|
و باص
هادا ال ياأخواتي .. حصل ونوينا انو نتطور .. ونصير على أساس زي الدول المتحوضرة والمتطوطرة .. والآليه تكمن ب شراء باصات خضرا على حمرا على صفرا .. مدري شو شكل دين ربا .. لاء وبضوي من ورا .انو حلو .. شي ظريف نضيف خفيف .. ومفيد .. ل ئدام بظنا بتفيد . فا يا متواطنين .. وصلت هل باصات .. لوين ؟ وصلت ع حمص الأبية الغنية عن التعريف والتفسير .. وحصل انو طلعت فيا سخصياً .. ومرفوع الرأس وحياتكن . وماحدا ئدي .. وعم اتلفت ب هلخلايق .. انو علا أساس شوفوني . مأحضرني . وجلسنا على هلمئاعد الصفر .. ومتل كيف بدي ئلك .. متل طرزان . يلي أكيد بتعرفو وسمعان في . وئام شاف واحد مطئم ياباشا . !! عرفت كيف الئصة . مابظنك . طيب .. ياأخي انا شاوي نوري بدوي .. بينشحد عليي الله بيشهد .. بس لك وئت لي حطت رجلنا الباص .. حسيت حالي جاي من فسط النييويورك .. فا حصل .. ووقع نظرنا على محترم .. ماسك المفتاح .. وعم يحفر ع ضهر المقعد .. رقم موبايلو .. وعينك تشوف لحسة البراءة و البهجة البادية على محييا . شو بعرفني .. انو بتحس وئت بتشوف هيك أمثلة .. بتسود الدنيي بوشك .. انو لك الله ليش . لك لاء مابدي فوت معك ب ليش وكيف . بس مين هل اخت المحلوشة .. يلي بدا تشوف هلرقم .. وتئوم طوالي ها .. ساحبة وطارئتك إتصال .. وعلى أساس : أي لوف يو .. دو يو لف مي . ومابظنك مأيد مخك ع هلئصة .. واذا مو هيك .. فا ليش ؟ ليش يابهيم . حل عني . طلاع من راسي . انا معلم .. صدئني مابدي شي .. بدك تسكر الموضوع سكر .. بس هيك .. بتحز بنفسي هيك ئصص .. وبيني وبينك .. مافي أمل فا مني وعليي .. مابيلبئلنا . ياأخي مامتعودين .. تخينة ع مخاخنا . حبة حبة ياعلام . |
والله معك حق شي بسم البدن :jakoush:
انا لو محلك كنت حكيتو قلتلو انت واحد مئزي :pos: |
هاد حقاتو شي حدا ياخد مفتاح و يحفرلو على جبهتو "متخلف" :frown:
|
أخ أيه هلئ بدي أبجى لأنيك فتئتلي جروحي
هي يا سيدي بصيف أيه بلصيف الماضي نزلت على سوريا زيارة و طلعتلك بترين على اللادئية أخ و عينك ماتشوف إلا النور يا خاي ما حسيت و إلا ريحة مايمنيحة و دخان جاي من وراي أمت أطلع و أز شلة زعران مشعلين أزليلة في الترين أمت أحكي معهون لك أشو هاد يا شباب لك هاد الترين مو إلنا شلون هيك ألعما عليكون لك هاد ترين بلدنا مو ترين شارون أمو كم واحد من الناس الطيبين و دخلو في الئصة و طفو النار و الله وكيلك لو كنت لوحدي كانو أكلوني بلا ملح هادا غير الكلام الوسخ اللي كانو عبيتباهو فيه أرزال كل واحد منهم حنشلي أكتر من التاني لأ و الأغرب من هيك اللهجة اللي عبيحكوا لا هي حلبية لتعرف من أينا حارة هنن و لا لهجة لادئانية شي بسود الوش الله لا يئيمون |
اقتباس:
منيح يلي مانك محلي . :D |
اقتباس:
الئصة ليش مابتكون الشغلة بلتدريج . النط نط مابنئدر نستوعبا . باص مثلاً . وش دهان ياباشا . روداج للموتور . بنكون هيك خطينا خطوة ماكنة . بعدين . تزبيط للمقاعد . تركيب مسكات . مع تصليحة للشبابيك .. كمان بتكون خطوة ظريفة . وبعدين مثلاً بنجيب باص أحدث منو بسنة . وهيك شوي شوي شوي .. بنجيب عاد باص شبيه بلموجود حاليا ً . موفكرة . لاتئلي فكرة . شنو الحفر مابجيب نتيجة . :D |
اقتباس:
مابعرف هلأ الحكي مع هيك بشر .. بجيب نتيجة ... ومن عندي مابظن . |
اقتباس:
أزا مابتحسن فبلسانك و أزا مابتحسن لا بأيدك و لا بلسانك فبقلبك المهم أن الأنسان قلبو على بلدو :D |
اقتباس:
معلم انك تعرف العئلية المتبعة للتفكير .. شيت ولاد بلدك . فا هذه مصيبة . انتي بلسانك ئلت .. لاولا الشباب الطيبة . يلي هبو ل نصرتك .. الله أعلم شو كان صار . والكل ياباشا ئلبو ع بلدو . والكل على طريقتة . بس الشي المهم انو الكل . :D |
اقتباس:
لو كل واحد فينا يحمل حالو مسؤلية بلدو و يعتبر أنو البلد لألو و للأبوه و لأجدادو و للأجيال الجاية بعدو هيك البلد بتصير أحسن مما تتصور هاد بحاجة لبث الروح الوطنية من التربية في البيت الى المنهاج التدريسي في المدارس و الأعدادية الحكومة ماممكن تعمل أي شيئ غير سن القونين التربية المنزلية أهم من أي قانون |
اقتباس:
|
اقتباس:
وحابكا .. بحيث انو معد فيني لاكشك وتلاكشني . بس وبضل حكي خارج التغطية .. ومافي مين يسمع . فا ليش ماكل متواطن ب هل البلد والمعطاء . يعمل شي بيعود بلنفع على هلشي لي اسمو سورية . من أصغر الأمور . من كبة الورئة بلحاوية مثلاً ل أعظم الأمور . بتحس انك مانك صفر علشمال . عمتعمل شي . ولو انو بلمجهر مابينطس . بس بينك وبين حالك . بتكون مفرفح داخلياً وصمصومياً . وعمتساهم . بس بشو مابعرف . سيدي أهلين حلبي :D |
اقتباس:
:pos: |
اقتباس:
أعمل خير و الباقي على الله لما كنت في سوريا حكولي عدة ناس أني الوالد الله يرحمو كان كل يوم بعد صلاة الصبح يكنس أمام البيت و هيك الى أخير الصئاء و يرش مي و كانت الوالدة الله يرحمها تعمل أهوى و يئعد الوالد مع عامل التنظيفات و يشربو الأهوى بعض أدام البيت هيك كتير فرحت أنو الوالد ترك زكرى كويسة و الناس زكرتو بلخير بعد مماتو |
الله يرحمن ياباشا .
بس مانا بهلوارد .. شو بدك بلعالم وحكي العالم .. أكيد الوالد ماكان مأيد ع ئلو ع ابن الجيران وشو بدو يحكيي علي بكرا . الئصة . انتي بتصرفك تجاه هلبلد . ومهما كان بسيط . بس داخلياً بتعرف انك ئدمت شي لهلبلد وبرجع بئول مهما كان بسيط . عمتعطي ل سورية . متل ماهيي عطتك . شو عطتك ... عطتك الأرض يلي عم تدوس عليا . عطيتك الهوا يلي عمتشمو . عطتك التسطيحة علعشب يلي بتسوا مال قارون . عطتنا كتير ياباشا .. ومهما حاولنا نردلا جزء بسيط من جمايلا .. مابنئدر .. فا لازم نصونا . |
أي ياسيدي لو وقفت على كراسي الباصات خير و بركة بركي ها بركي الله بيبعتلو بنت الحلال من هالرقم يلي كتبو على المقعد بركي :pos: بس يلي بيسم البدن أكتر أنو يجيك واحد فهمان أكتر منو يكتبلك على جدران الطرق أو على شي حيط أو حتى بتلاقي تحت الجسور أو بالنفق لك لعمى بالنفق أو بنفق المشاة يعني علني بيكتبلك (( ذكرى أبو فهد )) ولا ((بحبك يازينة)) و هيك خرابيط هي قمة التخلف و الأذى مشان اتشوف الناس كلها أنو هوة متخلف و مئزي :frown:
مظبوط الكلام و شكرا للموضوع :D:D |
مليح اللي ماني بحمص وشفت هالمنظر لانو وحياتك صايرة بهادل من ورايي بسبب هيك شغلات لكنت خليت قسم باب السباع كلو يلعب فيه طابي
بس اااااااااااااااه بدنا نصير بدنا نصير مارح نصير |
عوجا .......:jakoush::jakoush::jakoush:
|
لك الله يلعن التخلف وساعة التخلف :jakoush: :jakoush:
انو يعني نحنا ما حنصير بحياتنا !!!!!!!!!!!!!!!! :jakoush: شي بيملل ياه!!!!:frown: |
رجاء كل واحد يخليه ببلدو
ماحدا يتعدى على جمهورية حمص المستقلة مشاكلنا الداخلية تحلها بانفسنا |
ومين اللي قلك اني ما بقربكن؟؟؟؟؟؟:frown:
امي من نص حمص خيو!!!!!:o |
اي بس حسب قوانين حمص العتيدة فانك لا تعتبري حمصية لان الام لا يحق لها اعطاء جنسيتها لاولادها
|
اقتباس:
واذا ما بدكن مو ضروري بالناقص :frown: بس انا زعلت!!!:cry: |
لك طولي بالك شو تزعلي ما تزعلي
ما عاش الي بدو يزعلك بحكم اني بنت حمص العدية ومن نص باب الدريب بئدر اعطيك كامل الصلاحية انك تشاركينا الامال والالام واهلا وسهلا:D |
لك لاه لاه
على عيني قرايبتي بس انو هي دولة و مقومات و امور اخرى الله يخليكي افهميني :cry: حولو عالمتة عملت متة وعم ادرس بعد 3 ساعات عندي امتحان باللغة اللاتينية (سمايلي متة) |
انا فهماني ئصدك ومئدرة خوفك على استئلالية دولتنا
فكل ما يهدد سوريا هو تهديد لحمص ... بس كمان يا اخي لازم نوطد علائتنا مع بئية الدول المجاورة .... وبعدين نحنا ئلبنا كبير بيساع كتير ... ومنستوعب الجميع يالله رد بريق المتة ( سمايلي متة) موفئ بالامتحان |
غلت المي عجبك على هالحكي
انا حمصي :fdance: بعدين بترضي الله يساويني هيك :7amwi::7amwi: |
يعني ليش عبتهاجموا هيك واحد ؟
يعني ما بيحقلوا يرسم زكرى لحياته؟!!!! يعني روح دور بالحديقة يوم الجمعة بتلاقي مية شب ومية عيلة عبتعيث فسادا بالحديقة وكل واحد بيحفرلك على الشجرة أسمه وأسم العينتين تبعه ( زكرى رجب وفطينة )وهلم جر بقى وقفت على الباصات يعني الأذى عبيمشي بدم هالعالم من يومين طلعت بالباص الساعة 11 ورجعانين جماعة وخلايق من بابا جنين المهم قلت يا ولد خرق بالصدر يعني بنهاية الباص ووقفت متل عامود صرمدا والشباب من حوالي تقول دبكة وفرقة رقص شعبي ما كان ناقصنا غير صوت موبايل وأغاني وما كذب خبر حدا من الشباب وشغلك هالموبايل وحط شوي نانسي على كوكتيل هيفا على كوكتيل داعوريات حسيت حالي طالع برحلة مدرسية والمصيبة كان الموبايل واقف ورا أدني متل الكوزلك ( النظارات ) وما حسيت غير لعبت الموسيقى بأوتار عقلي ومرتين كنت بدي أمسك بهالأيدين وأشتغل الدبك لولا أني الباص لحاله عبيدبك وبيرقص على الهامش :( حتى في تنين يخرب ديارن ويطفي نارن فاتحين الباب الخلفي بأيدهم وأجريهم والشوفير محسب أني مسكر الباب والباب مخنق من الضغط وعبيفسي هوا بس هيك بدن يأذوا ) بقا تقلي عبيحفر لك يحفروا على قبره والمصيبة مو مصيبة حفر على مقاعد الباصات المصيبة بيطلعولك أتنين زعران وبيعقدوا يتنكوشوا بالرايحة والي جاي وعلى قروسة وغيره وغيراته ....... يعني بتقبى الأمور نسبية وإذا بتقوم بيشتغل عندك عرق النخوة أول كلمة بيقلك ياها : بروك محلك ولاك + سحب موس 7 طقات + وحاطط مية وشم على أيديه تقول راسم خريطة الكنز وبتلفت حواليك وما بتلاقي غيرك بتم الطوب والشعب كله قاعد بمحله وما سمعان شي بتطلع هيك وبتقول لحالك هلق روحتنا على المستشفى وبعدين بيلحقونا علىالجبانة لأنه السلاح بأيد الخ.... بيجرح فبتاخد حسبك الله وبتقول الله يهدي النفوس بقى بدك تصلح أصبح صلحلي هالصحن الفول لأنه غير الفول ما بيهدي العقل وبيني وبينك أنا كرهان حالي أكتر منك وعبفكر أغير أسمي : ( كرهان أكتر من كرهان حالي ) بقا يا رفيق كون المواضيع فيها صبغة أنتروفيكية خلينا نمحص النفس الكوكية لنصل إلى الحموض النعوية هيك أحسن شي تقبل تحياتي رفيق :D |
اقتباس:
لانو متل هالناس يلي ما بيستحي وبخرب قدام الكل وما بيعمل قيمه لحدا ممكن كتير يشرشحني ازا حكيتو :pos: |
اقتباس:
هلأ نحني يلي ئاعدين عمننتف بدئن هلمحترم . أبو رقم الموبايل .. بساعة بسط وتخويت يمكن نتصرف متلو .. لاتئلي ولا بئلك .. بنتصرف هيك وأزود . مابعرف المشكلة .. انو نفتحتنا بفرد مرة .. شفنا البشر كيف عايشة ضربة وحدة . وبسبب الضعف .. لي معشعش فينا .. نخوتنا .. نصعقنا .. كيف بدنا نتعامل مع هلضعف ئدام هل حضارة يلي هبطت على سما ربناا . عالم بتاخدا ب تخويت .. عالم عمتتماشا على أساس بلكي بنصير خلئ وعالم . وضاعت الطاسة بين هون وهنيك . :D |
اقتباس:
الله ع قسم باب السباع ياباشا .. في ئصص وحكايا .. بس مانا بهلوارد . وبنصير بنصير .. خدا من هلدئن .. بس بدنا فترة لنستوعب يلي عم يصير أراوند أس . الك مني هل كم فلور :D |
اقتباس:
صديئي .. العلل في هذا الوطن والفسيح لاتعد ولا تحصا . شيت ئصص انئش اسم المحبوبة ع شي شجرة .. صارت شي طبيعي بلنسبة للبشر . يعني فيك تئول تمسحنا . بس ياأخو الحفيانة باص .. خلنج .. أنضف من بيتنا الله الوكل .. فا لشو هل الزعرنة . مشكلة التهميش يلي عم يعشا المواطن صعبة وبشرفي وبشرف ولادي صعبة . معلم التهميش بولد كلشي .. بجوز تفرع الموضوع . شي بنحكي التخلف شي عن الدولة شي الأسباب لي أدت ل حصول هكذا أشياء .. وتعا تطلع شوي .. كلو ألو علائة ببعضو . تعا ع مستوا هون .. منتدا ومواضيع و سير وخنايق ومشاكل ومخالفات . وفي عندك عالم .. من ورا هلعدم المبالاة والتهميش يلي عم تعيشو يومية . وماحدا عم يسمعن ليشوف اذا بيفهمو ولا لاء .. مستعدين لتصرف أيا شي .. بس ليئولو للعالم انو .. طلعو فينا نحني هون . عالم بتحكي ل مجرد الحكي والتنظير وعلى أساس شوفوني انا فهمان .. عالم هرباني من الواقع يلي عايشتو وماعم تئدر تتأقلم معو . عالم بتفوت ع هيك موضوع مثلاً .. وخود عاد ع مافي أمل وبعمرنا مابنصير وووو شو بعرفني .. لاء بنصير .. بمعيت عئولكن بمعية مخاخكن يلي ماعمتشتغل غير ع أكل الهوا والتنظير بنصير . ليش ماكل واحد يبلش من حالو ... وشو بدي بلعالم . مابعرف بس بظنا فكرة ظريفة .. خرج صفن . مالك فرفحتني طلتك ووجودك معي هون وهي ل ئلك :akh: |
على قولة willi ( جاد ) الله يوجهلو الخير :D:
مافي أمل ....:frown: لك يلعن ابو التخلف ...ومن عندي مليون مرة :jakoush: قال باصات جديدة قال :pos: |
نهفة انت مالك تحية الك ضحكتني من قلبي..
انا والحمدلله عمري ما طلعت بهكزا باصات |
اقتباس:
انا وجد مسرور ومنتشي ومفرفح داخلياً . انو ضحكتك من ئلبك . بس ماني عمنكت . |
اقتباس:
:D |
تعقيبا عاحكي سوريانا ، أنا بأكد مارح نصير ، بس ليييششش؟:larg:
|
اقتباس:
هل من المعقول انو .. مستلزمات التصرف الحضاري مانا موجودة عندك .. أنا بشك . الفكرة انو كل مشلحف ومشحتف مننا .. يبلش من نفسو .. ومن نفسو أولاً .. زس از زا ستوري . |
يا زلمة .. بشرفي حكي بيحرق القلب .. هلا رجعت .. عالشام ..
فعلا اتفاجئت فيون للباصات .. انو حلوين .. وهيك هي اللوحة اللي ورا وعالجنب في وحدة تانية .. عاطيين منظر .. انو من شي ساعة ونص كنت عم اتمشى .. ناح الصالحية .. وباب توما .ونزلنا مشي عالحمرا والشعلان وهيك .. مريت .. وشفتن قدامي عم قلو رلرفيقي شو هاد ! بيحكيلي هدول الجداد .. اللي نزلو .. بجد حلوين .. والكراسي لميعة فيو هههه انو اشتهيت اركب فيو .. :p بما انو .. مالو علاقة بالنقل الداخي " قطار الموت " وهاكزا .. بقا بجد لو كنت محلك كنت بدي بهدلو .. لانو فعلا ..انو كديش:pos: |
اقتباس:
|
| الساعة بإيدك هلق يا سيدي 12:56 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون