بدن يكونو متسايرين :pos:

ناطرين حلك ابو الهن .. او ابو سهيل او حدن من الشبيحة لحط الحل اللي عندي :D

لك مو عم قلك انو اذا خطين متوازيين قطعو خطين متوازيين, فالخطوط المتوازية دايما متساوية.

حلو حلو .. هلا تمام انا اتزكرت تمام


هلا حيك ماتيا وحكيي صح وحكيك صح

هلا نحنا فينا نبرهن انو متوازي اضلاع .. بحالتين

اللي هية .. انك تبرهن انو فيو ضلعين متقابلين متسايرين ..


او انك تبرهن انو اضلاعو ال 4 متوازية يعني 2 ب 2

هلا التساير فيك تاثبت بس انو ضلعين مو 4 وهي الفرق ..

حكيك صح جادو كمان:D

:shock::shock::shock::shock::shock:

شو عم بصير هون عم تئدمو رسالة دكتورا بالفلسفة :p

سلمولي على فيثاغورس بطريقكون :larg:

بيوصل ..

مشكورة عمرورك:D

خيو انا باخر يومين روحت نسبيا كتير وقت على هاي المسألة وما طلع معي شي, مشان هيك فينك تقول فقدت الامل
انا من جهتي بترك الحل للبقية
وحل هادي والله ما فهمت منو شي, كل ما تمر شغلة ما افهمة قول بركي بتوضح بعد شوي .. وهيك لاخرة الشي طلع مع هادي انو F هي منتصف ED وانا طلعت ماني فهمان شي:shock:

عكل عما استنا حلولكون

حلو.. بقي هيك ابو الهن ناطرين شو حيحكي .. ومنشوف ..

عفكرة المسالة اللي بعدا ما لح تكون هندسية كرمال التنويع اول شي وكرمال ما يكون في تمييز بين الشبيحة ..

انو .. واحد حافظ واحد نسيان او شي .. وعكلن حتكون مانا هينة ان شا الله


* بينت معي طريقة هادي اول وحدة .. :D

اي هيك مقبولة :lol:

على سيرة الرياضيات كان عندي امتحان

وبنجحححححححححححح :o

يلا هلأ بنفكر بـ مسألة يمان :pos:

:lol:معناها ححط الحل .. شنو ما حيطلع بايدك شي ..


:p


يلا ناطرينك متوش :D

شو يا ابو
عم تشكك فيي يا زلمي؟

والله ما عم فكر فيها هههههههههه

يعني بيكفيني تفكير رياضيات لليوم..ما عم فكر فيها
والمرة الماضية كمان ما فكرت فيها...:lol:

له له له
هيك خيبتي املنا فيكي
نحنا كنا معلقين كل امالنا عليكي باعتبارك بنت شاطرة واليوم عملتي الفحص .. يعني اساتك متزكرة القوانين والنظريات
:pos:



* حكي معلم كهربجي مانو صح
اول الشي هوي قصدو بالفراغية .. يعني ثلاثية الابعاد
ومع هيك بيضل المماس عمودي على نصف القطر وعطول كمان

بعقتد بس تقلو لجاد انو المماس يعني tngent بيقتنع .. خيو عمك جاد معد يفهم عربي ثئافتو صارت عانكليشية

اول شي عادي نطروا لتجيني همة فكر بالمسألة...:larg:
تاني شي: عمي البكالوريا اليوم كانت مو بـ الهندسة.. الهندسة الشهر اللي بعد بعد الجاي :pos:

وتالت شي حرام كلكن جايين ضد جاد... ولاو :pos:

رابع شي.. شو اخونا مانك ناوي تجيب الحل..شاطر تعتمد عليي؟:p

اول الشي اذا وعدتينا انو اذا اجتك الهمة بتحلية .. فانا بوعدك انو ننطرك

تاني الشي شو فحص هالرياضيات تبع البكلوريا الي مافيو هندسة:?, لا يكونو بيعلموكون فصل جبر تحليلة وفصل هندسة ومدري شو اسا بقيان؟:shock:

تالت شي جاد حوصمي قوي .. لو وقفنا كلنا ضدو ما بيطلعلنا معو شي:gem:.. وخاصة بعد ما هلق عما ينمي مواهبو الحمصية .. ورح يرجعلنا معو اختصاص حمصنة من امريكا:p

رابع الشي اذا كنت انا المقصود باخوكون ... والله بدي اعتزر منكون لانو انا استسلمت لهاي المسالة .. وعاساس حطيتي امالي بانك انتي تحليلي اياها وتشرحيلي شلون .. بس شكلك كنتي عما تخدعينا ورح تبقينا كل عمرنا عايشين بظلام الجهل :cry:

له يا ابو
عم تشكك فيني؟:pos:

خلص وحياتك عطيتها لخيي يحلها :lol:

اسم الله عليه اخد اعلى مستوى رياضيات وجاب بالبكالوريا 100 من 100 ..ويني جنبو؟:cry:

بعدين خلص انا لما يحلها خيي بشرحلك ياها :larg:
لانو لو عليي ما رح تجيني همة بفترة الامتحانات

وبالنسبة للفحص... المواد مقسمة... هندسة فراغية وسينوس كوسينوس
بعديها بيجي هندسة تحليلية وهالشلة:pos:

هلأأ مو ضروري بكل رباعي كل زاويتين متتاليتين متكاملتين او مجموعهن 180 درجة

بس بمتوازي الاضلاع اجبارية هالشغلة انو كل زاويتين متجاورتين متكاملتين هاي ما عليها حكي بنوب
بس عكس هالنظرية صح يعني بالرباعي اذا كان كل زاويتين متجاورتين متكاملتين فهل هوي بالضرورة متوازي اضلاع ؟

تاكدولنا من هالشغلة دخيل عينكن :D

اي تصور انو هالشي صحيح...

كل زاويتين متجاورتين بمتوازي الاضلاع متكاملتين

طبيعي تكون هيك... ما هادا اخونا في قاطع ومستقيمين والخ...

يلا جاوبتك.. هات لنشوف شو طلع معك

من عندي كمان اي
:D

اوك وانا معك ... وفينا نحط مثال الشبه منحرف .. ما بيطبق فيو هاد الحكي ..

لا.. وانا ضدكم .. ماتيا ولا ابو سهيل .. لانو حالات برهان متوازي الاضلاع هية على الشكل التالي ..

1. إذا كان فيه كل ضلعين متقابلين متوازيين .
2. إذا تطابق وتوازى فيه ضلعان متقابلان .
3. إذا نصف كل من قطريه القطر الآخر .
4. إذا تطابق فيه كل ضلعين متقابلين .
5. إذا كانت كل زاويتين فيه متقابلتين متطابقين .

وغير هيك لا .. :D

لا وحيات عينك صحي

انت سادء ولا القوانين

عمي اثبتناها انو صحي :pos:

هاني سماع مني صحي...شو بدك يمان نسيان المادة

فينك تنفيلي هاي الجملة
"بالرباعي اذا كان كل زاويتين متجاورتين متكاملتين فهل هوي بالضرورة متوازي اضلاع"
خرج ترسملنا رسمة بتنفي هالشي؟
باعتبار ما عندك صعوبة بالرسم
:D

ما بعرف بجوز بس انا اللي بعرفون كتبتن .. بس شوفي هالمثال ..

بتعرفي الاختراع اللي بالسوق بسموه شبه المنحرف ..

هلا لو فيو زاويتين .. قائمتين .. بطرف .. والطرف التاني زاوية حادة وزاوية منفرجة ..

اوك المنفرجة والحادة متكاملتين .. والقائمتين متكاملتين . بس القائمة والحادة ما نون متكاملتين . والمنفرجة والقائمة مانون ..

لزلك !! ؟

ماني متاكد ..

هدي عليي شوي ..


:D

اي ما بسدء انها غلط لو جبتلي مخترع النظرية

شوف عمي يمان:

في بـ قوانين المستقيمات المتوازية هيك:

" اذا كان معطى مستقيمان متوازيان يقطعهما مستقيم ثالث فـ ان :

أ- الزوايا المتناظرة متساوية
ب- الزوايا المتبادلة متساوية
جـ- مجموع كل زاويتين في نفس الجهة من القاطع = 180ْ

وبـ متوازي الاضلاع مفهوم انو الضلعين المتقابلين متوازين وبيقطعهما مستقيم ثالث اللي هو الضلع العمودي لمتوازي الاضلاع يعني هو القاطع وبالتالي مجموع الزاويتين المتجاورتين من نفس الجهة من القاطع = 180ْ

ونو واي تقنعني غير هيك

عرفت عمي؟قال عم يناقشني رياضيات قال:frown:

لا اجلّك غشيمة عنو :frown:

هلأ شوف شو قلتلك عن المتوازي وتركلي المنحرف :p

اوك حلو الحكي .. بس الحكي عن متوازي اضلاع .. يعني عن ضلعين متوازيين ..

نحنا هون بدنا ناثبت اول شي انو متوازي اضلاع .. يعني ..

بالاحرى لح اسال سؤال تاني .. لو هاني بدو يستفيد منها كيف لح يستفيد .

بدو ياثبت انو كل الزوايا متكاملة مع بعضا صح .. حلو يعني فلنفرض الزوايا ترتيبهم من الزاوية اليمينية فوق لليسارية فوق .. لليسارية تحت لليمينية تحت حلو
1-2-3-4

طيب بالشكل اللي قدامنا .. لو عنا نحنا المستقيمين .. الفوق والتحت متوازيين حلو كتير هي بسيطة ..

هلا اجا المتقيم اليساري وقطعو .. كمان ممتاز بهي الحالة بكون 2-3 متكاملات وانا معك

هلا بنجي للمستقيم اليميني اللي قطع اللي فوق وتحت

بهي الحالة لح يكون 4-1 متكاملات .. وكمان حلو ..

بس لاكمال انو بدو يصير متوازي اضلاع .. لازم ياثبت هلا انو

1-2 متكاملات .. + 3-4 متكاملات ..

ازا ما فهمت \\ي\\ برسملكم الرسمة هلا .. :D

طيب بغير صيغة السؤال مشان حضرتك

في الرباعي اذا تكاملت كل زاويتين متجاورتين فهل هوي متوازي اضلاع ؟

يعني كل زاوية بتكمل اللي بتجاورها
مشان ما تقلي في زاويتين اي وزاويتين لاء

لالالا مو شرط كل زاويتين متكاملتين في الرباعي يكونوا لمتوازي اضلاع

اذا هيك سؤالك اكيد لاء

بس فكرت قصدك انو في حال اثبتت انه متوازي اضلاع وقتها قلتلك بيكون اكيد كل زاويتين متجاورتين متكاملتين

اي يمان نص فهمتك :lol:عقدتني:lol:

وبعد التفكير والتمحيص تبين انو فكرة اثبات الرباعي متوازي اضلاع فكرة معقدة وصعب اثباتها (هوي مو صعب بس بدو شوية رسومات وخطوط تانية ورح تتعقد الرسمة بزيادة وبتعقد الرسمة رح تتعقد العالم ) لهيك قررنا التغاضي عنها

نزل الحل يمان وحطلنا المسالة اللي بعدها

روح شايفلك :D

بلا ها الهندسة خليونا في المسائل الجبرية احسن

لالالاالالا لا ترد على هاني وتنزل الحل يمان

في غيرك بيحلها عمي هاني :pos:

طبعا اي 100 %
ولقلك ليش .. بهي الحالة انت عم طبق .. الحالة الـ

5. إذا كانت كل زاويتين فيه متقابلتين متطابقين .

لانو ابو شريك .. وقت عم تقول انت انو كل زاويتين متجاورتين .. متكاملتين .. يعني عم تحكي انو كل زاويتين متقابلتين متساويتين .. وهي هيك بتصير صح 100 %

مبلا مبلا .. حكيو صح :gem:

بما انو هاني فهم عليي بلا ما تعزبيني بالرسمة هلا .. :pos:

بشرفي انكن ما فهمانين حالكن :pos:

هاني ما لح نزل الحل كمل حلك .. حلك صح ان طلع بايدك هيك .. ما ترد عماتيا متل ما عم قلك ..

بما انك عم تاثبت انو .. كل زاويتين .. متجاورتين .. متكاملتين .. معناها عم تاثبت بهي الطريقة انو كل زاويتين مقابلتين متساويتين .. يعني حكيك صح شريك :D

صعب حلها بهالطريقة هلأ رجعت فكرت فيها
لانو صرلي فترة عم حاول اثبات انو الضلعين البقاية متوازيين (اي انو كل زاويتين متجاورتين متكاملتين ) وما عم يطلع معي بدها شوية خطوط تانية وتسحب الرباعي عجنب وهالقصص هاي فمو كفو

هلأ هو سأل اذا كل زاويتين متجاورتين متكاملتين بيكون متوازي مو هيك؟؟؟

ولا ما عم نفهم ع لهجتكن يعني :frown:

اوكيز .. خلص لكن ..

10 دقايق وبنزل الحل .. عراسي :D

لك لاااااااااااااااااااااااا اااااااااااااا

حرام عليك خلي اللي عم يحل يخلص

مبلا .. عم تفهمي .. وصح .. بس كل الزوايا المتجاورة بدا تكون متكاملة ..


طيب حاليا ما حدن حكا انو لسا عم يحل انتي عم تحلي شي؟

صوتي صار مبحوح من كتر ما حكيت انو عطيتها لخيي يحلها بما انه توسع رياضيات...:frown:

وهو لما يحل بشي ما بيحب حدا يحط الحل..كرمال تعبو ولاو :pos:

لعما ومو شايف حكيي سيد يمان :frown: