|
لم تنصفه العدالة فأطلق موقعا لأبنه القتيل على الانترنت
لم تنصفه العدالة بمعاقبة " قاتلي" ولده ... والد الشهيد " مجد " يطلق موقعاً لابنه على الإنترنت " مجد الدين مصري " ذلك الطفل الذي شاعت قصة وفاته نتيجة خطأ طبي بمشفى خاص بحلب ... بكاه والده كثيراً ... ووصلت صرخاته إلى جميع الجهات المعنية ... نقابة الأطباء .. مديرية الصحة ...وغيرها .. لكن أحداً لم يحرك ساكناً. وجاء تقرير اللجنة الطبية التي نظرت في سبب الوفاة " بما فيه من أخطاء " ليحمل الأطباء المسؤولية بوفاة طفل دخل إلى المشفى على قدميه.. وخرج منه محمولاً دون حراك مبللاً بدموع والديه . وتوالت الأيام .. وتابع " القتلة " عملهم , والمشفى أو ما يسمى كذلك أيضاً بقي مفتوحاً وكأن شيئاً لم يكن ، فلم تتخذ الجهات المعنية أي إجراء بحقهم سوى ذلك التقرير " التسكيتي " . وبعد مرور سبعة أشهر على وفاة الطفل ...لم ييأس " أبو مجد " ولم يمل من المطالبة بمعاقبة " قاتلي ابنه " على الرغم من العروض المادية والضغوط الكثيرة التي تعرض لها .. ليكون جوابه " ظفر مجد يساوي الأرض بما فيها ، لا أريد إلا العدالة ". سبعة أشهر ... ولم تأت العدالة ... الأمر الذي دفع " أبو مجد " لإطلاق موقع " الشهيد مجد الدين مصري " على شبكة الانترنت ، أملاً بأن " تؤثر قطرات الماء بالصخر ، ويعاقب القاتلون ". وعن فكرة الموقع قال الحاج " أبو مجد : " قضية مجد ليست مجرد وفاة طفل ، بل هي صرخة بأن أوقفوا قتل الأبرياء ". وأضاف " فإذا سكت الجميع عن هذه الأخطاء فإنها لن تعالج ، وسيقتل مجد ثان وثالث". ولمزيد من المعلومات عن موقع " الشهيد مجد الدين مصري " يمكنكم زيارة الموقع على الرابط - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
الله يرحمه ويصبر أهله ...
شيء محزن مانراه من استهتار بأرواح المواطنين بدون اي روادع من قبل سلطات الأمر الواقع ... المستشفيات الحكومية بسوريا اصبحت مجازر ... الداخل اليها مفقود والخارج منها مولود :jakoush: |
أنا لله وأنا إليه راجعون سبحان الله كل يوم بتسمع خبر أقبح من الاَخر يا أخي وكأن الناس عايشين ما قبل التاريخ اللهم فرج كربنا |
اقتباس:
أعتقد انو القضية صارت بمشفى خاص |
اقتباس:
|
اقتباس:
اذا هيك معناتها على الدنيا السلام ... تمعن بتلك الصور مو حرام شاب بعمر الزهور حياته راحت هدر بسبب الاهمال      الله يرحمه ويسكنه فسيح جنانه ... ويصبر أهله |
و الله لقلك شغلة... ما عندي علم عن حيثيات اللي صار, و لا أعرف بسوريا كيف الآلية تبعيت الـ سيكوند أوبينيون و لا اذا في هيئة بوزارة الصحة معنية بمتابعة هيك قضايا
لازم يتم التحقيق بشكل كام باللي صار... لازم لازم.. مو مشان بس أهل الميت الله يرحمو, لازم اذا في خطأ طبي ينقال عنو و يتحاسب, و ينعرف اذا خطأ اهمال و للا خطأ بشري مستحيل ما يكون موجود بنسبة معينة (الأطباء بشر.. و جل من لا يخطئ) لازم يحققو و يعيدو الحقوق لأهلها و يوضحو الأمو... لأنو ترك الامور هيك معلقة و ضبابية تضر بجميع المرضى و تطعن بمصداقية الوسط الطبي و هالأمر خطير... عدا الحالة النفسية لأهل الفقيد تحياتي |
الله يرحمه... خلص عمره ...:cry:
|
اقتباس:
يعني هذا الأب قدر على انشاء موقع لايصال صوته الى كل من يهمه الأمر .. بينما هناك اباء وعوائل كثيرة لم تسمع اصواتها وتم تجاهلها وتجاهل مصائبها ... اقتباس:
للمعلومية بس : هاي مو أول حالة .. ياما كان في الاف افظع من هيك حالات بس ماتنتشر بسبب عدم وجود تغطية أعلامية على الأطلاق ... واحدة من تلك الحالات الفظيعة والتي سمعت عنها من قبل دكتور متخرج حديثاً من كلية الطب وكان يتدرب بمشفى الاطفال بدمشق والله على مااقول شهيد بأن ليس لدي اي مصلحة باللف والدوران ... ان طفل دخلت خرزة بأنفه .. وأحضروه الى المشفى وهو يبكي من شدة الألم والدم يخرج من أنفه ... ومن كثرة البكاء انزع الجزار "الدكتور" من صوته فقام بصفعه وهو يقول له خراس فأصبح الولد يبكي اكثر من شدة البكاء ,, ففقد الجزار أعصابه وأصبح ينهال على الولد بالضرب الى ان فقد الولد وعيه .. هنا قال لي الطبيب لااعلم ماذا حدث بعد ذلك حيث انني لم اتحمل هذا المنظر وذهبت لأقسام أخرى ... على كل الاحوال من لديه معارف بهذا المسلخ فليسأل عن تلك القصة التي حدثت على مااظن بالشهر الخامس او السادس من عام 2007 ميلادي |
أكيد أخي أكيد معك أنا تماما... قصدي من الكلام انو هالمجرمين هدول لازم يتحاسبو بوضوح و حزم, لأنو عم يسيئو أولا لضحاياهم, ثانيا للوسط الطبي (اللي لا كلو, و لا نصو, و لا ربعو, و لا حتى عشرو يمكن...) هيك... بس عم ياكلها الصالح عن الطالح بسبب اهمال المتابعة و عم يصير في انعدام ثقة لأنو المريض عم يحس حالو انو ما حدا داعمو أو ما حدا ضامن حقوقو, و الطبيب لأنو في حال فشل العلاج و ما يكون غلط أو ما يكون أهمل ما يضل الشك حوله انو عمل شي غلط . أنا هون شايفها بعيني بالمشفى انو أطباء يعطو علاج ما... قبل ما يعطونو هنن يطلبو من المريض يطلب رأي ثاني, و اذا العلاج ما نجح الطبيب بذاتو يطلب منو يراجع مكتب حماية المريض (المكوّن من لجنة طبية كاملة+كاتب بالعدل+محامي المشفى) لحتى يوثقو انو العلاج انعمل صح و فشل لأنو فشل...
ما بعرف اذا فكرتي عم اعرف اعبّر عنها بشكل جيد |
ماوقفت ع هالمجد ..
في مجد ومجدين وتلاتة راحو ضحايا لالخطاء من هالبشر ... والله يرحم مجد ويعين اب مجد .. واب كل مجد بهالبلد |
الله يرحمه
وان شاء الله تتحقق العدالة شكرا محارب على الخبر :D |
مشكورين شباب على المرور
الله يصبر اهلو :D |
:cry:
ع اخر هالزمن, المريض صار مجرد اداة مشان الدكتور عن طريقو يوصل للشهرة و المعرفة الطبية . صار ارواح الناس لعبة كتير دكاترة بيفوتوا حالهم بعمليات و اشيا ما بيعرفوا فيها شي لمجرد اثبات انهم دكاترة و بيفهموا اكتر انا متل ما قال ياس انو هيدول لازم يتعاقبوا و وجهة نظرك صحيحة لانو عنجد هالشي ممكن ياثر ع الاطباء الباقيين و على مجال الطب بشكل عام يعني بكرا بتلاقوا المرضى بطلوا يسترجوا يروحوا ع المستشفيات من خوفهم ع حياتهم بيصير الواحد بدل ما يروح للمستشفى ليتعالج بيروح لينهي حياتو ما بعرف , حكاية محزنة والله الله يرحمو و يصير اهله و ينتقم من اللي عملو هيك |
الله يرحمه ويجازي اللي كان السبب
|
الله يرحمه ويرحمنا أجمعين
الطب اليوم هي تجارة لم تعد مهنة انسانية وقبل اي عملية جراحية يجب أن يعد الانسان للألف ونصيحتان تجنب الأطباء الجراحين حتى يتم تحديد المشكلة من طبيب مختص داخلية لأن الجراحيين وللأسف بدون زباين سواء المريض كان بحاجة أو لا طبعا لايخلى الأمر من وجود أطباء يحترمون انسانيتهم والأمر الأخر تجنب المشافي الصغيرة لعدم توفر التجهيزات الضرورية فيها |
اقتباس:
صديقي الجرّاح ما يشخّص.. الجرّاح يتلقى التشخيص الجاهز من الطبيب الاخصائي و يدرس بالتنسيق معه امكانية العمل الجراحي.. هذا بما يخص الجراحة "الكبرى" كما تدعى في علوم الطب.. أما الجراحة الاسعافية و "الصغرى" فهي أمر آخر تماما رحم الله الفقيد... و أتمنى أن تتوضح أسباب هذا الحدث في أسرع وقت.. و أن تتم محاسبة المقصّرين, لأن استمرار الضبابية يضر بسمعة المهنة الطبية, و يضر بثقة المرضى بها و هذه الثقة عامل مهم جدا. تحياتي |
هاي الحادثة صارت و أنا شاهد عيان عليـّـا .. بحكم أخو المتوفى صديقي
و حضرت قعدة الدكاترة مع أهل المتوفى , برجع بكرا لأحكي بالتفصيل شو صار .. |
وهي معانة جديدة منشورة على السيريانيوز
     الرقم : 12861الموضوع : توفي طفلي بسبب الإهمال في درعانص الشكوى : جائني مولود ونتيجة سوء التشخيص تدهورت حاله على مدى 4 أيام بالحاضنة والعناية المشددة في مشفى الشفاء بدرعا وقرروا نقله للمشفى الوطني نتيجة توقف القلب والتنفس وتم إنعاشه بالمشفى الوطني وبعد يومين قال الأطباء يجب نقله لمشفى الأطفال بدمشق وبأقصى سرعةالمهم:فضيت إسطوانة الأكسجين بعد20كم وتوقفنا على الأستراد وأنزلنا الطفل لكي يتمكن المسعف من تبديل الأسطوانة وبعد10كم فضيت الأسطوانة الثانية فقال المسعف مقولة الإسعاف السوري المشهورة(إلي إلو عمر مابتقتلو شدة) وبعد ساعات توفي الطفل ضع نفسك مكاني ياوزيرالتاريخ : 2008-04-15الجهة : وزارة الصحةالمحافظة : درعاالعنوان : درعا - المطار - بجانب الأمن العسكريالمنطقة :ميسلونالردود : |
اول شى الله يرحمو ويصبر اهلو ان شالله وبجد بحيي ابوه اللى ماسكت
اقتباس:
اقتباس:
الله يرحمو هو كمان والله احنا كمان بيصير عنا كده بمصر الاهمال الطبى ده بقى ظاهره كتير مرعبه لاننا مين راح نستامن اذا ما استئمنا الاطباء على ارواحنا والمسعف مع التحفظ على كلمة ( مسعف) المفروض يسموه ( المهمل ) ( القاتل) حسبنا الله ونعم الوكيل فى كل اللى ماعندهمش ضمير |
الله يرحمو
صايرة القصة انت و حظك او اللي الو عمر ما بتاخدو شدة |
الله يرحمو
كل شي بيحصل في سورية |
حسبى الله ونعم الوكيل وإنا لله وإنا أليه راجعون ما بعرف شو أحكي أحكي على المستشفيات والا الأطباء وألا أحكي قصة بجد شي بيوجع القلب وبيبكي وبيضحك يا سيدي بدي أحكيلكم قصة صارت مع شخص بعرفه أخد أمه وراح على المستشفى وكان بدهم يعاملولا عملية القلب وعملية القلب بتطول متل ما بتعرفه تقريبا 6 ساعات وأكثر وقالهم الدكتور نسبة نجاحها 60% وبالرغم من تحزير الممرضة لهالدكتور وألي قالته يا دكتور تقرير دكتور التخدير بيجزم أنه هالمخلوقة مو ممكن تتخدر وبيقلا الدكتور أنتي شو شغلتك بدك تعلميني شغلي وعمل العملية ولدع من أهل المريضة اربعمئة ألف ليرة سورية 400000 وهو كله واثق كل الثقة أني المريضة ما راح تطلع من غرفة العمليات عايشة أقدم على العملية بس منشان المبلغ المذكور وطبعا بعد ما طلعت المخلوقة من غرفة العمليات وهي ميت وخالصة وضعوها بغرفة الأنعاش وعملولا تنفس أصطناعي منشان يوهم أهل المريضة أني عايشة بس من خلف الزجاج وبعد يومين قالهم بكل بساطة المريضة عطتكم عمرها ونجح بتمثيل دوره بهالتمثيلية الأجرامية وأنا بالنسبة لي بعرف أني الأنسان بيأخطئ وما في أي واحد معصوم عن الغلط بس الأخطاء لازم تكون بنسبة معينة ولازم يكون في قضاء ولازم تنسحب شهادات يعني في ناس راحوا على الدول الشرقية وأشتروا شهادات لك حتى في ناس قرايبينن لهم نفوذ بالدولة يعني بعرف واحد بزمناتو أبن حماه اله مركز مرموق بغرفة الصناعة تصوروا هالشخص دكتور قلب لا تقرفوا مختص بالقلب وبيدخل عنده المريض وبيعطيه موعد منشان عملية شرايين أو راصور وبيدخله للمريض على العملية وبيخدره وما بيعمله راصورو ولا هم يحزنون وبيعقد الدكتور ساعتين وبشقلو بطنه وبعدين بيقطبله ياها وبعد ما يطلع من التخدير بيقله نجحت وبينبسط المريض وعملها مع اكتر من 5 اشخاص ومرة شخص من الأشخاص راح على غير دكتور وشرحله وقاله عملت عملية كيت وكيت قاله قوم اصورك وعلى التصوير طلع لا في راصور ولا شمبرير قام تحركت القصة على صعيد نقابة الأطباء وبقدرة أبن حماه قدر يلفلف القصة ونامت القصة بين الأدراج واحترقت الأدراج ورجع طلع الدكتور على الساحة وهو البرئ من كل تهمة له وأستمر بشغله على أنغام أفتكرني لحظة حلوة حسبى الله ونعم الوكيل الله وكيلكم إذا بدي أحكيلكم من هون لبكرا ما بخلص هلق في ناس بتقول مالك الحلبي عبيألف من عقله لكن صدقا عبحكي الحق حتى الدكتور عيادته بشارع الفرانسيسكان تقبلو تحياتي |
لك شو اللي عم يصير في بلادنا؟؟
يا جماعة والله العظيم شي بيبكي... شو لازم نعمل حتى نغير وضعنا؟؟ لك نترك بلادنا ونرتاح ولا نبقى فيها ونحاول نغيرها الى الأحسن؟ شو اللي عملناه حتى وصلنا للوضع المأساوي هاد؟ |
يااا جماعة المقصلة هي الدوى |
ma fi chi esmou houboub mouhadea abel houknat elmoukhader 3andhoun halwalad bikoun mat mnera3ba abel el3amalya emta bdhoun yelebsou toub erahma wel insanya ah |
يا جماعة الخير الله وكيلكم هاللي صار عم بيصير كل يوم في مستشقيات الدول العربية كلها.......صحيح انو كمان في الدول الغربية بتحصل اخطاء طبية وبيموت فيها المريض بس الفرق بين هون وهنيك انن هنيك بيحاسبو الغلطان وبيقدمو لمحكمة بس بالدول العربية بيندعس الميت واهل الميت ولا حياة لمن تنادي...........حسبي الله ونعم الوكيل يا رب ايمتى نخلص من نظام المحسوبيات ؟؟؟؟؟؟؟؟؟؟؟؟؟؟؟
|
| الساعة بإيدك هلق يا سيدي 02:04 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون