|
اقتباس:
أخوية ما تفرض الاراء على أي أحد ... و لا تتوقع اخوية تشرع اي فكر ... لكنها تقبل كل الأفكار نحن مو بمنتديات اخرى اللي تكتب في أول صفحة ... منهجنا هو منهج ........... و اللي يكتب اي شي بتعارض مع فكرنا ... يطلع برا و اللي يقرب بين منهجنا و المناهج الباطلة يطلع برا هذا هو الفرق بين أخوية و بين بعض المنتديات |
ما عمقلك .. مشكلتك ومشكلة كتير عالم .. بتفكيرها السفسطائي
انو هي شغلة خطف جمل من الردود .. عادة مو حلوة .. كخ عمي كخ اقتباس:
اقتباس:
بظن الهدف واحد مو ؟؟؟ |
اقتباس:
ثانيا : اخوية ما بتشرع الكفر بس في نفس الوقت بتفتح باب الانتساب للاعضاء "الكافرين" حسب وجهة نظرك انت وغيرك بدي اسئلك هل سوريا بتشرع الكفر ؟؟ هل سوريا بتمنع الجنسية عن المواطن "الكافر" وهل بتمنعه من حقه في التواجد بالمجتمع ؟؟ مامن العقل انو اي جهة تطالب بفصل اي عضو بدعوى انه "كافر" لا من دولة ولا من منتدى ولا من اي جهة "اللهم الا اماكن التعبد الديني" هذا هو المكان الوحيد من وجهة نظري |
ردا على الموضوع الرئيسي :
الاصل هو حجب الاخوية في الامارات (هذا هو الامر الطبيعي )وهذا ما بيشكل مشكلة من وجهة نظري الشخصية على الاخوية عدد الاعضاء المتواجدين بالامارات قليل جدا جدا جدا وعلى حد علمي كلهم سوريين ، المجتمع الاماراتي عندو امور أخرى اكثر اهمية من الاخوية " سياسية او اجتماعية او او او ...." دعارة و سكر وما الى اخره وبلاوي تانية كتير . وطبعا واضح انه لاتوجد اية تعارض سياسي بين المنتدى وبين الامارات الا اذا كان احد لديه معلومة ويخفيها عنا !!! |
اقتباس:
مابعرف يمكن أنا روكبت . كمان مافهمتك ياريت تشرحلي . |
اقتباس:
حبيب بأخوية قسم حوار الأديان أغلق وقسم حوار الروح أغلق وقسم اللاهوت المسيحي أغلق . لأنو ممنوع الحكي بالدين طيب موضوع متل من هو الله . هاد مو نقاش ديني ؟ الغريب مثلا بدون ماحط موضوع كفر فيه مثلا الملحدين . أتهم اني تكفيري ولما الملحد بيحط موضوع بيهين أو بينتقد شي عند المتدينين مابينقال عنو تكفيري |
اقتباس:
تفجيري شو بتتوقع مني لك أنت العضو يلي حط روابط مسلسل ضيعة ضايعة لأنو من نواحيك هاجمتو |
اقتباس:
طيب لما العضو بيسجل بتطلعلو قائمة القوانين على ما أعتقد بيقراها وبيسجل بعدين . وهية موجودة بأخوية وحتى المخالفات مثلا لما بتجي لعضو . بتجي على مخالفة قانون أرتكبو فسؤالي أي واحد من التنين هو يلي هو من ضمن قانون أخوية |
اقتباس:
اقتباس:
حبيب ... فيك تقيملي سفسطائيتك عجنب وتروح عموضوع من هو الله وتركزلي بجملة ... هاد الموضوع يا ريت يكون الحوار فيه بعيد عن اي دين ؟ اقتباس:
وشي طبيعي يدافع .. لانو لما يجي مسلسل ويهزأ بضيعتي .. من حيث المبادئ والعادات .. واللهجة .. اجباري بدي انتقدو ... |
اقتباس:
بس لابقى تعيدا .... لأنو قريباً في مخالفات جديدة بخصوص الكذب ..... تبقى انتبه شفت كيف ... حقدك عامي قلبك .. لك أنا هالموضوع يللي عم تحكي عنو كلو على بعضو ماني فايتلو قبل الله يشفيك يا ابني ... |
اقتباس:
الموضوع كان من احلى المواضيع الى ان اتى احد التكفيريين الجدد وللاسف للاسف نجح في إغلاق الموضوع!!! |
اقتباس:
أخوية ما تملك راي معين تفرضه على الاعضاء ... أخوية تعطي الحرية للجميع ..... و لا تسمح باهانة المعتقدات بس ركز لي على كلمة اهانة ... بقا اذا الواحد يعتبر مجرد التفكير بالدين هو اهانة ... هي مشكلته الشخصية ... |
اقتباس:
ثانيا : حوار الروح مفتوح وتقدر تروح تتأكد بنفسك !! ثالثا : موضوع مثل من هو الله اذا بتقصد موضوع الزميل فيفا سيريا (فهو أحد اضعف الموضوعات التي تم طرحها بهذا الشأن من وجهة نظري) كما ان لدي كثير من التحفظات على المشاركة فيه ولذلك لم اشارك فيه ، بالاول او بالاخر هو موضوع ما بيمثل توجه لفكر الاخوية ولو كل موضوع رح يمثل فكر الاخوية يبقى الاخوية الها مئات التوجهات المختلفة والمتضادة !!!!! يا اخي عندك احد بديلين في حال اهان الملحد عقيدتك او اي عقيدة اخرى وانت ما عاجبك هالوضع ، خيار المشاركة العاطلة وهذا حقك على الادارة ضمن قوانين المنتدى واذا ما بدك تستخدم خيار المشاركة العاطلة لا تلوم عالادارة !!! ، وتقدر تنتقل للبديل التاني بصفة شخصية ابعتلي المشاركة عالخاص . بس ما قلتلي هل موضوع من هو الله بيشرع للكفر من وجهة نظرك ؟؟ يبدو اني لازم اقرأ الموضوع بردوده الطويلة والعديدة !!. |
اقتباس:
معك حق أنا كذاب بكل الأحوال مو بأخر موضوع عن ضبعة ضايعة . بموضوع أنذكر فيه وبتنكر أنو مرة بموضوع ذكرت أنا مقطع فيه من مسرحية سيادة العميد ( على ما أعتقد أسمها ) هاجمتها للمسرحية لأنها بتتناول اللهجة |
اقتباس:
|
اقتباس:
أكيد مو مجرد التفكير يلي بدي قولو أخر شي . لأنو حسيت من منحى النقاش وكأنو عمدافع عن الحجب أنا ضد حجب أخوية كل القصة أنا أفترضت سببهم من وجهة نظرهم وبالنقاش يلي صار . أكيد أنا مع أحترام كل المعتقدات وهاد يلي بدي وصلو بنقاشي بتمون ملحد بتكون مسيحي بتكون مسلم أنت حر . بس أحترم معتقدي ولاتتهمني بتكفيري وتفجيري وغيرها من الأسطوانة |
اقتباس:
أكيد يلي بيقول كذاب وبيسب بيقول أكتر ومشان هيك أنت نكرت القصة التانية غريب نقاشك شو منطقي |
في طلب شخصي :
ياريت لا تحولو الموضوع لنقاش عن الطائفية ومين طائفي ومين مش طائفي وهالحكي مش لشخص محدد وانما لكل شخص بينطبق عليه وصفي (لانو واضح انو في رواسب قديمة متبادلة) هلاء الموضوع عن حجب الاخوية بالامارات واسباب الحجب كفاية طائفية |
| الساعة بإيدك هلق يا سيدي 16:06 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون