ما معنى سوريا
 

كثر الحديث في هذه الأيام عن الأساسيات و المبادىء و القيم , و ماذا نريد .....
انا لن اسأل أسئلة فلسفية كمن نحن؟ و ما هدفنا ؟ ما ميزاتنا ؟
انا سأسأل ما معنى كلمة "سوريا"؟
أريد أراء الأخوة في المنتدى
على أمل أن أضع الجواب لاحقا

سوريا تحوير لاسم (اشوريا ) بحسب لفظ اليونانيين القدماء

سوريا كلمة سريانية ....... و هي تسميتها اجت من سريان

شرحه
و أنا أطلب مساعدة صديق اسمه نسر السريان..بلكي بيفيدنا:gem:

ما بعرف شو معنى سوريا بس بعرف انو شو ما كان معناها بتبئى احلى بلد بلدنيا كلا وببئو اهل سوريا اطيب شعب بلدنيا و فشر كل مين بدو يعادي سوريا..
بس بكل الاحوال عنجد شو يعني سوريا :lol: :lol:

السريانية.. كما نعلم, هي لغة سوريا الام. و هي اللغة الام التي اشتقت منها اللغة العبرية و من بعدها العربية

حسب ما أعرف, السريانية و الاشورية تدلان على نفس الشيء.. و الارامية... هي السريانية الغربية المبسطة.. اي سريانية سوريا. و نميزها عن السريانية الشرقية الاقدم التي هي لغة الكلدان والاشوريين.
الكاتب joe من موضوع السريانية .
_______________________________
هلق انا بعرف انو اسم سوريا مشتق من syriac أو suryoyo, واللي بتعني السريانية
السريان اللي كانو ساكنين بـ سوريا بـ القدم على كل حال انا ما عندي معلومات كتير عن هل موضوع , للأسف !
بس رح حاول جيب معلومات أكتر
تحياتي و شكراً عل موضوع الحلو

حبيب القلب بدك توضح سؤالك شوي ..
يعني انت سألت ما معنى سوريا ..بس ما حددت معناها وين ....... وبدك معناها اللغوي ولا المجازي ..

وعلى كل حال من صورتك الرمزيو واضح شو بدك ..

عن جد أنا ما شفت الصورة تبعو ,
طيب معقول حاطط هل صورة و ما بتعرف شو معنات سوريا ؟

تحية للاخوة
اذا ممقتنعين اقروا هذا التدرج
اشور -- اسيريا - سوريا ومنها سوريان - سريان الى سوريايا الى سورايا

تحياتي

بالمناسبة سورية تحاول ان تخلي الناس تنسى اصلها السرياني الارامي ويسموا نفسهم عرب
لا تنسوا يا شباب اصلكم
كمان لا تنسو اذا كنتم نسيتوا لغتكم احنا جاهزين حتى نرجعها الكم ونساعدكم لان احنا بعدنا محافظين عليها

تحياتي وشلاما اللوخن
واي اخ يحب يقرأ مقالات على اصله خلي يطيني رسالة على الخاص وانا ارسله مواقع فيها هيجي مقالات

تحياتي مرة ثانية

وريا بتعني (اله الشمس )عند البوذيين ويعني عندهو مكانة خاصة لسوريا
وكمان سوريا بالاصل (سوريستون )ارض الزهور:سوريا: :سوريا: :سوريا:

تصحيح


اللغـــة العربيـــــــة هي أم اللغات . ومنها شتقت جميع اللغات . شــكرا

اقتباس:

تصحيح اللغـــة العربيـــــــة هي أم اللغات . ومنها شتقت جميع اللغات . شــكرا

حكى بدري !!!
يا ريت تكملوا الموضوع و كأنو هالرد مو موجود

ما حدا فيه ينكر الهوية:king: السريانية :king: لسوريا:king: وحتى الدول المجاورة دون العراق
لأنه اللي بيشكك بالموضوع بيكون مع احترامي الشديد "جاهل":pos:

ههههههههههههههههه
ههههههههههههههههههه
هههههههههههه
هههههههههههههههههههههه
ههههههههههههههههههههههههه هه ,
لك يكفي يا زلمة أنو انتي شو عند نهفات , قال اللغة العربية
ههههههههههههههههههههه
لعلمك يا أستاز أنو العربية أشتقت من الأرامية , وتلت أرباع الحكي العربي هوي معرب من الأرامية

راح جاوبك شو يعني سورية من الرمز اللي حاططو لصورتك وبعدين راح جاوب شو يعني سورية متل مو قريانة انا
سورية هي امة تامة .. هي وحدة الشعب السوري المتولد من تاريخ طويل يرجع الى ما قبل الزمن التاريخي الجلي .. هي البيئة الطبيعية التي نشات فيها الامة السورية ..هي ذات حدود جغرافية تميزها عن سواها تمتد من جبال طوروس في الشمال الغربي و جبال البختياري في الشمال الشرقي الى قناة السويس و البحر الاحمر في الجنوب شاملة شبه جزيرة سيناء و خليج العقبة ومن البحر البحر السوري في الغرب شاملة جزيرة قبرص الى قوس الصحراء وخليج العرب في الشرق .. سورية للسوريين والسوريين .. امة واحدة
اكيد هالمعلومات مو غفلانة عنك وباعتقادي انك بتقصد سورية هي

لاء أكيد بيقصد سوريا مو سورية .........

سوريانا سوريا الطبيعية..............
اكيد معناها ارض الخير و العطاء و الحلووووووووووين

انتهت امبراطورية ايبلا بسيطرة سارغون الأكادي عليها حوالي 2260 قبل الميلاد , لكن المدينة استعيدت من قبل العموريين بعد عدة قرون و ازدهرت مجددا في بدايات الألفية الثانية قبل الميلاد إلى ان احتلت مجددا من قبل الحثيين .

خلال الألفية الثانية قبل الميلاد , سيطر على سوريا بالتتالي : الكنعانيون , الفينيقيون , العبريون , الأراميون . تركز حكم العبرانيون بشكل أساسي في منطقة فلسطين حيث بنوا دولة اسرائيل التاريخية أما الفينيقيين فقد استوطنوا على امتداد الساحل السوري مؤسسين امبراطورية بحرية في منطقة غرب سوريا الحالية و ما يعرف الآن بلبنان .

المصدر: موسوعة ويكيبيديا (تاريخ سوريا)

امتدت فترة العبرانيين من عهد يعقوب (عليه السلام) وهو نفسه اسرائيل حتى عهد موسى حيث سيطر بعده الحكم الآرامي ومنه ولادة المسيح

حدثت هجرات متتالية حدثت عقب انهيار سد مأرب في اليمن وبعد السيل العرم، في أواخر الألف الأول قبل الميلاد. فكانت قبائل الغساسنة في جنوبي سورية في بصرى.ثم اصبحت عاصمتهم الجابية.

يعودأصل الغساسنة الى الأزد فقداستقروا في تهامة قرب عين ماء اسمها "غسان" فاطلف عليهم هذا الاسم،
سكن الغساسنة في مشارف الشام وتغلبوا على قبائل "الضجاغمة" التي كانت تنزل هناك، وأنشأوا دولة عاصمتها بصرى واعتنقوا المسيحية، وكانوا حلفاء الروم فاشتركوا معهم في حروبهم مع الفرس وحلفائهم المناذرة العرب.
حكم الغساسنة ستمائة سنة أي من أوائل القرن الأول الميلادي إلى ظهور الإسلام وكان أول ملوكهم "جفنة بن عمرو"، وامتد سلطانهم على قسم كبير من بلاد الشام مثل تدمر والرصافة وإلى البحر.
من آثارهم صهاريج الرصافة والقصر الأبيض والأزرق وكثير من الأديرة، ولقد التحق بالغساسنة شعراء مشهورون مثل لبيد بن ربيعة و النابغة الذبياني و حسان ابن ثابت.

سوريا، تاريخ. سوريا دولة عربية تقع في الجناح العربي الآسيوي، في غربي قارة آسيا، تُعدّ جزءًا من بلاد الشام التي تشمل فلسطين وشرق الأردن ولبنان، وهي ذات موقع إستراتيجي، إذ تحيط بها تركيا من الشمال، والعراق من الشرق وفلسطين من الجنوب، ومن الغرب البحر المتوسط، ومن الجنوب الشرقي الأردن، ومن الجنوب الغربي لبنان. يبلغ عدد سكانها حوالي ثلاثة عشر مليونًا، ومساحتها 18,5180كم²، وعاصمتها دمشق، ونظام الحكم فيها جمهوري وتسمى الجمهورية العربية السورية، وعملتها الليرة السورية.


تاريخ سوريا القديم
خضعت سوريا قديمًا للسومريين والأكاديين والحيثيين (2300ق.م)، وسيطر عليها البابليون 1728- 1685ق.م، وذلك في عهد حمورابي المشرع القانوني، وخضعت كذلك للفراعنة في عهد الأسرة الثامنة عشرة بقيادة تحتمس الثالث (1490-1436ق.م)، وفي عهد أمنحوتب الثاني (1438-1412ق.م)، وفي عهد أمنحوتب الرابع 1366-1349ق.م. وأسس الحوريون والميتانيون المملكة الحورية الميتانية التي سيطرت على سوريا 1500-1330ق.م، ثم سيطر الكلدانيون في عهد نبوخذ نصر 604- 562ق.م، وسيطر الآشوريون على سوريا في عهد تجلات بلاسر 746-728ق.م. وأخيرًا سيطر الكلدانيون بقيادة نبوخذ نصر الثاني 597- 586ق.م. واستمرت هذه المملكة حتى الغزو الفارسي لها سنة 539ق.م.

تأسست حضارات في سوريا على أيدي هذه الشعوب، فأسس الكنعانيون المدن والممالك مثل مملكة عبلاء (ايبلاء)، ومملكة يمحاض في حلب، ومملكة أوغاريت قرب اللاذقية. كما أقام الفينيقيون مراكز تجارية ومستعمرات على ساحل البحر المتوسط، وبلغوا حتى قرطاج في تونس سنة 814ق.م. وقاموا بتصدير خشب الأرز والمنسوجات والزجاج والتوابل والعطور. وكان لحضارتهم تأثير في بلاد فارس، وأسهموا في بناء القوة البحرية الفارسية. وأسس الأموريون (العموريون) مدنًا مثل مدينة ماري في تل الحريري وهي عاصمتهم في الشمال. وكذلك أسس الآراميون مدنًا وممالك مهمة، وانتشرت لغتهم وأبجديتهم التي اعتمدوا فيها الأبجدية الفينيقية.


الفرس واليونان في سوريا. سيطر الفرس على سوريا في الفترة من 539 - 333 ق.م، وكونوا إمبراطورية كبيرة ونظمت تشريعات الدولة على نسق التنظيم الآشوري، وتأثرت بالفنين المصري والبابلي.

استطاع الإسكندر الأكبر المقدوني غزو فارس وإلحاق الهزيمة بها في معركة أبسوس 333ق.م ومعركة أربيل عام 331ق.م. وتمت له السيطرة على مصر والهند والعراق وكوَّن إمبراطورية واسعة، غير أنه توفي عام 323ق.م. وانقسمت إمبراطوريته بين قواده. فكانت سوريا من نصيب السلوقيين، ومصر من نصيب البطالمة. فقد أسس سلوقس الأول مملكة في سوريا خلال السنوات 312-264ق.م، وعرفت باسم السلالة الملكية السلوقية وأسس مدينة أنطاكية في سوريا وجعلها عاصمة لمملكته، وبنى مدنًا أخرى. وتعلم المثقفون السوريون اللغة اليونانية وانتشرت الحضارة اليونانية في سوريا لأنها كانت قوام الحكم السلوقي، في حين بقي سكان الريف محافظين على تقاليدهم ولغتهم الأصلية. وغزا البطالمة سوريا 340- 30ق.م، وظلت الحرب سجالاً بين البطالمة والسلوقيين، وكانت سوريا الضحية المتنقلة من أيدي هؤلاء وأولئك. وحاول الأنباط احتلال جنوبي سوريا (حوران وجبل العرب) سنة 85 ق.م. واستمر الحال بها حتى احتلها الرومان سنة 64ق.م.


الرومان والبيزنطيون. في عام 64ق.م. احتل القائد الروماني بومبي سوريا بعد هزيمة الملك السلوقي أنطيوخوس الثالث عشر، فانتقلت عندئذ سوريا بعد هزيمة الملك السلوقي إلى السيطرة الرومانية. وقد بسط الرومان سيطرتهم على دولة الأنباط. وأصبحت دولة الأنباط ولاية رومانية تخضع لنفوذهم عرفت باسم الولاية العربية الرومانية.

وفي عام 330م، أسس الإمبراطور الروماني قسطنطين مدينة بيزنطة (إسطنبول الحالية) وسمّاها القسطنطينية نسبة لاسمه. وفي عام 334م نقل إليها الدوائر الرسمية من روما وجعلها عاصمة للإمبراطورية الرومانية، وجعل النصرانية الديانة الرسمية فيها.

انقسمت هذه الإمبراطورية إلى قسمين بعد وفاة الإمبراطور ثيودوسيوس الأول سنة 395م، فورثه ولداه وتقاسما العرش مناصفة بينهما، فحصل هونوريوس على الشطر الغربي وعاصمته روما، بينما تولى أركاديوس الشطر الشرقي الذي عرف باسم الإمبراطورية الرومانية الشرقية (الإمبراطورية البيزنطية). وبقيت القسطنطينية عاصمة لها. وشملت هذه الإمبراطورية آسيا الصغرى والبلقان ومصر وسوريا. وانتعش في هذه الدولة الفن والأدب والموسيقى والعمارة.

تحالف البيزنطيون مع الغساسنة الذين أقاموا دولة لهم (491-518م)، بلغت أوجها خلال القرن السادس للميلاد، وكان من أشهر ملوكها الحارث الثاني بن جبلة (529-569م) وآخرهم جبلة بن الأيهم الذي قاتل خالد ابن الوليد مع الروم في معركة اليرموك ثم أسلم. وفي حوالي 613-614م، هاجم الفرس الساسانيون سوريا واحتلوا دمشق وبيت المقدس حتى استعادها القائد البيزنطي هرقل سنة 629م بعد جهد كبير.

من تاريخ سوريا القديم (الموسوعة العالمية)

اللغة الآرامية لغة سامية وشرق أوسطية، كانت لغة رسمية في بعض الدول القديمة ولغة مقدسة . أول استعمال لها كان في سنة 900 ق.م. في أجزاء كبيرة من أسفار دانئيل وعزرا، ومخطوطات البحر الميت. وهي اللغة الغالبة في التلمود. من المؤكد أن الآرامية هي لغة يسوع المسيح، ومنها انطلقت اللغة العربية وهي كانت لغة بلاد مابين النهرين وبها تأثرت اللغة الفارسية والعبرية واليونانية واللاتينية. اللغة مازالت تستخدم كلغة أولى في بعض القرى في الشرق الأوسط خاصة من الآشوريين معتنقي الديانة المسيحية وأشهر تلك القرى معلولا و يبرود و صيدنايا في سوريا. واجزاء من تركيا،العراق، وايران.

ولعلمك يا ابني ان اللغه الارميه هي نسبة الى الاراميين . وهم قبائل عربية كانو يسكنون مدينة ارم في جنوب المملكة العربية السعودية تحديدا الربع الخالي حالياً قبل استطانهم . في ما يسمـى بسوريا اليوم . . والارمية في الاصل لهجة من اللهجات العربية القديمة.

زاكر كويس يا شاطـــر

مع أحترامي ألك ..
في لغات أقدم من اللغة العربية ب مئات السنين ...
ومنها اشتقت اللغة العربية .. وعلى سبيل المثال الغة العبرية .. الي بتشكل أساس اللغة العربية

رغم أني مو مع الفكرة المطروحة حول الموضوع

يا رجال شو عم تحكي
الآراميين وقت الي كانوا بسوريا ما كان في شي حي بشبه الجزيرة العربية ..
وين خبصت التاريخ انت ..

عيني ربك عيني ..

دخيل رب الشعب الفهمان ..;-)

مع احترامي الشديد ان العبرانيين لم يوجدو الا بعد العرب بقرون طويله جدا ويعتبر ظهور العبرانيين متاخر جدا بالنسبة للعرب . واللغة العربية هي اصل اللغات والعبريه لهجه عربية في اصلها . ودمت

لا يا سيدي الجزيرة العربية هي مهد الانسان الاول قبل مايكون اي انسان على الوجود

كيف ضبطت معك مو البابا ادم من عنا من الحارة و ماما حوا من عند الجيران :shock: :shock: :shock:

لا ياحبيبي مو من حا رتكم بابا ادم مدفون عندنا في مكه في جبل ابو قبيس

و ماما حوى مدفونه عندنا في جده عندك هادي المعلومه وعلى فكره عندهم الجنسية السعودية .:x

نقاش عقيم ...

اول شي تعلم كيف تكتوب حاتكم
اي مدفون عندكون نحنا بعتنا لعندكون لانو مات
وماما حوا كمان نفس الشي بعتناها لعنكون لانو القبورا لعنا صغير ما بتسع
بتعرف كان كل واحد منون شي ست سبع متار كلو القبر يلي عنا متر ونص

حاتكم انا الدغ . وتر ا لدغتي وعلى القبر على طول على قولكم ساوي

طبعاً كل شي عندكم صغير . الي عندنا يشبع . وكمان يخوف . بس لا تخاف . رح تتعود

أولا بتحسن الفاظك لأني ما لي خلق أعمل مشكلة جديدة
تانيا أنت وين والعالم ويين , حامل هل سلم بالعرض و ماشي
عملتلي العرب هني اللي أخترعو الكرة الأرضية ,قلبت التاريخ و خبصت الدني ببعضا ,
من ايمتا كانو الأراميين سكان الجزيرة العربية , من يوم يومهم بـ بلاد الرافدين ,
فعلا متل ما قال صياد , نقاش عقيم

مو مشكله الطب تقدم نعمله ( انابيب)

:jakoush: :jakoush: :jakoush: :jakoush:
كريم ؟؟

وانت زعلان وشايل طاجن ستك ليش . ليه هما تزرعو في بلاد الرفدين يعني طلعو من الارض

هذا نقاش اذا ما إنت قده الا تلف ودور . وانت الى تحسن الفاظك مو انا

واذا عقيم فيه زراعه وفيه انابيب .

لا حبيبي لانو انتى عما تحشر كل شي بالسعودية هوة الموضوع عن سورية شو جاب السعودية
شوي تانية رح تعملو السعودي جنة الله يلي وعدنا فيا
متل ما بدك من شان ما تبكي فهمت كل شي من ولا شي
وقفل الموضوع يوم بدك تحط رد لا تحطو بعتو رسالة .........

مرحبا شبيبة

خلونا نحكي حكي علمي و يللي بدو يناقش يا ريت يجيب اثباتات على كلامو

بخصوص اسطورة ادم و حوا .... راجعوا اللينك التالي:

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -

بخصوص معنى "سوريا"

في 3 نظريات ... و هيي نظريات لأنو ولا وحدة منهم مثبتة بحقائق علمية و انما استنتاجات مقبولة و صعب ردها

1- سوريا من أشور حسب الرؤيا اليونانية لأنو متل ما وضح وايت سنيك بردودو سرجون الاكادي هوي اول مين وحد هالبلاد تحت حكم واحد

2- سوريا من صور لأنو اهل صور اول مين ركب البحر و عرف باقي الشعوب على هالبلاد

3- سوريا من "سير" اله الشمس عند الهنود (عفوا منك زين بس اسمو سير) لأنو الدورة الطبيعية و النظامية للفصول بتتم بتناسق بهي البلاد

بخصوص السوريين سريان او غيرهم
ما ممكن حدا يحدد ... سوريا سكنها اكتر من 50 شعب اغلبهم انذكروا بالكتب المقدسة و جميعهم تمازجوا مع بعض و كونوا الشعب السوري الحالي (ما عدا اليهود)
الهجرة على سوريا بدأت من فجر التاريخ و لسا ما خلصت ... يعني بس من 100 سنة هاجر على سوريا شركس و ارمن و اكراد و ... الخ، و رح تبقى حركة الهجرة من و الى سوريا شغالة

اول شي اسفة ع التاخير الطقس سيئ عنا و النت مقطوع
انا وعدت اكتب معنى سورية وحسب مراجع ومصادر كمان بس اول شي راح اعطي فكرة عامة عن سورية وخصوصي للبشر اللي عم تاكد انو بابا ادم من عندها
سورية هي اللي اخترعت اول ابجدية بالعالم .. هي مهد الحضارات اللي فيها تفاعلت و تمازجت وبعدين انطلقت لبقاع الارض وشواطئها
سورية هي مهد المسيحية والاسلام كان منا الاباطرة السوريين من كاراكلا وايلاغابال حتى نوصل ل فيليب العربي .. كان منا باباوات روما من القديس أنيست الحمصي الاصل وكمان يوحنا الخامس وكمان القديس جورجيوس الاول و غريغوريوس التالت وتيودور الاول حتى نوصل لاسقف انطاكية اغناطيوس الانطاكي وغيراتن كتير من الرهبان السوريين اللي ملوا اكتر من معبد ودير طوال العصور الوسطى
سورية هي اللي عطت القارات اسمائها مثلا قارة اسيا هي اسم اخدوه من السريانية القديمة ابنة الارامية .. واوروبا هي شقيقية الملك الكنعاني قدموس .. وافريقيا اخدو اسمها من اسم فاتح سوري عظيم هو افريقش بن صيفي
من سورية انطلقت الدعوة المسيحية لاوروبة عن طريق القديس بولس اللي انقذه القديس حنانيا باثناء مطاردة اليهود الو في دمشق ولهلأ احجار دمشق بتشهد على هالشي
ومن دمشق انطلقت الفتوحات العربية الاسلامية لبلاد الاسبان غربا وسور الصين شرقا وبلاد الروس والصقالبة البلغار شمالا ومجاهل افريقيا جنوبا

المصادر العربية وبالاخص المعجم الجغرافي السوري قالو في انو سورية عرفت بهاد الاسم من ايام السلوقيين لهلأ
اما المصادر الاجنبية واكيد الكتاب عرب اكدو انو اول من سماها سورية هم اليونان
لكن المؤرخون امثال المطران يوسف الدبس قال انو اسم سورية كان قبل اليونانيين واعتمد بكتابتو على الكتاب المقدس وذكر انو سميت سورية آرام نسبة الى آرام الخامس من ابناء سام بن نوح
لكن اليونان اكدو انو هيرودوت اللي ولد سنة 484 قبل الميلاد نسبة الى صور المدينة البحرية المشهورة لكن حرف الصاد مانو موجود باليونانية لهيك بدلو الصاد بالسين
وكمان في ناس بتقول انو اليونان سموها هيك نسبة الى أسور أسيريا بلاد الاشوريين وبعدين خففوا اللفظ بحذف الحرف الاول وابدال الشين سين
بالنهاية بيقولو انو اسم سورية مشتق من صور او اشور وهي الشمس
وعلى فكرة صور بالفينيقية تعني الصخر او السور مفرد اسوار .
تحياتي