|
القبعة السحرية ... مساء الخير ان كان مساءا صباح الخير ان كان صباحا مسيو Jankasanova مثل ما عرفت او لا.. هاي الفقرة ترفيهة  عطيني ايدك والي الشرف البسك القبعة السحرية بمجرد ما خليتها على راسك.. انت بغرفة صور.. المطلوب منك ان كانت الصورة تمثل شي بحياتك( مرحلة, مشكلة, قصة, احساس..) او اي شي تكتب تحتها عبارة تعبر عن تفاصيلك انت تجاه الصورة لا الصورة نفسها .. واذا الصورة غير موجودة ضمن قاموس حياتك اكتب باس وروح للي بعدها تمنياتي لك رحلة ممتعة   ملاحظة: انت ملزم بحل هذه المتاهة!!     إختطاف، Pierre Gilou (فرنسا)    |
اقتباس:
اقتباس:
ان تصل متأخرا خير من ان تبقى نائما :lol: اقتباس:
اقتباس:
الفشل بداية النجاح صحيحة فقط وقت الانسان مابيفقد الامل ويكون عندو عزيمة ليوصل للهدف اللي بدو يها, عكس ذلك الفشل رح يؤدي الى مزيد من الفشل. انا بأمن بهالعبارة لأنو صارت معي باكتر من مرة واكتر من موقف او تجربة, الفشل كان حافز لاشتغل اكتر وانتج اكتر وبالتالي حطني على طريق النجاح. اقتباس:
صديق مصلحة بقاموسي هو الخاين لانو بيستغل المشاعر والعواطف ليوصل للي بدو ياه, للاسف في هيك نوعيات كتير وانا واجهت هيك موقف بفترة من الفترات. فنعم مصطلح صحيح.. اقتباس:
الانحراف بحسو كتير مرتبط بالمجتمع وبتقاليد واعراف المجتمع, الشغلات اللي بتندرج تحت مصطلح الانحراف بمجتمع ما ممكن تكون شغلات عادية بمجتمع اخر والعكس صحيح. اقتباس:
|
اقتباس:
مساء الخيرات والليرات اقتباس:
اقتباس:
بيت جدي القديم والحديقة الموجودة بنص الحوش تبعو.كنت اسقيها وكان في وردات بيض متل هالوردة هالصورة بترجعني لبداية الاغتراب والمشاكل اللي واجهتها, بس بالنهاية مع الصبر والامل والتحدي قدرت اوصل للي بدي ياه. اقتباس:
المصاري وسخ الدنية اللي مافينا نعيش بدونو... بيتنا القديم..اول بيت عشنا كان فيه درج تماما متل هالدرج, وعلى كل درجة منو ذكرى:oops: إختطاف، Pierre Gilou (فرنسا) باس فرن حارتنا والصيف, بركب البسكليتة من الصبح وبجيب المناقيش والخبز للبيت:oops: باس السيغارة وما ادراك ما السيغارة رفيقتك بالسراء والضراء...بشتقلها كتير صرلي اكتر من سنتين مقاطعها.. xxxxxxxxxxxxxx *  :sly: |
جورج
بدي باسم فريق البرنامج اشكرك من كل قلبي ونطلب منك تتركلنا تذكار بيعبر عنك للبرنامج نورت واهلا وسهلا فيك ضيفنا الليلة هوي ابو ريتا |
نتشكرك جورج ...
بس لازم ننوه للكل مو بس الك ... انو العضو المجهول في هذه الحلقة ... كان ابو وليم ... فجزيل الشكر له و دام ذخرا للأخويين جميعا :lol: و احلى ترحيب ... بضيفنا الرائع ... ابو ريتا |
اقتباس:
|
ابو ريتا ....
شلون كنت تشوف الحياة و انت طفل .. و انت مراهق ... و انت شب ... و اليوم ؟؟ الى أي مدى تغيرت من كنت ببداية مرحلة المراهقة الى هذه اللحظة شلون كانت مراهقتك ... هل كانو اهلك يقولو عنك ولد متعب ؟ كل واحد منا طريقة بالتعامل مع المحظورات بالواقع (اللي تبدي من البيت و المدرسة و الحارة ... و البلد ) انت تشوف نفسك و الى أي حد ... ؟ متمرد - متعايش الى حدا ما - راضي فيها ؟ - دائما نسمع عبارة ... (الحياة مليئة بالمتناقضات) ... توافق على تعميمها ؟ و ليش ؟ اذا اي ... تتخيل بيوم من الايام تقل درجة التناقض بمحيطك .. أو بالعالم .. ؟ |
اقتباس:
الحياة و أنا طفل : الحياة حلوة مو حاسس بشي , أهلي ياخدوني ويجيبوني ما بعرف لوين بس أهم شي انو كنت نطّ وضل العب بشكل حذر ماخلي أهلي يحسو بغلاظتي لأنو الوالد كان ماسكني مسكة منيحة ( يا ويلي اذا بعمل شي غلط ) و بتصوري هاد شي ضروري وكتير مفيد لإلي , عند الشي المنيح يعني : بتصرفاتي المؤدبة والهادية كانو يكافوني بس لما اعمل شي غلط , ممكن بالكفّ يمشي الحال وشوية بهدلة على كم فركة ادن :abo3aen:. الحياة وأنا مراهق : هوني بلشت استوعب الموضوع شوي شوي , واتسائل , الله ربكون يعني ليش خلقني شي يحكولي بالمدرسة انو عم يجربك , شي انو هي شغلتو للرب القدير انت شو بدك فيه مريت بتجارب حلوة وخصوصي هي المرحلة مرحلة تجارب خالصة , عشقت كل بنات صفنا طبعا الواحد لما يوعى بيعمل حالو انو فهمان كل شي وما حدا قدو , أنا وقعت بهاد الفخ , وكل كسلنتي بالمدرسة من ورا هالشي , طبعا ما في شي مهم بهالمرحلة غير انو مرة حسيت حالي انو عنجد حابب:sosweet: , غير كل المرات , كيف لما الواحد بيفكر بالوحدة طول النهار وما فيه بينام بالليل عم يفكر فيها , و طبعا متل كل العلاقات انتهت بالفشل الذريع لأنو مانها كاملة ( ناقصة ) يعني :tears:. وما بنسى كمان ليالي السمر , والسهرات الصباحية عا لعب شدة ومتة:nirvana: , ودبكة :dabeek:كماني . الحياة أنا وشب : هون بلشت المصيبة , ويصير يحس حالو الواحد عالة على أهلو , عم ياخد منن مصروفو كتير عانيت بهالفترة , وخصوصي انو أنا وحيد , ما في حدا غيري , و وضعنا الاقتصادي مانو بالتي هي أحسن , ومصروف الجامعة , لهيك بفترة قررت انو اشتغل , وفعلا , كان قرار نهائي بالنسبة الي , ولهلأ بتذكر كيف كنت بسّط بشارع القنوات , كانت بضاعتي منيحة نوعا ما عطورات كلها معباية محليا ( وطني يعني ) ولما تجي البلدية ,أخوكون ابو ريتا يركض بهالغراض ويخبيها عند جارو ابو وديع ,,, اللله على هالايام,,, , وبفترتها كنت عم ادرس هندسة كمبيوتر . حبيت كمان , صبية بتجنن ,, كانت معنا بالهندسة لهلأ بتذكر وشها ,( لساتو مرسوم بمخي) بس سفرتي عابولندا نزعت كل شي ,,,,, كانت خير لإلي هالسفرة ( يعني كتار كانو يتمنو يطلعو لبرا يدرسو ) . الحياة هلأ : همممممم , بدها تنهيدة طويلة ’ لأنو الواحد بس يكبر أكتر و أكتر بيحس بالمسؤوليات والأعباء الملقاة عليه , يعني هلأ : طالب تعويضات اسنان سنة اخيرة , ببولندا ( بحب نوّه انو الغربة صعبة كتير ) وبس خلّص ما بعرف شو بدي اعمل ,, كمّل برا البلد و لا ارجع عالبلد , هلأ بروح اسألون تبع البلد بيقلولي لك رووووح طالع براة هالبلد , شو بدك فيه , يا زلمي هووون موت أحمر , ونحنا لو صحلنا متلك ما منقصر ومن هالحكي , وهون ببولونيا بسألهون , بيقلولي لك رجع عاسوريا هونيك أهلك وحبابك , عم تعيش وتتواصل مع العالم , أما هون بتقلو للبولوني مرحبا بيجوز يرد عليك وبيجوز ما يرد وجارك الي ساكن حد منك , مابتعرفو و بالصدفة لتشوفو , عالم ميتة هون , رجع عالبلد أحسن .......... يعني أنا ما بعرف ,,,, عالأغلب اعمل شوية شغل هون بعد التخرج واطلع شوف الحياة شوي , وارجع عالبلد ( خلص دايمة ) . بالنسبة لوقت المراهقة والتغييرات من لحظتها لهلأ , ما بخفي عنك , يعني يحرق ديك البني آدم , بس بيتغير يعني كلو بيتغير , بيعمل تصغير أنف وتكبير حواجب و شوية سيليكون للصدر ,,,,,, أكيد يا عمي ,,, ومع هيك أنا بعترفلك انو في ناس بتعيش المراهقة بوقت متأخر وعم شوفون بعيني أنا , بيسمعو أغاني وبيحضروا أفلام الي بالي بالك , وبيتمعشقو و شو بيعرفني . منرجع عا مراهقتي : غالبيتها كانت بالمدرسة , يعني لما تجي المشاكل , ما كنت تجي غير من المدرسة كانت كل حياتن فيها , لما نرجع عالبيت نحكي شو عملنا , وشو أخدنا و شو بدنا نعمل ,,,, ولما نعمل رحلة لمحل كلن يكون متل عيد وطني عنا . رح احكي شغلة حلوة كمان صارت عنا , ما صارت بكل مدارس سوريا : لما كنا بصف العاشر , هاد على ايام الفتوة ,( لباس الفتوة) كان في ضرب وقصف بفلسطين والعالم كلو ساكت , عنا التوجيهات السياسية كانت بتقتضي انو ما تطلع مسيرات احتجاج وما شابه لأنو بكير عليها , بس عنا لأ , بمدرستنا صارت , جمعنا حالنا وبعد نهاية الفرصة ( الوقت المستقطع بين الدروس) رفعنا شب رفيقنا وبلشنا نهتف , تسقط اسرائيل و الله أكبر و وين العرب , في ولاد ما بيعرفو شو صاير بس شافو في تجمهر وبلشو يجو , الي كان خايف راح تخبى ورا قضايب الحديد ويتفرج علينا ,,,,, هييييك لإجا مسؤول الشعبة عنا بالمدرسة , يعني متل عضو عامل بالحزب , وسلخو كف لرفيقنا , واخدو , وأخد كل شي كان واقف بجنبو و الله سترني كنت شوي بعيد عنن.... وبالأخير انحلت المشكلة , الشباب بوسو شوارب بعض , وحلوها بيناتن , ,,,, لما رجع الشب رفيقنا على الصف كان عنا درس كيمياء , استاذ الكيمياء وقفّ الدرس وراح باسو لرفيقنا , وبلش الصف يدمّع ويصفق . ( هي كانت علامات الثورة). اي الثورة:shahbi7: الي كانت بالأغاني ( زياد وجوزيف ,,, وأرنسيتو ( غيفارا) .... و فيروز ), وانتهت بعد فترة قصيرة. ببعض الأوقات بشوف حالي متمرد , وخصوصي بالتعرف على الناس , بحب اعرف كل شي عنون , ومتعايش الى حد ما , يعني بتأقلم بسرعة وما عندي مشكلة مع حدا , بس لما كون مجبر انو ارضى فيها , بضّل غصة بقلبي ,,, ولا يمكن ارضى بشي مفروض علي ,,, بتعايش معو ,,, بس ما بقبل انو ينفرض عليّ:sly: التناقضات : سؤال حلو , هلأ الشغلة بالنهاية نسبية ,,, يعني تصطفل العالم بتناقضاتها , بالنسبة الي اي , أحيانا بوقع بالتناقض , بس بحاول ما ناقض نفسي أبدا , وما بحاول عممها , لأنو بحسها سيئة لكل شي وخصوصي العلاقات الاجتماعية :larg: |
خلي نتوسع بتناقضات المجتمعات ...
من تشوف شخص اشترى هار ديسك ا تيرا بايت و هو احتياجو 100 كيكا حد اقصى ... و شخص ما عندو حق كمبيوتر .. ؟ من تشوف واحد بلا شغل ... و شخص بواسطة حصل الشغل .. شو شعورك ؟ من تشوفو صاحب رأس مال و يستغل و يحتكر السوق ... و مع ذلك هو اشتراكي او متدين ... تشوفو شخص منفتح على الاخرين بكلامو بتصرفاتو ... بس يزعل اذا شاف اختو تحكي مع واحد بالشارع ... او تشوف متمحس لاجل الشعوب المظلومة ... بس مو متحمس للفقراء المطلومين في البلد ... شباب يتصارعوا بسبب اختلاف المبادئ .. بس الاثنين ما مشتغلين لاجل البلد فعليا ... شلون تنظر الى هذه الصور ؟ هل هذه الصور متكررة ببلدك ... و في اوربا ؟ لذلك نرجع و نسألك ... شلون تشوف الحياة مليئة بالتناقضات او تشوف الحياة من وجهة نظر اخرى ... |
ابو ريتا اهلا وسهلا فيك بحلقتنا ...
بداية ابو ريتا شلون هالغربة معك؟ وهل غربتك عم تحققلك يلي بدك ياه؟ شباب العرب بالغربة خلينا نقول نسبة كتير كبيرة بينحرفو وبيضيعو سنين من عمرن على الشهوات .. برأيك شو بتفرق الغربة بهيك شغلات عن لما يكون الواحد ببلدو يعني هل انو يلي بيعملو هيك بغربتهن بتكون بسبب الغربة والبعد عن المجتمع تبعو وعن الاهل والاقارب وما الى ذلك او بيكون لنفس نفسية وشخصية هالشخص؟ سمعتنا كعرب كيف وضعها بالبلد يلي انت متغرب فيه؟ وهل بتستحي بعروبتك في حال مثلا كنت تشوف العالم الغربي نازلين يحكو عن العرب وانو ارهابين ومجرمين وكل هالحكي؟؟ ووقت تسمع هيك كلام شو بتحس بداخلك؟ ليش الشباب العربي قليل ما يرجع بنتائج منيحة من بلد الغربة ؟ ابو ريتا بالنهاية هاد السمايلي:larg: قديش بتحبو ؟ ونورتنا ابو ريتا..:D |
اقتباس:
بالنسبة لتناقضات المجتمع بسؤالك في شغلتين : الشغلة الأولى هي الفروقات أو الطبقات في المجتمع . الشغلة التانيةهي تناقضات المجتمع التفصيلي برأيّ بأنو : أفراد هالمجتمع والعلاقات الي بتجمعون بتناقضاتها . منرجع للشغلة الأولى وهي الفروقات في الحياة أو المجتمع الطبقي : طبعا بكل مجتمعات العالم الحالية في غني وفي فقير حتى بألمانيا لسا ما قضوا على هي الطبقات وقضية المساواة لساتها شغالة وعم يتابعو فيها , بس ما رح توصل لنتيجة لأنو العالم هيك ماشي , غني وفقير ..... بالنسبة إلي أنا الشخص الي اشترى كمبيوتر فيه تريليون بايت ولا الشخص الي ما معو حق كمبيوتر بالمعنى البعيد لإلو , ما في انصاف طبعا ,,,, ما صدفت معي ولا مرة , بس ممكن بتصير , منسمع بهيك شغلات . الرأسمالي الكبير هو ابن حرام بكل معنى الكلمة , واذا نادى بالاشتراكية على ألعنين , ليكو الاتحاد السوفييتي شو قدّم ؟ وشو عمل ؟ طبّق الاشتراكية لفترة زمنية محدودة , وضباطو لعنو نفس الشعب ,,,, ليكها موسكو هلأ بتشوف عناصر قليلة معها مصاري وملايين بالكذب ,,,, وبنفس الوقت بتشوف الشخص الي ما عندو مكان ينام فيه , ومانها بسيطة لأنو معروف الجو كيف بموسكو !!! هلأ الشخص بلا شغل بيكون لسبيين : الأول منو نفسو للشخص , بيكون بليد وقليل مروة و بدو الشغل يوصل لاجريه والتاني بيكون سبب خارجي , انو ما في شغل ماعندو واسطة ( ب***** مانها كبيرة) طبعا هي موجودة بمجتمعاتنا للأسف بس هاد ما بيعني انو نقطع الأمل ,, ليكنا سنة عن سنة عم نصير أحسن وفي كتير ما بيشوفو هالشي الي عم شوفو أنا , بس بقلون مبلى لسا في خير بهالبلد . هلأ منحكي عن تناقضات المجتمع والأشخاص : شخص عندو مبدأ الانفتاح عالعالم , لك مو بس بيزعل اذا شاف اختو عم تحكي مع العالم ,, لك ممكن يدبحها كمان , وفي منن كتير وخاصة بمجتمعاتنا الشرقية هاد تناقض كبير بالبني آدم , ليش ما بعرف , وطبيعي هالشي مو كويس , هلأ بأوربا ما بتشوف هالتناقضات أنا ما عم دافع عن أوربا , بس هيك الواقع عندون ,,,, الأشخاص الي بيدافعو عن فقراء العالم وبيسكتوا عن فقراء بلادون , متل الي بتشوفو بالشام بيقلك يا أخي بأوربا ما بتشوف وسخة عالأرض ,,,, ليك هون ما شالله عليهون بيكبو ,,, لك اي يلله ,,,, ووبيوسخ .. وحجتو انو بس هالعالم يصيرو بني آدميين بيصير هو بني آدم ,, ليش ما بيبلش من نفسو أخونا باللله . هلأ شغلة شباب مختلفين بالمبادئ , و لمّا يجي البلد بالنص بيخموّا وبيناموا ,,, اي هدول ولاشي هدول صفر عالشمال ... بالنسبة الي :D هلأ اذا متكررة , يمكن انا بشوفها عنا بالبلد مكررّة ,,, بس هون وخلال اقامتي ببولندا , ما شفتها :adal: |
اقتباس:
سؤالك عن الغربة سؤال بحت مو مخلى شي صمالله عليك ... تفصيلات الغربة ... بداية الغربة معي , كانت لما طلعت عالمطار ( مطار الشام ) وكانو أهلي تقريبا كلون معي وأنو ما رح نزعل ,,, طالع أنا كذا سنة وراجع ,,,, كيف العسكري بيروح بيخدم عسكرية ,, كمان هي غربة كيف الشب بيروح يتطوع بالكلية الحربية .. كمان هي غربة ,,, نفس الشي ... وصلت عابولونيا ... طبعا كانت أول طلعة لإلي براة البلد .... كنت متوّقع شوف نفس المجتمع الي بشوفو بالتلفزيون ,,, هاد المجتمع المتحضر و الواصل , والي عندو شغلات نحنا ما عنّا ياها , وبالفعل هيك شفت ,,, بس لمّا شفتو عاأرض الواقع وتحسستوا , حسيت حالي غريب ,,, انو كل العالم بتطلع فيك وبتزورك , بعكس لما بيكون سائح أجنبي ببلدك ,,, طبعا ببولندا معروف كشعب , بيحب بلدو وزهق الحرووب المشاكل الي مرّ فيها عامّر التاريخ , لهيك لمّا يشوف أجنبي و خصوصي بشرتو غير البشرة البيضا ,, بيتحسس ! بالسنة الأولى( سنة اللغة) كانت معلمتي اللغة : شخصية قوية جدا فظيعة بشكل حاقدة عالعرب لهيك كان كل شخص يدخل بمجموعتها , العربان التانيين يخبروهون انو يتركو هالصف كرمال هالأنسة وهاد بنظري تخلف ,, المهم أنا علاقتي كانت فيها تشجن بالبداية , بس شوي شوي ( أنا شخصيتي كتير هادئة وبحس حالي ساذج بأغلب الأوقات ) صارت تلين وتاخد وتعطي ,,, هلأ يحكى بأنو هي كانت بزمانها مغرمة بأحد الفحول العربية , وهالفحل صمالله عليه مدري بشو عطاها خازوق مرتب , فلهيك كانت النتيجة ! ولما شافت انو العرب مو متل بعض , ( وهي واقعة لا بد منها) صارت تحبني ,,, حتى انو كتير ساعدنتي باللغة وأنا توصلت لنتيجة انو البولوني بيحترمك وبيساعدك ,, شعب محترم وشعب بيحب المساعدة , لمّا يشوفك بحاجة وخصوصي انك أجنبي ...... كل هالأمور عطتني خبرة بالحياة أكتر ولهيك بجاوبك عا سؤالك بأنو الغربة أي فادتني واستفدت وعم تعطيني ,,, كل يوم شي جديد , صرت اعرف احكي مع العالم واتعرف على ناس جدد . بالنسبة للإنحراف ...... كل شخص وهواه ,,, هلأ أنا من عيلة منفتحة نوعا ما ,,, يعني في نستوعب الشي الجديد , يعني أنا طلعت من جو على جو مو كتير بعيد ,,,, منشرب ,, ما في مشكلة بس بأصولو ... ومنسهر برا السكن ما في مشكلة بس بأصولو ,,, طبعا عطتني الغربة حرية نوعا ما , بس لما تكون شخصية الواحد مصقولة بشي معين ومبدأ معين , فصعب شوي تغيرها . أبدا ما استحيت من عروبتي ,,, أنا من الناس الي بحب احكيلون للبولون بأني عربي ومن سوريا وبحاول فهمون وضعنا كعرب , وبدلون عابلدنا بالخريطة وبحكيلون عن الأماكن وبشجعون انو يجونا وفعلا هلأ أصدقائي بالغرروب ناويين السنة ومخططين ينزلو عاسوريا وبدهون مني مساعدتي ,,,, بالنهاية هي بترجع لكل شخص , هو وثقافتو ونظرتو للأمور وعلاقاتو الاجتماعية ببلد الغربة ,,, بالنسبة الي كتير علاقتي منيحة معهون . الغالبية عافكرة ما بيعرفو سوريا وين , بس بيعرفو فلسطين مثلا والعراق , وبيشوفوا عالتلفزيون ,, بس قليل للأسف , وفهمانين الطبخة , بس انو اليهود هنن ماسكين الاعلام بالبلد , البولوني كتير بيكره اليهودي هيك أنا الي بشوفو هون ,, وبيحكولي أصدقائي عن الوضع . أنا من الناس الي طلعو وتظاهروا قدّام السفارة الاسرائيلية بوارسو , حتى أنا وصديقي كنا ماسكين علم كبير وكنا بأول المظاهرة ,,, أنا بحس كتير بوطنيتي بالغربة , هاد شعود كتير حلو وبعتّز فيه .8) ما أظن انو الشباب العربي بيرجع من الغربة بنتائج قليلة ,,, ليكون كل الشباب بتطلع وبترجع دكاترة ومهندسين الشاب العربي كتير ناجح برا ,,,, و أمثلة كتير على هالشي .... بالنهاية هاد سمايلي ابو ريتا بحسو كتير قريب مني ,,,, حسيتو أزبط شي لما استخدمتو :larg: |
اقتباس:
اقتباس:
شكرا الكون وشكر كمان لمثنى ولمعد فقرة القبعة السحرية ولابو ويليام عالاسئلة :akh: xxxxxxxxxxxxx اب سارة بحب قدملك صندوق سيجار كوهيبا  xxxxxxxxxxxxxxxxxxxx طارق بحب قدملك صندوق سيجار روميو و جولييت  xxxxxxxxxxxxxxxxxxxxxxxxxxx مثنى والك اركيلة كريستال  xxxxxxxxxxxxxxxxxxxxxxxxxxx بمشاركة سابقة لابو سارة ذكر انو معد فقرة القبعة السحرية هي عضوة فلذلك بحب اهديكي مجموعة مايك اب من ديور  xxxxxxxxxxxxxxxxxxxxxx بالنهاية بحب قدم للبرنامج والمشاهدين اغنية عزيزة على قلبي مش كاين هيك تكون كان غير شكل الزيتون كان غير شكل الصابون و حتى إنتا يا حبيبي مش كاين هيك تكون كان غير شكل الزيتون كان غير شكل الصابون و حتى إنتا يا حبيبي مش كاين هيك تكون كان غير شكل الليمون كان غير شكل اليانسون و كاين إنتا يا حبيبي مش كاين هيك تكون يا ضيعانن راحوا شو ما صار لكن راحوا مش يا ضيعانن راحوا شو ما صار لكن راحوا مش سامع غنية راحوا كان أوسع هالصالون كان أشرح هالبلكون و طبعاً أنتا يا حبيبي حبك كان قد الكون كان أوسع هالصالون كان أشرح هالبلكون و طبعاً أنتا يا حبيبي حبك كان قد الكون شو كان أهدى الكميون طالع دغري و موزون و حتى عيونك يا حبيبي كان عندك غير عيون يا ضيعانن راحوا شو ما صار لكن راحوا مش يا ضيعانن راحوا شو ما صار لكن راحوا مش سامع غنية راحوا كان غير شكل كان يبقى الحب جنون يخلص بحرف النون و مش كل إنساني تمرق تفرق و تصير تمون كان يبقى الحب جنون يخلص بحرف النون و مش كل إنساني تمرق تفرق و تصير تمون كاين رق و حنون أو مايل عالغصون و إذا هلق حبك غير ريتو عمرو ما يكون ريتو عمرو ما يكون ريتو عمرو ما يكون - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - :akh: |
اقتباس:
طبعا ننتهز الفرصة حتى اصلح الخطأ اللي صار ... نسيت قول مين العضو تااي حط لك الاسئلة من مجهول بحلقتك يا ابو سليمان ... و كانت العـضـوة المجــهولـة هي المنسقة الغالية ... طفــولة ... فنجدد الاعتذار .. و نقدم الف وردة :akh: |
ابوريتا صباح الخير
هاني نعيم كتب بصحيفة الاخبار - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - هل برايك ماتت القضية الفلسطينية ؟ وليش اليوم الصراع بقوة الاسلاميين من طرف واليساريين من طرف تاني ؟ هل بتشوف انوسلطة الدين عم تضيع هوية الدولة ؟ ومنها للمجتمع السوري كيف شفت سوريا لما جيت هالسنة؟ هل بتشوف انو المجتمع السوري عم يتشرب الطائفية من لبنان والعراق ؟ شو اللي لازم برايك شباب سوريا يقدموه لبلدهون |
اقتباس:
القضية الفلسطينية لم ولن تمت ... بالنسبة لإلنا كسورييين بشكل عام وبالأخص لإلنا كبعثيين فهي قضيتنا المحورية والاساسية ( والقدس عروس عروبتنا ) , وكما قال القائد الخالد : الأرض مقابل السلام . و كإسلاميين ,, يعني كشعب اسلامي : فإن القدس القبلة الأولى والتي لا يمكن التفريط بحفنة تراب منها . ومنضل ثابتين وعلى العهد ماشيين , مادام الصراع العربي الاسرائيلي قائم .... سؤالك بالنسبة للصراع بين الاسلامين من طرف و اليساريين من طرف تاني مو كتير واضح , بس هاد الصراع بيذكرني متل الي عم يشّد اللحاف لجهتو , وبيعتقد انو هو الصح والآخر غلط .... ما بعرف اذا ممكن يكون هاد الجواب الي ناطرو .... سلطة الدين عم ضيّع هوية الدولة !!! كيف زبطت معك هي ! ممكن يكون هالحكي خارج سوريا , بس لنحكي عن سورية ..... سوريا : الجمهورية العربية السورية : ماني شايف ابدا اي سلطة دينية بالموضوع ! اذا كنت عم تسأليني عن غير سورية ...... فانو في كتير أمثلة : عندك لبنان الي طول عمرو ضايع وعندك العراق ,,, عم يضيع ,,, وغير دول الله يعينا ( بقصد هون الدول العربية الآخرى) . هلأ لنعمّق أكتر من ناحية أخرى : اذا كنت عم تحكي بموضوع الدستور والتشريعات , فأنا بعتذر عن الاجابة لأنني ماني كتير متبحّر بهالقصص . وبالنسبة للمجتمع السوري : نحنا دولة علمانية : سلطتنا أشبه بالسلطة العلمانية الاقتصادية التشريعية والي بتنطوي تحت اطار مؤسساتي ... هاد الواقع ...... و رجال الدين ما بيحسموا شي بالدولة ( عنّا يعني) بينما رجال الاقتصاد بيحسموا اي والله بيحسموا:larg: سوريا : لك شو بدي احكيلك لاحكيلك ,,, سوريا بتجنن ,, سوريا ما في منها ,,,, وين مارحت وين ما اجيت مارح تلاقي أحلى من سوريا والشام وبيت ياشوط. هههههه المجتمع السوري عم يتشرب الطائفية من دول الجوار ..... أبدا .... لبنان طول عمرو هيك ماشي ومسيّس طائفيا , ومشان العراق كمان مسيّس طائفيا لمصالح شخصية وأمريكية ,,,, عنا بسوريا كل هالأمور مانها موجودة ( مخباية) لأنو بيعرفو تماما تأثيرها السلبي على وضع البلد .. وهاد الشي بشوفو صح وبثني الشعب السوري على هالشي ,, ونحنا بمرحلة متقدمة , أفضل و أحسن من غيرنا . الوطن غالي ... والوطن عزيز .... والوطن فوووق كل هالسخافات الصغيرة : هي بالنسبة لإلي ... شباب سوريا : ما في منن , عم يشتغلو والله , أنا شفت عالم عم دوّر و تبحبش و ين في شغلة منيحة عم يساووها ,, من كل النواحي .... و أنا بشجعون ,, وأنا واحد منن :larg: |
اهلا فيك من جديد بدي حيي العضو المجهول اللي حيحط اسئلته الك
واعطي دوري لابو سارة |
اقتباس:
|
القبعة السحرية الاخ العزيز ابو ريتا - الله يخليها - مساء الخير ان كان مساءا صباح الخير ان كان صباحا قبعتك السحرية قالت: الشب موديرن التفكير وماشالله ما مخلي شي والا كتب فيه باخوية  فلهذا سؤال ونبلش ترفيه  السؤال: ما معني اسمك؟ وما هي اصوله؟ اقصد طبعا اسمك الحقيقي  الترفيه: هاي كم لغز بدك تحلهم.. وبس    |
*هاموش:
انو بس سؤال بصور الـ Iq هيدول ..هي اقتباس:
|
اقتباس:
اسمي : إيفان ........ معناه القلب النابض بالحياة ....:sosweet: اصولو : اسم لاتيني بحت ,,, وهو ممكن نقول من الاسماء الشعبية بروسيا عاإيام القياصرة كانو يسموه ,,,, ومرّ عالتاريخ شخص فظيع ... اسمو إيفان الرهيب:larg: .... عمل عمايل وحدّ البلاد السيبيرية كلها ... وكان ديكتاتوري زمانو اقتباس:
الإجابة  اقتباس:
الإجابة  اقتباس:
الإجابة  والشكل طلع معي هيك  وميرسي لإلكون :akh: |
منرجع ابو ريتا ...
حدثنا عن هواياتك بشكل عام ... و اذا نحب القراءة ... احكيلنا عن كتاب معين ... تحسو غيـّر شي بداخلك ... كونك في بولونيا ... شو اللي حبيتو بهذا البلد ؟ و شو علاقة ابو ريتا بموسيقى بولونيا ... و الموسيقى السلافية ككل ؟ و هل تحس انو ممكن يصير كومبنيشن بين موسيقى الشرق و موسيقى شرق اوربا ؟ شو قدمت لك أخوية كموقع و كأعضاء ؟ و ليش أخوية بالذات ... و هل تعتقد رح تلاقي بديل عنها ؟ |
هي اسئلة العضو المجهول ...
علاقتك باهلك بعد ما انت سافرت تغيرت ولا لا وكيف ؟ ليش ريتا؟ بيت ياشوط لخصها بحكاية؟ اكتر شي حلو اخدتو معك من سوريا باخر زيارة سواء ذكرى او شي مادي ؟ الدين وينو بحياة ابو ريتا بالغربة ؟ |
اقتباس:
لا بس عنجد أنا بحب قراءة الروايات كتير , من هواة الأدب السوفييتي أنا . و الموسيقى , يعني صاحبك بيعزف على آلة عربية منيحة نوعا ما , وهي العود بس ما تابعت و هي الهواية بدها ممارسة متل ما بتعرف ( بس نوتة بعجبك ) . منرجع عالمطالعة : أكتر شي حبيتو هو رواية كيف سقينا الفولاذ وأثرت فيني حتى أحيانا حسّ حالي متل بافل كورتشاغين ( بطل الرواية الي هو نفسو الكاتب ) والرواية لنيقولاي استروفسكي , الي مات بسن صغير بسبب المرض . الرواية بتحكي بشكل مفصل عن الكاتب .. عن طفولتو .... عن حبو بمرحلة الطفولة والمراهقة والشباب... عن عملو التطوعي و تضحياتو بالحزب , ,,,,, والقصة لم تزل بعد ....... بنصح الكل يقرأها ....:larg: كوني في بولندا : أكتر شي حبيتو هون البنات :p ... بصراحة : هون الطبيعة جدا رائعة ..... الناس والنظام .... كلو ماشي صحيح ... ما في شي غلط .... الاحترام ..... علاقة الصراحة والاحترام موجودة وهاد شي عجبني هون .... والمساعدة ... شعب بيحب المساعدة . علاقتي بالموسيقى علاقة أبدية ... الموسيقى السلافية موسيقى رائعة جدا ,,,, والفلكور رائع بتصوّر الكل عندو فكرة عنها , لأنو كانت تصير عنا ببصرى حفلات , يجوا فرق من اوربا الشرقية ويقدموا عروض رائعة ..... و أكيد في أخد من الموسيقى الغربية أو الشرق الاوربية .. وأمثلة عنها كتير وهاد شي مانو سئ بالعكس حلو كتير ,,,, ما الرحابنة تلات رباع موسيقاهن من السمفونيات والألحان الروسية ..... وهلأ حاليا بسمع أغاني هون ألحانها مأخوذة من عنا , وكتير حلوة .... يعني بالمجمل شي كتير حلو وجميل ,,, و أنا بشجّع عليه .... أخوية قدمتلي كتير : و أنا حكيت قبل هالمرة , عن هالشي ..... يعني لولا أخوية ما كنت تعرفت عاوجوه حلوة , وعا ناس قمة في الاخلاق والاحترام ,,,, و صار عندي كم هائل من المعارف والاصدقاء .... يعني اجتماعيا : أخوية قدمتلي كتير كموقع و كأعضاء ...... ولا ممكن يكون في بديل عنها ......لأنو بحبشت ودورّت عاموقع بيشبه أخوية وما لاقيت :larg: |
اقتباس:
من بولونيا و من الموسيقى السلافية بشكل عام ... :akh: |
اقتباس:
مية وردة للعضو المجهول :mimo: علاقتي بأهلي أكيد تغيرت ,,, صارت علاقة أقوى رغم البعد ,,, صار في تفكير لبعيد صار في تفكير لمستقبل ... صار في وعي أكتر .... صار في حنية و اشتياق أكتر و أهلي : عيلة كبيرة ... يعني عائلتنا الصغيرة + أعمامي و ولاد وبنات عمي الصغار .. عيلة رائعة وبتجنن .... كتير بحبون , و بحب حيهّون من هون .. من أخوية .... ريتا :"بين ريتا وعيوني بندقية والذي يعرف ريتا ينحني ويصلي لإله في العيون العسلية" ..... قصتي مع ريتا قصة طويلة , بلشت من لما كنت صغير .... صغير كتير ... وما زالت قصة صداقة واحترام وحب وحنان ...... بيت ياشوط : ضيعة بتجنن , الي فيها ذكريات رائعة ... ما بنساها ... أهلها وناسها ,,,, أرضها و ولادها بحس حالي عايش لما روح على بيت ياشوط , بحس بطعمة الحياة ,,, حكايتها بسيطة لبيت ياشوط ما فيها تعقيدات .... هي الصيفية لمن كنت بسوريا , جبت معي أحلى ذكريات السهرات و المشاوير و الحفلات الي شفتها وكمان , علبة المعسل :shisha: الدين ههه ... يعني لا تسألني عن ديني ... اي والله ... بالغربة صعبة شوي ,,, لأنو كون المسلمين سمعتون سيئة بالخارج ... وخصوصي انو عندون نظرة بأنو عربي يعني مسلم .... ( عربي = مسلم ) فشوي أنا بحاول فهمون انو في مسيح و في يهود وفي ملحدين ...... وشغلات تانية :larg: أنا بالأساس ماني مرتبط بالدين اللهم غير عالهوية ..... غير هيك ... قضية شايلة من راسي بالاساس من لما كنت بسوريا ... فكيف هون .... بالنهاية بحب اتشكر العضو المجهول ... الأسئلة كتير حلويين وظراف .. وميرسي لإلكون:ss: |
اقتباس:
,,,, بس رح حطلكون لينك لمقطع من الفلكلور البولندي - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - :larg: |
نشكرك جدا ابو ريتا الورد ....
و نهدي هي الاغنية ...... الك و للكل ... بالمناسبة ... كان العضو المجهول للحلقة .... هي .. بنفسجة فنشكرها جدا ... للكل :akh: اقتباس:
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
اقتباس:
|
ضيفنا الليلة ...
ضيف مخضرم في أخوية ... ضيف حضورو فريد .. Barleb |
ولله على راسي يا ابو سارة , قعدتكون حلوة كتير
|
اول شي برليب ...
مين هو برليب ؟ و شو هدف حياتو ؟ و لوين رايح ؟ كلتنا بالمراهقة توضحت أمامنا كتير امور ... شو اللي حبيت معرفتو .. و شو اللي قلت يا ريت لو ما عرفتو (بهذاك الوقت طبعا) شلون علاقة برليب بالحب ؟ |
اقتباس:
هدفي بـ هل حياة اعيش و اموت بـ سلام .. رايح بـ اتجاه المستقبل و مستمتع بـ هل رحلة اجمالاً المراهقة كانت احلا فترة عشتها بـ الماضي تعرفت فيها ـ اشيا كتير كنت جاهل عنها تعلمت فيها الدخان :larg: .. الحب :hart: الحاد و أشراك .. شيوعية و أشتراكية .. نضال .. أخوية .. ثانوية .. هدول كانو اهم مراحل الـ مراهقة .. ما بتذكر شي دايقني .. بس بوقفة بسيطة عـ الأطلال .. بلاقي ماضي كتير حلو ... الحب .. عنجد شي رائع .. بس بلش ينضب كأنو حب الوطن .. الصبية .. الأنتماء .. النسر .. التراب .. كانت أشية كتير كتير حلوة .. بس شوي شوي عم تتحول حياتي لـ مجرد مادة .. وكل متعة لازم أدفع حقها مصاري |
برليب ...
- من تشوف شي غلط شوي اكبر من امكانياتك تغييرو ... سواء بالبيت او بالمجتمع تحاول تصير متمرد ضدو او تحاول مباشرة تتعايش معو ؟ - تصنف حالك يساري ؟ و هل ممكن ان ترتبط بوحدة يمينية للعظم - هل بالنسبة الك التمسك بالهوية .. يتعارض مع الانقتاح على الاخرين و المجتمع ككل ؟ - شو شعورك اليوم ... من تشوف لابس تيشرت عليه رمز ثوري او نضالي ... و قاعد يرقص بحفلة ؟ شاب عمرو 13 سنة ... و بأيدو سيجارة نفس الشاب يسوق سيارة بمنطقة سكنية ... |
اقتباس:
اي ضرر بيسببو هل شخص لازم المسؤول عن هل شاب يتحمل كل المسؤولية |
برليب ...
اعطيني رأيك بالتالي .. الاقطاع التحكم برأس المال الغاء طبقات المجتمع التقلب السياسي تغطية وسائل الاعلام العربية الثيوقراطية (كمبدأ) انت قديم جدا بأخوية ... بهي الفترة انت شلون تغيرت ؟ هل تحس اخوية تغيرت من وقت سجلت الى هذه اللحظة ؟ هل ممكن بيوم من الايام تتركها ؟ |
اعطيني رأيك بالتالي ..
الاقطاع الاقطاع بظن انو هاد مصطلح زراعي .. انو شخص يملك الأرض .. و عدد من الأشخاص يشتغلو تحت ايدو ... يعني من زمان هل فكرة ما كانت مستحبة و نظراً لأنو المرابع كان يعطي نسبة قليلة من الربح لـ العامل .. بس ما بظن هلا هل شي موجود .. أجمالا .. ما حبيتا منوب ولله الغاء طبقات المجتمع مستحيل .. و انا شخصياً مش مع هل فكرة .. لأنو ببساطلة في ناس أحسن من ناس .. في ناس أغنى و أفقر .. في الذكي و في الغبي .. يعني عفوياً المجتمع مقسم مافينا نلغي هل تقسيم التقلب السياسي تفووووووووو و بس |
اهلا وسهلا فيك بارليب مايسترو معنا الليلة..
بداية بارليب شو يعني بارليب ؟ طبعا اقصد معنى كلمة بارليب ؟ بارليب اخوية مجتمع كتير كبير هلأ اخوية هوي منتدى سوري لو فرضنا انو اخوية كانت منتدى سوري بحت يعني ما بيقدر يدخلو ويشارك فيه غير السوريين فقط برأيك رح بيكون متل ما هوي هلأ ولا احسن ولا اسوأ؟. اصدقاءك من برا سوريا كيف علاقتك فيهن؟ هلأ اهل بلاد الشام يعني سوريا الاردن فلسطين ولبنان يعني تقريبا كتير منهن بيكرهو او ما بيحبو العلاقات مع اهل الخليج انت من هالاشخاص؟ ازا اي شو السبب ؟ وازا لا شو بتتوقع السبب يلي الناس ما بيحبوهن؟ كيفك مع فيروز؟ ازا من جماعة فيروز اعطيني تلات اغاني بتعزهن ورتبلي ياهن من الاعز واهديلي كل اغنية لشخصين واحد من برا اخوية وواحد من جوا اخوية.. اكتر شي بتحبو بسوريا بلدك شو هوي ؟ والشي يلي بتكرهو وبتتمنى يتغير ؟ واهلا فيك مرة تانية ..:D |
تغطية وسائل الاعلام العربية
خليني أحكي عن التغطية الأعلامية عـ الأخبار السياسية العربية ... لأنو الأخبار التانية .. اقتصادية أو فنية ماني متابعها .. و ما بظن قاصدها بهل سؤال التغطية الأعلامية ما عليها اي غبار .. انما اللغط بـ توجهها .. الى أين ؟ كـ مراسلين و أعلاميين .. بعتقد انو الكادر الموجود عربيا شي بيرفع الراس يعني ... أجمالاً جيدة الثيوقراطية (كمبدأ) ضد .. رغم انو في رجال دين لو سلمتون هل عالم كله بيديروه بـ بساطة و حكمة كـ مبدأ ضد انت قديم جدا بأخوية ... بهي الفترة انت شلون تغيرت ؟ تغيرت نحو الأفضل .. تعلمت الأستقرار .. الأحترام .. حب العمل .. هل تحس اخوية تغيرت من وقت سجلت الى هذه اللحظة ؟ اكيد .. و نحو الأسوء هل ممكن بيوم من الايام تتركها ؟ كل شي ممكن |
اهلا وسهلا فيك بارليب مايسترو معنا الليلة..
هلا بـ بخيييي بداية بارليب شو يعني بارليب ؟ طبعا اقصد معنى كلمة بارليب ؟ بارليب كلمة سريانية ...معناها لب اللب أو جوهر القلب .. بعنب فيك تقول ابن القلب بارليب اخوية مجتمع كتير كبير هلأ اخوية هوي منتدى سوري لو فرضنا انو اخوية كانت منتدى سوري بحت يعني ما بيقدر يدخلو ويشارك فيه غير السوريين فقط برأيك رح بيكون متل ما هوي هلأ ولا احسن ولا اسوأ؟. اكيد بيكون احسن .. اذا ما صار متل ما عم يصير بـ كويزات الـ فيس بوك اصدقاءك من برا سوريا كيف علاقتك فيهن؟ يسلملي shlulululu مافي غيرها هلا :hart::hart::hart::sosweet::sosweet::sosweet: هلأ اهل بلاد الشام يعني سوريا الاردن فلسطين ولبنان يعني تقريبا كتير منهن بيكرهو او ما بيحبو العلاقات مع اهل الخليج انت من هالاشخاص؟ ازا اي شو السبب ؟ وازا لا شو بتتوقع السبب يلي الناس ما بيحبوهن؟ اكيد معون .. بلاد الشام عملياً بلد واحد .. بـ الم واحد و أمل واحد .. يعني مثلاً لما بتصير حرب بـ لبنان .. انا بنزعج و بدايق متل اللبناني و أكتر .. بس لما يتصير حرب بـ قطر مثلا ... اخر همي ... بففف ... السبب انو ... ياخي ما بينحبووو دزززز |
| الساعة بإيدك هلق يا سيدي 11:26 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون