|
شمعة من أجل ... الإنسانية والإنسان ...
رح استغل هالزاوية .. لنتشارك بأنو نصلي ونشعل شمعة للإنسانية اللي عم تتألم .. ولكل إنسان .. ببال كل واحد مننا .. ناطرتكن :mimo: |
أول شمعة رح نشعلا .. ( وبتمنى أنو كل اللي عم يمرو من هون يذكروها بصلاتن ) رح تكون ل / لبنان /  سألوني شو صاير ببلد العيد .. مزروعة عالداير نار وبواريد .. كيفما ما كنت بحبك بجنونك بحبك وإذا نحنا تفرقنا بيجمعنا حبك - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -  |
تاني شمعة للعراق  |
هالشمعة لذكرى
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - و لذكرى كل الأطفال ضحايا وحشية الكبار |
رح صلي ... و أدعي .. لكل إنســـان .. و لكل شجرة و لكــل ذرة تراب ...
الله مع الجميع .. الرحمة يارب .. المغفرة يارب .. |
وهي الشمعة لهدوء بال كل انسان في بقلبو حب للبشرية  |
هي الشموع لذكرى صديقي مهند  |
 شمعة لكل انسان فقد شخص غالي .. |
أول شمعة ... لروح صبا
وتاني شمعة لكريم  |
انا بدي شمعه لروحي :(
|
شمعة لمعلمي عبد الله شكر ولورح صبا قرايبة صديقتنا واختنا ريمي
|
شمعة للخالق والمخلوق
وشمعة للبلد والجوعانين |
شمعة مشاني ومشان يتنور طريقي :cry:  |
 هالشمعة لصديق لألي .. أسمو نبيه .. مريض .. يارب تشفيه وتكون معه .. :D |
 لشخص غالي كتير علي وهو بيعرف حالو ربنا يحميك ويكون معك وأنا بانتظارك :D |
شمعة لزوجي ... الله يكون معو ويحميه (( مع انو مجنني ))
|
اقتباس:
باسم الانسانية بدي ضوي شمعة لـ 3 اشخاص حازم + باسم + عبد العزيز ... ولاد خالتي .. او بالاحرى اخواتي واللي مو عارف لهلئ .. بأنو زاوية من انو زنزانة هنن هلئ و على اعتبار اني جزء لا يتجزأ من هالانسانية وعلى اعتبار اني انسان شئت أم أبيت على اعتبار انو انسانيتي مصبحة ممسية بين ايديي وايضاً على اعتبار انو انسانيتي رح تتعرض للانتهاك عاجلاً أم آجلاً وقريباً جداً وبما اني رح اعرف بالنهاية اخواتي الـ 3 بانو زاوية محتلين هلئ وكمان بما اني حاسس إني رح اقدر ادعمهن بالزاوية الـ رابعة بهالركن هاد من هالزاوية هي بالذات بظن صار لازم شعل النار تحت شمعتي والرب يكون بعونّا وباسم انسانيتي ... بعتذر من كل انسان جرحتلو انسانيتو .. قبل ... هلئ .. او بعدين |
اشتقت لشمعتي .. اللي كل سنة بشعلا مرة .. و بليلة وحدة بس ...
ياريت لو بتكون الليلة اليوم ..بس مستحيل .. شي بيخنق ... الشمعة اللي رح ضويا .. رح تكون ل الي ... بدي الله يوفقني بكرا .. كل النهار... لانو رح يكون مهم .. يارب .. ما تخليني ضيع ... |
بدي اشعل لكل الأشخاص اللي ما عم اقدر حبن للأشخاص اللي ما عم اقدر اكتشف الجمال فين .. للأشخاص اللي بحبن ونحنا على خلاف ..  |
 لأجل الضحايا اللي راحو بانفجار اليوم لأجل الأمن في بلادي :akh: |
بدي ضوي شمعة لروح أبي
وهاد أول عيد يكون في بعيد عنا الله يرحموا وكمان لكل السوريين الشهداء اللي استشهدو بالشام وباللادقية كماااااااان |
ما بين امبارح واليوم سمعت عن مشاكل واعراض صحية لناس أعزاء جداً عليي عايشين حالياً بمخاوف وشكوك حول وضعهم الصحي الغير مؤكد منهم معنا بأخوية ومنهم لا هالشمعة رح تكون على نيتهم  |
شمعة لكل انثى محرومة لكل انثى مقيدة لكل انثى حزينة لكل انثى وحيدة لكل شمعة تذيب نفسها  |
بتذكر انو شعلت الشموع لسببين:
السبب الأول : لمّا كانت تنقطع الكهربا بحارتنا:p السبب التاني : كنت ماشي باتجاه قلعة دمشق هي الصيفية وسمعت صوت جمهور وموسيقى (من جوا) ، عالرصيف كان في مجموعة من الشباب والصبايا عم يشعلوا شموع وحاطين أغاني مرسيل ، بتذكر وقتها شعلت شمعة وكتبت شغلة صغيرة وهي شمعة لصليلك يا فقيد ريتا  |
لصديقتي لأجل أن تمتلأ حياتا بالفرح |
 شمعة لروح سومر |
شمعة لروح جدي..عم بستفئدلو كتير هالفترة
اييييييييه يا جدي يا ريتك هون :cry::cry: وشمعة تانية لكل مريض بهالعالم..لكل مظلوم بهالدنيي.. |
لروح أمي التي هجرتني ورحلت منذ زمن,,, لروح سومر التي ما زالت أمه تبكيه,,,, لروح كل شهيد ,,, لروح كل إنسان مظلوم ,,, |
 للشعب الفسطيني ولبنان والعراق واي بلد بيتواجد فيه ظلم للانسان والحريات انشالله يكون درب رجعتنا لبلادنا بيشبه هلطريق كله شمع مضوى بقلوبنا اللي عم تصلي لكل طفل ما عم يلاقي شي ياكله ولا مكان ينام فيه ولا ايد عم بتحسس عراسه بوقت هو محتاج لهالشي لكل واحد هون بالاخوية لأنو كل شخص بيعنيلي قصة هون مهما كان العضو ومين ما كان |
انا بدي اشعل شمعة اليوم لألي و لخالي لانو مارين بمشكلة عويصة..الله يفكها علينا وعلى كل اللي بيمر بمشاكل كتيرة
:D:D:D  |
شـموع الدني كلها للشـهداء بالبوكمال  ** هامش , بالاذن من فيفا سوريا الصـوره صورته الرمزيه |
اشعل نفسي شمعة اذيبها لأحميك من الوحشة وتقتليني بأنفاسك عندما تنامين اهدي نفسي شمعة لحبيبتي  |
[IMG]file:///C:/DOCUME%7E1/sqasem/LOCALS%7E1/Temp/moz-screenshot-10.jpg[/IMG][IMG]file:///C:/DOCUME%7E1/sqasem/LOCALS%7E1/Temp/moz-screenshot-11.jpg[/IMG]
 شمعة لأمي روحي وحياتي شمعة لأرواح الشهداء شمعة للأطفال وين وبأي مكان شمعة للكلمات اللي بضو حياتي شمعة لأصدقائي الغالين شمعة لروح محمود درويش شمعة لكل إنسان بحس بالأخرين |
 شمعه حداد على شهداء مجزرة البوكمال... شمعه حداد على الوطن المستباح... شمعة حداد على شعب يقتل من كل حدب وصوب هامش: ولايهمك مورنينغ |
 شمعة للانسانة اللي تركت طريقها مظلم.. لتنورلي طريقي شمعة إلي والك لانا ... :D |
اقتباس:
|
شمعة كبيرة مابتنطفي لتنور طريق الآلام في القدس العتيقة:kiss::akh::zen:بس ما يطخوها
|
شمعة لعالم خايف عليهون كتير الرب يحميكون ويخليكون بسلام |
شمعة لكل معتقلي الحرية في العالم ...لتنور ظلام السجن
|
 إليكِ أمي أينما كنت .... .  إليكَ أنت ..... |
| الساعة بإيدك هلق يا سيدي 23:53 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
