|
صحي العضو المجهول الي سألك هو:
النقيب ابو العبد ..الشكر له ع اسئلته :D |
اقتباس:
الناس اللي فيها بغض النظر عن توجهاتهم ... رائعين ... و حبابين ... اخوية قدمت الي الكثير الكثير ... خلتنا نشوف الناس شلون يفكروا ... و انو الانسان ممكن يتغير مهما تصلب بالرأي ... خلتني شوف ناس منفتحين من كل الاتجاهات و ناس منغلقين من كل الاتجاهات ... فكر اخوية المنفتح اللي يتقبل الجميع ... ما موجود بكثير منتديات .. و الاهم منع الحوار الديني و التطاول على الاديان ... وقت صرت منسق كثير اشيا بأخوية تغيرت .. زادت المسؤوليات ... و طبعا المشاكل مع الاعصاء الجدد بس ما اثرت على دوري كعضو في أخوية ... أخوية.... هي في تغير مستمر ... زادت شغلات حلوة و اجت شغلات مو حلوة ...و طبعا مشاكل سيرفر مستمرة و زادت فيها مواضيع اللطش و الحوار الديني غير المباشر ... بس رح تستمر بالتقدم الى الامام ... و الخير جاي اقتباس:
اقتباس:
احل اهم مشكلة و هي السيرفر ... و دمتم و دامت أخوية الى الامام دائما :akh: |
القبعة السحرية
صباح الخير ان كان صباحا.. مساء الخير ان كان مساءا قبعتك السحرية زيودي..  احم احم..  راح اعطيك قلم  و.. إملأ الفراغات الثلاثة بما يناسبك..   تحياتي  |
ولا تنسى....... اقتباس:
|
اقتباس:
اقتباس:
شكرا جزيلا لكم على معلوماتكم الحلوة مثلكم والقيمة ههههه عرفوتنا باسمنا:p |
اقتباس:
اول بطاقة الى الحبايب ... و اقلهم انتو بالبال و اتمنى انو دائما نكون سوا :lol: ثاني بطاقة .. الى أخوية ... و كل الاعضاء ... شكرا لانكم اخويين و بس ثالث بطاقة اهديها لكل البسطاء بالعالم ... لكل محبي السلام ... لكل اللي يردوا لحظة استقرار ... و شكرا جزيلا الك ايفان و طبعا صوفي الوردة ... و فراس الرائع ... تذكاري للجميع ...  و تحية الى كل زارع شجرة زيتون بالعالم ... |
ونحنا كمان وبايدنا حاملين غصن الزيتون-غصن الزيتون تبعنا-:p نلوحلك فيه ونقلك شكرا لتشريفك النا ابو سارة
تبقى ديما بخير وديما قلبك عمران بالحب والطيبة تحية الك :D |
ضيفنا التاني وقبل الاخير حيكون مثنى " سوا ربينا "
مثنى اهلا وسهلا بيك |
اقتباس:
وكل سنة وانت والكل بالف خير ..:D |
ولا يهمك مثنى كلنا انضغطنا بهي الفترة بكل الاحوال اسمحلي رحب فيك مرة تانية وقلك كمان كل عام وانت بألف خير وعيدك مبارك.
في كم سؤال من زمان بيعنو على بالي اسألك هنن ما بعرف ياترى بلاقي عندك جوابهم او لا واكيد رح لاقي يعني. بالاول بدي الناس تعرف مثنى أكتر فبدل ما انا قلهم بدي انت تقلهم لانو من تمك احلى :lol: كتير منسمع انو الاردن اولا الأردن في القلب ... هي العبارات شو بالنسبة الك وشو موقع الاردن فعليا عند مثنى ووين بتشوف الاردن على الخارطة سياسيا بظل هالتغيرات يلي صارت وعم تصير. انت شخصيا شو رأيك بالتطبيع بين الاردن واسرائيل؟؟ هل بتعتبر انو هاد امر جيد هل بتلاقي انو الأردن استفاد من موضوع التطبيع؟؟ |
مثنى ارتبط اسمو عنا او على الأقل عندي برسوم الكاريكاتور يا ترى شو مدى علاقتك بهالفن وشق تاني للسؤال علاقتك بالفن بشكل عام " كرسم يعني"؟؟ وممكن بيوم اننا نشوف رسومات لمثنى؟؟
|
ولا يهمك مثنى كلنا انضغطنا بهي الفترة بكل الاحوال اسمحلي رحب فيك مرة تانية وقلك كمان كل عام وانت بألف خير وعيدك مبارك.
واهلين فيك سام كمان مرة وكل عام وانتي بالف خير ..:D في كم سؤال من زمان بيعنو على بالي اسألك هنن ما بعرف ياترى بلاقي عندك جوابهم او لا واكيد رح لاقي يعني. اكيد ان شالله رح تلاقي وليش ما تلاقي ؟ :larg: بالاول بدي الناس تعرف مثنى أكتر فبدل ما انا قلهم بدي انت تقلهم لانو من تمك احلى :lol: هيك قولتك؟:oops: كتير منسمع انو الاردن اولا الأردن في القلب ... هي العبارات شو بالنسبة الك وشو موقع الاردن فعليا عند مثنى ووين بتشوف الاردن على الخارطة سياسيا بظل هالتغيرات يلي صارت وعم تصير. هلأ يمكن كتير ناس برا الاردن ومن الاردن بيفكرو انو هالكلام مجرد شعارات وبس.. بس بالحقيقة هي مش هيك لكل مين عندو انتماء لوطنو.. انا بالنسبة الي هالكلام كتير مهم وكتير بيعنيلي يعني انا ةقت فكر اعمل شي شو ما يكون بيهمني بالاول الاردن بلدي يعني بشوف بلدي بعيوني وبفكر بيلي بعملو شو ممكن يعود عليه بشكل ايجابي .. وانو يكون بلدي احلى واحسن بالنسبة للعالم كلو مش بالنسبة الي لانو انا بالنسبة الي من زمان هوي احلى واحسن بلد رح يضل هيك بعيوني.. الاردن هي امي وابي واخي واختي وحبيبتي وكل شي بيتعلق فيي وبيخصني هي اكتر من مجرد وطن انا عايش فيه هي الروح يلي انا عايش بوجودها.هي القلب يلي انا عايش بنبضو.. وهي عيوني يلي بشوف فيهن كل شي .. باختصار الاردن عبارة عن سوسنة مزروعة بقلبي وكل يوم عم تكبر اكتر واكتر .. بالنسبة للاردن سياسيا انو ما بعرف انا بصراحة ما بتابع السياسة ولا بهتم فيها بس اعتقد انو الاردن كل مافيه عم يتطور سياسيا وان شالله بيتطور للأحسن. انت شخصيا شو رأيك بالتطبيع بين الاردن واسرائيل؟؟ هل بتعتبر انو هاد امر جيد هل بتلاقي انو الأردن استفاد من موضوع التطبيع؟؟ هلأ انا برجع بقول انو انا ما بتابع السياسة وقصصها .. بس اكيد ما بتمنى يكن في تطبيع بين الاردن واسرائيل .. هلأ بصراحة يعني انا ما بهتم كتير بشي من هالحكي انو ما بحب يكون في تطبيع بس بالنهاية ما بيهمني غير انو تكون الاردن بخير وبأمان دائم .وغير هيك ما بتصور في شي مهم بنظري .. |
مثنى ارتبط اسمو عنا او على الأقل عندي برسوم الكاريكاتور يا ترى شو مدى علاقتك بهالفن وشق تاني للسؤال علاقتك بالفن بشكل عام " كرسم يعني"؟؟ وممكن بيوم اننا نشوف رسومات لمثنى؟؟
هلأ انا بحب الكاريكاتير كتير يعني بيضحك بنفس الوقت بيبكي لانو كتير بيعبر عنا وعن يلي بنعيش كل يوم .هلأ بصراحة انا وقت بلشت اقعد ع النت كتير لقيت موقع اردني متخصص بالكاريكاتير فهالموقع عجبني خص نص انو بيحكي بالكاريكاتير تبعو عن يلي بيصير باالاردن بشكل اكبر .. فصرت اهتم بالكاريكاتير وتابعو اول باول وصرت حسو جزء مني .. هلأ بخصوص الفن انو انا وهوي مش كتير صحبة يعني ما بتابعو كتير يعني بصراحة اكتر صرت شوف رسومات واتعرف ع رسومات من خلال المواضيع يلي بأخوية. انو كنت من زمان بتمنى صير ارسم يعني حتى لو شي بسيط بس انو مشكلتي ما بعرف نهائيا ارسم اي شي ... لهلا طبعا ما بعرف ارسم ..لهيك للاسف ما بتصور انو رح تشوفو رسومات الي .. مع انو بتمنى |
طبعا شعار الاردن أولا والأردن بالقلب أنا شخصيا بيعجبني يعني اكيد ولو بعد فترة رح يغير بالناس او ببعض ناس ليصير احساسهم متل ما حكى عنو مثنى هي عالهامش
أما انت مثنى فكل هالحب للأردن ياترى تارك شي مطرح بقلبك لأنثى او لأ... حبيت لما هلق بتحب , أو في مشروع حب عالطريق؟؟ " أنا عادة ما بسأل عن هالموضوع لكن انت بديت بالسيرة :lol:" وبما انو انتقلنا لمواضيع اجتماعية فبدي اسألك عن العشائرية بالأردن يعني الملاحظ انها طاغية على علاقات الناس ... هل هالانتماء بيأثر ايجابا او سلبا لو سلبا كيف برأيك ممكن انو يتحول لتأثير ايجابي ؟ سؤال زغنون على جنب انا واياك تعال لوشوشك :pos: " شو جابك على اخوية وخلاك تلزق هون؟؟:p" |
صور و...صور
اهلين مثنى عيدك سعيد :D يا سيدي بهل فقرة بدي تجاوبني عن كلشي مكتوب تحت بكاريكاتير وان لم يوجد بصورة يمشي الحال:p من هو الذي بلا وطن؟ مهرج ولكن... ما الفرق بين الوجع والالم؟ لحظة صمت. تحياتي :fnail: |
أما انت مثنى فكل هالحب للأردن ياترى تارك شي مطرح بقلبك لأنثى او لأ...
اي تارك مطرح ومطرح كتير كبير .. بصراحة انا بدون حب لانثى ما بقدر عيش..:oops: حبيت لما هلق بتحب , أو في مشروع حب عالطريق؟؟ هلأ سابقا كنت فكر حالي حبيت عن جد بس بصراحة بتقدر تقول كان كلو حكي فاضي ..بس انو حاليا اي بحب وبحب كتير يعني بعد 10 ايام بطبق السنة مع الحب الحقيقي يلي اول مرة بعيشو بحياتي ... وبتمنى يضل طول العمر ..:sosweet: " أنا عادة ما بسأل عن هالموضوع لكن انت بديت بالسيرة :lol:" عادي يا زلمة خود راحتك ..:larg: وبما انو انتقلنا لمواضيع اجتماعية فبدي اسألك عن العشائرية بالأردن يعني الملاحظ انها طاغية على علاقات الناس ... هل هالانتماء بيأثر ايجابا او سلبا لو سلبا كيف برأيك ممكن انو يتحول لتأثير ايجابي ؟ هلأ بداية بدي قول شغلة انو مش بكل مكان العشائرية طاغية .. يعني مثلا بعمان ما في هيك شي او بتقدر تقول نادر جدا ... هلأ هوي انا برأيي بيأثر ايجابي يعني رح قلك مثال زغير بيوضحلك كل شي .. هلأ بعشيرتنا في للفخد تبعنا صندوق هالصندوق كل واحد بيشتغل بدو يحط فيه مبلغ معين كل اخر سنة هالمبلغ مش كتير بس يلي بيحب يحط اكتر بيكون منيح .. هلأ وقت يصير شي مناسبة سواءا فرح او ترح بيستخدو هالصندوق خص نص ازا اصحاب هالمناسبة ما بيملكو المال الكافي لحتى يعملوها .. هاد كمثال لو مافي عشائرية ما كان بيصير هالشي .. هلأ يمكن هالشي ما يكون ذات اهمية كتير كبيرة .. بس في كتير شغلات بتصور انو العشائرية فيها منيحة.. هلأ انا طبعا ما الي دخل بهالشي لانو نص قرايبيني ما بعرفهن ..:lol: ان شالله تكون وصلت فكرتي بخصوص هالموضوع لانو بعرف انو عجقت الدنيا ببعض وانا شالله فاهم شو قلت ..:lol: سؤال زغنون على جنب انا واياك تعال لوشوشك :pos: " شو جابك على اخوية وخلاك تلزق هون؟؟:p" هلأ اخوية فتتها بالغلط يعني متل كتير ناس كنت بتزكر انو ببحبش ع شغلة مش متزكر شو كانت بس اعتقد انها اغنية لانو انا ما بسجل بالمنتديات غير مشان الاغاني او البرامج وبوقتها ما كنت كتير مهتم بالبرامج .. بعد فترة جيت ولقيت رسالة من اخوية انو تم التفعيل وهيك .. وقت شفت اللهجة يلي مكتوب فيها هيك كيفت .. يعني مافي منتديات متل هيك كان مارق علي .. المهم عجبني اسلوب المنتدى ولونو فصرت شارك ع الخفيف حتى كنت شارك بعضوية غير هي بس ما كنت بعرف انو الواحد بيقدر يغير اسمو لهيك رحت عملت عضوية تانية ..:lol: وصرت شارك اكتر كل مرة.. ع فكرة السمايلات من احد الاشياء يلي شدتني لاخوية ما بعرف كنت افرط ضحك منهن ..باول ايامي كنت افتح ع قسم ع الطاير هداك يمكن اسبوع بحالو وانا بقلب بصفحاتو وما كنت ازهق ...وبرضو كنت باول ايامي مشكلجي نوعا ما حتى اخدنا تلات مخالفات خلال شهر ونص ..:larg:بس بصراحة كنت مرات كتيرة اتدايق من اعضاء بيحكو ع الاردن وكانت تمر علي ايام اكره اخوية ويلي فيها ..:jakoush: وكنت ازا بسمع حدا بيحكي هيك او هيك حاول بأي طريقة انو يتسكر الموضوع او ينحذف وفعلا كان في كتير مواضيع تتسكر بسببي ..:gem: المهم وهوكزا يعني لزقنا وصرت حبها اكتر واكتر لحد ما لزقنا فيها وما عاد نقدر نتزحزح ..:larg: بحكي كتير مش هيك ..:pos: |
اهلين مثنى عيدك سعيد :D اهلين فيكي ايفان وعيدك اسعد.:D يا سيدي بهل فقرة بدي تجاوبني عن كلشي مكتوب تحت بكاريكاتير وان لم يوجد بصورة يمشي الحال:p وازا ما قدرت هيك او هيك ؟ :? من هو الذي بلا وطن؟ مهرج ولكن... ما الفرق بين الوجع والالم؟ لحظة صمت. تحياتي :fnail: بصراحة مش لاقي شي مناسب .. او انو انا مش قادر بحبش ..:? ازا صار ولقيت شي رح رد جاوب بعتزر كتير ايفان..:D |
قبعة سحرية
مساء الخير ان كان مساءا صباح الخير ان كان صباحا الاخ مثنى ولاتك تعاني من ضيق وقت راح تحمل قبعتك شي واحد بس - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - :D |
كيفك مثنى ...اول شي بدي اعتذر ع التاخير لاسبب صحيه ...
مثنى في فقره المنطقه ... حابين نعرف الاردن من مثنى شو ومثنى من الاردن وين ... وكيف ممكن توصفلنا شو عطاك الاردن لحتى تتعلق فيه لهل الدرجه .... المنطقه الي ربيت فيها هل أثرت عليك نوع ما ..وماهي اجمل لحظاتك فيها ... عنا بسوريا منقول الحاره ..وهي عباره عن مجتمع مصغر جميل بعادته الاجتماعيه .الي كتير ناس بتتاثر فيها ..ياترى ممكن مثنى يخبرنا عن الحاره الاردنيه وتاثيرها عليه ....وبتركلك المجال مفتوح ..الك .. ومنور مكانك مثنى :D |
اسئله العضو المجهول .....
|
حبيت وجه تحية للمحاورين والضيوف معنا
|
مساء الخير ان كان مساءا صباح الخير ان كان صباحا يا صباح الورد ان كان صباحا ومساء الياسمين ان كان مساءا.. الاخ مثنى ولاتك تعاني من ضيق وقت راح تحمل قبعتك شي واحد بس - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - :D الحل : بس مش متأكد منو ..:lol:  :D |
كيفك مثنى ...اول شي بدي اعتذر ع التاخير لاسبب صحيه ...
اهلين صفصف..ولا يهمك .. سلامتك ..:D مثنى في فقره المنطقه ... حابين نعرف الاردن من مثنى شو ومثنى من الاردن وين ... يعني هلأ باختصار الاردن كل شي بالنسبة الي .. هلأ انا كتير بحبها وكتير بحس انو هي بتحبني متل ما بحبها احيانا كتير بقعد لحالي وبصير احكي معها.. احيانا بحس انو هي الي لحالي .. ما بعرف بحس في شغلات غريبة بتصير بيني وبينها ... يعني في علاقة حب كتير كبيرة بيناتنا ورح تضل ع طول العمر ... وكيف ممكن توصفلنا شو عطاك الاردن لحتى تتعلق فيه لهل الدرجه .... الاردن اعطاني كل شي ممكن ياخدو البني ادم .. اعطتني حب اعطتني حنان اعطتني ام اعطتني اب اعطتني اخوة .. اعطتني اصدقاء .. اعطتني كل شي بس الاهم انو اعطتني وطن وحضن دافي ما ممكن لاقيه بكل الكون ...كتير ناس بتدور على حضن ووطن دافي وناس بتدفع ملايين لحتى تحقق هيك شي بس للاسف في كتير ناس ما بتعرف هالشي ولا بتقدرو ... المنطقه الي ربيت فيها هل أثرت عليك نوع ما ..وماهي اجمل لحظاتك فيها ... هلأ انا بطبيعتي مش اجتماعي لهيك ما بظن انو اثرت علي بشكل كبير يمكن اثرت بس بالعادات والتقاليد..يعني شي روتيني.. يعني حتى ما بختلط مع قرايبيني وقليل ما بعرف حدا منهن.. اجمل لحظاتي كتيرة بس بقدر قلك انو في مرة بسنة ال 1992 تلجت تلجة كتير كبيرة قعدت شي اسبوع انا كنت وقتها كنت اكل ضربة عراسي ومقطوبة وعليها لزقة كبيرة:lol:.. كان عمري وقتها 5 سنين.. ما بعرف اكتر شي بتزكرو هي يمكن لانو بحب التلج والشتا .. ووقت شوف الصور يلي متصور فيهن بهالتلجة بحس كأنها امبارح وبتمنى ارجع لهديك الايام ...:cry: عنا بسوريا منقول الحاره ..وهي عباره عن مجتمع مصغر جميل بعادته الاجتماعيه .الي كتير ناس بتتاثر فيها ..ياترى ممكن مثنى يخبرنا عن الحاره الاردنيه وتاثيرها عليه ....وبتركلك المجال مفتوح ..الك .. وعنا كمان بنقول حارة .. هلأ انا قلت قبل انو انا مش اجتماعي كتير يعني ما بروح وما بجي كتير يعني بتقدري تقولي بالمناسبات ومش كلها حسب معزة الشخص عندي ... وقليلين هدول الناس ..:lol: هلأ الحارة الاردنية يمكن اكتر شي بيميزها العشائرية وسكن القرابيبن جنب بعض وكل شي 10 بيوت بجنب بعض بتلاقيهن اخوان او اولاد عم وهكزا .. بس بالوقت الحالي بطلت يعني ما عادت تفرق كتير وما عاد حدا اهتم بهالشي لانو كترة القرايبين بجنب بعض كترت المشاكل معها .. هلأ ع فكرة عنا بالمدينة يلي انا عايش فيها بيقولو لعائلات اهل حارة وبيقولو لعائلات تانية اكراد ... اهل الحارة يلي بيسكنو ع الجبال واهل الاكراد يلي بيسكنو بالوديان .. وانا من تبعون الحارة ..:gem: ومنور مكانك مثنى :D ومنورة بوجودك وبأسألتك..:D |
اسئله العضو المجهول .....
هلأ برا اخوية يمكن انو اقنعت حدا بس للصراحة ما بتزكر شي ولا بتزكر مين .. بالمناسبة الميموري عندي ضعيفة جدا الا بالتواريخ ... لهيك صعب اتزكر نقاشات وهيك ...
ومين بتتوقع انا ؟؟؟:D انو اكيد حدا من اعضاء اخوية ..:p احساسي بيقلي انو يا ريتا يا بنفسجة ..:? هاموش: اول ما شفت الاسئلة مكتوبين بهالطريقة فكرتها تبعت الرسالة يلي بتطلع وقت بدك تفوت ع صفحة وغير مسموحلك انك تدخلها ..:lol: |
مثنى منشكرك ع الصوره الحلوه الي قدمتها عن الاردن ....وطبعا الفقره هلى هي فقره اخويه ..
بس قبل ما نبلش بحب خبرك العضو المجهول ..هو الصديق الغالي ابو نجبو :D... وبحب نبه ع شغله الصديقه بوزي لسى ما خلصت فقرتها تبعت الصور فا بدك تتحملنا شوي ..بس ضيق الوقت وغيبتك وغيبتنا عم نطول شوي عليك .... اخويه .... الك باخويه سنتين ... سوا ربينا او ما انضم ع اخويه ...كيف كانت بالنسبه له ..وكيف كان سو ربينا اول ما انضم لاخويه .... كل شي بيتغير مع مرور الزمن للاحسن ووالافضل او الاسواء يعني يوم الك ويوم عليك ..كيف بتشوف اخويه الان مقارنه مع 2007 ....؟؟؟؟ شو قدمت الك اخويه ..فقط معلومات ومرجع ولا كان الها تاثير عليك كتفكير ..وشو قدمت من علاقات صداقه .. هل اخويه كانت النافذه الوحيده الك لتتعرف ع سوريا وشعبها ولا لا ؟؟؟ كيف بتشوف مواضيع اخويه مقارنه مع اي مجتمع الكتروني تاني ؟؟؟؟وكيف بتشوف مواضيع اخويه الان مقارنه مع السابق .... سوا ربينا العضو الحنون الي بحب الكل باخويه وبتمنى السلام دائما ..كيف بشوف اخويه بادارتها واعضائها من علاقه واهتمام من جهه الطرفين ..وهل بتعتقد انه في تقصير من الاداره ولا الوضع ماشي ماشي ؟؟؟؟ سوا ربينا ( مثنى ) كلمه منك للادراه ..للاعضاء .الموجودين والغايبين ...واحلى كلمه اكيد لاخويه ؟؟؟؟؟؟ ومره تانيه منور احلى مثنى :D |
مثنى منشكرك ع الصوره الحلوه الي قدمتها عن الاردن ....وطبعا الفقره هلى هي فقره اخويه ..
بس قبل ما نبلش بحب خبرك العضو المجهول ..هو الصديق الغالي ابو نجبو :D... تحياتي الك ولابو نجبو العزيز .. :D وبحب نبه ع شغله الصديقه بوزي لسى ما خلصت فقرتها تبعت الصور فا بدك تتحملنا شوي ..بس ضيق الوقت وغيبتك وغيبتنا عم نطول شوي عليك .... وانا بالانتظار ... واانا بعتذر بسبب ضيق الوقت معي وما عم بقدر فوت متل اول .. يعني بدكن تتحملونا شوي .. اخويه .... الك باخويه سنتين ... اي سنتين الا اكمن يوم .. :lol: سوا ربينا او ما انضم ع اخويه ...كيف كانت بالنسبه له ..وكيف كان سو ربينا اول ما انضم لاخويه .... هلأ متل ما قلت قبل انو انضميت عن طريق العمو جوجل .. وسجلت مشان اخدلي شي غنية او برنامج .. هلأ انا شغلة المنتديات والمشاركة فيها ما بحبها ولا بقتنع فيها .. بس وقت سجلت باخوية وصرت تابعها شوي شوي .. شفت انها مختلفة كتييير عن المنتديات التانية ...فيوم عن يوم حبيتها اكتر وصرت شارك اكتر وصارلي اصدقاء ويمكن اكتر اسباب وجودي باخوية هني اصدقائي يعني الواحد وقت يكون الو حدا بيحبو بمكان معين بيصير يحب هالمكان وما بحس بالوحدة .. اول ما انضميت لاخوية متلي متل كتير من يلي بينضمو جديد يعني كنت اكتر شي بحب قسم ع الطاير وقسم الملطوشات وكنت مدمن ع المسابقات متل الجيل الجديد يعني .. :lol: مشان هيك انا ما بلوم الاعضاء الجدد وقت يشتركو اكتر شي بالمسابقات لانو كنت متلهن .. اي وةكنت مشكلجي نوعا ما واكترت يلي اتمشكلت معهن صرت انا وهني اصدقاء.. هلأ مرت لحظات كنت ما حب فوت اخوية لانو كان في كتير اعضاء اتدايق منهن .. ولا زالو موجودين بس بطلو يهموني وبطلو يأثرو فيي بطريقة كلامهن.. بس حاليا الوضع تمام ولولا الوقت معي وظروفي يلي ما كنت حاسبلها حساب كنت ما زلت متل قبل يعني وقت تفوتي المسا تلاقيني .. بس ينعن الظروف . :cry: كل شي بيتغير مع مرور الزمن للاحسن ووالافضل او الاسواء يعني يوم الك ويوم عليك ..كيف بتشوف اخويه الان مقارنه مع 2007 ....؟؟؟؟ طبعا كل شي بيتغير .. هلأ اخوية بحسها متلنا البشر يعني بتمر بظروف سيئة وبترجع تتحسن .. هلأ انا بشوف انو بال2007 كانت احسن.. يمكن لانو ما كان يصير متل الخلافات يلي صارت بأخر فترة وما كنت بحس انو في حدا بيكره التاني الا بتلاقيلك اكمن عضو مكروهين من الجميع.. بس اخوية رح تضل بخير وما بينخاف عليها .. شو قدمت الك اخويه ..فقط معلومات ومرجع ولا كان الها تاثير عليك كتفكير ..وشو قدمت من علاقات صداقه .. اخوية قدمتلي كتير .. قدمتلي معلومات ما كنت بعرفها بكتير مجالات .. كتفكير ما بظن اثرت فيي او يمكن تأثير بسيط بس ما غير شي يعني تأثير باطني .. اما بالنسبة للصداقة فقدمتلي كتير كتير ومن مختلف البلدان العربية .. وبحبهن كلهن وصعب اتخيل حالي بدون حدا منهن ... وبتمنى ما تضل صداقتنا بس ع النت.. هل اخويه كانت النافذه الوحيده الك لتتعرف ع سوريا وشعبها ولا لا ؟؟؟ هلأ مش بالزبط بس بتقدري تقولي انو اتعرفت عليها وع شعبها اكتر من قبل .. كيف بتشوف مواضيع اخويه مقارنه مع اي مجتمع الكتروني تاني ؟؟؟؟وكيف بتشوف مواضيع اخويه الان مقارنه مع السابق .... بصراحة ما بحب قارن بين اخوية واي مجتمع الكتروني تاني .. بحس انو هي ما بتتقارن مع حدا .. وغير هيك اخوية اكتر مكان بشارك فيك وبتقدري تقولي الوحيد .. ويلي بيستاهل انو الواحد يقعد ويشارك فيه ... كل وقت والو مواضيعو .. يعني بحس كل وقت بياخد حقو من المواضيع ..بس في شوية مواضيع عم تتكرر وعم تعمل مشاكل لو بيمنعوها بيكون كتير منيح... سوا ربينا العضو الحنون الي بحب الكل باخويه وبتمنى السلام دائما ..كيف بشوف اخويه بادارتها واعضائها من علاقه واهتمام من جهه الطرفين ..وهل بتعتقد انه في تقصير من الاداره ولا الوضع ماشي ماشي ؟؟؟؟ لك شو هالحكي الظريف هاد خجلتني وانا مش عايز اخجل .. :oops: هلأ ما ما بقدر احكم ع الادارة لانو يمكن لو انا او غيري محلهن ما نقدر نعمل يلي عم يعملوه ..واكيد هني متلنا في عندهن ظروف وامتحانات وروحات وجيات وكتير شغلات اكتر اهمية من الاشراف .. بس انو هاد ما بيعني انو ما في تقصير او خلينا نقول اخطاء من بعض مشرفين .. هلأ المشكلة الكبيرة يلي باخوية انو بتلاقي صار موقف بين مشرف وعضو او طرقو شي مخالفة فبيضل في حقد وكره من قبل الطرفين او يمكن من قبل العضو اكتر .. ووين ما بيلتقو بيتناقرو وبيصير مشكلة ..بس يمكن بالوقت الحالي اتحسن الوضع او يمكن لانو انا ما بطل كتير .. :lol: سوا ربينا ( مثنى ) كلمه منك للادراه ..للاعضاء .الموجودين والغايبين ...واحلى كلمه اكيد لاخويه ؟؟؟؟؟؟ خلي قلبكن صافي ونيتكن صافية وخليكن حبايب ..وللادارة خليكن متل ما انتو بهالنشاط وبهالمتابعة.. وديرو بالكن علينا نحنا الاعضاء .. :D ومره تانيه منور احلى مثنى انتي النور كلو يا احلى صفصف ... :D |
الشكر الكبير لسوا ربينا ...انبسطنا كتير معك :D....
بيقولوا انه مسك الختام غير شكل ...والمسك ما في احلى منه فا كيف اذا بيجي بعد نطره طويله ... بحب رحب بضيفنا المميز وصاحب المكان و مسك الختام ....الصديق ..رجل من ورق ...وبدي اعتذر منه ومن الكل ع التأخير الي صار ..بس ظروف العيد وظروف الباقين ...اخرتنا شوي ...بس كلنا ناطرين ..حديثنا الشيق ..مع طارق ..رجل من ورق انا بحب رحب فيك ببيتك ومكانك ...وبترك الصديق فراس .يستلمك بالاول ....:lol: ومنور طارق :D |
وانا انبسطت معكن اكتر صوفي وكنت بتمنى انو كون موجود بكل وقت بس ما الي نصيب...
بتشكرك وبتشكر كل مين شارك سواءا كان ضيف او مضيف ...:D تسمحيلي قبل ما يبلش طارق قول اكمن شغلة .. اول شي انا كتير مبسوط انو شاركت كمضيف وكضيف بهالبرنامج الرائع يلي اكيد لولا وجود طارق صاحب الفكرة وابو سارة يلي هوي كان السبب بمشاركتي فيه ... وبتشكرهن التنين طارق يلي بسبب هالبرنامج اتعرفت عليه بشكل شخصي واكتر ويلي اصبح من اصدقائي وبفتخر بصداقة هيك شخص راقي وخلوق وصاحب كلام واسلوب يمكن ما في منو بكل اخوية ... وابو سارة يلي بعرفو من قبل وبعتبرو اخ كبير وصديق صدوق الي .. وبفتخر فيه وبلجألو بكتير مرات وبحياتو ما خجلني بطلب .. واكتر شخص بحب اتناقش معو بمسائل مختلفة لانو صاحب اسلوب راقي جدا ولو كان على خلاف معك بالموضوع بس مستحيل يأذيك او يجرحك بكلمة ... مليار وردة لطارق ولابو سارة ..:D بالنهاية حابب حط التذكار يلي قلت انو بحطو بأخر الحلقة ...  سوسنة سودا اردنية بتعبر عني وعن احلى بلد بالعالم .. :D |
هلق خلص البرنامج؟؟:sly: اي والله ذكرتني بالمقلاية يا طارق....
خيو انا عندي سؤال صغير...وينك ما عم تفوت عالمسنجر ؟؟ :jakoush: :jakoush: |
اولا كيفك طارق انشالله بخير احب انقل الك تحياتي والاصحاب المحاورين واعتذر كثييرااااااااا عن التاخير بسبب ظروف البعض .. على العموم الي الشرف ان ابتدي حواري والاسئلة معك: طارق.. خبرني عن طارق الانسان.. الطفل الكبير الرجل من ورق ******* طارق..:D what is ur states ? لما حطيت هذا الموضوع الحلو صراحة والاكثر شعبية؟؟ ********** طارق شو هي احلامك من اوسع ابوابها؟ وكمان فيك تخبرنا ولو نبذة عن مدونتك الشخصية " رسائل رجل من ورق " ********** طروقة... شو السؤال الشخصي الي ما تحبذ حدا يسألكياه؟ تحياتي :fnail: |
اتاخرت كتييييييييييييير يا حبيبي
اهلا وسهلا بصوفي وايفان رح جاوب قريبا ملاحظة صغيرة قد يتم اغلاق الموضوع بطلب مني ولسبب تقني وفورا رح اطلب نقل مشاركاتكون للموضوع الجديد |
اولا كيفك طارق انشالله بخير :Dتسلمي ايفان احب انقل الك تحياتي والاصحاب المحاورين واعتذر كثييرااااااااا عن التاخير بسبب ظروف البعض .. مع انو مات البرنامج بس ولا يهمك بتمونوا على العموم الي الشرف ان ابتدي حواري والاسئلة معك: طارق.. خبرني عن طارق الانسان.. الجمل ما بيشوف حدبته ومن جهة تانية مداح نفسو كذاب لهيك ما رح قول الا انو اني متلي متل هالبشر الطفل الكبير لولا هي الطفولة ما بتصور اني بقدر اتقبل هموم الحياة بالبلد الرجل من ورق لانو غالب الناس صارت من ورق وكل حياتنا اختصرت بكلمات على ورق ******* طارق..:D what is ur states ? لما حطيت هذا الموضوع الحلو صراحة والاكثر شعبية؟؟ رح قلك على سر لما نزلت الموضوع اول شي كان عبالي انو اعمل شي متل الحالة اللي منحطا كل يوم عالفيس بوك وبعد شي 5 مشاركات قررت سكر الموضوع بطلب من الاشراف لانو حسيت حالي والموضوع سوبر تافهين بوقت كانت عم تنطرح مواضيع سوبر جدية وهامة بس بعتت لسامر وعلق الملقم قمت قلت بعد شوي ونسيت الموضوع ********** طارق شو هي احلامك من اوسع ابوابها؟ اوسع حلم عندي ياه اني اقدر ساعد كتار من البشر باي شكل بقدر حافظ على حياتون او مستقبلون وكمان فيك تخبرنا ولو نبذة عن مدونتك الشخصية " رسائل رجل من ورق " مش بعيد انا عن التدوين اول مدونة الي طلعت ب2007 ورجعت نقلتا للبلوغ سبوت ب2008 وسميتا رسائل رجل من ورق لانتعا بعدين للورد بريس اوقات بجي بدي اكتب شي فيها وبلاقي المدونات الباقية حاكية عن موضوع فوق موضوعي بالف مرة فبلعن الحالة ومستوى تفاهتي انا ومدونتي يعني ما بنسا يوم جيت لاكتب عن حال برامج التوك شو قمت لقيت ياسين كاتب عن عقدة استوكهولم وغابي عن اليسارية وميمو عن العمل التطوعي قمت سكرت وقعدت ساكت بس بالواقع هي مدونتي وهي مساحتي انا اللي بتعبر عني لهيك طارت هيك افكار من راسي اللي بدي ياه عم قوله ********** طروقة... شو السؤال الشخصي الي ما تحبذ حدا يسألكياه؟ قديش راتبك انت مسلم او مسيحي او شيعي او ماروني تحياتي |
| الساعة بإيدك هلق يا سيدي 07:03 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون