|
"شيفرة دافنشي" ملاحق قضائياً بعد"إهانة الدين المسيحي"
أقام عشرة رجال دين كاثوليك دعوىً قضائية ضد فيلم " شيفرة دافنشي" الذي اثار جدلاً واسعاً عند عرضه.  مجلة "فيلم ريفيو" قالت إن رجال الدين الكاثوليك اتهموا في دعواهم 10 أشخاص من بينهم المؤلف دان براون والمخرج رون هوارد بما اعتبروه "عملا فاحشا" في حق المسيحية. وتابعت المجلة : أن الأشخاص الـ10 المذكورين اعتدوا على مادة من قانون العقوبات الإيطالي والتي تمنع إهانة الديانة المسيحية، وفي حالة إدانتهم فسوف يواجهون حكما بالسجن لمدة 3 أشهر على الأقل في إيطاليا، بالإضافة إلى دفع غرامات مالية. الفيلم الذي قوبل بنقد عنيف عند عرضه إلا أنه –في الوقت نفسه- كان واحدا من أكثر الأفلام نجاحا في شباك التذاكر الأمريكي. في المقابل فإن الدعوى لم تؤثر على طاقم العمل في الفيلم حيث يستعد النجم " توم هانكس" لبطولة فيلم جديد مقتبس أيضا عن رواية لدان براون بعنوان"ملائكة وشياطين"، وتتناول الصراع بين الكنيسة الكاثوليكية وجمعية سرية تُعنى بالعلم والعلماء. يذكر أن فيلم "شفرة دافنشي" عرض في عام 2006، وتدور أحداث الفيلم -والرواية - حول عالم رموز أمريكي يتم استدعاؤه إلى موقع جريمة في العاصمة الفرنسية باريس للمساعدة في حل جريمة قتل غامضة، ولكن تحرياته تقوده إلى بحث أكثر خطورة يكشف له عن أسرار دفينة في تاريخ الديانة المسيحية. سيريانيوز |
علة دافنتشي كود الوحيدة.
كانت دور البطل "مستر لانغدون" يعني الممثل ما شكلو شكل واحد فهمان. ومبين عليه حمار (حاشا القارء) ما كان لابقلو هالدور. يعني بعد ما شدتي كتير شخصية لانغدون بالكتاب. بالفلم نهائيا ما حبيتها. |
أنا شفت الفلم والصراحة كلو تخبيص
على قد ماحكو عنو قلت لحالي الفلم خيلة بس طلع بايخ |
هو بالفعل مقارنة مع الكتاب. الفلم ولا شي.
الكتاب كان رائع بكل معنى الكلمة. مشان هيك كان الكل متوقع الفلم يطلع حلو كتير |
بالفعل ... البطل ما بيلبقلو هيك نوع من الأفلام
يعني توم هانكس مثلاً ..حلو بالافلام الرومانسية أما هيك نوع بلاقيه بيلبق لجوني ديب مثلاً الفيلم بشكل عام .... لقيتو ضعيف شوي و اخراجو عم يقلد أفلام تانية قديمة من نفس النوع أما الكتاب ........فما قريتو :oops: |
اقتباس:
بس بيني و بينك يضربو هنن و فلمون و كتابون و بلالي ئرايتو :clap: |
أول شي السلام عليكم..... هي أول مشاركة الي .. . .. . . . . أنا ما شفت الفلم ولا قريت الكتاب بس بناء على ما قرات فهمت انو كان في اتهام واضح للديانة المسيحية من ناحية كادر الفلم اللي أعطى للمشاهد دفعة لحتى يشك بصحة الديانة المسيحية وأنا بشوف انو هالشي بيعتبر تعدي على ديانة عالم باسره على الرغم من انو البعض ممكن يفكر انو هي حرية رأي او حرية تفكير يعني كلنا شفنا شو صار بالعالم الاسلامي وقت الرسومات المشؤومة وكلنا نعرف انو اللي صار كان في اله بدايات وشوي شوي وصلوا لهالمرحلة من عد م الاكتراث بالدين والمعتقدات المهم :::: اللي لازم نعرفوا انو قضية المعتقدات شائكة ولازم الكل يبتعد عنها ان كان تجريح أو حتى نقد لان المعتقد دائما بيكون ضد النقد بالنسبة للي بيعتقد فيه بظن انو قلبت الموضوع درامي :oops: بس انا حبيت نوه انو رجال الدين المسيحي على حق - لما زعلوا وأقاموا دعوة - متل ما كل صاحب دين الو الحق بالدفاع عن دينه ومعتقداته .. . . . . . والسلام |
اقتباس:
|
انا شفت الفلم ... مع أنني مو خبير بالامور الدينية تبع الدين المسيحي ... بس فعلاً استغربت من ان البنت طلعت بالاخير من احفاد الرب وفي صلة قرابة بالدم !!
واللي استغربت منه بالاكتر الطقوس الدينية المسيحية بتعذيب النفس ارضاء للرب !! |
اقتباس:
و تانيا هدول يلي عملو الفلم اصلا كل هدفون ربح المصاري و تشويه الدين المسيحي مو اكتر و هنن مالهون اصلا مسيحين حقيقيين ولالاسف البشرية صارو عم يستخدمو شوية المخ يلي عندهون بلشر بدل الخير |
اقتباس:
و يضرب الناشر و تضرب المطبعة و يضرب ابو السينما اللي عرض الفيلم :clap: !!! |
بالحقيقة
مو المهم عقوبة او غرامة المهم التقليل بل منع صدور روايات او افلام تزدري بالايمان تناقشه من ناحية خيالية بحتة ! انا قريت اجزاء من الكتاب الاسلوب يحاول فرض قناعة الكاتب المبنية على الخيال العلمي بالبحث شكرا على الموضوع :D |
اقتباس:
طبعا مو بالضرورة يكون الدين هو اللي امر فيها. لاكن هية من اختراع جماعات متشددة. اما بالنسبة لنسل المسيح. هو مافي ادلة حقيقة على صحة وجود هالنسل. بس الكاتب حبكها بطريقة حلوة, خلا العالم تصدقو |
عجب شقد حق سيديت الفلم ؟
|
اقتباس:
على أي بسطة  |
اقتباس:
انا اشتري من بسطة مو عيب بتريدا انت بحقي |
مهزلة .. بكل معنى الكلمة ..
الكنيسة ما تعلمت من أخطاءا عبر التاريخ أنو اتباع الدين المسيحي من الصعب جدا ً السيطرة على أفكارن بهالطريقة .. انا هادا بشوفو ‘إعلام مضاد " يعني أنا بشوف الكتاب عادي جدا والفيلم على أضربين بس الكنيسة خدمت الكاتب ومنتجي الفيلم بالدعاية المضادة اللي عملوها للفيلم وصار اللي ما قريان بحياتو كتاب قريان هادا الكتاب .. |
على فكرة....تاريخيا ..كانت توجد طائفة من المسيحيين لا تؤله المسيح وتعتبره رسول لله وليس ابنه وهدي الطائفة عاشت على سواحل الأبيض المتوسط وكانت مدينة بانياس إحدى المناطق التي استقرو بها...
والكلام اللي حكاه دان براون بروايتو....ممكن يكون صح |
اقتباس:
هو المطلوب من الكنيسة توعية الناس ضد اي فكر جارف يعني تتصوري كان لازم الكنيسة تحضر و تشارك حفل توقيع الكتاب و يجي رئيس اساقفة كبير يبوس راس دان براون على الرواية! :frown: بالعكس الرواية صدرت 2003 لكن الخلاف و المشكلة كبرت كثير وقت تصوير الفلم نهاية 2005 لان الدعاية الكبيرة كانت من قبل الانتاج مما اثار تحفظات كبيرة انا قريت اجزاء من الكتاب و الاسلوب يحاول فرض افكار غريبة من خلال اسلوب تلاعب بالالفاظ و الكنيسة لازم بالمقابل تتكلم عن الايمان الارثوذكسي و توضحه المشكلة الرواية ادبيا ممكن تكون جيدة لكنها تحاول نقض الايمان دينيا و هذه هي مشكلة الرواية و لولا الرواية تتلاعب بالعقائد و الامور الدينية بشكل مخالف للمتعارف عليه اصلا ما كان احد سمع بدان براون ككاتب !!! سلام :D |
اقتباس:
الظاهر ما عندك خلفية كبيرة عن هذا الموضوع ! و ما نريد تحول الامر الى لاهوت مسيحي لكن باختصار الغنوسية اللي اعتبرت المسيح وسيط او ايون (مو رسول) نادت بان السيد المسيح ترائى للناس لا تجسد بشكل حقيقي لان اعتبروا الجسد غير مقدس بس حبيت اوضح |
اقتباس:
واله معك حق يا شريك الفيلم بايخ على هوى ماحكو عنو ..... مو.. |
ما كنت شوف الفيلم لاني اشتريت الكتاب من سنة ونص ولهلق ما فضيت اقراه
بعدين انا ضد انو الواحد يشوف فيلم مأخوذ عن رواية قبل ما يقرأ الرواية لانو 99% رح يكون في تحريف بالفيلم لاسباب بتخدم توجهات المخرج او الشركة المنتجة |
اقتباس:
..بس الشغلة الأكيدة واللي استمرت على مختلف العصور هو استغلال الشعب..مع اختلاف العصر والدين والشعب.. والموضوع الأساسي مو الرواية ولا الفلم...لسا كل واحد بيقلي رأيو بالفلم واللي الرواية... يا جماعة الخير القصد هو أنو التعصب موجود وين ماكان حتى بأكتر الدول علما وتقدما ..لكن شو معنى أنك تحاكم حدا على رواية فيها وجهة نظر... وأسلوب الكاتب بيقول أنو فكرة عدم ألوهية المسيح هيي فكرة ممكنة .. متل ما هيي ممكنة أيا فكرة تانية... والردود اللي أنا شفتها ..بتد على أنو ما حدا قرا الرواية بأصول القراءة...يعني دائما لما الواحد بدو يقرا شي لازم يجرد حالو من كل الأفكار السابقة ويشيل هالة القدسية عن اللي عم يقراه...حتى لو كان الكتاب المقدس أو القرآن أو الطشط ..(هادا تابع لديانة السطل)... ودمتم |
اقتباس:
قبل و بعد الديانة المسيحية ما تصير رسمية على عهد قسطينطين الكبير بس فعلا منتظر ادلتك عن هذه الطائفة الغير موجودة لا في الساحل السوري و لا في كل الشرق الاوسط لان الادلة كثيرة عن الغنوسية مثلا بكل طوائفها لكن هكذا معتقد لم يتحدث عليه و لا باحث مهما كانت معتقادته و افكاره المهم المدرسة الغنوسية بكل مدارسها المتعددة تؤمن الوصول الى الخالق بالمعرفة فقط و γνώσις يعني معرفة باليونانية هذول كانت لهم عدة مدارس و منها المانوية اللي اسسها ماني الفارسي اللي اعتقد بوجود اله للخير و اله الشر متأثرا باصله الزرادشتي المدارس الغنوسية اللي اصبحت منهج ضمن الديانات الوثنية و للعلم حاولت هذه الافكار اختراق اليهودية ايضا اقتباس:
عزيزي في فرق كبير بين الانفتاح و الثقافة و بين المعتقد الديني مشكلة دان براون تعدى على ايمان الناس بدون أي دليل اما يعطينا شي دليل منطقي او يسكت الى الابد يا سيدي التعصب لما اجي احرق المطبعة مثلا او التعدي على الكاتب لكن من حق اي شخص ان يدافع عن ايمانه و عن افكاره لما الاخرين يتعدوا عليها انا رح افتح موضوع جديد و نناقش فكرة التعصب من الاساس لان انا شفت دان براون مو منفتح اصلا انما متعصب بدرجة كبيرة !!! هذا رأيي و اتصور لازم انت كمان تتقبل الاراء الاخرى صح كلامي او انا غلطان ؟؟ تحياتي الك :D |
اقتباس:
|
نص الردود اصحابها ماقرو الرواية ولا شافوا الفيلم
دان براون كاتب مو مجهول ..له العديد من الروايات _الحصن الرقمي -ملائكة وشياطين-نقطة الخديعة-وسيصدر له مفتاح سليمان.. لمحة عن حياته : دان براون (Dan Brown) (مواليد 22 يونيو 1964 في ايكسيتير, نيو هامبشير New Hampshire, الولايات المتحدة الأمريكية ) . مؤلف أمريكي لقصص الخيال و الإثارة الممزوجة بطابع علمي و فلسفي حديث بأسلوب مشوق مكنه من تحقيق أفضل مبيعات ، رواياته حققت رواجا كبيرا بين الأجيال الشابة في أمريكا و أوروبا خاصة روايته الأخيرة شيفرة دافنتشي The Da Vinci Code التي نشرت عام 2003 ، و تم تصويرها كفيلم سينمائي الرواية ادبيا ممتعة جدا .. قرأتها خلال 24 ساعة ... اما الناحية الدينية ... !!!!!!! |
اقتباس:
يا سيدي احنا لازم نفتح موضوع اساسي عن التعصب الفكري التعصب بنظري يكون ناتج الانغلاق الفكري و رفض الآخر فكريا على الاقل و يتطور الى تمييز بالتعامل مع الآخرين على الاساس الفكري مستر براون عنده فكر معين و بطريقة مباشرة و غير مباشرة طرح افكاره بطريقة ملتوية من خلال رواية اشبه بالبوليسية و سر كبير مدغون و منظمات ....... الخ يعني من خلال اسلوب روائي يريد فرض فكره و معتقده الشخصي بدون منطق و طبعا بهذه الطريقة يرفض الحوار من الاساس لانه لا يملك ادلة حقيقية و هذا هو انغلاق فكي مع استغلال للانفتاح لاسباب شخصية اما من ناحية المحاكمة هذا امر يعود للمحاكم و القوانين بس اللي يروج امور غير حقيقية بهذا الشكل المفروض على الاقل يعتذر او يوضح موقفه تحياتي :D:D |
الانتقادات الموجهة لهذا الفلم أهم عنصر من عناصر الدعاية له
|
اقتباس:
اقتباس:
|
العم غوغل حاطط الاماكن يلي عم تدور القصة فيها .....
قصدي الرواية ...... |
اقتباس:
:? عم تكذبو الناس عينك أنت عينك ؟؟ تاني شي .. الهدف من الموضوع مانو الرواية .. ولا الفيلم .. الهدف أنو نعترف انو الكنيسة غلطت . :lol: ؟؟ تالت شي .. برأيك التعصب انها رفعت دعوة قضائية ؟ " لجأت للقانون .. والقانون بيفصل بهالموضوع " بدول القانون .. لا التعصب ولا الدين ولا أي شيء شبيه ؟ رابع شي .. بتمنى ما تمرق أرائك بالمسيحية والطوائف المسيحية وبعدين ترجع تقول .. يا جماعة النقاش مو عن المسيحية .. :o يعني تمريق كلام من تحت الطاولة ... مو كتير استهضمتو .. خامس شي .. دان براون مانو متعصب .. دان براون تاجر شاطر .. عرف تماما ً كيف يكتب روايات " قرأت كل ما كتب حتى الأن " تمس أشياء بتعني الناس .. ويمرق أراء تاريخية تحت أطار الرواية .. بطريقة ما يقدر حدا يطالبو بالاثباتات لأنو عم يكتب رواية مو كتاب تاريخي .. وما مطالب بالوثائق أما برأيي أنا : اقتباس:
التوعية ... أني انشر فكر مضاد ... مو بأني .. صادر الفكر :D |
من غير المعقول مثلا اؤلف رواية او كتاب و اقول ارسطوطاليس كان حداد ما كان فيلسوف ! او اتحدث في كتاب آخر و ادعي فرانسيسكو فرانكو كان ملك اسبانيا :lol: لا رئيس اسبانيا او اتكلم عن زوجة ستالين الرابعة في رواية تتحدث عن القرن الثامن عشر في روسيا !!!! ! الروائي الحقيقي عندما يتحدث عن حقبة تاريخية يتحدث عن شخص معين من اي طبقة و يخلق له ظروف اجتماعية معينة ليتحدث عن التاريخ من خلال وجهة نظر هذه الشخصية الافتراضية مثال يحكي عن تاريخ المانيا ايام هتلر من خلال شخص اسمه هانز مثلا و بهذه الحالة الكاتب يكتب اي شي بمخيلته عن هذا الشخص اللي اسمه هانز ممكن يخليه عنده 4 اطفال او يتكلم على اب هذا الشخص لكن لا يقدر ان يفرض امور خرافية على هتلر نفسه اتصور فكرتي وصلت دان براون ادعى اشيائ خيالية عن شخصيات حقيقية لذلك هو مطالب بكل الادلة الموضوعية قبل ان يلعب بعقول الناس و المثقفين و بالنسبة لموضوع معارضة الكنيسة لافكار الرواية الخيالية الكنيسة ما غلطت ابدا و الغلطان هو اللي يدعي الخيال عن محور ايمان المسيحيين (ما حبيت اقول عنه كذاب) و احب ان انوه اتباع اي تيار فقط لانه مخالف عملية غير صحيحة بالمرة شغلة اخيرة توضيح الحقائق مو تمرير افكار تحت الطاولة بالعكس توضيح الادلة بشكل موضوعي و حيادي هو الحوار العقلاني و الواضح و دان براون هو من مرر الافكار من تحت الطاولة !!!!!! نقطة اخيرة تاجر المخدرات ممكن ان يكون تاجر شاطر و ناجح سلامي و تحياتي |
الشي اللي عم يصدمني حقيقة... وما كنت متوقعو أبداً...أنو المسيحيين متعصبين
وأنا كنت مفكر أنو العصبية شغلتنا نحنا بس...تاري في ناس عم ينافسونا... |
بدل ما تظل متعجب
ليش ما تعرف التعصب بشكل موضوعي حتى نصل الى نتيجة بالحوار |
أنا مابحب لا القصص الدينيةولا الأفلام لأ ني بحس أنهم بيضحكوا على عواطفنا ومشاعرنا مشان هيك ياريت اسينما بس أفلام حب وآكشن ودراما وكوميديا و..... بدون الأمور المؤلمة
شششششششششششو رأيكن |
اقتباس:
|
اقتباس:
بنظريتك انت يطلع دان براون متعصب لانه ما يملك اي دليل علمي و لا اي دليل تاريخي ! سلامي :D |
| الساعة بإيدك هلق يا سيدي 09:07 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون