|
مطلوب آنسة ذات مظهر لائق !!
هالعبارة كتير منشوفها باعلانات الوظائف سواء بالجرائد او ع ابوب المحلات مطلوب آنسة ذات مظهر لائق .. هل هالطلب بحد زاتو طلب لائق ؟ طيب شو مقومات الانسه يلي مظهرها لائق ؟ وشو هي معاييرو ؟ برايكون بهالطلب .. مو كانو المجتمع لساتو بنظر للمراه كانها سلعة .. او للمنظره فقط بدون المضمون الداخلي او الخبره ؟ :D |
اقتباس:
مرحبا هلئ أنا معك بالفكرة نو اعنوان منو منيح بس هل الأشيا هي صارت دعاية تجارية يمكن الئصد هو الأتيكيت واللوك الحلوو طيب شو بيمنع انو البنت يكون مظهر لائق والشب كمينا لازم يكون مظهر لائق بس اذا الئصد غير هيك بيكون هيدا تمييز بين الرجل والمرأة بالأخير المهم والأهم برأيي: شخصية الشخص ومؤهلاتو :D |
شوفي لقلك انا مع هالعبارة
لأنو المظهر اللائق مو بالضرورة يكون الهدف منه سيء يعني في شركات كبيرة وبنوك خاصة ضخمة اكيد بهمها مظهر الصبية يكون مرتب وحتى الشب لازم يكون مظهرو لائق لما كنت اشتغل باحد شركات الاتصالات كان شغلنا نحنا كافاينان داخلي لامنشوف حدا ولاحدا بيشوفنا ومع هيك كان ممنوع الجينز الا يوم الخميس باعتباره نهاية اسبوع وكانت الhr كل شهر بيعملو كبسة علينا ليشوفو لباسنا موظفين الشركة بيمثلو الشركة وتحية |
يعني لازم يكون لائق. .
حرام المدير:p |
اقتباس:
وبعدين ... كاتبة الموضوع يعني انا تصورت حالي لـ وهلة .. فتت على شركة ما .. وشفت بعض الموظفين بـ الشورط وهاد يلي لابس شحاطة .. والتاني يلي مو مغسل وشو او شي واحد مثلأ عم ينضف عيونو لأنو ما صحلو يغسلون قبل ما يطلع من البيت او مثلاً شي وحدة عم تنضف أدنها بـ قلم يلي بتكتب فيه اي أذا قلتلون قدامون يلعن ابو هيك شركة .. بدي قولا بـ قلبي المظهر اللائق ليس بـ الضرورة المظهر جميل .. على الأقل يكون الموظف أو الموظفة يتسمو بـ شوية اناقة واهم شي الأسنان متصورة تفوتي على شي بنك . وتشوفي وحدة قاعدة على كرسي عم تضحكلك و سنانها صفر و القذارة بنيت عليها بنايات و طوابق ؟ بـ النهاية .. المظهر لائق سبب رئيسي لـ تميز الشركة و نجاحها:D |
مطلوب انسة بتقرف للعمل في شركة مقرفةلرجاء من يجد نفسه يتوافر فيه القرف المناسب والكافي الاتصال بنا ولا قلكون ما عنا تلفون المقابلات جمب سلة الزبالة .. بحارة المهيقيطيجان تقرفن للتألق .. الشحاطة ملزمة .. والافضلية للشحاحيط البلاستيك .. الروائح عنواننا .. لسنا الوحيدين .. لكننا الاقرف .. |
الإناقة عملة نادرة وهناك أناقة داخلية " أخلاقية " وَ أناقة خارجية " المظهر " هكذا أرى أن تصبح شرطا ً للقبول في وظيفة ما وأن تجدها بالفعل فأنتَ محظوظ جداً وَ لا أجدها تنقص المَرأة من احترامها " ربما تحفزها لأن تكونَ كذلك " عبتشهي شوف أنثى أنيقة , قصدي أنثى أنثى يعني :lol: |
انا بقيم المعنى على اساس شغلتين
اول شغلة الاعلان المنشور يعني اذا اعلان محترم اخد نص الصفحة يعني لشركة كبيرة محترمة بدها موظفين يعبرو عنها بافضل الصور اما اذا كان اعلان مبوب من هدول الي ببلاش فباينة هاد صاحب مكتب غرفة ومنافعها وحابب يقضي يومين حلوين الشغلة التانية المقابلة بس تروحي على المقابلة ببان كل شي بس بيني وبينك وقت هالعبارة بتجي مع عبارة ( الخبرة غير ضرورية ) وقتها ما بده ولا شغلة لتعرفي شو القصد من الاعلان;) |
كلمة مظهر لائق بحسها كلمة متواضعة ومو كتير تعجيزيه يعني مو مشترطين بنت كتير حلوة بس ع الاقل ما تكون بشعه ومو مشترطين مواصفات تعجيزيه للبس ع الاقل اللباس لمرتب المتناسق
وبقولو العين بتوكل والله في ناس مظهرهم بطفش الزباين |
المظهر شي اساسي ومو غلط بس لازم يكون معو الادب ....:larg:
|
ما رح زيد على يلي قالوه الشباب
بس عبارة مظهر لائق أبداً مش كلمة معيبة بحق المرأة المظهر الأنيق مطلب هام بالعمل اقتباس:
من وقتا والسؤال براسي أنو ليش وايت روز ما بتلبس جينز إلا يوم الخميس شو السبب يعني اقتباس:
|
اقتباس:
|
البعكس الاناقة مو سلعة ابدا
بتعطيها رونقها وبتخليها تجسد معنى المراة العاملة لانو ف ينسوان بيشتغلو عمليين يعني بس ما بيعرفو معنى الاناقة بس الاناقة يا عيني بتخلي الانثى انثى;) ويعني اكيد ما بتخايل انو واحد عندو شركة هالقد بيلبس فيا الوان ليه روضة؟اكيد لاء :? مطلوب ملابس رسمية عملية واكيد ذات لون مناسب وذو قيمة هاد اللي بشوفو :D |
اقتباس:
يلي بقصدوو انو شو هي معاير المظهر اللائق يعني ازا كانت البنت متواضعة الجمال ما بوظفوها :? |
هلا انا مع المظهر ال لائق ان كان لا الشب او البنت يعني مو معقول انو تفوتي على محل او مكتب وتلاقي الي عم تشتغل لابسة بنطلون احمر او ازرق وفوقه لاوزة بني او تركواز او اواو الخ الخ الخ اكيد ما بيقصدو فيها المحمل السئ لا لانو الزبونة او الزبون لما بدون يفوتو فا رح ياخدو راي الي عم تبيعون يعني ازا كان مظهرها مو لائق اكيد مارح يثقو بكلامها فا المظهر مطلووووب انا اول وحدة ازا فتحت محل او ايا شي بطلب اول شرط المظهر ال لائق والوجه البشوش :p |
اقتباس:
معايير المظهر اللائق ما بتعني أنو البنت تكون خارقة الجمال المظهر اللائق يعني الاناقة ... الابتسامة المرحبة ... يعني تصوري تفوتي على مكتب تلاقي وحدة مكشرة بوجهك :lol: والأناقة بتعطي جمال بغض النظر على الشكل وبعتقد يعني شي بديهي الإنسان يكون أنيق بمكان عملو :? |
اقتباس:
انو ازا وحده الله ما طعمها جمال بقومو الزباين بطفشو منها ليش هني شو رايحين يعملو ؟ رايحين يشترو او يلبو طلبهن ولا يبصبصو ؟؟ |
اقتباس:
بس ازا المطلوب فيه الجمال فانا ضد هالشي :? |
اقتباس:
انا يلي بقصدوو ازا كانت متواضعة الجمال ما بتتوظف ؟ |
ما بعرف ليش برأييك المظهر اللائق بيعني أنها تكون خارقة الجمال
يعني المتواضعة الجمال مثلا مظهرها غير لائق ؟؟ |
اقتباس:
|
الموضوع ...مو موضوع جمال الشكل او قباحتو ...
المظهر اللائق هو عباره عن اظهار الاناقه ...والترتيب للشخصيه ... وبعتبار انا بشتغل ...وعنا بالشركه مثلا ممنوع نلبس جينز او تياب عاديه لازم بدله ....فا هدا مو معناتو انه نحن قبيحين او اشكالنا مو مقبوله ...بس الاناقه مطلوبه وخاصه للمراه الي بتشتغل ....فهي صوره جميله بالاخير بمكان عملها ..وبتعبر عن الشركهو عن حالها ...بطريقه ما ... وهي ايضا نوع من جذب الناس الى الشركه ان كان بابتسامتها ..او اناقتها .. ...والرجاء محدا يفهمني غلط يعني الموضوع من اولويات الوظيفه انا بعتبرو ...ومانو غلط |
اقتباس:
شو يعني المظهر اللائق :? وشو هو الاهم المظهر اللائق والا الخبره |
اقتباس:
|
اقتباس:
|
اقتباس:
|
هلأ هوي لازم يعني المظهر اللائق يكون يعني لائق يعني الواحد لما يدخل مثلا ع الشركة يقدر يتطلع ويبسط بالشركة .. مش يفوت ويحرم يرجع ... :lol:
|
اقتباس:
بس مصيبه ازا في هيك اعلان :lol: |
اقتباس:
الشباب جاوبوكي وقالو أنها بتعني الأناقة ... ما حدا جاب سيرة الجمال |
اقتباس:
|
المظهر اللائق ما بيعني الجمال الفائق
انما الاناقة في الهندام واللباقة في الكلام والتعامل مع الزبون يعني نحنا اول شي بنجي بنعلق على مذيعات التلفوزيون السوري انو ما بيفهمو لا باللبس ولا بالاناقة ولا باللباقة فشي طبيعي يكون هيك شرط موجود بهيك اعلانات مشان مصلحة المواطن اولا واخيرا:lol: |
يا أصحاب انا من فترة كنت عماا اشتغل بشركة وكانت عنا سكرتيرة
اذا بخكيلكن عنا بدي شهر ما بخلص بئى كل شي مطلوب ومهم |
هاد شي كتير طبيعي.. اصلا بلى ما يقولوا مطلوب فتاة ذات مظهر لائق..المفروض يكون البنت مظهرها لائق.. ما معقول يروح الواحد ع مكان شغلو وهوي منكوش ومنفوش ولابس بيجامة رياضه !!
|
ما عرفنا ...سلباً او ايجاباً :p
اقتباس:
|
صراحة معك حق بالتساؤل لانو بيحمل بشكل ما شي غير لائق
بس العبارة صارت مو بس للنساء كمان صرنا منصادق هيك عبارة بتخص الرجال انو شاب ذا مظهر لائق الشكل احيانا ببعض الوظائف بيكون الو اهمية خاصة ... واحيانا الاناقة انو مثلا ما بيصير لبس الجينز او السبو بشكل عام . بس ما بعرف ليش عرض الاعلان بهي الطريقة بخليني فكر بالامور العاطلة !!!!!!!!!!! خاصة انو احيانا الشكل بيطغي على المهارة المهنية بحالات كتيرة يمكن عدم الثقة بنظرة المجتمع واحكاموا ( المبررة بنظري .. وهون قصدي عدم الثقة ) هوي السبب الاساسي لنفورنا من هيك اعلان |
اقتباس:
|
أنا بشوف أنو المظهر اللائق مطلوب للشب والبنت وخاصة لما تكون الشركة إلها اسمها ..لأن العاملين بالشركة وموظفيها هنن واجهة الشركة وهنن يلي بمثلوها
ما فيو شي الاعلان :D |
هو الموضوع متفرع كتير من وجهة نظر كل واحد فيكو بس فيه بعض شركات عم يطلبو المظهر والجمال بصفه أساسيه وهاد منشان شغله تانيه أنتو فاهمين وحصل هاد قدامي كنت في شركه كانو طالبين سكرتيره وكان أعلانهم كان مكتوب فيه ( مطلوب آنسه للعمل كسكرتيره يشترط أن تكون حسنة المظهر وعلى قدر من الجمال وبراتب مغري ولا يشترط الخبره ) طيب هاد واضح شو القصد من هيك طلب أن اللي طالبينو واحده للمسخره مو للدوام وفيه ناس عم يطلبو المظهر كصفه أساسيه للدوام لأن لو فيه زبون فات على شي محل ولقى اللي واقف فيه شب أو صبيه مظهرو حلو ومرتب بيحب يضل قاعد في هاد المحل ويسأل ويستفسر ويتناقش عن كل اللي بدو أياه أما لو شب أو صبيه مظهرهم مو مرتب الزبون وهو على الباب بيعمل للخلف دور وينطلق على بيتو  - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
اقتباس:
|
اقتباس:
وبتقولولي عادي :sick: |
| الساعة بإيدك هلق يا سيدي 09:06 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون