|
اقتباس:
المناقشة بالأخير هي الزبدة.. وما في داعي للمعادلات تبع الإكس يعني.. لا بأس.. مضطر أعطيكي علامة منيحة :pos: |
اقتباس:
حطيتن كلن و فردتن عالطاوله!!:gem: |
اقتباس:
بس ميرسي يعني A++++:o |
اقتباس:
|
اقتباس:
صحيح ناجحة.. بس عليي الطرباق ولا بلص بيطلعلك!! |
:jakoush:.....!
|
اقتباس:
يعني ازا حطينا قطعة دومينو ع رقعة هالشطرنج فـ هية دايماً رح تغطي مربع ابيض ومربع اسود ولما نفرد قطع هالدومينو عاللوحة .. لازم يكون عدد هالمربعات البيض = عدد المربعات السود لحتى تتغطى كلها لزالك ما رح تزبط |
اقتباس:
مختصر.. مفيد |
بس رياضيا بتضل احلا:sly:
|
تعوا ت قلكن..
بما إنو يمان ع السمع.. خلينا نحط وحدة ";محرزة" قال هاد يا إخواتي كان ياما كان.. بقديم الزمان.. كان في ملك.. ومتل العادة.. هالملك.. عندو بنت وحيدة وبتاخد العقل.. ومتل العادة.. مرض هالملك بآخر حياتو.. وصار بدو يلاقي عريس للأميرة.. مشان يتطمّن عليها وع المملكة من بعدو ومتل العادة.. هالملك كان عندو تلات وزرا.. طمعانين بإيد الصبية وبإيد المملكة ومتل العادة.. هاد الملك.. حكيم (متل كل ملوك العرب يعني!) فـ قرر يعمل اختبار ت يشوف مين الأذكى.. ومين بيستاهل يكون صهرو ويركب الـ.. مملكة من بعدو :) بعدكن ع السمع؟ يالله بلّش الجد.. جاب الوزرا التلاتة.. وعصّبلهن عيونه.. ووقفهن على رؤوس مثلث متساوي الأضلاع.. مقابيل بعض يعني وحط هالملك نقطة من الحبر على جبين كل واحد منهن هلق هالنقطة الحبر.. ممكن تكون حمرا.. وممكن تكون زرقا.. فقط شال الملك العصبة عن عيون وزراءو.. وسأل الأول: شايف نقطة زرقة؟ قلو: إي سأل التاني: شايف نقطة زرقة؟ قلو: إي سأل التالت: شايف نقطة زرقة؟ قلو: إي ممممممممممممممم هلق هيك.. صارت معلومات الحزورة كاملة مكمّلة.. بيفوز بإيد الأميرة اللي بيعرف لون النقطة اللي ع جبينو.. قبل غيرو (قبل غيرو.. هه) فـ السؤال: كيف ومين رح يقدر يحزر لون النقطة ع جبينو.. ت يورت الحكم؟ |
ملحوظة مهمة:
الملك مو بس حكيم.. لأ وعادل كمان (يعني عطى فرص نجاح للوزرا التلاتا قد بعض) |
أي يوب زكرتني بوحدة بزمانا .. تبع 3 زلم بوقفو ورا بعض .. ومدري شو كانت طاقية مدري شو ..
ما علينا تعا لنشوط لقلك .. هلا مفروض يكون في نقطة حمرا ولا ممكن يكونو كلن زرق ؟؟ |
اقتباس:
بس لأ.. ما في شرط إنو يكون في نقطة حمرة.. ممكن كلهن زرق.. وممكن في نقطة حمرة لازم نناقش كل الاحتمالات |
اي بس القصة .. انو .. هي الاحتمالات .. نناقشها كالحيتن منفصلين وقلك حل كل وحدة انو .. بكون متاكد انو في نقطة حمرا .. ومرة كلن زرق .. او
ما حدا بيكون متاكد من شي .. وبدك تحل عهالاساس .. لانو عالحالة الاولى .. بيكون الجواب جدا .. سهل وأفي شي .. بقا .. بتوقع عالحالة التانية انو ما فيني حط كل حالة لوحدا وبلش حل عهالاساس .. بس وجب التاكد يعني |
ما بعرف حاسه انو اول واحد رح يعرف طالما الكل لما حكو قالو اي شفنا ازرق..
هلأ ما بعرف ازا كل واحد اتطلع عالتاني,,او في حدا اطلع عليه تنين يعني انشاف مرتين!!:shock: ما كتير باخد برأي الاحتمالات لأنو بلأخر الجواب حيكون احتمال!:? |
هلأ في حل انو الوزرا يكون بيناتن حدا يكزب..انو صاحب النقطه الحمرا شو حيعرفو ازا عنجد عجبينه احمر او ازرق طالما الوزير التالت ما حكا!!!!!!
هيدا احتمال مني:? |
اقتباس:
بدو يكزب ادام الملك .. اي بيحط عصاية المساحة بشو اسمو .. بدك ياه يزوجو بنتو .. شبنا ما عاساس العرب ما بيكزبو :p |
اي يوب .. انا حاليا عندي هش ونش .. :p
وبقيان ابو الساعة للفطور فيادوب قوم بلش اشتغل يعني .. بفرنكين .. فـ انو ان شا الله هيكي أحدا بيحلا .. حتى نرجع .. او بعوضكم الله بروح عليكم حلنا الرهيب .. صوري .. بس الهش والنش اهم حاليا:p سلاموش .. |
اقتباس:
لكان ليش الملك وقفهن ع رؤوس مثلث متساوي الرجلين والإيدين؟ مشان يطلعوا على بعض طبعاً.. والجواب مو احتمال يا ماري.. الله يرضالي عليكي.. الجواب نهائي نهائي رح يكون.. وصاحبو رح يكون واثق منو مية بالمية.. ورح يفوز بإيد المملكة وعرش الأميرة |
اقتباس:
معك إجازة ساعية لما بعد الفطور (بس ما تفتحلي باب المسنسلات هه! ما بقى بترجع) ولا تخاف حدا يحلّها بغيبتك.. طالما ستنا ماري بيل عم تفكر بإنو الوزير بيكزب.. وهادا حكاااااااا.. وهادا ما حكاااااااا.. فـ يعني طمّن بالك.. ما رح يروح عليك شي كتير :p |
هلأ سؤال صغير..
انو ازا الوزرا بيقدرو يشوفو بعض و كل واحد قادر يعرف شو اللون لعجبين رفيقه!!! معناتا هني التلاته نفس اللون؟!!(شو)؟ صح؟؟:? |
اقتباس:
هلق إذا بدك للمزبوط.. هني التلاتة نفس اللون (أزرق).. نعم بس مو للسبب اللي قلتيه! بل لإنو.. لو كان في نقطة حمرا.. معناتا صاحب البقعة الحمرا ما عندو فرصة يعرف.. بينما الأزرقين رح يعرفوا دغري (فيكي تحزري ليش؟.. مناقشة هالنقطة.. جزء من الحل طبعاً) إذن.. السبب هو "عدل الملك".. اللي عطى الكل نفس الفرصة بالنجاح هلق المطلوب بالزبط.. هو مناقشة الاحتمالات.. وكيف الواحد بيقدر يحزر ويفوز |
اقتباس:
معقول يكون المطلوب هو سرعة البديهه؟! مناقش ليه لأ! |
اقتباس:
هلق.. خلينا نناقش: بناء على إجابات الكل (الكل قالوا إنهن شافوا نقطة زرقا).. فـ إذا أخدنا واحد منهن.. فـ رح يكون في احتمالين فقط للشي اللي شافو: الاحتمال الأول: إنو شاف نقطة زرقا ونقطة حمرا: وهون رح يستنتج دغري إنو لونو أزرق مو أحمر.. ليش؟ لإنو لو كان هو أحمر.. وشاف واحد أحمر.. معناتا التالت الأزرق ما كان رح يقول إنو شاف نقطة زرقة بس هاد الاحتمال قلنا إنو ما بيصير.. ليش؟ لإنو الأزرقين رح يعرفوا إنهن أزرقين (متل ما شرحنا).. بينما الأحمر ما رح يكون عندو فرصة يعرف (وهيك ما بيكون الملك عادل) إذن.. هاد الاحتمال ما بيصير الاحتمال التاني: إنو شاف نقطتين زرق: هون ما بيكون قادر يعرف.. لإنو ممكن يكون أحمر.. وممكن يكون أزرق.. (بيقدر يعرف بحالة وحدة.. لو كان في شرط إنو يكون واحد من التلاتة أحمر.. (هون كان جوابي ع سؤال يمان.. إنو ما في هيك شرط) طيب شو بيقدر يعمل؟ وكيف رح يعرف؟ هاي رح إتركلك ياها.. حللي وناقشي :) |
مرحبا ..
خلصت هش ونش ..:p سوري جدا جزيلا بس قلبت متل الشو اسمو مبارح .. وما صحلي ارجع فوت .. هلا منفكر فيا .. لبين ما يأدن .. عالشايط سؤال .. هل ترى نقطة زرقاء .. ما بيمنع انو يكون شايف نقطتين سوا صحيح ؟:o |
طيب .. لح بلش خبصلي بفرنكين انا .. تعو ناخد حل معين ما .. بلش الامير بأول واحد وقلو .. هل ترى نقطة زرقاء ؟ قلو نعم .. بكون بهي الحالة عنا الحالات التالية : الحالة الاولى : 2 و3 أزرق الحالة التانية : 2 أزرق و3 أحمر الحالة التالتة : 2 أحمر و3 أزرق الملك سأل الشب التاني .. هل ترى نقطة زرقاء .. قام قلو اي .. الحالة الأولى * 1 و3 أزرق الحالة التانية * 1 أزرق و3 أحمر الحالة التالتة * 1 أحمر و3 أزرق راح الملك وسال التالت هل ترى نقطة زرقاء قلو اي .. الحالة الأولى ** 1 و2 أزرق الحالة التانية ** 1 أزرق و2 أحمر الحالة التالتة ** 1 أحمر و2 أزرق حلو هالحكي صار عنا .. الحالات اللي مرت معنا فوق .. هلا .. بما انو كل واحد فيهم .. شاف نقطة زرقا .. فالشي الأكيد اللي لح يكون عنا هوة انو في نقطتين زرق على الأقل .. ونقطة حمرا او التلاتة زرق .. تعو نرجع للاحتمالات فوق .. لنشوف شو بينطبق عليها .. مع كل وحدة وواحد لحالو .. تعو نرجع للشخص الأول .. بالاحتمال الاول .. انو شاف التنين اللي قدامو .. زرق .. حلو .. انسال الشب اللي بعدو .. وقال انو اي شايف نقطة زرقا .. فـ كيف لح يفكر الاول .. انو يا اما هوة احمر .. يا اما هوة ازرق .. وهيك بكون مستحيل انو يعرف الاول بهاد الاحتمال .. روحو عالاحتمال التاني .. انو 2 لح يكون أزرق و 3 لح يكون أحمر .. هلا هون .. بما انو 3 حيكون أحمر .. فالأول حيشوف انو 2 أزرق .. والتاني حيشوف انو 1 أزرق .. واول ما يقول التالت انو اي انا شايف نقطة زرقا .. الاول والتاني لح يعرفو فورا انو نقطتهم زرقا .. هاد ولا هاد .. لانو بيعرفو ساعتا انو بما انو الكل شاف نقطة زرقا وفي نقطة حمرا موجودة .. على 3 انو نقطتينهم هنن التنين زرق .. فـ هيك ما لح يكون عادل الحاكم .. وحيكون عطا فرص ل 1 و2 اكتر من 3 .. فـ تسؤ أبيزبط .. اللي بعدو الاحتمال التالت .. نفس التاني بس بالشقلوب . لو كان 2 أحمر .. و3 أزرق .. الاول حيشوف انو 3 أزرق و2 أحمر .. هلا بيجي التاني بيقول انو شاف نقطة زرقا .. التالت اول ما لح يفتح عيونو ويقول انو شاف نقطة زرقا .. الاول والتالت بهي الحالة لح يعرفو انو .. في نقطتين زرق متل ما حكينا سابقا .. وال2 يا حرام متل الخمسة بالطمسة .. مالو علاقة وما عرف وهون أفي عدل كمان .. هلا تعو نروح لعند التاني .. واحتمالاتو كمانة .. الاحتمال الاول * انو .. الاول .. قال انو في نقطة زرقة .. فتح عينو التاني وشاف انو 1 و3 زرق .. حلو .. هلا وقت .. رجع فتح عينو التالت وقال انو في نقطة زرقا .. بهي الحالة .. مستحيل كان يبين معو .. شو نقطتو .. لانو بجوز تكون حمرا وبجوز تكون زرقا .. وهون ما استفدنا بفرنك .. الاحتمال التاني .. * انو يكون الأول .. أحمر والتالت ازرق .. هلا اول واحد لح يشوف نقطة زرقا .. التاني .. لح يشوف نقطة زرقا .. وبما انو التالت .. لح يشوف نقطة زرقا كمان .. فـ لازم يكون .. في نقطتين زرق .. متل ما حكينا .. لزلك اول واحد ما لح يستفيد بفرنك .. يعني بما انو احمر .. ما لح يعرف بس التالت اول ما يقول .. انو شاف نقطة زرقا .. لازم يكون عرف هوة ورقم 2 انو .. هنن التنين زرق .. أكيد .. ف كمان هون ما في عدل .. الاحتمال التالت * انو يكون الأول أزرق والتالت أحمر .. أول واحد حيقول شاف نقطة زرقا .. التاني حيفتح .. يشوف كمان نقطة زرقا .. اول ما يفتح التالت ويشوف .. نقطة زرقا .. ويقول .. لح يعرفو .. 2 و 1 انو هنن زرق . و3 لح ياكلا لانو ما عرف شو الطبخة .. انو هوة احمر .. وكمان هون ما في عدل .. لو بدنا نجي لاخر بني ادم .. الحالة الاولى ** انو 1 و2 زرق .. الاول لح يفتح ويشوف نقطة زرقا .. التاني نفس الشي لح يحكي .. التالت وقت لح يفتح .. ويقول انو .. اي شايف وحدة زرقا .. لح يعرف انو لازم يكون في نقطتين زرق .. ورجعنا لنفس الحالة بس ما لح يعرف حالو .. ان كان احمر او ازرق .. وبهي الحالة .. ما لح يقدر يقرر .. الاحتمالين البقيانين .. بيشبهو .. الاحتمالات اللي فوق بحيث اللي لونو احمر .. لح يكون مظلوم فيها .. وما لح يكون في عدل .. لذلك حسب بعد هاللعي كلو هاد .. استنتجت انو ال 3 لازم يكونو زرق .. بحيث صاحب النقطة الحمرا ما ياكل شو اسمو براسو .. ويطلع برانية .. لانو متل ما شفنا وين ما كان احمر .. عم ياكلها .. هلا بالنسبة بقا لمين .. يكون عندو سرعة هالبديهة .. .. اللي بدو يجاوب . .. الشي الأكيد اول شي عنا انو .. اللي بدو يجاوب ما لح يقدر يجاوب لحتى يجاوب الشخص التالت .. لانو ما لح يعرف انو في تنين زرق عنا لبعد ام يجاوب التالت .. هلا مين لح يعرف .. ما بعرف انو مالي متاكد 100 % .. بس بتوقع انو لح يكون التالت .. لح قلكم ليش .. لانو لو كان احمر ... هوة التالت كانو التاني والاول فورا .. عرفو وحكو دغري .. وبهي الحالة كمان ما لح يكون الملك عادل ..بس بما انو لح يحكي هوة .. ويقول انو اي شايف نقطة زرقا .. فـ حيكون متاكد انو هوة مالو نقطة حمرا .. متل ما حكينا فحيكون متاكد انو هوة نقطا زرقا .. وبهيك بكون التعن طرقي أدن المغرب ولسا ما فطرت .. يلا بشوطكن .. واعفونا ان كنا حولان وما عرفنا نحل شي .. سلاموووش .. هاد الرد كتبتو قبل الادان .. بس تحيون الموقع .. قاااايم اندفس شنو نعسان ميت نعس .. نراكم .. |
اقتباس:
كل هاظ اللقش ما بتاخد عليه علامات لسببين: أول هام: كررت احتمالات بلا داعي.. خلص بيّن إنو لما في نقطة حمرا.. صاحبها رح ينقرط.. فـ إن كان الأول أو التاني أو التالت أحمر.. رح ينقرط.. ما كان في داعي تكررهن تاني هام: بالرد تبعي - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - (آخر رد لإلي بالموضوع) شرحت هالنقطة.. إنو ليش أكيد التلاتة زرق.. وما في نقطة حمراباقي ما تبقى.. هلق منشوفو (خوش زاغ نظري وأنا عم تبّع معك لهون!!) |
اقتباس:
هون في شي مفيد.. بس القصة مو موقفة ع التالت.. القصة موقفة ع سرعة البديهة هلق اتفقنا إنو التلاتة بالحقيقة زرق.. وأكيد ما حدا رح يجاوب قبل ما الكل يقول شو شايف! همممممممممممممم إذن.. كل واحد منهن شايف نقطتين زرق.. فـ كل واحد منهن رح يقول بداية بينو وبين حالو "ما فيني حدد شو لون نقطتي" هلق الذكي سريع البديهة منهن شو بيعمل؟ بينطر شوي.. بيلاقي إنو ما حدا من التنين البقايا صاح أزرق.. فـ شو بيستنتج؟ إنو مانو أحمر.. لإنو لو كان أحمر.. كان حدا منهن صاح (خوش هو بيعرف إنو التنين اللي مقابيلو وزرا.. يعني وحرابيق وأذكيا.. مو كدش مطهّمة) فـ متل ما قلنا.. بينطر تكـّـة.. تكّتين.. طالما تأخر الجواب من خصومو.. فـ رح يعرف دغري إنو مالو أحمر.. فـ شو بيعمل؟ بيصيح ع ملات حسّو "أزرق" مشان هيك يا إخواتي.. شددت.. وأكدت.. وأصرّيت بإلحاح على كلمة "يعرف قبل غيرو".. فـ القصة واقفة ع سرعة البديهة أكتر شي |
اقتباس:
طوّل بالك ت إتذكرها منيح.. وزبطها ع الورقة.. إذا زبطت معي.. بشلفكن ياها |
هلق هاي تبع القبعات.. تقريباً حلها ذكرناه فوق بمسألة النقط الزرقا
هي أهون من النقط الزرقا.. لإنو محدد مين اللي رح يفوز.. بس بدنا نعرف كيف فكـّـر شو بتقول المسألة.. قال بتقول: تلات شباب راحوا يشتروا طواقي من محل.. قلهن صاحب المحل: "والله ما عندي إلا خمس طواقي.. تلاتة حمر.. وتنين زرق بس رح لعّبكن لعبة.. رح حط على راس كل واحد منكن قبّوعة.. وإنتو عيونكن مغمضة.. وبس تفتحوا عيونكن.. إذا أي واحد منكن حزر لون طاقيتو.. رح أعطيكن التلاتة ببلاش.." فـ قام صاحب المحل وعصّبلهن عيونهن.. ولبّسهن كلياتهن طواقي حمر شال العصبة عن عيونهن فتـّح الأول.. وقال: ما بعرف لون طاقيتي فتـّح التاني وقال: ما بعرف لون طاقيتي وبس فتـّح قال التالت: طاقيتي حمرة فـ السؤال: كيف فكـّر التالت وحزر لون طاقيتو؟ طبعاً صار السؤال هون سهل بعد حل المسألة الماضية |
ممم حسب ما هني واقفين..بس انو التلاته عراسن قبوعة حمرا..
فيلي بالنص هوي يلي رح يعرف!!! لأانو اخر واحد بكون عارف الوان القبابيع يلي عراس رفقاتو قدامو.. و بما انو اخر واحد ما حكا فهيدا بدل انو محتار..فل تاني يلي قدامو حيقول انو لورايي ليه ما حكا فأكيد انا قبوعتي نفس لون قبوعة يلي قدامي (عأساس في تنين زرق و قدامي احمر),,ويلي قدامو قبوعته حمرا فهو كمان قبوعتو حمرا ... :o يييييي بالحكي اسهل من الكتابه ولو:p |
اقتباس:
لا مو كتر ما هني أذكيا.. كتر ما بيشدّو بشعراتهن بس يقروا حل التلاميذ للمسائل!! ولك ماري بيل.. ماري بيل هلق ما بعرف.. جد.. أو أنا محشش.. أو إنتي محششة.. صوري يعني قلنا إنو التالت هو اللي عرف لون طاقيتو.. شلون جاية تقوليلي إنو بالنص هو اللي عرف!! في واحد بس -هو حضرتنا- بيكتب المسألة.. جاية بدّك تغيريلي فيها!! ارجعي اقريها منيح.. طيّرتيلي السكرة :sly: |
بالله بالله ما إلي وهرة الإستاذ؟ :p
|
مسيو مسيو...بس سؤال!!:p
:( طيب هني كيف واقفين.؟ ورا بعض او حد بعض..؟ او غموض؟!!:o |
يعني كان لازم يكون الاول و التاني عراس كل واحد منن قبوعه زرقا,,فهيك اسهل شي انو التالت يعرف انو قبوعته حمرا!!:o
|
اقتباس:
كلو شايف كلو يعني.. فتّح الأول.. شاف التنين الباقيين.. قال ما بعرف فتّح التاني.. شاف الباقيين.. قال ما بعرف فتّح التالت (والتالت فـِـتـِـح هه).. شاف الباقيين.. طج.. حزر وقال حمرة فـ السؤال.. كيف فكّر التالت ياااااااااااااااااااااااا ماري بيل هاتي لنشوف و.. عدّيلي رجالك عدّي.. من قارة للمصدّي |
اقتباس:
|
مم
....:jakoush:بعدين بفكر فيها!! |
اقتباس:
وعفكرة ما بدي الحشلك كل هاللحش .. بس انت صرت الفلقة اليمنى شيتي :p بانو بدك كل الاحتمالات قلت لحالي هلا بتعد .. وبترنخ علينا وبتعملي كان وكنا .. بس بما انو الفكرة هية زاتا .. زاتا .. بس انا لهلا مصر انو التالت .. شنو التالت ازكاهم واحلاهم كان .. بعدين يا اخي .. اول ما قال .. هدينك التنين فايتين بالحيط كانو .. :p مالي فطران وقلنالو ياها .. :frown: تبع الطواقي .. سهلي جدا جزيلا .. يلا خلصونا منها ماري بلبل :gem: |
ماري بلبل .. ازا عبالك غششك بفرنكين ..
بوشك عالموضوع المثبت فوق حرك مخك موجود الحل هونيك:p |
| الساعة بإيدك هلق يا سيدي 09:09 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
