|
اقتباس:
يعني لا تعيب على الناس يكون ايمانهم ايضا بالتسلسل .... يعني بالبداية يتاثر بالاهل و بعدين يبني ايمانه عن طريق القراءة و يتأثر بالكتب المقدسة و كتابات الاباء و بالاخير تجربته الشخصية هي التي تصقل ايمان المؤمن يعني نفس التسلسل .......... و هذا يعني الايمان ليس بالفطرة! اقتباس:
صدق يا سيدي انت اكيد تقصد جماعة معينة من الملحدين ...... اما انت قصدك الملحدين ياخذو اخلاق مثالية و مطلقة فهذا مستحيل فكرة الالحاد عندما ظهر كحركة او تيار كانت سوء فهم الحرية و التخلص من القوانين الدينية و استبدالها بقوانين مدنية لتنظيم الحياة في المجتمع لا الفرد........ بينما المؤمن الحقيقي يسعى للاخلاق من سبب ديني و روحي لا مدني و عدم مخالفة القوانين المدنية و الهدف الديني هو تحسين حياة الفرد من الاساس ليعيش بحياة القداسة -اتكلم كمسيحي - يعني لخلاص نفسه و من ثم اصلاح المجتمع بعد اصلاح الفرد اولا و بالنتيجة النهائية الالحاد الحالي يدعو بالاساس لخدمة المجتمع نقطة اخرى ان فشل الانظمة الشيوعية كان بسبب ان الانسان يجب ان يضع اجوبة لاسئلة كثيرة و اذا لم يجد الاجوبة يتعب و يبقى في القلق و لا يستطيع التفكير فالانسان بعد ان يقتنع بوجود الله يرتاح من الاسئلة التي اتعبت الجميع بضمنهم الملحدين الذين تعبوا من التفكير بهذه الامور و لم يجدوا الاجوبة ! فظهرت حركة جديدة تدعو لنفس المبادئ لكن مع فرق واحد ايمان بوجود الله لكن من دون اي قيود سلام |
ابو مرسيل إنت كبيرنا ..
امير الاردن أنا ما عندي مشكلة أبدا ,, بس إنت ما تنقر على حدا .. |
قريت الرد سوريويو وراجع ارد على كلامك
بس شوي تانيه مع جزيل احترامي لرايك |
اقتباس:
اقتباس:
يعني انا متاكد انو كل المحلدين بيسعوا لهل موضوع وكمان نحنا مو مختلفين اقتباس:
بس انا الحادي من نوع اخر و بعتقد انو الملحدين الي بالاخوية من الحادون من نفس النوع الي هو الالحاد المترافق بالوطنية العالية يعني حب الوطن وتجاوز كل النقاشات والاديان والهرطقات و البدع بس ليحقق رسالتو البشرية الي هيه حب الوطن والاخلاص الو اما بالنسبى\ة للشيوعية ليش فشلت فهذا موضوع سياسي بحت يعني الشيوعية القديمة تغيرت عن الشيوعية على ايامنا هي قبل كانت الشيوعية بنظري بتحمل فكر صحيح و عقيدة صحيحة اما اليوم فقالفكر صحيح ولعقيدة خطأ |
طولوا بالكون لسه ما وصلت الفكرة يعني كلامي فيو نقص بس تحكلوا لبكرة لان ماني قدران اكتب هلق يعني مستعجل كتير
|
اقتباس:
انت يا اخي قررت انو كل شيوعي أصيل هو ملحد.. وقرارك هاذ أجا من فكرة انو che guefara كان ملحد.. واللي تعلم تاريخ جيفارا.. "وأنا للصدفه هاي السنه تعلمت تاريخ جيفارا كشخص من جميع النواحي" بعرف انو هو ما طلب غير الفصل بين الأمور الحياتيه والاجتماعيه والقياديه من جهة.. والدين من جهة ثانيه.. والسبب انو الكنيسه كانت تحكم الشعب.. إلخ.. إلخ أي انو فكرة الإلحاد اللي لبسوه اياها كانت افكار خاطئه تناقلوها عبر الأجيال.. يمكن يكون انسان علماني.. اي انو بحبش يمشي عالدين.. بس مش هاذ هو الالحاد بحد ذاتو.. الالحاد هو الإيمان بعدم وجود الله ! بعطيك أكبر مثال.. بديش أقول انا.. لانو بعدني صغره شوي ومش متدينه.. بس أبوي اللي هو انسان عمليا "متدين".. يعني ماشي "عالصراط المستقيم" زي ما بقولوا.. وهو من أكبر الشيوعيين الموجودين بالبلد.. يعني بس حبيت أوضحلك النقطه.. لانو مفهومها خاطئ.. وشكرا الك:D |
أنا حابه علق شغله وحده..
من حياتي انا.. مش من شي قصه بعيده عني.. انو الموضوع كموضوع انو الالحاد هو قناعه ولا موضه..! في انسان قريب عائله.. اللي هو دايم الله ملحد لأقصى الدرجات حتى لدرجة انو يستهزأ بالانسان المؤمن.. وطول ما هو بصحتو وعافيتو.. كفر والحاد.. واستهزاء بالمؤمنين.. ولما طب وصحتو صارت مش شد ايدك.. صار يقول :" يا الله.. ويا رب.." انا من هون عنجد فهمت انو في ناس كثير زي "الموضه" هي الالحاد.. فاحنا منمشي عالموضه ! يعني وقت ما الصحه كانت حديد كانت افكارك "لا وجود لله" ولما انفقدت الصحه "يا رب.."؟؟؟؟؟؟؟؟؟؟ !! ما بزبط عمو ! ممكن اتفهم الانسان الملحد اللي بسال مليون سؤال وبصل لطريق "لا وجود لله" مع انو انا ضد الفكره.. لانو كثير بني آدمين فقهاء.. ممكن تتوجهلهن وتلاقي جواب على كل سؤال.. بس انا اللي بغبظني انسان للي بمشي بطريق الالحاد عشان "يا ناس انا ملحد وشوفوني.." وبرايي ما فيها شطاره ! |
اقتباس:
وانا كتبت هالحكي لانو لو قارية انت قصة السيوعية وما عم انتقص منك بهل حكي او مطلعة عل فكر الماركسي بصورة دقيقة رح تعرفي انو كل شيوعهي ملحد اصلي وهذا هو معتقد الشيوعية الاساسي متل ما تعرفي لانو كل فكر بيتكون من فكر و معتقد وهذا هو معتقد الشيوعية العالمية اما بالنسبة للشيوعية العربية الي موجودة ببلادنا فقد التزمو بالفكر وغيروا المعتقد يعني اغلب الشيوعيين العرب بيامنوا بوجود الله واحد (مشان ابوكي يعني) فاتخذ الشيوعية كفكر لانو بيناسبو ولم يتخذ العقيدة لانها ما بتناسبوا و للعلم ان غيفاراكان ملحد وليس علماني اما غير هيك فيعني كل واحد عم يفصل على كيفو |
اقتباس:
بعدين كل واحد فينا موجه ميه سؤال لفقهاء ورجال دين و بطبيعتون بيلاقو اجابة عل اسئلة يعني ما بيكسروا بخاطرنا بس هل كانت الاجوبة مقنعة ومبنية على اساس ولا لاء اما بالنسبة لموضوع انو الواحد يالحد من منطلق خالف تعرف فهذا الي ما بدنا يا يصير وهو بالاساس مشان هالقصة اساسا انكتب الموضوع |
اقتباس:
انا جاوبت ابو مرسيل صاحب الموضوع اللي قال .......... كل شيوعي اصيل هو ملحد و ليس كل ملحد شيوعي! انا ضد هذه الفكرة و اذا قرأت ردودي ....... رح تلاحظين توضيح انه ممكن يكون الواحد شيوعي اصيل بس بنفس الوقت مو ملحد بالنسبة للبطل كيفارا كان بطل قومي ناضل ضد النفوذ الامريكي لا ضد نفوذ الكنيسة لان الحكومة الكوبية السابقة كانت ليبرالية و لموالين الها حاليا يعيشون في فلوريدا في اميركا جي كيفارا ناضل من اجل المبادئ الاشتراكية و ما اتصور كان اصلا ملحد ! بس الوقت و الظروف و حلفائه خذلوه مع الاسف سلام |
اقتباس:
اتفاقنا على بعض الشغلات حلو الدين يدعو الى حب الله و المجتمع و اكيد الوطن و الالحاد اللي تتكلم عنه يدعو الى حب الوطن. بس المهم حب الوطن يكون فوق الانتماءات القومية و الحزبية حب الوطن الخالص لازم يكون فوق المصالح الحزبية ............ اما الشيوعية و سقوطها و حلتها مو مكانه سلام :D |
يعني بس مشان الملايكة فهموني شلون بيكون الشيوعي الاصلي مو ماحد ما كنت افهم هالحكي انا الرجاء الاثبات و بأدلة
اتفقنا انو حب الوطن بيكون فوق كل الانتماءات بس ما بظن حدا ذكر المصالح الحزبية ارجو عدم التجريح والمحاورة بمنطقية يعني هذا شبه ابتزاز بس رح اتجاوزا الموضوع هالمرة |
اقتباس:
لانو لو كل انسان فكر مثل هالتفكير هاذ "مع احترامي لكل انسان وطريقة تفكيرو".. راح نحقق المراد تحقيقو.. مهما كانت الاهداف وللأسف انو جميع الفئات المسيطره على "العالم " اذا صح القول.. بتتبع سياسة التفريق إما عن طريق الأديان.. وإما عن طريق الأحزاب.. وإما.. وإما.. إلخ.. مثال على هاذ الاشي.. انا انسانه عايشه بفلسطين المحتله "عرب 48" واكبر سياسة فصل بستخدموها ضدنا.. "مسلم-مسيحي-درزي.." وبزيدو على هيك.. "ابن مدينه-ابن قرية-بدوي..." اما نرجع لموضوعنا عنجد بهنيك عهاي الجمله.. كل الاحترام |
اقتباس:
و انا ما بقدر قيد التأثر بفكره ,, سلام:D |
يا اموونا مع كامل احترامي وتقديري الك بس انا ما بعتقد انو في واحد من الي شاركو بهذا الموضوع ما عندو حب الوطن فوق كل شي وحتى السياسيين الي عمبيمارسوا سياسة التفريق عنكون بفلسطين وحتى عنا بالعراق
هذول كانوا مناضلين مثلنا متلون بس الي غيرون هي الكراسي وهذا موضوع تاني مستقل تماما عن موضوعنا يعني ممكن اذا في يوم استلمتي انت شي منصب او انا او غيرنا من المفكرين الصغار اذا صح التعبير يغيرنا لانو هذا حسب تعبيري الشخصي ( داء الكرسي) |
بدي أرجع نوه لـ شغلة .. مافي شي أسمو أعتناق الألحاد .. في شخص رفض أعتناق أي من الديانات .. رفض فكرة الوجود الطائفي و الديني و الجماعات الدينية , شخص راد أنو يتبرا من كل الطوائف .. فـ سمي ملحدا ..
أما من جهة أنو كل شيوعي أصيل هوي ملحد .. فـ برجع قول أنو الشيوعة بـ الأصل مانها ضد الله |
انا مو معك يا عاشق من سوريا و ما عاد ارجع علق لان تعبت بس بدي اكد اهمية الاطلاع على الفكر الماركسي قبل ما تجوا تكتبوا هون
|
اقتباس:
ممكن الواحد ضد النظام الرأسمالي و بعدين يعتنق الفكر الاشتراكي الشيوعي يعني الغاء الملكية الخاصة مثلا بس بنفس الوقت هو مو الا يكون ملحد يعني هلق كل شيوعي لازم يحب ستالين مثلا؟ لو كل واحد يحب كيفارا لازم يكون ملحد............. ما الها علاقة بالمرة نقطة ثانية الاحزاب في العالم العربي هي مو بس مبادئ هي عشائريات و لخاطر ابن عمي و لخاطر صديقي ! بعض الناس في الاربعينيات حبوا الشيوعيةو انتموا للحزب مو لانها تدعو للالحاد بس حبوها لانها روجت لفكر التساوي بين افراد الشعب ككل بين الغني و الفقير بين كل القوميات داخل الشعب الواحد بس ما نجحت الفكرة على العموم ما بدنا نقاش سياسي هون اما عن الاستفزاز.......... انت ليش شعرت بالاستفزاز اصلا ؟ فهمنا الله يرضى عنك سلام |
| الساعة بإيدك هلق يا سيدي 03:22 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
