|
عيد الصليب المقدس
كل سنة وأنتو سالمين
عيد الصليب المقدس ... ينعاد عليكون بالخلاص و الطمأنينة يا شباب وصبايا أخوية :D لو أنو أجواء زمان ماعادت ألها وجود هلأ بأخوية للأسف ولكن ما بدنا ومارح ننسى الدبكة و الأبّيلة :clap::clap::clap: يلا قبل ما تجي الأطفائية :jakoush: :clap::clap::clap: |
ينعاد عليكم .. بالخير ..:D
|
كل عام وانتو بخير..السنة كانت أضرب سنة وما طلعت عالدير مبارح:cry:
|
اقتباس:
كل سنة وأنتو سالمين. |
كل سنة وانتو سالمين:lol:
|
كل سنه وانتو سالمين:D
بس شو هاد عيد الصليب المقدس اشرحولنا شوي عن هالعيد :larg: |
عيد الصليب من الأعياد المسيحية الهامة والشعبية حيث تشعل فيه النار تخليداً لذكرى اليوم الذي وجد فيه الصليب.
يعيد بعيد الصليب في 14 أيلول, حيث يحج المصلون إلى معلولا في سوريا, حيث ديري القديسة تقلا والقديسين سرجيوس ( سركيس ) وباخوس. وبتختلف التقاليد من منطقة لاخرى ... ف في مناطق بيعملو حلقات نار .. وشي بيحملو مشاعل وبيمشو عالطرقات .. وبترمز النار للتطهير من الخطايا .. وصهر الجسد من جديد .. لتشكل جسم جديد بعد العيد .. تاريخياً .. البحث عن الصليب : ظل الصليب مطمورا بفعل اليهود تحت تل من القمامة وذكر المؤرخون أن الامبراطور هوريان الرومانى (117 – 1038 م) أقام على هذا التل في عام 135 م هيكلا للزهرة الحامية لمدينة روما.. وفى عام 326م أى عام 42 ش تم الكشف على الصليب المقدس بمعرفة الملكة هيلانة أم الامبراطور قسطنطين الكبير.. التي شجعها ابنها على ذلك فأرسل معها حوالي 3 آلاف جندى، وفى اورشليم اجتمعت بالقديس مكاريوس أسقف أورشليم وأبدت له رغبتها في ذلك، وبعد جهد كبير أرشدها اليه أحد اليهود الذى كان طاعنا في لاسن.. فعثرت على 3 صلبان واللوحة التذكارية المكتوب عليها يسوع الناصرى ملك اليهود واستطاعت أن تميز صليب المسيح بعد أن وضعت الأول والثانى على ميت فلم يقم، وأخيرا وضعت الثالث فقام لوقته. فأخذت الصليب المقدس ولفته في حرير كثير الثمن ووضعته في خزانة من الفضة في أورشليم بترتيل وتسابيح كثيرة.. وأقامت كنيسة القيامة على مغارة الصليب وأودعته فيها، ولا تزال مغارة الصليب الصليب بين فارس وأورشليم بقي عود الصليب في كنيسة القيامة حتى 4 أيار عام 614 حيث أخذه الفرس بعد احتلالهم أورشليم ( القدس ) وهدمهم كنيسة القيامة, وفي سنة 629 انتصر الامبراطور هرقليوس على كسرى ملك فارس وأعاد الصليب إلى أورشليم. ويذكر التقليد أن الامبراطور حمل على كتفه العود الكريم وسار به في حفاوة إلى الجلجلة, وكان يرتدي أفخر ما يلبس الملوك من ثياب والذهب والحجارة الكريمة في بريق ساطع, إلا أنه عندما بلغ باب الكنيسة والصليب على كتفه أحس قوة تصده عن الدخول فوقف البطريرك زكريا وقال للملك :" حذار أيها الامبراطور إن هذه الملابس اللامعة وما تشير إليه من مجد وعظمة, تبعدك عن فقر المسيح يسوع ومذلة الصليب " ، ففي الحال خلع الامبراطور ملابسه الفاخرة وارتدى ملابس حقيرة وتابع مسيره حافي القدمين حتى الجلجلة حيث رفع عود الصليب المكرم فسجد المؤمنون إلى الأرض وهو يرنمون: " لصليبك يا سيدنا نسجد, ولقيامتك المقدسة نمجد ". الصليب في القرن السابع في القرن السابع نقل جزء من الصليب إلى روما وقد أمر بعرضه في كنيسة المخلص ليكون موضع إكرام للمؤمنين, البابا الشرقي سرجيوس الأول ( 687 - 701 ). الصليب اليوم في كنيسة القيامة اليوم يكرم الموضع الذي وجدت فيه القديسة هيلانة الصليب وهذا الموضع كان في عهد السيد المسيح حفرة كبيرة في الأرض ردمها مهندسو الملك قسطنطين وأدخلوها في تصميم الكنيسة الكبرى بمثابة معبد, هو في الواقع مغارة كبيرة تحت سطح الأرض. . . . † كل عام وانتو بخير .. :D |
مبارح كان قدّاسنا احتفالي بمناسبة العيد
كل عام وأنتوا بخير |
كل عام و أنتو بخير جميعا:D
لونو كنت بسوريا كنا شفنا فتيش (ألعاب نارية) لأبو موزة و أخ من الحظ راحت هيصة باب توما و القصاع علينا:cry::frown: |
ينعاد عليكون كلكون و شكرا ل الأنفورغيفن للمعلومات التوضيحية القيمة ...
طبعا - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - منرجع سنتين لورا لما كنت بسوريا و صورت الأحتفالات ومشان تدخلو جو عيد الصليبmarochka طبعا انتي زكرتيني بالحارات اللي ساكن وعايش فيها بالشام... ايييه كانت ايام حلوة :D |
كل سنة ونحن سالمين ......وانتو سالمين
ينعاد عالكل ّ..... :D |
كل سنة وانتو بخير وفرح وسلامة:D
|
كل عام وانتو بخير .وينعاد ع الكل بالخير ....:D
والله هون لاحاسين لا بعيد صليب ولا شي .نيالون الي بسوريا |
انو كل عام وانتو بألف خير :D
بس انصرع مخي بالفتيش من يومين .. بنص الليل الله وكيلكن :frown: |
كل عيد صليب و انتو بألف خير .......
|
شو الهيئة بتحتفلوا بالشام بالعيد رسمي؟؟؟
انا ولا مرة بحلب سمعت صوت الألعاب النارية يوم عيد الصليب |
اقتباس:
بس أنو الصور كلها مرفقات يعني ما فينا نشوف شي. بس شي حدا مصور بمعلولا؟ أنا بزمناتي زامطة زميطة من دولاب محروق.. |
ينعاد عـ الكل .. ونار العيد تضوي الطريق قدام الكل :D
|
اقتباس:
 أما الفيديو ... مالي خلق نزلو و ارجع ارفعو اي ... و ينعاد عليكم |
كل سنة وإنتو سالمين وينعاد عليكن
عندي سؤال على هامش العيد, العيد هاد للشرقيين بس ولا للشرقيين والغربيين لأنو ماشفت إحتفالات والكنايس مو مزينينها :D |
اقتباس:
هو عيد من الدرجة الأولى بس مانو "سيّدي"، لهيك الاحتفالات بتتفاوت تبعاً للمناطق! :D. |
اقتباس:
اي أنا ساكن بين القصور و الغساني :D أيييه راحت علي الأحتفالات بس معلي من هالعيد لحقت قداس هون يعني عشت الجو شوي أما الجو الحقيقي بحاراتنا وبس - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - هي اللينك للي حابب ينزل شوية فيديوهات كنت مصورها بعيد الصليب بسوريا من سنتين زمان سقالله :cry: |
ينعاد عليكون ياحق
|
اقتباس:
بعدين يقطع عمر هداك الدوار يلي قد المنقوشة و مالو داعي |
كل عيد صليب و انتو سالمين
:mimo: |
كل عام وانتو بخير
وكل عام ومعلولا بخير :D |
اقتباس:
|
اقتباس:
|
اقتباس:
يعني الغساني أقرب علينا من القصور فيكي تقولي ... الأبيلة اللي شفتيها بساحة جورج خوري ، كل سنة بتنعمل هنيك بما فيهون هالسنة :D |
اقتباس:
أنا فيك تقول كنت كل يوم أطرؤ مشوار واحد على الأقل من ساحة الخضرة لسفل التلة بباب توما، وحافظة حارات القصاع شبر شبر، بس هلأ يمكن ضيع فيهن |
انو قاعدين عم تسولفولي عالعيد انت و ياها قولو في عالم مشحرة بالإمارات لا عم تعيد و لا عم تبطخ:pos:
لما الشغلة بالجكر:pos: عا كل حال كمان انا معيد هون و رح نشد عا الجميرا بالعيد و بخبركن شو بيصير بس من شان الطقيق:p |
أنو مو شايفنا عم نتحسر على أيام زمان، يعني مو مبين أنو ما حدا عيّد متل الخلق إلا إذا داقت عينك على هالكم فتيشة اللي جبناهن للولاد.
بس أنت بأيا عيد رايح عالجميرا؟ لحتى نعرف ايمتى نطق يعني. |
هو نحن بعيد و بغير عيد منروح عالجميرا و عا المارينا
بس يعني اذا بدك تريحيني خليكي طاقة من هلئ و وقت بجد الجد بخبرك من شان تطقي اكتر بعدين شو ناقصكن لحتىما تعيدو كلها مشوار عا القصاع و فتلة عند جورج خوري و شوية بصبصة حد درج الغساني قدام الستيد كافي بعدين نزوح عا شي مطعم بي باب توما و شوية هياصة بالليل و خلص و هالمظاهر ما بتخلص بنوب بالشام |
شو عم نحكي من الصبح...؟ أول شي مانّا بالشام لنعمل فتلة، تاني شي ختيرنا ما عاد ينفع نعمل هيك فتلات، تالت شي ما رح طق:p
|
كل عام وانتو بالف خير
|
اقتباس:
عن شو عم تحكي يعني:humm: عن الأزمة الأرهاصية من تشتت اليسارية بمنعطافات ديالكتية في الفلسفة الجدلية الموروثة و الخارجة عن الميكافيلية بعدين كلياتها ساعة و بتصيري بالشام:frown:لك و بعدين نص العالم بتطلع عالبنان لتعيد انتي ما عم تعيدي بعدين شو ختيرتي ما ختيرتي ما بيقولو الشباب شباب الروح هاي انا عا حيطان ال٩٠ العطاردي و لساتني بكل عزي و ما شاء الله عني و حندق بندق العين الماشافتني و صلت عالنبي تفق و تنبق متل ما بيقولو8-) بعدين واضح انك طقيتي:yahoo::p:p:tomtom::tomtom: |
كل عام وانتوا بخيرررررررررررررررررر
|
وانتوا سالمين يا رب شباب و صبايا أخوية وليتمجّد الآتي باسم الرب سيدنا و مخلّصنا يسوع المسيح
آمين ... ولتدوم أخوية :D |
| الساعة بإيدك هلق يا سيدي 11:09 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون