هل انت مع العلاقة بين الشب والبنت عبر الانترنت ام لا
مرحبا يا جماعه الخير والنشامة والشهامة .... بحب اتطرق لموضوع الحب والعلاقات العاطفية بين الشب والبنت عن طريق الانترنت . وهالموضوع صار شاغل العالم كتير لانو انتشر بشكل كبير بيناتنا . انا رح اطرح هالموضوع للتصويت بالمنتدى لنشوف اراء الشباب الطيبة فيه وشو وجهة نظر كل واحد مننا تجاهو رح اطرح الموضوع عشكل سؤال زغير وكل واحد يكتب رايو بكل صراحة وشفافية ( ما حدا رح يروح عبيت خالتو وعكفالتي الخالصة :p ) هل تؤيد العلاقة بين الشب والبنت القائمة عبر الانترنت ام لا ولماذا ؟ وشكرا:D |
i think i do since honesty and to be frank is the basic of any successful and this will not be sffected wehther they met on the net or any another way.
so having a good realtionship depened on people which related to not how did they met.:i7raj: |
انا ما بوافق و ما بامن ففيها لانو الحقيقة ما تكون الثصرفات نفسها بالنت و بالحقيقة
|
اقتباس:
|
مافيها غلط .. شو المشكلة ؟
مع انو أكيد عبر الشات بكون في كتير جوانب مخفية بس انت ما بينت شو حدود العلاقة . يعني في شي اسمو صداقة عالنت وبس .. وفي علاقات بتتعدى هاد الشي يعني مثلا انا بعرف 2 تجوزو بنات عرفوهم عن طريق الانترنت ومو عربيات كمان بس يمكن يكون السبب انهم مو عربيات |
[quote=بس انت ما بينت شو حدود العلاقة . يعني في شي اسمو صداقة عالنت وبس .. وفي علاقات بتتعدى هاد الشي
[/quote] لا ابو شريك العلاقة يلي بقصدا بتتعدا الصداقة يعني علاقة حب لانو ماشالله اي واحد اول ما بنقلو مرحبا عالنت بنكون صرنا اصدقاء ;) |
أنا بآمن فيها لما يكون في عن جد صدق بين الطرفين .. أنا على علاقة مع وحدة على الإنترنت لحد هلأ صرلنا سنة وبنحب بعضنا بطريقة مو طبيعية .. لأنو أنا بحس حالي ما بكتمل إلا معها .. وهي بتحبني وما بيهما شي .. أهم شي أنو لحنا التنين عم نحب بعض وما همنا حدا!! |
اقتباس:
:D |
والله يا حجي ازا قلتلك انو انا ما بامن فيها بكون كذاب وبعتبرها امر طبيعي لانو متل ما في حي بالواقع ليش وين المشكلة انو ما يكون في كمان على النت والله انا هادا هوي راييييييييييييي
|
اقتباس:
اقتباس:
حبيب صرلنا سنة عم قللك وفي مشروع خطبة كمان .. يعني معقول بهالسنة ما شفنا فيها بعض .. بعدين لحنا ما بنحب بعض على عماها وعلى مين حليوة ومين بشع .. لحنا منحب بعضنا من القلب .. يعني مدمنين على بعض .. بعدين ناهيك عن ذلك .. في عالم تزوجت من على الإنترنت وصار عندا ولاد وصرلهم مدة منيحة متزوجين ... هل هذا يعني أنو العلاقة من عالإنترنت ما بتنجح ؟ هون يمكن بالشام إيه ما بتنجح لأنو الكذب شغال على عماه .. من طرف النسوان وكمان الشباب .. بأه لسه علاقات النت عندنا بسوريا بدها كتير لتصير علاقات ناجحة !! تحياتي |
انا معك بهالحكي وقلتلك انا كمان حبيت وحده من النت وضلينا سنتين مع بعض بس بالنهاية فشلت العلاقة .... بس هلا انا بهمني اعرف رايك و شو الي خلاك تتمسك بهالراي ..:D وشكرا لمشاركتك ومرورك الكريم ابو شريك;)
|
خيو أنتو جماعة فايتين بالحيط وفوتتوني ب 100000 بس حسب برأيي أنا ما حدا أرب أنو في عالم مابتحكي الحقيقة وفي عالم مبلى في عالم غامضة وفي عالم واضحة في عالم بتنحب وعالم لاء مشان هيك هاد مو موضوع بينكتب عليه بكلمتين لأانو جريدة مابتكفي وهي رومانسيتا شوي تانية بيتجوز عالانترنت مشان هيك عم قول المحبوب بيبين والي لاء كمان بيبين مشان هيك ما لازم نعطي أحكام مسبقة أنا برايي وما لازم نحكم من تجربة وحدة وعشص واحد لانو يا بدنا نظلم يا ننظلموكل واحد ورأيو ويلي بيعرفوني يعطو رأين وكل واحد يعطي رأيو بالتاني والقلب وما يهوى:D:oops:
|
وهم بوهم وكله كذب حب وهمي حب وهمي حب وهمي
|
بالمختصر لأني كنت رح أكتب جريدة
انو علاقة الشب مع البنت عالنت مو شرط تكون علاقة حبية أو جنسية يا حبيبي سمعت بحياتك تنين حبو بعض عالنت بيصير في علاقات بس من أي ناحية من ناحية علاقات صداقة كيف يعني يعني انا رفيقتي بكندا مثلا تعرفت عليها صار في بينا حوار وعجبتني وعجبتا وهيك ع طول الأيام والحوارات بيصير في علاقة متينة أنو علاقة صديقة والله أو مثلا علاقة أخوية يعني متلي عندي كتير رفقات بنات عالنت بس أنو مو حب ولو لانو عالنت بتعرف نفسية الشخص تفكيرو يعني الإنسان من جوى بعدين من برى مو متل الحياة العامة راجعلكون بعدين :lol: |
معها اذا كانت علاقة لفترة محددة .. يعني بالكتير شهر ..
تاني شي تكون وسيلة مو غاية .. أنا كانت كل علاقاتي عالنت .. وهاد كان اكبر غلط بحياتي .. لانو بلشت بعلاقات عالنت [ صداقات ] .. ولما حولت عالواقع اكتشفت انو شخصيتي مختلفه تماما .. لانو مو متعود .. باختصار وعن تجربة : النت خلوه وسيلة .. ولا تخلو هالوسيلة تطول كتير .. تشكرات .. |
اي اذا علاقة صداقة ممكن وفي كتير صداقات ناجحة بتصير عن طريق النت بس علاقة حب اكيد لا;)
|
انا لا بعرف شي صبية على الماسنجر ولا ما يحزنون
مرة طلبت من صبية راقية بالمنتدى بدون ذكر اسماء طلبت منها تحاكيني على الماسنجر علنا وبدون لف ودوران وقدام الكل وكان قصدي محبة واخوية لأنو بالنهاية هي وين وانا وين الله وكيلك فضحوني وعملولي ياها قضية الشرق الاوسط وشرف وكرامة مع اني كتير كنت محترم بأسلوبي انا ماالي لا رفيق ولا حبيبة ولا صديق متل الخلق والاخوية فيها محبة وعشرة والتعارف على النت شغلة حلوة بس للحكي والفضفضة اما مو معقولة احكي بنت وخليها تحبني بالنت مع العلم انا ما بعرف بالنت كتير وما حدى بيصدق انو ماصرلي بالنت شهرين ويلي عم يساعدني الاجهزة الحديثة يلي عندي ودمتم للحياة صدق واخاء:D |
اي ما بصير هيك .. لازم رسايل خاصه وحكي حلو ولف ودوران ودوخه ... هي الـ rules شريك :p
|
انا مابوافق على هلقصة ولا حتى انو احكي مع شباب بس لطق الحنك
يعني مو واردة بالنسبة الي لانو مابينتج غير الحب والكره والمشاكل اللي بلا طعمة هاد بالاخير اذا صار اتفاق بين الشب والبنت وشافو بعض الكفة الراجحة انو مايتفقو يعني من يومين شفت قصة علتلفزيون بتلاقي الشب عندو مليون رفيقة غيرها وكلون بحبون قلبو واسع الاخ والبنت بتكون مصدقة ويمكن العكس يكون صحيح بقى بالنتيجة مو موافقة بتاتا |
اول شي انطرح هيك موضوع قبل هيك كتير
تاني شي الانترنت يعتبر وسيلة للتعارف "احدى الوسائل " واكيد ما رح يكون الحب عن طريق الانترنت لكن بعد التعارف على الانترنت بصير اللقاء و هون بكون انتهى دور الانترنت اما اذا كان حب على الانترنت بدون لقاء فهادا حكي فاضي و شكرا |
اقتباس:
مشكور على هالفكرة |
يعني ..إذا صرلي ,..أنا والبنت ..فترة منيحة عالنت ..وبعرفها منيح ..ليش ..لأ .يعني ..شو المشكلة ..
|
اذا قصدك علاقة عاطفية وفيلم هندي انا ضد وبشدة:jakoush:
لانها علاقة خيالية وبعيدة عن المنطق والواقع و مبنية على اساس الكلام والتسلية بدون أي وجود مادي، وكل طرف في العلاقة ماشايف من الطرف الآخر شيئ غير الكلمات، والأفكار فقط .. وبيكون عميرسم للطرف الاخر صوره ممكن تكون بعيده عن واقع شخصيتة تماما ولما بينصدموا بالواقع بتبدا خيبات الامل والعلاقة بتنهار عند ابسط مشكلة.. فلشو وجع هالراس كلو..;) |
انا بحس انو ممكن يصير لان بالنهاية الدنيا نصيب فمو مشكلة نيت او غيروا
|
يبدو انك صعب كتير يا ابو شريك
|
اقتباس:
|
مافي بالدنيا احلة من تكوين الصدقات
حلو اكتير تكوين الصدقات على النت او بالجامعة او بشي كفي شوب وحلو يكون الانسان اجتماعي وبرقي الشخصي البنت هي بتحدد نوع الصداقة اد مكان الشب حربوق البنت بضل اوعة من الشب وبتقدر اتفرق بين الكزب والصدق بذكائة وشطارتها وبعتقد انو العلاقة الي ابتنبنا على الصدق والصراحة مافي قوة بالعالم ابتقدر اتخربة بنصح اي شب بدو يكون صداقة مع شي صبية يكون صادك لابعد لحدود والله يوفق الجميع
|
مع احترامي قلك
اقتباس:
وبرجع وبقلق انا اكتير بحترم رقيق بس والله اصابعك ما ابتشبة بعض و الدنيا فية اسود متل مافية ابيض وبعتزر على صراحتي |
انتي على راسي
اقتباس:
|
انا ما بامن فيها لأنو بعرف اكثر هالعلاقات اول فترة ما بيشوفوا بعض على التشات شو بعرفني يلي عم براسلو بنت ولا شب :cj::cb:
|
لا لا لا لا لا لا لا لا لا لا لا لالالالالالالالالا:jakoush::jako ush::jakoush:
|
حبيبي طالما الشغلة ما في شي عبارة عن اخد وعطى يعني ( طئ حنك ) ومعلومات وثقافة عامة
وشغلة للضحك مو اكتر بس ما تتحول لعلاقة ( من نوع زواج لأنو اكيد بدو يكون فاااااااااااشل) شكرا |
اقتباس:
و انا معك لا لا لا لا لا :p |
اقتباس:
كمان انا معك:D |
اكيد لا لانه علاقة النت دائما نهايتها الفشل
|
اقتباس:
|
كبت
حقيقة هو كبت اكثر من صداقة من الشب والصبيه فضول وحب استطلاع وتشبيع رغبات
|
اذا في كاميرا بالنص وفيك تشوف يلي عم تحكي معو يمكن يكون في شئ اسمو علاقة .أما الشات و الكتابة وبعت الصور و الأفكار فهي ضياعة للوقت لأنو بكون الطرف التاني يا عم بعبي وقت الفراغ و بيتسلى بالعالم أو مكبوت وما في حدا يحاكيه فبدور على على حدا وبصب كل عواطفو عليه بدون تفكير .
نصيحة عميل علاقة مع أي انسان بتعرفو بالحياة العادية بتتعلم وبتستفاد أكتر.لأنو أكترية الموجودين عالنت مو جديين. |
اقتباس:
خصوصا ازا كانو بيعرفو بعضن من شي مندتيات او هيك شي لانو كل واحد منن بتبين طريقة حكياتن و منقدر ناخد نظرة عشخصيتن من خلال الردود اللي رح يردوها لانها بتعبر عن راين يعني فيا الشغلة تكون جدية وانا بعرف كزا واحد تجوز و كان ديجا تعرف ع رمتو من عالنت وهلق الحمد لله عايشين بعدين كل شي قسمة ونصيب سواءا كان من عالنت او من ع جد النت ميرسي عالموضوع بعرف حالي حكيت كتيير بس ... |
أنو اي ليش لأ ............. ويصير صداقة ويصير حب وبعدو زواج وبعدو فراخ يعبو الدار .............. انو اي مرحبا ............ هي أول رد إلي ............ البدوي الأحمر في ربوع أخوية سوريا :clap:
|
الساعة بإيدك هلق يا سيدي 05:23 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون