ع هالسؤال مو انتي ;) بس ازا هيك رأيك ف هي انتي قلتي هو حبها من النّظرة الأولى أو حب يجرّب يعني مو شرط يرتبط فهاد سبب أساسي ينتج عنه ما تتسائلين عن سببه ... يعني انو مجرد اعجاب من النّظرة الأولى غير كافي لأن يأتي ويطلب يدها ، و مجرّد حابب يجرّب معناتو هيي بهالحالة حطت حالها بمقام حقل تجارب ولازم تتحمّل العواقب ... عن الجواب التاني : عندا أمل الحب يغيروا ؟ :?:? يعني ممكن هو ازا عفتان وما معو مصاري مثلا أو ما معو تحصيل علمي كافي ليشتغل شغل يعيشو منيح فرضا الحب رح يعطيه مصاري ولا حظ ولا كيف ؟؟ :o ألا أزا هيي بدها تتجوز كيف ماكان وبأي تمن أو مسترخصة حالا أو مستقتلة أو أو ... او يمكن مكتفية مادّيا وحابة تحطو تحت جناحها و تصرف عليه طول العمر مقابل الحب و يمكن بعدين تتحكّم فيه أزا حب يتمرد أو يشوف حالو شوي :p ؟؟؟ شو رأيكون مثلا ؟ :D |
المصيبة لا يرحم ولا يخلي رحمة الله تنزل
لا هو يتزوجها ولا يعتقها لالا بدو تبقى حدوا هيك.. كاجويل:x |
اقتباس:
الجواب رقم 3 يؤدي الى انا رح اتجوز وحدة بتحبني بس انا ما بحبة ولهلسبب رح اطلع لبرة يعني بالمشرمحي رح اخون انتي بترضي بهالشي ؟؟؟ |
اقتباس:
لا اكيد ماحدا بيرضى بس في شي اسمه الحب بعد الجواز يعني بيجي مرات بعد الجواز بالاضافة للعشرة والمعاملة الحسنة يللي بتخلي الرجال يتعلئ بمرته ، طبعا هالحكي مو دايمن بيزبط |
اقتباس:
|
اقتباس:
وقت اللي جينا نطلب ايدك ما عجبك و جرحتي قلبنا المرهف الأحساس:cry: شو بدك اعمل يعني زواج النحب متل ايام التدمريين اي حاجة بقى بتلاعبو ميت رجال عا ايديكون انتو و نايمين لسا نحنا المظلومين و نحن الما بعرف شو:frown: |
الموضوع ملطوش
من الصالون |
دورت بالصالون وما لقيتها
ياريت اذا مافيا سئلة تقيليلي شو عنوانه لهلموضوع يللي موجود بالصالون |
اقتباس:
مزبوط الحب بعد الزواج وهاد افضل واطهر حب والو لذتو الخاصة لانو بالحلال... |
اقتباس:
اما كلمة من الصالون معناها انو انتقل من الصالون لقسم الملطوشات.. يعني قادماً من الصالون لانه ملطوش |
اقتباس:
اي والله يا سلام عليكي لك انت ما في متلك عا لوا كل الزوجات ديمقراطيين متلك و بيخلو زواجن يحبو بعد الزواج:lol::sosweet::sosweet: :yahoo: |
اقتباس:
سبحان الله اذا بقللك او هالموضوع بالزات من المواضيع النادرة يللي انا بكتبها من دون ما انقلها من مكان او حتى اخد فكرتا من حدا بتسدئيني؟ |
اقتباس:
|
اقتباس:
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - وهون انتي على مايبدو منزلتيه بمنتدى تاني بهالمثال: - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - فصار اسمو بعرف اخوية ملطوش بحال انتي يلي ناقلتيه على المنتدى التاني فالافضل ماعد تعملي هيك وتركزي مواضيعك بمنتدى واحد مشان ماتصير كلها ملطوشات |
ايه والله مزبوط بس انا بأكد اني كاتبته وبلهجتي كمان اذا بان معك هالحكي
يسلمو لالك بس هنن لاطشينو مني |
اقتباس:
و ممكن تنتهي بازمة قلبية وانتي بعدك بالتلاتينات من عمرك وهي حالة مرت علي من يومين بس مو تفكري اني مصلح اجتماعي وعمتجيني حالات بس قصدي اني بعرف هيك ناس اقتباس:
موضوع الحلاال انا بعتبرو بيتقيد بالجنس فقط لاغير اما الحب فهو بيتعلق بالقيود الاجتماعية يعني هاي الشغلة يلي ممكن تقيدو مو اكتر اقتباس:
يلي رح يصير كلتالي انا بروح اسهر عند ام سوسو :larg: ورح تفضى قنينة الغاز بالبيت ويجي جارنا لحتى يركبها:jakoush:لقنينة الغاز |
| الساعة بإيدك هلق يا سيدي 03:20 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون