|
(( مسلسلات رمضـ 2008 ــان ))
على شاشاتنا في رمضان هذا العام تجمع أكثر من مئة عمل عربي . هذا التكديس الذي لم يتسنى لنا متابعته . وفي هذا الموسم التي تظلم به الاعمال الانتاجية الصغيرة وتضيع .. ما هي مسلسلاتك المفضلة . كيف تابعت . وماذا تابعت . وما هو رأيك. |
اسمحولي احكي رأيي بالمسلسلات الي أنا تابعتها خلال هالشهر . 8-) |
ما تابعت شي أبداااا :(
|
أسمهان  مسلسل مميز يعرض تاريخياً سيرة حياة النجمة السورية أسمهان ( الأميرة آمال الأطرش ) من ولادتها الى مقتلها . يتطرق المسلسل الى جوانب خفية وتفاصيل طالما لفها الغموض والشائعات . العمل يصور لنا أسمهان الانسانة من لحم ودم خارجاً عن النمطية المعهودة في أعمال مماثلة تصور أبطالها على انهم ملائكة منزهون . المسلسل وثيقة تاريخية رائعة أبدع في ايصالها المخرج التونسي شوقي الماجري الذي صور مراحل حياة اسمهان تصويراً مميزاً رابطاً بينها باسلوب مشوق . مساحة الصوت الدافئ والأغاني المغناة بصوت الفنانة وعد البحري لم تكن طويلة ومملة بل كانت على شكل فاصل يبعث الى التأمل والمتعة . شخصيات العمل واختيارها كان رائعاً وعلى رأسهم الفنانة سلاف فواخرجي والفنان احمد شاكر الذين أجادا تمثيل شخصيات كل من اسمهان وفريد الاطرش باسلوب مبدع. لقد تكامل العمل نصاً تاريخياً موثقاً واسلوب اخراجي مميز وانتاج ضخم وممثلين مميزين ليكون بحق مسلسل ناجحاً يستحق ان تخلع له القبعة. |
انا بقدرش اقول أي الافضـل لأني ما تابعتش اي شي..لكن اسرتي كانت متابعة باب الحارة فاضطريت مسّيرة لا مخيّرة اني احضر كم حلقة لأن ما كانش في حل تاني :sly:
اقتباس:
|
اقتباس:
هوو من حيث شو بدي مابدي شي بس انوو مافي قعده بقعدها الا عم يحكو كيف طلعت قطر الندى بريه .. وكيف عصام تخانق مع اهلوو .. والحج بيومي متجوز على مرتوو وليليان رح ياخدها ابوها وعامر صار ارهابي وانا مو عرفانه الله وين حاططني .. وانوووو عن جد هفففف :pos: |
في أيد .. أمينة  للعام الثاني على التوالي تنجح يسرا مع نفس الفريق بايصال قصة وجع انساني . جرح ينزف . تلك الطفولة البريئة التي تعاني ظلماً وقهراً وجوعاً . من خطف الأطفال وعمالتهم الغير شرعية الى ظواهر المخدرات والاتجار بالاعضاء والشحادة والنشل . الى القلوب الطيبة وسط مجتمعات الشر التي أدماها الفقر والحرمان فقست قلوبهم . والطمع والجشع والنفوذ والسلطة ومهنة الصحافة النبيلة وقصص الحب والخيانة . مسلسل يرسم لنا من خلال قصة طفل خطف من يد أمه قصة ألف وجع وجرح فاستطاع المؤلف الابتعاد عن اسلوب القضية الواحدة في مسلسل العام الماضي . هناك ملاحظات كثيرة على الاخراج الذي بدا يشكي من ثغرات مفضوحة في التصوير الخارجي وتسلسل احداث القصة . والنهاية النمطية المعروفة والمكشوفة كانت عيب آخر للمسلسل. |
بقعة ضوء .. هي السنة برجعة باسم ياخور .. رجع لايام زمان ..
رائع بكل معنى الكلمة .. وكلشي عم ينححكى فيو واقعي جدا .. :D |
اقتباس:
|
أبلة نورة  خطوة مهمة في سلم الدراما الخليجية الصاعد . مهنة التعليم وتناقضاتها في قصة تلك المعلمة التي حافظت على شرف المهنة في ادارة مدرسة للبنات ملأتها الأخطاء وسادها الفساد والمحسوبيات على كل صعيد . بأفكارها حققت الانجاز وبحكمتها حولت المستحيل الى ممكن . مشاكل البنات وقصص واسباب الانحراف وظلم الاهل في كثير من الحالات هي مشاكل وضعها المسلسل تحت المجهر. كما تطرق المسلسل الى حياة أبلة نورة الشخصية وعلاقاتها داخل المنزل وقصص الحب والحنان ومرارة الخيانة. عيب المسلسل في الاطالة المفضوحة بالمشاهد الخارجية الزائدة والذكريات والموسيقى التصويرية وتكرار النشيد الوطني وتحية الصباح بشكل يومي الى حد ممل والحشو الزائد بأحداث ميتة وقصص مختلفة لكي يغطي المسلسل مساحة العرض الرمضاني ويطول أمده 30 حلقة . عله كان سيبدو بحلة أبهى لو كان مداه 15 حلقة . ولكن رمضان موسم الانتاج الذي لا يعوض. هناك عيوب اخراجية وعيب في نهاية العمل النمطية ولكن يبقى المسلسل علامة تطور مهم في دراما الخليج وسيدة الشاشة حياة الفهد. الجدير بالذكر ان العمل من اخراج الفنان السوري عارف الطويل . |
مافي بعد صـــــــــــــــــراع على الرمال:pos:
|
باب الحارة 3  كنت أفضل انتظار نهاية هذا المسلسل . ولكن لا يفيد الميت التأخير في دفنه . فأي أبر انعاش أخيرة لن تساعد في نهوضه من نعشه . فالمسلسل لن يستطيع في أيام ان يرقع ما أحدثه من فشل خلال شهر مضى. النص كان رديئاً وروتينياً متوقعاً ولم يقدم أي جديد بل بقي مكانك راوح وأصبح المشاهد يعلم ما سيجري من أحداث . كان مسلسلاً فارغاً من المضمون ليس له هوية محددة . لم يكن هناك قاعدة لأحداث بل عشوائية وعدم تناسق وترتيب وامتلأ المسلسل بالتهديد والوعيد فأبو غالب يهدد حارة الضبع وابو شهاب يهدد ابو جودت وابو جودت يهدد نوري والكل يردد ( ماشي يا فلان ) ولم نرى اي ترابط وحتى ظهور شخصية سمعو المفاجئ كانت في حد ذاتها ضعفاً في المسلسل الذي استهلك في حديث نسوان الحارة ومشاكل زوجات عصام وبنات ابو حاتم . المسلسل لا يعدو كونه عرض لعادات وتقاليد اهل الشام في مرحلة من المراحل . و اتمنى ان يتوقف سيل الأجزاء التجارية لا لشئ بل احتراماً لقيمة الدراما السورية . |
بقعة ضوء 6  لوحات ناقدة شكلت صورة مشرقة تؤكد تقدم صناعة الكوكيديا الهادفة في سوريا . كتاب هذا العمل تنوعوا فتنوعت معهم لوحاته التي نقلت وجعنا و آلامنا باسلوب فكاهي رائع واخراجي مميز . كل عناصر نجاح العمل كانت حاضرة . فالمخرج مميز والكتاب رائعون والممثلين غير منقوصين . لوحات ترسم ضحكة ودمعة وألم وأمل .. كلن بحق واحداً من اهم الاعمال على شاشاتنا في رمضان هذا العام . |
بالنسبة الي هدول المسلسلات الي لحقت شوفهون. اسمهان وبقعة ضوء و ابلة نورة و باب الحارة و في ايد امينة. يعني الي مو شايفو كلو شفت جزء كبير منو. وعطيت صوتي لمسلسل اسمهان لأنو برأيي اكتر عمل متكامل هالسنة. :mimo: |
اقتباس:
|
ابو العز يسلملي ربّو أنا .:gem:
|
أهــــل الـــرايـــــة
:gem: أهـل الـرايـة :gem:  مسلسل درامي دمشقي أصيل يرصد بعض حكايا الشام في أواخر القرن التاسع العشر, يحمل العمل صبغة ملحمية ذات إيقاع سريع قوام حديثها مروءة و أصالة أهل الشام. يحكي العمل عن الأحداث الجلل التي مرت بـ (أبو الحسن) أثناء فترة زعامته للحارة, وحكاية ابنته الجميلة (قطر الندى) وغريمتها زوجة أبو الحسن الجديدة (دلال خانم) صاحبة إثارة الأحداث السلبية الرئيسية في العمل, و ثمة قصة (رضا الحر) ذاك الشاب اليتيم المظلوم الذي ينفض الغبار عن ظلمه ليثور منتقماً لشرفه و عزته وسط أحداث تحبس الأنفاس في إثارتها و تسارعها. إنها حكاية لدمشق..عن دمشق... في قلب دمشق....:sosweet: هل هوي صحيح متل باقي المسلسلات الشعبية ... بس بصراحة تفوق .. مع انو ما اخد نصيبو بالمشاهدة منيح برأيي ..... يعني كان بيستاهل اكرت من هيك .. بس في مسلسلات متل باب الحارة اخدت صدى اكتر من اللازم على حساب هالمسلسل .. المحبوك درامياً بشكل جيد ... وقوي انتاجياً .. من جميع النواحي ان كان بالممثلين المخاترين او لديكور او التصوير ... وحتى أغنية الشارة ... تفقو فيها ملحم زين والغنية نالت رضا الجميع حتى ليلي ما تابع المسلسل ...:oops: |
باب الحارة
بصراحة كتير تافه وبيكفي مسخرة عن جد لا قصة ولا تسلسل ولا شي ابدا بتحس بس بدن يعملو حلقة زيادة الحوت ماشي حالو بيعطيك نموذح من نماذج البشر الحالية اهل الراية حلو فيه قصة مابها شي يعني بينشاف ومتل ما قال ميرو انظلم مع غير مسلسلات اقل قيمة منه بكتير اسمهان حلو كتير الاداء التصوير الاخراج عن جد شي مميز ابو جعفر المنصور ما حبيته حسيت حالي ضايع وقت شفته قمر بني هاشم القصة حلوة والحبكة الدرامية حلوة بس الاداء ما كتير يعني كان لازم يشتغلو على هي النقطة اكتر زهرة النرجس شفت اولو بس قصته وهمية جدا او هيك انا حسيتها مابعرف بقعة ضوء حلو كتير فيه ضرب على اوتار كتير مهمة بغض النظر عن اللوحات التحاشي بس اجمالا حلو كتير عرب لندن كنت مفتكر اني رح شوف طرح جديد بس للاسف ما في شي من هالشي الخط الأحمر ولي ولييييييييييييي شو تافه و بتحس مسترخصين كتير صراع على الرمال حرام الممثلين الي مثله فيه والمصاري الي اندفعت عليه في ايد امينة مو جوي فضة قلبها فضة مو جوي كلنا عيال قرية مو جوي ابدا شرف فتح الباب ولي استغفر الله ابلة نورا كمان مو جوي حلو الموضوع باشق :D |
فينك شفت كل هدول ?!!!!!!!!!!!!!!!!!!!!!!!!!!!!
|
هههههههههه
ماشفتن كلن بس شفت من كل شي اول كم حلقة وكانت كافية لحتى كمل شوفو او لا بس الحقيقة اني الي تابعته بشكل كامل بقعة ضوء واغلب قمر بني هاشم بس الباقي كنت شوفو بالصدفة |
اقتباس:
حلو شرحك واضافتك :D اقتباس:
بس ما قلتلنا لمين صوتت ؟ |
انا من جهتي تابعت :
_اهل الراية ( مسلسل بيحكي عن ايام زمان و كيف كانوا عايشين و بيحمل قصة كتير حلوة) _زهرة النرجس ( قصة كمان كتير حلوة بتحكي عن كيف تغيرت نفوس البشر و كيف صاروا بزمانا هاد) _باب الحارة (حضرتو.. بس ما فيو شي بنوب يعني.. فكرة تافهة جدا يعني لو ما ساووا هل الجزء التالت كان بكون احسن.. لانو ما بيحمل اي فكرة.. غير انو عصام بيتخانئ هو ونسوانو و تقسيم الورتة و الخنائ بين الحارات) _ بعد الفراق ( بيحكي عن قصة حب ما كتملت.. و كمان عن وساخة الدنيا و عن الرجل اللي موجود بعالم الذئاب) _ بقعة ضوء ( سخيف جدا.. فيو كم حلقة بينشافوا.. بس مستواه جدا تدنى بشكل عام ) هدول اللي تابعتون.. بس المسلسل المفضل بالنسبة الي كان زهرة النرجس.. جدا جزيلا حبيتو لهل المسلسل و تأثرت فيه.. :D |
اقتباس:
صوتت لقمر بني هاشم يعني اذا طلع معي بالمجمل افضل شي يعني بين القصة والتصوير والاداء الاخراج :D |
ولا حضرت ولا شي ... وللصدق ..حضرت يمكن تلات حلقات من باب الحارة 3 ... ويمكن 6 حلقات من الخط الاحمر ... وحلقات متقطعة .... وغيرو ولا بعرف شي ...
|
ما تابعت غير باب الحارة بسبب المشاغل :pos: بس يعني ما بيستاهل اني اعطيه صوتي الكريم :pos:
|
'
الدراما العربيه خاصه (المسلسلات) ما كتير حبيتها بهاد الرمضان !!!!
بس ازا حبيت اتابع لازم يكون المسلسل سوري وازا كانت فيه رنا الابيض بكون احسن!!! |
اقتباس:
:?:?:? مستواه تدنى !! |
اقتباس:
|
اقتباس:
بحسب ثلاثة دراسات تتمتع بمصداقية كبيرة.. "باب الحارة" يتفوق من جديد ويحقق أعلى نسب مشاهدة بين العرب دبي- العربية.نت أكدت دراسات إحصائية قامت بها عدة شركات أبحاث تسويقية عالمية- كلٌّ على حدة- أن الجزء الثالث من مسلسل "باب الحارة" قد حظي بأعلى مشاهدة في مختلف بلدان العالم العربي، وبحسب الدراسات التي أجرتها كلُّ من شركة Ipsos وParc وMindshare التي تتمتع بمصداقية كبيرة، فإن مسلسل أبو شهاب وزملائه حافظ بهذه الصدارة على النجاح الساحق الذي حققه في الجزئين الماضيين. ورغم بعض الملاحظات والتحفّظات والطروحات النقدية التي أُطلقت بخصوص الجزء الثالث من"باب الحارة" قبل عرضه على شاشة mbc1، إلا أنه جاء ما يمكن وصفه بالردّ العفوي من قبل ملايين المشاهدين الأوفياء الذين بادلوا مسلسلهم المفضّل- كما كل عام- بمزيدٍ من المتابعة والرصد والاهتمام بمجرياته اليومية والتمحيص بأدق تفاصيله، ليؤكّدوا بذلك أن "باب الحارة 3" لا يزال يتمتّع بنفس القدر من المتابعة العالية والحضور الجماهيري في مختلف أرجاء العالم العربي، ولدى كافة شرائح المجتمع، كتلك التي حظيَ بها الجزأن السابقان. وذهب بعض المتابعين إلى حدّ اعتبار "باب الحارة 3" بمثابة العمل الدرامي الأفضل والأكثر متابعةً على الإطلاق مقارنةً بالمسلسلات الدرامية النوعيّة الأخرى خلال شهر رمضان هذا العام، وذلك لما يجسّده من أصالة شامية مستوطنة في قلب الحارة الدمشقية القديمة بكل تفاصيلها التراثية وأبعادها الاجتماعية والتاريخية واللغوية، بالإضافة إلى الأثر الطيّب الذي يخلّفه في المجتمع ولدى العديد من أبنائه وبناته، وكذلك الاسم الذي بات يُنظر إليه وكأنه اسم علم أو ماركة مسجلة لمنتج عريق. وتخطّت نسب المشاهدة والمتابعة العالية على أهميّتها، لتطال العديد من المحال التجارية والبقاليات التي باتت تحمل اسم مسلسل "باب الحارة" وأبطاله، بالإضافة إلى انتشار المنتجات الغذائية وحلوى الأطفال والقرطاسية وغيرها، التي تزدان هي أيضًا بصورٍ أو أسماء مستوحاة منه. يُذكر أنه ما أن تدق الساعة العاشرة ليلاً، ويحين موعد عرض "باب الحارة 3" على شاشة mbc1، حتى تُعلَن تلقائيًا حالة "منع التجوّل الطوعي" في العديد من المدن والقرى العربية، حيث نُصبت شاشات عملاقة في الساحات والمطاعم والأماكن العامة لمشاهدة الدراما الأقرب إلى القلوب والأكثر شهرةً والأذيَع صيتًا في السنوات الثلاث المنصرمة، والتمكّن من متابعة التطوّرات والأحداث المذهلة التي تتعاقب في المسلسل، والتمتّع بحبكة القصّة الدرامية، والسيناريو والحوار، وروعة اللمسات الإخراجية.:D |
اقتباس:
:D |
اقتباس:
و بتحسن تقول انو بقعة ضوء هي السنة بنفس مستوى بقعة ضوء اول ما طلعت..؟؟ انا بقلك من عندي اكيد لاء |
اقتباس:
اقتباس:
وشهد شاهد من اهله . يعني العربية أكيد بدها تقول هيك عن انتاجها. بس بظن انو هالدراسة ممكن تكون صحيحة من حيث نسبة المشاهدة فقط . اما انو نال على رضا واستحسان ما بظن. اقتباس:
|
اقتباس:
اقتباس:
لان من بس حقق نسبة مشاهدة عالية وكتير كمان لا كمان الناس دخلته في حياتها اليومية سواء من تسمية اولادهم على اسماء الابطال او شراء الملابس الي عليها صورتن اواواواواوا يعني نسبة المشاهدة مو شي ابدا بس رايك بالمسلسل حريتك وانت اكيد شايفو من جانب تاني غير الي انا شايفه مني لهيك بحترم رايك وراي كمان :D |
اقتباس:
واللهي يا ابن عمي لحتى كون صريحة معك .. يعني في مسلسلات انو شوف لقطات منها او كم حلقة منها لآخد لمحة بسيطة عنها متل اسمهان واهل الراية مثلا وصراع على الرمال وبقعة ضوء هيك .. بس ما تابعت مسلسلات باستمرار .. يعني في ليس سرابا هو اكتر شي حضرت منو ادا بدنا نقارنو مع البقية .. حضرت عدة حلقات منو وعجبني بس ما تابعتو للآخر .. طبعًا باستثناء ضيعة ضايعة يللي حضرتها كلها الا حلقة او حلقتين :lol: اقتباس:
+ سؤال : شو غنت وعد البحري؟ اقتباس:
بقعة ضوء .. كتير حلقات ما تعجبني .. وفي حلقات ما اخدت الطابع الكوميدي الساخر متل العادة ما بعرف ادا كانت قلّة هالحلقات .. بقلك حلقات باسم ياخور هيي يللي كانت حلقات حلوة كتير من يللي تابعتهن .. ما بعرف ادا هيك كانت كل حلقاتو ..باعتباري ما تابعت السلسلة كلها .. بس كان في حلقات بـ بقعة ضوء بالمرة ما تعجبني .. |
اقتباس:
انا بتصور لو دخلتي بجو المسلسل مزبوط كنتي لمستي الابداع الموجود فيه. :gem: |
اقتباس:
|
اقتباس:
من شوي شفت وعد البحري بمقابلة معها ومع فراس واحمد يللي مثل دور فريد .. غنت اغاني المسلسل وقالت انو الناس خلطت بين صوتها وصوت اسمهان الحقيقة بتجنن وعد .. بس لولا العلة يللي اسمها سلاف فواخرجي :p |
انا حبيت زهرة النرجس كتير
ما بعرف بس يمكن لأني بحب كاريس بشار كتير بس عندي ملاحظة مستر مصطفى انو كان لازم تسمح باكتر من خيار مو بس خيار واحد و مشان باب الحارة و اهل الراية فأنا من اعداء المسلسلات القديمة و اللي بتحكي عن الماضي :jakoush: |
انتهى منذ قليل عرض الجزء الثالث من باب الحارة نهاية تقليدية لم تختلف عن نهاية الجزء الثاني بل وكانت مفتوحة على احداث مشابهة لهذا الجزء فلم يختم الكاتب المسلسل ختاماً كاملاً كما في الجزء الثاني . و الـ mbc تعد بجزء رابع في رمضان المقبل . بما انو في جزء رابع منتمنا يكون افضل من الي شفناه هالسنة .. اقتباس:
اقتباس:
يعني بيكفي انك تشوف اكتر عمل متكامل من وجهة نظرك وتصوتله. :larg: |
ليس سرابا
بس مش موجود بالقائمة وكمان رياح الخماسين وقصة اهل الراية حلوة وبتشد :D |
| الساعة بإيدك هلق يا سيدي 17:48 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
