أولا : أنا بشعر بالهوا .. و لذلك بتنفس .. بس بطل أشعر .. رح طب ساكت و ريح البعض مني.


تانيا : شرحو بالعكس ..

كاسك و نص

خيّو رأيك و أنت حرّ فيه...

كاسك :سوريا:

كاسكن انتو الاثنان

بما أنو نحنا ( قاعدة الألحاد ) ما منحب الروتين
1- ممنوع تسميتنا شلة أو حزب ( و بـ الأخص حزب ) .. من قلة الشلل و الأحزاب اللي ماألها طعمة ..
2-ممنوع أشتراك الحريم و النسوان .. أما العضو النسائي فـ مرحب فيه وكتير كمان ..
3- ما عن لا رئيس ولا نائب و لا أمين سر ولا عضو نصير ولا عضو عامل .. ولا شلة الحبايب و لا الأنا .. كلو متساوي بـ الكفر .. كل واحد رئيس على حالو ونائب على حالو ..
4- أما بشان الأهداف .. نـحنا حتى اللحظة كا عنــا ولا هدف ..

بكلوريا ؟؟ والله شكلك عامل دكتوراة ...

عن جد شباب .. خلص ..
نزلو موضوع عن الحلف تبعكون .. بغير محل .. و رجعونا للموضوع الاساسي

ليش هاد ؟؟؟؟؟؟

انشر فكرك واعرضو من غير تجريح
انا عضو في حزب وشله .وحاسس انك اهانت كل الاحزاب والشلل .
وهاد شيء غير مقبول .من ملحد محترم
لو انا غلطان وفهمتك غلط وضحلي وشكرا :سوريا:

يا شباب رح نزّل موضوع بالسقيفة عن الشلّة... بس ما حدا يقول لحدا

أنا متفق معك بجزء من كلامك ...
بس إنت إذا متابع لهالبرنامج من زمان ، كنت أكيد عرفت ليش قامت الدنيا عليه...
لأنو البرنامج تعمد إهانة نصرالله من خلال:
- المنظر غير اللائق أبداً .
- المسخرة على أهداف الحزب بإنو عم يهرب لقدام و بدو يتمشكل بأي شي و يخترع حيالله ذريعة حتى لو دكانة ومزرعة وتنور ومدري شو ...
- إنو الحزب متملق و مغرور لما قال إنو بدو يسقط الأقمار الصناعية ، وهي إشارة لآخر حديث لنصرالله و اللي قال فيه (إنو لما بيقول لسكان شمال إسرائيل بدنا نقصف ، بيقوم يهود القدس بينزلوا عالملاجىء) ، و بالبرنامج ... لما شفيقة سألتو كيف بدك تسقط الأقمار قلا : "هني بس يشوفوا طيارة التجسس تبعنا لحالن بيخافوا و بيهربوا !!! "

طيب... عم تقلي البرنامج قلد كتير شخصيات وهاد صح ...
بس المهم كيف قلدها ؟؟
يعني لما شفيقة بتلتقي مع بيير شمعون بيطالعوه كأنو " إله " و يقتصر التقليد على المنظر بوقت بتكون الحلقة نفخ وتبجيل وتأليه لهالشخص اللي هني من أتباعه !!!

حبيبي داني ...
إذا كنا منكره النظام فهاد ما بيعني إنو لازم ندافع عن هالحثالة إذا تهجمت على حليف لهالنظام;-)
و إشارتك لإنو المتظاهرين أساؤوا للمقاومة ... هاي غلطة تانية إلك "بعد إذنك:سوريا: "
لأنو بالعكس ... لما طلع نصرالله و خفف من الإحتقان وكمان مسؤولين الحزب اللي نزلوا عالشوارع يضبوا الجماهير ... كبر بعيون الناس أكتر وما قدر البرنامج و الحثالة الساقطة اللي بيمثلها إنو ينتقصوا من مكانة هالرجل .

إنت زلمة ثورجي"اسمحلي بالتعبير" بس مشكلتك إنت و رفقاتك "المعارضين" إنكن كرهتوا النظام لدرجة خلتكن تحبوا أعداءه وتكرهوا حلفاءه و هاد كتير كتير خطير ، ما بيصير نقول إنو "عدو عدوي صديقي"
و بتمنى من كل الشباب "المعارضين" يشوفوا التجارب الديمقراطية الغربية السليمة "السليمة هه، مشان ما ينطلي شي إخونجي تافه يقلي أبوغريب و غوانتانامو و بطيخ ..."
شوفوا وتعلموا ، مو عيب أبداً ...
و اسمحلي ذكرك بحادثة صارت مو من زمان:
لما تمكن زعيم اليمين المتطرف بفرنسا "جان ماري لوبين" إنو يوصل للدورة التانية من الإنتخابات ليواجه شيراك لأنو الأخير ماقدر ياخد ال50% المطلوبة لحسم الإنتخابات من الدورة الأولى في حين سقط منافس شيراك المفترض ورئيس الحكومة بوقتا" نسيت اسمه يمكن جان بيير رافاران " اللي صار إنو توحد اليمين مع اليسار لمواجهة اليمين المتطرف المنبوذ من قبل الناس الديمقراطيين طبعاًَ على اختلاف توجهاتهم ، وحتى شيراك نفسه دق ناقوس الخطر و طلب من كل الأفرقاء يواجهوا هالحالة الطارئة على فرنسا قبل أي خلاف حزبي داخلي ، مع إنو الزلمة كان لازم يكون طاير من الفرح لأنو ضمن الفوز بالرئاسة على إعتبار إنو خصمه ما رح يجيب أكتر من ال 19 % اللي أخدن بالدورة الأولى !!!
وهاد اللي صار طبعاً...
آسف لأني طولت بالرد .

http://www.akhawia.net/showthread.php?p=325048#post325048

للشباب الملحدين...


وباسم الكلّ منعتذر منك فادي..

ولاية الفقيه هي بحد ذاتها قضية ..

خلونا ناخد الأمور ببساطة .. شو يعني بيزيد الرسول عن حسن نصرالله ولا المسيح عن البابا ؟؟

اذا زاد ولا نقص ,’ فينا نقنع حدا بشي ؟؟ أكيد لاء ..

معناتو خلونا ننسى شو بيفكر هل البني ادم بالبابا و لا بحسن نصر الله و نشوفو شو عامل لوطنو و جيرانو و أهلو.

له له له يا معلـــم ..لـقلك شغلي ..
نحنا اوسخ من في الكون و أندل بني البشر .
يعني أين في واحد ملحد كافر زنديق مبندق بيجي على ( القاعدة ) عنــا ..
طيب معقول تشبه قاعدتنا بـ حزب الأشتراكي أو حزب البعث أو أو أو .. أستغفر ربك يا شيخ ..
ما بعرف مين وكيلك بتخوزقنا بعدين

عنجد عنجد ...
يلعن رب السبام
كتبت الرد أوف لاين لما كان الموضوع بالصفحة الخامسة ، لقيت ردي بالصفحة العاشرة
يعني /5/ صفحات عالفاضي :jakoush:

له له .. أعتذرلك الزلمة طيب .. خلص خيو .. أمسحا بدقني

هلق ما اختلفنا على التفاصيل بيضل الموضوع عبارة عن برنامج تلفزيوني عم يقول رايه

كمان هون يعني هني بجوز حابوا البعض بس تمسخروا أو عملوا تعليقات فكاهية على كثير ناس و سياسيين اوكي

الملخص يعني البرنامج ما عمل اللي عملوا حصريا مع حسن نصرالله

هون حطنا الجمال هلق أنتي و بكل أخوية لازم تسمع مزبوط شو رح أحكي و ما تفهمني غلط
أنا شخصيا ما بكره النظام ، يعني النظام هو تركيبة سياسية بقيّم عمله و بنتقد و بقول راي فيه أما الحب و الكره فهي عواطف بتبادلها مع صاحبتي أو رفقاتي ، ممكن حب بلدي و أعشقها بس بس نظام الحكم ما في عواطف ممكن يكون في غضب من الأخطاء بس ما بيهمني أبني أي نوع من العواطف او المشاعر تجاه أي من أشخاصه..
ثانيا أنا ما بفكر بهي الطريقة أبدا و بعرف تماما أنو السياسة برغماتية يعني أنا ما بيعجبني نظام الحكم بأيران أبدا خاصة و أنو نظام حكم ديني و لكن أنا ماني ضد التحالف بين إيران و سوريا لأنه بالنهاية هي قضية مهمة أقليميا و بمواجهة الأميركان بس المهم أنها تنلعب مزبوط، يعني أنا ضد تصرفات الحكومة الإيرانية و حتى السورية في التعاطي مع قضايا الرأي و الحريات بس كمان كل شي لحال ..

تماما تصرفه كان حكيم بس تصرف العالم و انا حددت بقيام بأعمال شغب هو عبارة عن إساءة لفكر المقاومة يعني أنا أكثر نقطة أعجبتني بحزب الله هو بعد تحرير الجنوب ما قاموا بأعمال انتقامية و تطهير سياسي فليش لحتى برنامج تلفزيوني ساخر يخليهم يعملوا تخريب ببلدهم؟؟ (عم أحكي عن الناس اللي طلعب على الشارع)

مع أني جاوبتك عليها فوق بحب ضيف: و بدون زعل أنتي عم تعبر عن طريقة استيعابك للأمور بعني كلمة رفقاتك و "معارضين" أنا بعبر عن نفسي و ما بحكي باسم تنظيم بس ما في داعي لتصنيف الناس بخانات يعني يا أما معنا يا علينا.. برجع بقلك قرا تعليقي الأول أنا ما وقفت بصف نصرالله و لا بصف شربل خليل

بما أنك عم تطلب نشوف و نتعلم ليش أنتي كمان ما بتشوف و بتتعلم يعني التجارب السليمة اللي حكيت عنها (بما أنو مو الكل سليمة طبعا) ما فيها كبير و لا حتى الجمل و ما بيقصروا بالبابا و زعماء اليمين و اليسار بس ما حدا بيكبرها ، هي مشكلة شرقية نحنا عنا دائما شخصيات مقدسة أو شبه مقدسة و فهمنا للأمور ما زال بطريقة مثالية غير واقعية يعني نحنا منعتبر الأشخاص الرموز أشخاص إلهية منزهة لا يجب المساس بها و منفهم الواقع بطريقة مسطحة إما سالب أو موجب أبيض أو أسود يعني فهم غير واقعي لذلك نتعنت بالدفاع عن رموزنا و تشتعل حروب الداحس و الغبراء لاعتبارات غير ملموسة و غير جوهرية

الملخص يعني بشكرك على إطلاق صفة "ثورجي" عليي مع أنو بعرف أنو أنا ماني ثورجي و هادا شرف ما فيني ناله لأنو أنا شوي براغماتي و علماني مادي ..

بس بدي قلك شغلة إذا في شغلة أو فكرة باعتبرها هم شخصي و هدف مهم ألي على المستوى الوطني فهو الدفاع عن التعددية إن كانت سياسية اجتماعية ثقافية إثنية دينية او أي شكل من أشكال التعددية يعني هادا موضوع مختلف عن الموضوع الحالي ما بتمنى يحرق النقاش بس من باب الملاحظة يعني
هي طلع موضوع تعبير هيهيهيهي
سلامات

انا معكن بس خبروني شو لازم اعمل

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

ناطرينك