شو الصح وشو الغلط...؟؟؟ ومين بيقدر يحكم عليه
انو كلنا منقول انو هاد صح او هيك صح او تصرفت صح
ومنقول كمان انت غلطت او تصرفت غلط طيب شلون هاد العمل يللي قمنا فيه نحنا قيمنا انو صح او منقول عن عغمل غيرنا غلط او صح يعني نحنا مخولين نقول او نحكم بالصح او الغلط؟؟ |
بتتوقف الامور على كل حالة او وضع من الاوضاع
وكل واحد بيقول صح او غلط انطلاقا من قناعاته وما ربي وتعود عليه واحيانا بيكون الانسان ربيان على فكرة معينة وبعدين لما بيتعمق بالتفكير بيلاقي انو هالفكرة غلط وانو الدنيا ابسط من انو نعقدها بهيك قيود ....ايوا بس اذا حب يفك هالقيود يمكن المجتمع يوقف بوجهه وما يتقبل التغيير الحاصل بسهولة وهيك والي عودة |
اقتباس:
طيب القناعات يللي عم نحكي فيها مختلفة وهاد الاختلاف عم يخللي الصح غلط والغلط صح او ما بعرف شو صار هون اسمو بعدين مشان القيود ......... شو هالمجتمع المتخلف يللي بدو يقيد افكاري بما يتناسب مع اعرافوا طيب اذا انا حبيت اتمرد على المجتمع ( هو هاد انا مترد دايما) بكون صح او غلط ؟؟ ولا شو ؟؟؟ |
سؤال جميل..أنا من زمان ماشفت حدا عم يسأل هيك أسئلة.. بهنيك..!
برأيي..في مقياسين.. خير والشر.. واحد.. والتاني.. هو المصلحة.. أما المقياس الأول.. فهو دليل وجود الله.. والتاني.. عبرت عنو بطريقة ما.. ري مي.. احترامي.. لمشاركتها..:D |
اقتباس:
|
والله الشغلة نسبية
يعني حسب الجو و المكان يللي عم تنطرح فيه |
كوستا على ما يبدو انني امام شخص لا يعترف بأي قانون لكنه انسان والدليل انه يسأل نفسه هكذا سؤال . . . سأبتعد عن الدبلوماسية وسيكون ردي مختصر جدا ً لا يملكـ ايا ً منا الحق في تقييم الغير لأننا اصلاً بشر والبشر معرض للخطأ رضينا او لم نرضى ولكن يبقى العامل الإنساني هو من يقرر النظره التي نحملها بتقيمنا لأفعال الغير وإن كانت تندرج تحت الصح او الخطـأ فقط لا غير اشكركـ سؤالكـ يحتاج لتفهم واتمنى ان اكون قد فعلت بردي |
الحكم على الصح والغلط متل ما حكيو بكون من خلال قناعات الانسان , هاي القناعات ما اجت من فراغ لانو بكتسبها الانسان من التربيه ومن التجارب و البيئه اللي عاش فيها ومن نوع الثقافه اللي تلقاها والاهم من هيك بتكون نابعه من المعتقد اللي بامن فيه.....
ولانو البشر لايتشابهو بقناعاتهم بسب اختلاف التربيه والبيئه والمعتقد فبكون الحكم نسبي يعني الصح عندي ممكن يكون غلط عندك والعكس صحيح , وفي بعض الاحيان يتجاوز الامر ذالك ليصل الى شيئ اشبه باعلان حرب على الاخر لانو باعتبر انو قناعاتو ممكن تكون ضد او تهديد لكل شي تعلمو وامن فيه خلال سنواات طويله .... هلا الحل انو نلاقي نقطة تلاقي بينا لحتى ننطلق منها لنحكم على الامور ....وبعتقد كلنا نلتقي بالانسانيه وكوننا بشر لذلك بمعزل عن كل قناعاتنا علينا ان نحكم على الامور هل هيه تضر فينا وبحياتنا كبشر او لا .... مثلا الكذب والسرقه القتل امور تضر بكل انسان بغض النظر عن قناعاتو , لان عمليا على ارض الواقع نتائجها وخيمه لذلك هي شر يعني لسنا بحاجه لقناعات لنحكم عليها... انا اعرف ان الامثله السابقه بسيطه والحكم على الامور ليس بهذه السهوله يعني هنالك امور فيها جدل , لكن المطلوب ان تثبتلي ببراهين وادله ان نتائجها وخيمه , او ان الضرر منها اكثر من المنفعه . يعني سلبياتها اكثر من ايجابياتها لكي اقتنع بانها شر مثلا . |
بسم الله الرحمن الرحيم
أقول أن الله لم يبعث أمة إلا و بعث فيها رسولا أو نبيا حتى يرشدوا الناس إلى الحق وهؤلاء الأنبياء ما كانوا ينطقون عن الهوى بل كان يوحى إليهم من الله جل و علا لذلك كان لكل أمة كتاب يرشدهم إلى أمور دينهم ولما كان سيدنا محمد صلوات الله عليه ختاما لكل الأنبياء كان لا بد من كتاب يحفظ إلى يوم الدين يرجع إليه الناس ليعلموا أمور دينهم . ومن القرآن سنته عليه أفضل الصلاة والتسليم . ـ و الأمور التي لم يرد فيها نص في الكتاب أو السنه فإنها ترد إلى الإجتهاد من الفقهاء ـ أما الأمور الحياتية المتكررة و المشكلات التي تواجهنا فتحل بالحكمة و هي لم تعطى لكل الناس لأن ثمنها هو التقوى و الالتزام بما أمر سبحانه . وصدق الله لما قال ( و من يؤت الحكمة فقد أوتي خيرا كثيرا ) وصلى الله على سيدنا محمد و الحمد لله الواحد الأحـــــــــــد محمد العماني ـ عمان / الأردن |
صرلي ساعة بكتب وبالاخر راحو
رح عيد اقتباس:
مثال صغير بهالخصوص في واحد انتحر لانو هوي دارس هندسة زراعية وصرلو من 1998 متخرج ولسا ما لقى شغل(بمصر) طيب وكل اخوتو مو متعلمين وعم يصرفو عليه طيب هوي انتحر من البطالة بس برأيك انو ماكان بيقدر يلاقي شغل ولو مو بشهادتو كان فيه يشتغل باعمال البناء مثلا بس ما اشتغل لانو ما بيقبلا ع حالو وبيعتبرا غلط ليش؟ لانو المجتمع والناس كيف رح ينظرولو اذا اشتغل بالفاعل مثلا.. ويمكن مثلا اهل الصبية اللي بيحبا ما بيقبلو يعطوها لواحد شغلو مو مهم نسبيا بنظرهم وهيك.. هيدا الانسان متشرب عادات سيئة من المجتمع وما استطاع انو يتجاوزها وعم يدور بحلقة مفرغة اودت فيه لانو ينتحر ........ بس تعقيب للاخ محمد العماني انو نحنا هون عم نناقش الموضوع من منطلق انساني بحت ف ما في داعي تحط الاسلام بالنص مع احترامي |
يمكن مافي حدا بالدنيا ما سأل حالو نفس السؤال ..
وخصوصا لما تشوف انو الغلط عندك هو صح عند غيرك .. والعكس .. بس الي لاحظتو بالردود انو الكل همش العقـــــــــــل ,, بالنسبة الي العقل أفضل حكم بهيك أمور .. بمجرد التفكير بتبعات الموضوع , لحى يبين معك انو غلط او صح وتأكد ان الشيئ الي ممكن يأذي حدن معناها غلط .. شو ماكان .. بس ما معناه هل الكلام اننا منسمع عئلنا دائما .. في كتير من الاحيان .. بيحلفنا عئلنا انو هل الشيئ غلط .. بس نحنا ما منسمع .. ومنضلنا منبحث عن المبررات لفعلو .. .. يعني بالمختصر عئلي الي بحكمّني بكتير امور .. |
بما انو حياتنا مبنية على مبادئ وفلسفات ودين..
اذن فهمنا لهاي المبادئ والفلسفات والدين هو الي رح يخولنا لنقول هذا الصح وهذا الخطأ لحد معين. طبعا وكمان الانسان مبني من طينة النقص. فكمان بيقدرش يحدد شو الصح والخطأ فكل اشي. حابب اضيف.. ولي هو اشي مهم جدا وفكرت في كتير : طيب احنا اصل كل اشي لخلانا نفرق بين الصح والخطأ وبين الصالح والطالح هو الدين، والايمان. فكيف منآمن بقصة آدم وحواء كيف انو ربنا منعهم من الاقتراب من شجرة التفاح. ولما اكلوا منها سميناها الخطيئة. ومن هون نبع الاشي الخطأ. وعرفنا شو الصح ولي هو نمشي حسب امر ربنا. لكن تعال نشوف لو فش هيك اشي.. ما في دين ما في فلاسفة ومفكرين.. كيف منقدر نفرق بين الصح والخطأ. والجواب منقدرش.. لانو بالاصل ما حيكون في اشي اسمو صح وغلط. اذا انا مش مآمن بالله وبعاداتي الاجتماعية الي تربيت عليها.. ليش تأقول على الاغتصاب مثلا خطأ؟؟! ما في اشي يحددلي ليش هادا خطأ. منهيك لولا الاجتماعيات والدين والفلسفات الي نبعت في العالم. ما كان في اشي اسمو صح وطأ. مثال آخر.. شرب الخمرة.. المسلم يقولك هذا خطأ والمسيحي يقولك لأ! مش خطأ. من هيك الانسان بما انو مش كل الحقيقة متضحة امامو لتعدد الفلسفات والاديان والمعتقدات. فقطعيا هو لا يتسطيع التحديد بين الصحيح والمخطوء منه. |
اقتباس:
بس لاحظ انو الملحدين كمان بيعتبرو انو الاغتصاب خطا من مبدا انو تعدي على حرية وكرامة وانسانية الشخص اللي تم اغتصابه اذا العقل متل ما قالت مايا والتفكير من منطلق انساني بيساعدونا كمان كتير على بناء اراءنا وتقديرالتنا حول الصح والغلط واذا بس بدنا نعتمد على حكي الفلاسفة والمفسرين للدين بدون العقل بيصير فينا متل نظرية القرود الخمسة - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
اقتباس:
لانو برأيي انو مو كل ملحد مخطئ بكل تصرفاته .. وان كنت عم تحكي باسم مُعتقد معيّن .. لحى تْفوت الناس ببعضها .. اما عن المبادئ , فلكل انسان مبادئ معينة .. اكيد بتختلف من شخص لاخر .. وممكن تلاقي ناس بدون مبدء بالمرّة .. وهدول الي هني ما بيميزو بين الصح والغلط لانهم ببساطة ما بدهون يوجعو راسهون .. اما عن الفلسفات . فبظن انو بهل النقطة ما لح تفيدنا بشيئ .. لان لكل مين فينا فلسفتو بالحياة .. والفلاسفة والمفكرين ممّكن اني أُعجب بكتاباتهون .. وحسّها .. بس ما ممكن خليهون انهون يبينولي الخطئ من وجهة نظرهون هني .. فانو يتجرد الانسان من اي شيئ ويرجع للفطرة الي انفطر عليها .. والاصل بالانسان هيي الطيبة .. وما بصدق حدا يفكر للحظة بعمق وما يعرف هل الي عم يعملو صح او خطأ |
سبقتيني ري مي .. عم نحكي من نفس المنطلق ..
ما انتبهت لردك .. |
اقتباس:
العقل.. من اي اساس اجا التفكير والعقل.. ارجعي للبداية لاول اول اول بداية الحياة. شو زرع افكار العقل؟! - ادا منبلش مش من قصة الاديان السماوية. قبلها كان الانسان يبني الهته ويقدسها حتى يفسر الظواهر هلي مش قادر يفسرها. من هيك رجعت للمعتقد او ممكن نسمي دين قديم. - اجت بعدين الاديان السماوية هلي عرفت الخطيئة. والحياة الفانية والابدية. واذا بدنا نوخذ الحياة الابدية لازم نبتعد عن الخطيئة. وفي بعد ناس كتير هلي بتقول انو اساس الاديان بس فلسفة والانبياء والرسل مكنوش غير فلاسفة الون خارزمتيتهن وقوة هلي اقنعت الناس ولي خلتها تقدسهن لاعجابن فيهن. ولي رفعتهن لمستوى فوق الطبيعة او العجيبة. - الاجتماعيات... ولي هي فرضت مبادئ ومش قوانين. الي نفرضت نتيجة لتعايش الانسان مع بني جنسه وتكون المحيط هلي حوطهن والي منسمي ليوم المجتمع وعلى دائرة اكبر منقدر نقول دول. على هادا الاساس نبنت افكار العقل والعقلانية.. الانسان الاول طبعا مخلقش يعرف "الكذب مش محبذ".. او غيرها الكثير من افكارنا. |
اقتباس:
وانا بحياتي مخترتش الطريق اخترت المفرق كما نصحني العم جيفارا. في ناس بتقول بالدين فش "نص حبلة". بس انا بقول مدام حتى بالدين الواحد في معتقدات كثيرة فالي اكون مؤمن باشياء واشياء اخرى لأ. حسب قناعتي. كتبت كتير مخصوش بالموضوع بس ندفعت للكتابة اعذروني:D |
بالنسبة للمبادئ فهيي احنا اخدناها من اجتمعاياتنا وخبرتنا في الحياة.
والفلسفات طبعا الها حقها كمان لانو فلسفات كثير اثرت بنفسنا وعلى مبادئنا!!! |
اذا بدكو رأيي بالقصة كولا.
بالنسبة الي بهمنيش الصح والغلط مدامو مش مأثر علي. واذا بدي امشي ورا الصح بس عشان اكون مرغوب ببيئتي ومجتمعي ومحبوب ومش منبوذ. فهيك انا بزين افكاري وتصرفاتي. وبالنسبة لاعمال غيري بهتملهاش مدامها مش مأثرة علي. وكل الي كتبتوا فوق. فكر. |
اولا انا ما ئصدتك بالجملة ابدا ..
انا حكيت بشكل عام .. هلى ... اقتباس:
والعقل الي قصدت فيه هو الي انفطرنا عليه .. الطيبة . انا معك .. بس كمان ما ضروري الانسان يكون متطلع على الفلسفات .. او متدين او منتمي لمجموعة ما ليميز الصح من الخطأ .. |
لأ طبعا الانسان بحكم فكرو بحسب الي صار واصلو بحياتي ولي شربو من الدني.. علمها غموضها وعلومها وافكارها..
وطبعا سني عن سنة هاي المصادر بتزيد وبتكثر. |
اقتباس:
وعن المصلحة في ناس بتقلك هاد صح مشان تمشي مصالحها او العكس اقتباس:
|
اقتباس:
عم تقول البشر معرض للخطأ ........ شو الخطأ ؟؟ وكيف قيمتو انو خطأ والعامل الانساني يللي حكيت عنو بيحملو كتير من البشر ............ |
اقتباس:
و حاسس من كلامك انو الصح نسبي والغلط نسبي |
اقتباس:
|
اقتباس:
التخلف وصل لبيوتنا ....... لمطبخنا .... لمعلقتنا ..... لفراشنا ..... لتيابنا........................... اما عن هاد الطالب .............. ما بعتقد انو انتحر لانو ما لقى شغل ........ او مشان صبية ....... لانو الانتحار الو اسبابو النفسية وتعقيب على تعقيبك..........:D انو اشتهيت اكتب موضوع ما يدحشو الدين بالنص :jakoush: اوفففففففففففففففف |
الشيء الوحيد الذي اعتقد انه الحقيقة المطلقة هو : كل شيء نسبي
الحقيقة تختلف من دين الى اخر و من مذهب فكري الى اخر و تختلف في نفس الشخص من مرحلة الى اخرى ولا تستغرب ان يكون ما هو حقيقة عند شخص هو ليس كذلك عند شخص اخر هذا واقع . السفسطائية هي اكثر المذاهب الفكرية قربا للواقع كونها لا تقر بوجود اي شيء مطلق او اي فكرة مطلقة حتى الموت ليس حقيقة مطلقة , بعض الاديان تعتقد بالتقمص , واغلبها يؤمن بالبعث بعد الموت, اما الملحدين و الماديين مثلا يعتقدون بالفناء. كل شيء نسبي تنبع منها عقيدة احترام الآخر و احترام الذات . لكن الاقرار و القناعة الذاتية بأننا نحن الصواب والغير على خطأ لا محالة , هو احد اهم اسباب الحروب في البشرية, وكثر اعداء الاسلام و اليهودية " ومن يبتغ غير الإسلام ديناً فلن يقبل منه وهو في الآخرة من الخاسرين " (سورة آل عمران 85) واليهودية غنية عن الامثلة (شعب الله المختار) حتى المحاكم البابوية او محاكم التفتيش اذا عدنا الى التاريخ المسيحي , كانت تقتل على الفكرة اذا تعارضت مع الكتاب المقدس ,والتي لدينا ما يوازيها في العالم الاسلامي من مصادرة الاراء و فتاوى التكفير. لننسى خلافاتنا الدينية والطائفية و الفكرية فكل له دينه وافكاره الخاصة الذي يعتقد انها الحقبقة , و لنضع ايدينا بأيد بعضنا لنبن وطنا حضاريا يحترم انسانيتنا. و ليعم السلام على الانسانية. |
بعيدا عن الدين و تأثيرو بمفهوم الصح و الغلط بعتقد انو هل الموضوع نسبي ، لان كتير ممكن الشي يلا انا مفكرو صح و مقتنع انو صح يشوفو حدا تاني غلط و على هاد المقياس.بس الشي الاكيد هو انو المجتمع و التربية بيلعبو دور كبير بتكوين مفهوم الصح والغلط.
احترامي الك كوستا :D :D :D و لكل الشباب يلي شاركو بالموضوع:D |
برأيي اساس المشكلة هوي عدم قدرتنا على تقبل الآخر والرأي المختلف...... يعني بشكل عام بس واحد مننا يشوف حدا عم يتصرف على اساس مختلف عنو فورا بيقول هاد تصرفو خطأ بدون حتى مانحاول نفكر فيه او نفهمو يعني حكمنا بالخطأ بشكل عام عم يكون على اساس شخص مختلف عننا وبس
واللي بيقوي المشكلة اكتر انو بمجتمعنا الشرقي بنشوف انو المجتمع ممثل اول شي بالعائلة وباهل الحارة والضيعة والمدينة كلون هدول الون الحق انو ينسقو حياتي بالشكل اللي بيرضيهون هني بغض النظر عن انو بيرضيني انا او لأ...... يعني مافي فردية ابدا هلأ بالنسبة الي انا وكيف بشوف الوضع؟؟؟ بشوف انو انا بيحقلي احكم على شخص انو اخطأ وحتى بيحقلي اتدخل وحاول غير سلوكو او حتى عاقبو اذا طلع بايدي هوي بس لما بشوفو عم يأذي غيرو...... يعني شخص سرق او قتل او ضرب او حاول يفرض على حدا شي مابدو اياه هاد بيحقلنا نحكم عليه ونتدخل بحياتو اما غير هيك فما بيحقلنا انو نحكم على اي شخص بالدنيا وشكرا كوستا :D |
اقتباس:
اعلم انكـ تعترف على قانون ضميركـ والدليل انني قلت لكـ / انسان /تحمل معنى الانسانية بمجرد تساؤلكـ اتفقنا على هذه الخطأ وكيف قيمتو انو خطأ رح خبركـ عندما تشعر بأي شيء يوجهه اي شخص لكـ وتشعر انه جرحكـ او اهانكـ او مس بكرامتكـ او خدش مشاعركـ او ..او تقول انه قد اخطأ بحقكـ اعتقد ان هذه النقطة (مفروغ منها ) فلنجعل هذا الأمر مقياس لتعاملنا مع الأخر وحينها نستطيع ان نعرف الخطأ اكثر من ان نقيّمه على انه خطأ |
اقتباس:
اقتباس:
اقتباس:
|
اقتباس:
بمعنى انو كان عندن الهة متعددة يعني فكرة الاله او الالوهة كانت موجودة بأذهانن بس مو بالشكل الموجود هلق اقتباس:
وانا معك انو الانتحار الو اسبابو النفسية 100% بس برايك هالاسباب النفسية المجتمع ماالو دور بتكوينها عند الشخص نفسه |
اي يا عيني يا عين ياليل بدي شي سمايلي بيزلغط
اقتباس:
وكان عندي تعقيب لى شرح هالاية بس هيك مارح حطو اقتباس:
|
ممم من زمان عم قول إلي رجعة عالموضوع
المهم ما علينا برأيي الشخصي هوي طبعا أنا نوعا ما مع الحكي اللي قالوا اللي ردوا قبلي أنو الصح و الغلط نسبي بس أنا بقول أنو في شغلات ما منقدر أنو نقول عنها صح أو خطأ أو نختلف فيا , يعني من أول ما وجدت البشرية في قوانين ثابتة ما منقدر نناقش و نحكم فيا متل مثلا القتل أو السرقة أو الاستغلال أو المحبة أو الرحمة هي شغلات ثابتة بكل مذهب سواء كان ديني أو فلسفي أو حر أو أي شي ... بس بعدين لما منتفرع للتفاصيل متل مثلا المواقف اللي منتعرضلا بالحياة بيصير أصعب علينا نفرق بين الصح و الخطأ أو نعتبرو صح مطلق أو خطأ مطلق , بس بتصير القصة أنو أي شي أقرب للصح مشان هيك منلاقي مثلا مذهب معين أو اتجاه معين بيكون فيه أغلبية من المؤيدين من كل الفئات فهادا يعني أنو هالشي أقرب شي للصح و العكس صحيح و هون كمان بتدخل الاجتهادات الشخصية مشان تساعدنا للوصول لأقرب شي للصح ... مممم كأني تفلسفت و خبصت بالحكي لأني :sleeping: ...بس بتمنى تكون وصلت الفكرة :D |
اقتباس:
برأيك زينا انو عن طريق رأي الاغلبية فينا نعرف باغلب الاحوال الشي الصح او الاقرب للصح؟؟ مابعرف اذا هاد رأيك لاني بكون مختلفة معك فيه كتير..... يعني مثل صغير كتير وبسيط ويمكن بعدين شوي عن صلب الموضوع..... هلأ مثلا فن هيفا وهبة ونانسي عجرم وهدول الشلة بنشوف انو في الون مؤيدين من كل الفئات فهل هاد بيعني انو فنهم هوي الفن الاقرب للصح؟؟؟:? مابعرف انا بحس انو الاغلبية كتير اوقات ممكن تكون مسيّرة وبكتير احوال مسيّرة بالاتجاه الغلط وبالتالي مافينا ابدا نعتمد على رأي الاغلبية لناخد فكرة عن الصح والغلط او ماشي بنضيع تماما |
اقتباس:
المهم ,بس لما منلاقي اتجاه معين قوي بتلاقي فيه أغلبية من الفئات المؤيدة(نوعاً ما كماً) و هادا ما عم قول أنو أكيد رح يكون هالاتجاه صح بس أنو هالإقبال من مختلف الفئات بيخلينا نوقف شوي و نفكر شوي بركي كان هادا أقرب للصح لأنو إلا ما يكون في سبب مقنع بيأدي لوجود هالمؤيدين طبعا حاليا الناس صايرة مسيرة متل ما قلتي بكل شي تقريبا بس هادا ما يعني أنو نحنا نضيع و نشكك بالمفاهيم الأساسية للصح و الغلط اللي طول عمرنا منعرفا و طول عمرا البشرية بتعرفا ... :D |
اقتباس:
وطبعا هاد مثل سخيف بس لانو ماحبيت اتدخل بمواضيع تانية خرج النقاش الحقيقي منشان مانفوت بالنقاش فيون وننسى الموضوع الاساسي وطيب مثل تاني اقوى شوي...... هلأ بمعظم الدول العربية مثلا في أغلبية كبيرة مؤيدة للرشوة ومن كل الفئات العمرية والثقافية والدراسية والانتماء الديني .......يعني من اصغر صانع بالدائرة واللي يمكن مامعو شهادة ابتدائي لدكتور الجامعة ل..... ل...... هل هالشي بيخلي الرشوة شي صح؟؟؟ هلأ رح تقليلي انو هني مو مقتنعين فيها بس مجبرين لظروف الحياة القاسية!!!! ويمكن هالحكي صح بس بالنهاية اجمعو تقريبا على انها شي صح لانها بتنقذون من وضع صعب وهاد اللي قصدتو بالتسيير :cry: ولذلك انا برفض اني فكر متل الجماعة او انو اخد رأي الجماعة قاعدة لتفكيري :D |
اقتباس:
هلأ الرشوة طبعا خطأ و مافي شخص ما بيقول إنا خطأ بس القصة أنو هون في مبرر يعني أنو الشخص لما عم يرتشي بيعرف أنو اللي عم يعملو خطأ بس مضطر و عندو مبرر فهادا ما بيعني أنو معو حق نفس الشي القتل في أحيان بيكون في مبرر لحالة معينة بالقتل بس مفهوم القتل بشكل عام هوي خطأ طب أنا بدي جبلك مثال حقيقي و بسيط عفكرتي مشان كمان بعد عن الأمثلة التاني, جيبي مثلا غاندي . إنسان هندوسي إجا بعز دين التوترات بسبب الاحتلال و المشاكل بين الهندوس و المسلمين بس دعا لمبادىء صحيحة مية بالمية و هادا السبب اللي خلى عندو شعبية واسعة و مؤيدين من مختلف الفئات سواء كانوا هندوس أو مسلمين و أخد اللي بدو يا و حرر بلدو بمبادؤو الصحيحة و قضى نوعا ما عالأحقاد اللي كانت بين المسلمين و الهندوس ببلدو أنا ماني مع أنو آخد رأي الجماعة قاعدة لتفكيري بالعكس لأنو مافي جماعة صح مية بالمية بس الواحد بيتبنى المبادىء اللي بيؤمن فيا و بينبذ اللي ما بتناسبوا و متل ما قلت بيدخل بالموضوع الاجتهادات الفردية ما باخد رأي الجماعة بس بقول أنو ممكن يفيد ببعض الأحيان لما بيكون الشخص بموقف حيرة |
اقتباس:
اقتباس:
ومشكورة عالرد والاهتمام :D |
الساعة بإيدك هلق يا سيدي 06:01 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون