|
عنا ,,, وعندن !!
أضخم طائرة في العالم ...  أضخم سفينة في العالم ...  أحدث طائرة حربية مزودة بأحدث رادار ...  أحدث دبابة إسرائلية ...  الهند لديها قمر صناعي للتجسس وأقمار صناعية أخرى للأبحاث العلمية ...  في اليابان أسرع قطار في العالم أسمه ( N700القطار الرصاص) والصورة ليوم الإفتتاح الكبير في طوكيو بإمكانه أن يقطع المسافة بين لوس أنجلوس وسان فرانسيسكو في ساعتان ونصف ...  أكبر وأحدث مراكز حفظ المعلومات ...  أنحف وأحدث محمول في العالم ...  أحدث جهاز مرئي ...  أحدث كاميرات التصوير الرقمي ...  أحدث قرص صلب 2 تيرا بايت = 2048 جيجا بايت ...  ............................ وبعدين يا عرب ..!! :frown: ماذا فعلتوا ؟؟؟ شوفوا شو صنعوا أو إخترعوا ... :? أكبر كبسة سعودية ...  انتبهوا !! شو جنسية الطباخين !؟! الجواب : هنود أو بنغالاه الرز : هندي أو باكستاني معناه الرز رزهم والطبخ طبخهم .. كيف صارت سعودية ؟؟ ما علينا المهم إنها سعودية وبتموين سعودي .. مبروك أكبر كبسة في العالم (سعودية) ;)  أناس يموتون جوعاً وأناس يموتون من التخمة .. نسألك العفو والمغفرة يارب العالمين ... !!!  أكبر كنافة في العالم (فلسطينية) وأخوانهم في غزة يموتوا جوعاً نتيجة الحصار ...  أكبر شاورما في العالم (شامية) .. فخر و إعتزاز يقول وهو ماسك (سيف الشاورما) : عربيٌ أنا إخشوني ... :p  أكبر صحن حمص في العالم (لبنانية) ... وكأنه إجتماع وزراء دفاع الدول العربية ... :shock:  إعجنوا سوف تعجنكم غداً إسرائيل .. !!  ياعيني ... أفضل طباخين لبنان حضروا صحن الحمص العملاق ...  |
اقتباس:
|
اي ولله ابو سمرا شي مقرف جدا جدا
|
ريتو سم انشالله...
قرف....  |
اقتباس:
بتذكر في أحدى المرات نزل موضوع عن هذه الصورة و كان في صور لنفس العزيمة أبشع و أسواء بكتير من هذه الصورة ياريت لو حدا بيعرف الموضوع ينزل الرابط و يشوف الأرف و لكن أذا لم يتثنى الحصول على باقي الصور بذكر أني الصور يتعرض الأكل المرمي على الأرض بصراحة منظر كتير مخزي |
شي مقرف والله .. :sick:
و لا اليوم فاتح على مسايا وعم يحكي على صحن الحمص اللبناني ... وقاعدين انو عم يقولوا صحن الحمص لبناني والتبولة لبنانية ... مو للعدو (بتوقع اصدهن اسرائيل مو سورية ) .. فا انو منيح بكرة منحارب اسرائيل بصحون الحمص... :larg: بعدين هاد صحن الحمص (الناعم ) .. اسمو مسبّحة .. وهوي سوري :pos: قال يعني .. انو عنا الناس الكلاس يلي بالشام بطلوا يقولوا كلمة مسبّحة .. صاروا يقولوا حمص ... يئطع عمرن شو مفزلكين :frown: وبتزكر بزمناتنا عملنا اكبر هريسة بالعالم .. مو ..؟ وفي بحلب اكبر قرص كبة .. ايمتى بدنا نتطور بس :sick: |
   هي الصور وجدتهم في موقع خليجي و لكي أكون محايد و جدتهم يتنكرون لهذه الأعمال أقول بس اللهم لا تأخذنا بما فعل السفهاء منا |
اقتباس:
الحمص الناعم أسمه حمص مخفوء في حلب و في لبنان بس بيئولو حمص بدون مخفوء و المسبحة يللي هي الحمص الحب لأني عبيسبح سبيحة و لهسبب سمو مسبحة وين رحت لبعيد :lol: |
اقتباس:
المسبحة .. بيسموه بعض العالم حمص ناعم .. وهوي متكون من حمص وطحينة ( طحينة السمسم ) الحمص الحب هوي الحمص المسلوق .. بس مو المسلوق زيادة يعني كل حبة بحبتها:gem: الحمص المسلوق .. يعني وقت تروح عند الحمصاني وتقللو بدي حمص مسلوق .. هاد بيكون تقريباً رايح نيفا ..يعني انو هيك حمص مسلوق زيادة بس مو كل حبة بحبتها :? الحمص اليابس هوي الحمص قبل السلق ... يعني القضامة عملياً هلأ بالزمنات لما كنت روح عند عمران الحمصاني ( لي دلعني ميرو :p) .. كنت قللو عمر عطيني حمص .. يقلي حمص حب ؟ :shock: قللو اي ...:? بس من فترة لعرفت .. انو في ناس بتسمي المسبّحة .. حمص ناعم :pos: |
هلأ بالنسبة للكنافة الفلسطينية شايفين كيف الناس عم يقتلو ببعض......................
لانو يوميتها ........كانو حاطين ((على قول المنظمين )) خمس مفاتيح سيارات ..بالكنافة.و اللي بيلاقي المفتاح ..صارت السيارة إلو................ هي دأني إزا حدا لقا برغي .مو مفتاح:sly: |
اقتباس:
ليكون هي مؤامرة من قبل الأستعمار الغربي علينا :jakoush: أنا أعترض و أشجب و أستنكر المؤامرة على تغير الأسم :adal: الحمص الحب المسلوء اللي عما يسبح بالطحينة و الحمض و الزيت الحلو أسمو مسبحة و الحمص المخفوء اللي مخفوء مع الطحينة أسمو حمص :pos: و يجب أن تعدل المواثيق و الدساتير و أعادتها الى نصابها الحقيقي :? و هذه قضية عادلة و يجب أن تناقش في المحافل الدولية :sick: |
اقتباس:
لا تخوتني .. :jakoush: الحمص الحب يلي مع زيت وحمض (وبيجوز يحطولوا طحينة ) .. هاد اسمو حمص بزيت :pos: المسبحة .. هيي حمص ناعم ( مفعوس وملعون دينو ورايح نيفا ) ومخلوط مع طحينة السمسم .. حصراً :pos: في ناس بيحبو الحمص الحب مسلوق زيادة ... لهيك بيقولوا لعمو الحمصاني حضينا حمص مسلوق .. او حمص حب مسلوق زيادة ... :pos: فا الله يرضى عليك .. ما بدنا نعمل صراع حضارات بين حلب والشام .. ايوا :p:adal: |
اقتباس:
و أنا لمنتصرون :gem: |
اقتباس:
جاي ع بالي جبلك وثائق مسجلة بصوت الحمصانية الدمشقيين كـ دليل ع كلامي :pos: |
اقتباس:
سوفا أقوم بأتصالاتي مع الملحقات الثقافية في في بلاد المهجر و الداخل :p و لو كان الموضوع مفتوح من قبل فقد كنت منذو قليل مع أحد كبار ممثلي الحماصنة في العالم :x لو كنت أعرف لعرضت القضية عليه لكي أحشد تأييد لقضيتنا :x و لكن يبدو لي أن أعينكم واصلة و تمكنتم من أغتصاب الأسم و طرحه بعد أنتهائي من الأجتماع :jakoush: مع أحد أهم كبار القادة الحماصنة في الدنيا :shock: ألا أننا سوفا نستمر و لن نتراجع قيد أنملة :adal: |
اقتباس:
تعيش المسبّحة (يلي مكونة من الحمّص وطحينة السمسم ) ... تعيش تعيش تعيش :adal: |
اقتباس:
يبدو لي أنك تتناسى أنك لست من يقرر و أن هناك محكمة دولية و يمكن لها حق التخول في البت في قضيتنا المصيرية و العادلة أنا أنصحك بأن ترد الحق لأهله قبل أن نقوم بأتصالات مع حلفائنا في المجرات الأخرى و يمكننا أن نتشعب في قضيتنا و أن نوصلها الى أخواننا في ما بعد المجموعة الشمسية و أننا لواصلون :adal: |
أنا و من على هذا المنبر أضم صوتي للأخ saman:deal:..........مو لشي .بس لأنو هو اللي حكيووو مزبوط.........
من حيسية طريقة اعداد جميع أنواع الحمامص....... و الله على ما أقول شهيد..............:pos::pos: |
اقتباس:
بحييك اخي بحيي نضالك .. من اجل كلمة الحق :ss: |
انو ليكو انتووووووووووو ويييييييييييييييييييييييي ين وهم ويييييييييييييييييييييييي ن
لك الموضوع نازل عإنو هم احسن منا وانتو عم تتخانقو عالحمص .. وياريت عالحمص نفسو لك عاسمووووووووو :cry: لك حاجة بقا فضايح .. بدل ما تفكرو بطرق تفيد هالبشرية وتستعملو عقولكم بالشي المفيد .. لك والله عم قابل نااااااااااس .. لك ناااابغة .. والله حكيهم أفقه من حكي اي عالم شفتو .. لكن عبس .. موعارفين يستعملوها .. أماانة ماشي بيقهر وبيهز البدن .. يعني اذا مفكرين بهالحكي هاد عم تتسلوا مع بعض ترا حتى الغرب عاملينا تسلايتهم ومضحكتهم .. ما تقلبوها دايما مضحكة .. هيدا عنجد الموضوع جدي أكتر ما تتصوروه..:cry: والله لازم ندير بالنا... :D |
بي ما أنو صار الموضوع خطير ل هل الدرجة.........وعم تتدعدو عا حقوق صحن المسبحة
فا المسبحة هي المسبحة وحيو صمودك ابو المير أنو صعي عن شو الموضوع؟؟!!!:shock: |
اقتباس:
و مهما زورتم من دلائل على حمصنا لن نتراجع و لن نركع و أنا على عهدنا لثابتون على الهامش : نحن نقبل بالمفاوضات و بدون شروط و السلام مقابل أستعادة الأسم الحقيقي للحمص |
اقتباس:
لاء وألف لاء لي أي محاولات خارجية وأي ضغوطات على المصطلاحات الشامية:frown: فلتحيا المسبحة وستبقى المسبحة داخل قلوبنا:pos: وأننا ل صامدون:larg: |
اقتباس:
أن البغات تجبرو و تتطاولو على مائدتنا و نسبو أليهم المسبحة :jakoush: لذا لا نتأمل خيراً من أي محادثات سلام فأنتم متعنتون و ليسو ألا مغتصبين للحقوق :sick: و هذه هي لغة المتجبرين :x و لا ينفع مع هذه العقول المتحجرة ألا أن نتابع الضغوط عليها :jakoush: و أننا لمتابعووووون :adal: |
نعم العرب و الشرق أوسطيين لم يصنعوا الاختراعات .. هذا شيئ معروف
و المنطقة العربية في منتصف قائمة الدول النامية (العالم الثالث) (مع اختلافات كبيرة بين الدول العربية نفسها) العرض الساخر لهكذا موضوع ما رح يخلي الفرد العلبي يترك الكومبيتور و يروح على اقرب مختبر و يعمل تجربة بل بالعكس رح يقعد ينتقد شعوب اخرى او الحكومات او الجامعات ... في محاولة لبعذ الانتباه عن المشكلة الكبرى ! صحيح تدريسنا ليس بالمستوى الجيد جدا ... لكن عندنا جامعات و مؤسسات و كتاب و موسيقيين ... و الحل بالنقد الحقيقي و العمل بجد نجي على اكبر صحن كنافة و اكبر سيخ شاروما و اكبر صحن بابا غنوج و تبولة و حمص بطحينة بكل العالم تصير هذه الفعاليات هذه الاحتفاىات تصنف كمهرجانات ثقافية ... حلوة و الكل يشترك بالعمل ... و ما اشوف فيها شي عيب اذا صارت مرة بالعشر سنين ! و بكل العالم هناك قضايا تحررية و فكرية و معارضة و انفصاليين .. مو شغل الطباخ يصمم صاروخ .. و لا شغل ابو الخضار يشرح نظرية انيشتاين و لا شغل الفلاح ينتج مواد صناعية هذا واجب الجيل المتعلم ذوي الشهادات او الصناعيين و الجامعات .. الخ مو عيب نصور صورة اكبر صحن كنافة بنابلس .. يعني ظلت على الشعب الفلسطيني .. تريدزون نقللولي الشعب العربي بلا حفلات عرس و طهور و عماد و بلا مسرحيات و بلا اغاني ! هل عيب على الفلسطينيين بالضفة او بالقطاع او داخل اخط الاخضر ان يفرحوا كافي بيع وطنيات و قوميات و محاسبة العالم كانه نحنا الملائكة بس ... و بدل ما تنتقد روح حرر فلسطين ! و كلنا ننتقد الخليج و ترف الخليج ... بس في يوم من الايام عملنا شي لمحاربة الفقر و الجهل في مدننا و بلدنا نحنا ؟؟ هاموش ... مو اول مرة اشوف نقاش حول اصل الحمص .. ولو هون نقاش بين اعضاء يعرفون بعض ... بكثير مواقع يحتدم النقاش حول جنسية الاكلات العربية و هذا يرجعها للفينييين و ذلك للفراعنة و هذا للعرب ! تعرفو من هو مخترع طبق الرز ؟؟ و من مخترع الكباب و الكفتة مثلا ؟ آسف للإطالة ... :D |
أخي أبو سارة
لو نحن أتفقنا على أن نقوم بهذه المسرحية لما كانت على الشكل الذي تراه لأننا أتفقنا على أن لا نتفق و لكنها جائت هكذا عفوية من دون أي تخطيط و الأخ أمير يبدو لي أنه فهم قصدي و تابع معي بالشكل الذي كنت أتمناه و له جزيل الشكر أخي الكريم أذكر أني جلست في أحدى المرات مع أناس مخلصين و كان حديثهم عن أختلاف القادة العرب مع بعضهم البعض و ذكرو أشياء يندى لها الجبين من سخافات لهولاء الكائنات التي تحسب علينا أنهم قادة فهذه المحاكات عن الحمص راقية بأمتياز بلمقارنة مع من هم يفترض أذا أختلفو بينهم أن يختلفو على شيئ يستحق أن يحكى به أما عن فلسطين فأنا أقول أن حالة فلسطين هي حالة أستثنائية و دائماً أدعو لهم و أما عن الطبخ فقد يلاحظ القاصي و الداني أن الطبخ أصبح هم الأمة و خصصو له قنوات فضائية و أرضية و برامج يومية و يكأن الأنسان يحيى من أجل أن يأكل أخي الكريم انا أتفهم المهرجانات و المسابقات الثقافية التي هي منتشرة في الدول الغربية و لكن يا أخي هؤلاء الناس الذين يقومون في تلك المهرجانات قامو بواجبهم نحو بلادهم من تعلم و تتطور و حتى أنهم يقومون بمساعدة الشعوب الأخرى على التقدم و تحويل حياة الناس الى الأفضل يا أخي نحن لا نقدم شيئ حتى لأنفسنا فكيف نستطيع أن نقدم الى غيرنا من البشرية |
أخينا حلبي ..
انا ما قصدت نقاشكم شخصيا ... لان واضح فيه نوع من المزح :lol: بس المشكلة العرب يوميا يتخانقوا على امجاد التاريخ ..ما اساسا الهمبركر اللي موجود بكل البلاد العربية ... هو غَربي فلسطين اصبحت قضية مستهلكة من قبل الاحزاب العربية بكل انواعها .. وكل ما تحكي كملتين .. ييقلك شوف الفلسطينيين و شوف الصهاينة و عمايلهم اصبحت مسمار جحا و تستغل لاجل مآرب شخصية و اسكات الناس ها هو اليوم شوارعنا فيها كثير كثير مشردين و متسولين و مرضى ... و الشعب لا يساعدهم و الحكومة غاضة النظر .. و بس تحكي عن الفقر او الفساد او شوء الخدمات ... يقلكك احمد ربك انت وضعك احسن من الفلسطينيين ! لان مو من مصلحتو التركيز على هذه المشاكل مثل ضحايا الانفجارات بالعراق ... و بنفس الطريقة اصبح التركيز على فلسطين المحتلة من اجل مصالح الاعلام الموالي و المعارض و اللي نص نص ! اقتباس:
صار الكل يريد يتعلم شي غريب شي جديد ... فترى الايميلات كلها اللي تصلك عن جمال طبيعة ماليزيا او عن اليابان او كوريا .. او البرازيل الشعب العربي تعب من الاعلام الموجه .. تعب من الوضع المتردي ... تعب من محاولات التخدير تعب من المعارضة بلندن و نيويورك او بدول مجاورة تعب من النقد لاجل النقد ... (مع انه يمارسها يوميا) حضرتك تحكي عن القادة العرب. .. تقدر تضمن المعارضة اذا اسلتمت ما رح تعمل اكثر منهم نحتاج الى تغيير الاسطوانات لان ملينا جدا جزيلا :lol: وردة الك :D |
اقتباس:
أل مرة أحد القادة العرب سألو ليش مابتغير الوزراء اللصوص في الحكومة ألون هدول أحسن من يللي بدون يجو لأنو هدول شبعانين أما اللي بدون يجو رح ينهبو لحتى يشبعو فهدول شبعانين و خلصانين أما بلنسبة للتاريخ فالتاريخ الذي نعتز به لنا به فائدة ألا و هية التفاخر و الأستعلاء على الناس الذين هم أحسن منا و على رأي المتل الأرعة بتتباها بشعر بنت أختها و على رأي سيدنا القذافي قدس الله سره ماذا لنا بالأندلس غير الموشحات الأندلسية |
| الساعة بإيدك هلق يا سيدي 20:55 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون