|
بدك تتعلم نوتة؟؟اي تعا لقلك...
الف بي وبوباية...قلم رصاص ومحاية..انا بكتب على اللوح وانتوا بتقروا ورايي... مرحبا كلكن ..كيفكن كيف الصحة انشالله هيك رواق ..مشتاقينلي اكيد انا بعرف..اي وحياة الله وانا بالاكتر... :p اي اخواتي خلصنا صيف وكيف وسهرات..ورجعت الشتوية ,,,وكل واحد بدوامو ووظيفتو وجامعتو ومعهدو ومدرستو...بس انو مو بس بحياتكن العادية في دوام وعنا كمان ايوا:adal:ا اخويتنا فيا مدرسة اساسا ازا الواحد بيجي لجوهر اخوية جد بلاقيا مدرسة ..ازا مو لتصقل الواحد ايجايبيا ..كمان سلبيا ههههه كتر خيري والله:o المهم حاجة مقدمات:frown: رجعت انا ودروسي ..هع هع بس بما انو من فترة بعيدة حطينا دروس المقامات هللأ اجينا عالجد الشي اللي اخدنا كان كيلاتو عبارة عن انو اي والله هاي الغنية مقامها كزا.. اي بس مو كافي لازم الواحد ازا كان قدامو غنية ورايد انو يعزفا يعرف يقرا هالشي المكتوب قدامو مشان هيك نحنا رح نبلش دروس النوتة اخواتي ...اي دروس النوتة رح تنعطى بشكل نظري وعملي يعني عالاغلب انا حط اول شي الاساسيات وبعدين منبلش بتنزيل النوتة ورح يساعدني بهالشي عدة اعضاء يعني مو بس انا لحالي...لان بتعرفوا ع هواة فضاتو الواحد بيشتغل اي اللي رح يساعدني مبدئيا ..شريكي اللي كتيير بحبو t_max بجوز مو كتير عالم بيعرفوه ل ت ماكس ..بس انا بقول انو هوي شخص كتييير موهوب وعزفو بجنن لان سمعتو غير عن انو جنتل كتير وسمّيع انو شهادتي فيو مجروحة لان شريكي من دروس المقامات:larg: وكالعادة يامن ..يمون ..اكيد رح ينزل شوية نوتة عنا هون بالدروس:larg: جاز ميوزك... كرامة..وينك ..ازا لساتك عم تفوت بليييز ..انت ماغيرك يلااا:cry: وفي العضو الجديد اللي ظاهر كتير شغلة بالميوزك شنكاش مدري شناكش ما بعرف لسا ما حفظت اسمو :oops:..اي انت ما غيرك..:?.رح تساعدنا كمان :clap: واي حدا بيقدر يفيدنا لا يبخل بس بحيث ما تتضارب الافكار ماشي؟؟:D مبدئيا حاجة ..واسفة عالاطالة.. والي رجعة مشان اشرح شوي عن المنهاج الللي رح ينعطي وعن الاسلوب كمان يلا سلامات اقعود ولا شايفتك انا... |
أنا كمان رح ساعدك :adal:.. رح حط كم نوطة إذا عجبوكي بكمل .. يعني صحيح ما بعزف بس رفيقي رح آخد كم نوتة منو وحطا .. إذا ما عندك مانع طبعاً .. :pos:
أحلا مريوم .. شو صحيح وينك مو مبينة ؟!:D:deal: |
اجيت انسه .. بس انقرفت سنه قلمي و بدي برايه .. معلش اخد برايه من رفيقي  ** هامش .. عندي شويه دروس للمبتدئين بالانكليزي .. بتفرق :?؟ انو ما فيهم دو ري مي .. الخ فيهم E, F, G, B,...etc :? what do you think? |
هلا حسمو..اوكيتو مان..ولا يهمك..
بس مبدئيا ما حدا ينزل شي .. لبينما نحط الاسايات .. لحتى نعرف الله وين شالفنا... شوش اهلا حبيبي.. الدروس اللي عندك ابعتيلي ياهن عالخاص وبرد عليكي خبر انا ماشي يا غالية؟؟؟ واهلا وسهلا.. مشان البراية ..مافي اعارة...هفف من اولا هيك.. |
وكالعادة أنا الطالب النجيب....
آنسي.. معلش أحكي أنا ورفيقي.. يللا ناطرين دروسك؟؟ |
وانا كمان جاهز بكل سرور لأي مساعدة
يللا فرجونا الهمة:adal: |
سجلو اسمي ....:D
|
يالله جاهزين ....:gem:
همة همة يا جماعة ...:D وانا جاهز للنوتات ..بس ليصير الوقت ....:gem: بس بدي نوه عشغلة انو اي شي برا الموضوع من هلق ورايح رح اضطر مع الاسف اني احذفو ... انو من بعد اول درس رح تصير الردود محصورة قدر الامكان ضمن الموضوع يعني ردود الشكر او السبام ...اوا اي خروج عن الموضوع ...كلها رح تنحذف ...وفي حال تكررت المخالفة من نفس الشخص رح نخالفو ... بعتذر لأني قلبت الجو مقت ..:sick:.بس انو مواضيع طق الحنك والسبام ما في اكتر منها ...:jakoush::pos: نحنا هون في عنا شي ارقى من هيك ...ورح نعمل كلنا سوا على الحفاظ على مستواه واغناء الموضوع ...:D اها وفي شغلة بدي نوه عليها كمان ...انو الشباب اللي عندهن نوتات ياريت ينزلوهن بعد ما يخلصو الدروس اوالاساسيات بالدروس .....ونحنا شاكرين كل الجهود ...:D وبالاخير الشكر الاكبر لانستنا الكبيرة مرام ...:D:D:D الموضوع رح يغني القسم كتير ...:D:gem: |
أنو بدي قول موافق .. بس كرمال أوامر يامن العسكرية بطلت قول .. :lol:
|
هههههه ..انو اي..وانا صرت احسب حساب كمان... :o
|
:pos::pos:
:p لك انا مشان وضح من اولها ....وقلتلكن سوري اذا قلبتا مقت بس ...ضروري اني وضح شو الضوابط قبل ما نعمل شي ....يعني مشان ما حدا ياخد عخاطرو بعدين ويقول انو ما حكينا وما نبهنا ... تحياتي ...:D |
أذا ما بتسمعوني موسيقا
أنا بدّي شاغب :pos: |
ووين الدروس:sick:
|
صارلي ساعة متكتف وين الأستاذة تركتنا وراحت
يلا بش تبلشو نادولي :D |
هي صرنا خمس طلاب...واكتمل النصاب وهي زقفة طلائعية:clap:
|
زوربا ... بما انو صرنا 5 ...
يالله نزبط شي رحله ... :lol: انو تغير شكل .. بكفي دراسه وتعتير :o |
:clap::clap: أي والله هلق شي رحلة على الفرلق شي كتير حلو بعد هالدراسة والتعب:larg:
|
مدخل...
اجيت انا..واسفة عالتاخير بس ظروفي شوي مكركبة...
هللأ كنا تعرفنا عالموسيقى بوقت لاحق .. بس مو غلط نرجع نعيد شوي... تعريف الموسيقى: هي فن تآالف الاصوات والانسجام فيما بينها وهي تعبر عما يجول في نفس الانسان من احاسيس ومشاعر... الدرجات الموسيقية: هي سبعة احرف لكل منها نغمة خاصة بها وهي : دو-ري-مي-فا-صول-لا-سي المدرج الموسيقي: هو خمسة خطوط افقية متوازية تحصر بينها اربع فراغات متساوية تعد من الاسفل الى الاعلى وعلى يسارها مفتاح موسيقي.. السلم الموسيقي: هو تتابع ثماني درجات موسيقية بشرط تبدا من الدرجة وتنتهي بجوابها صعودا او هبوطا ويسمى السلم باسم الدرجة التي تبدا بها.. امثلة: سلم دو: دو - ري - مي - فا - صول - لا - سي - دو سلم مي: مي - فا - صول - لا - سي - دو - ري - مي سلم لا هبوطا : لا - صول - فا - مي - ري - دو - سي - لا مبدئيا ..اخدنا فكرة عامة..واكيد الي رجعة وسوري عالتاخير.. |
وبتقليلي مو أستاذة..أستاذة وستين استاذة...بيطلعلك تتأخري على كيفك
على كل...شكرا جزيلا |
اقتباس:
:sosweet::fsing::flover: |
اقتباس:
شو وجعك انت...:o |
اقتباس:
بتعرفي قصة الأحاشيش و المساعر .... بتأثّر :o فعملتلي موضوع أحشاش بقصد أحساس مرهف :lol: :p :shisha: |
انا :o كتير كتير
و بدي صير اتعلم موسيقا كمان شو بدي احسن من هيك انسه :oops: و استاذ :sly: |
احم...اول شي شكرا مريومة:D....تاني شي حلوة هالفكرة....وبتمنى انو يستفيدو مزبوط من هالدروس...ورح حاول ساعدكن بهالموضوع......تالت شي ايمتا بدكن تحاسبوني اجرة الدروس؟؟......
يلا رح ابدا الدرس.... |
4 ملف مرفق .
اول شي...انو شو هي النوتة؟؟...ليه هيك شكلا؟؟؟
النوتة هي متل لغة...بتنكتب لحفظ الالحان...يعني متل ما منحفظ الشعر عن طريق الكتابة..كمان الموسيقى بتنحفظ عن طريق النوتة.... النوتة عبارة عن اسطر والفراغات بين هالاسطر.....كل سطر او فراغ عبارة عن علامة موسيقية معينة......طبعا العلامات زكرتهن مريومة ..اللي هنن دو ري مي فا صول لا سي ... هلق في خمس اسطر اساسية اسمن "المدرُج" ...متوازين وبيناتن اربع فراغات شوفو المرفق رقم 1... هي الاشارة اللي محطوطا عأول المدرج اسما "مفتاح صول"..في شكل تاني اسمو مفتاح دو.هي للأصوات المتوسطة...وفي مفتاح فا. هي للأصوات الغليظة ....الصول اللي بتسخدم بالعادة... هلق بئا رح ئلكن كل سطر وفراغ شو العلامة تبعون....شوفولي الصورة رقم تنين وتلاتة نحنا زكرنا انو المدرج خمس خطوط.....بس ممكن انحط خطوط اضافية تحت وفوء حسب الحاجة...طبعا كل ماحطينا خطوط فوء كل ما ارتفعت درجة الصوت ..وكل ما زدنا الخطوط تحت صار الصوت اغلظ.... وعلامات الاسطر والفراغات متل مو مبين بتنحط بالتدريج.... هدول المفروض ينحفظو....وفي طريقة بيستعملوها مشان الحفظ انو بيستخدمو الأيد...بحيث بتمثل الاصابع الاسطر الخمسة والفراغات بيناتن .. شوفو الصورة رقم 4 يلا منوقف هون ومنكمل الدرس الجاية.حفظو هالدرس منيح...بس انشالله افهمتو عليي؟؟ |
اقتباس:
اقتباس:
|
أنا لساتني معكن..وناطر الدروس المتقدمة أكتر
|
انو هدول آخدينون بالصف السابع
يلا ....فوتو بالموضوع بقى |
اقتباس:
|
6 ملف مرفق .
لا تواخزونا عالتأخير......
اليوم رح أحكي عن الزمن الموسيقي والعلامات الموسيقية..... هلئ الأزمنة هي طول النغمة... ابتتجزأ لأربع اجزاء (1-2-3-4) .....فا ازا النا (دو-ري-مي-فا) فبكون كل نغمة الها زمن واحد....يعني بصير عن القيمة الزمنية لكل وحدة هيةقيمة وحدة......هي العلامة بيسموها السوداء (الصورة رقم 1).. وازا النا مثلا..(دووو-ريييي)....يعني الدو اخدت زمنين والري اخدت زمنين....وعلامتا بيسموها البيضاء (الصورة رقم 2) وازا النا (دووووووو) يعني الدو اخدت الاربع ازمنة ..وعلامتا اسما المستديرة او روند..(الصورة رقم 3)... في كمان تلت علامات اللي هنن ..ذات السن او كروش وهي القيمة الزمنية تبعا نص......و ذات السنين او دبل كروش وهي قيمتا ربع...وفي تربل كروش قيمتا تمن...(الصور 4 و 5و6 ) يعني هلئ عنا المستديرة او الروند (4 ازمنة) ممكن نقسما لتنين بيضاء( زمنين) وكل بيضاء ممكن تتقسم لتنين من السوداء(زمن واحد) وكل سوداء ممكن تتقسم لتنين من ذات السن (نصف زمن) وكل ذات السن ممكن تتقسم لذات السنين(ربع زمن) وكل ذات السنين ممكن تتقسم لذات الثلاث اسنان (تمن زمن) |
:D:D تسلم إيديك
|
يا اخواتي والله حكينا عربي ...:pos:
قلنا عراسي الشباب كلها ...بس خلو الموضوع صافي يعني تكون الدروس لحالا ..يعني ما بدو الواحد يقرا رد يكون درس من الدروس ....وينط عشر ردود شكر ... تشكرنا الاساتذة من الاول ...وانو اكيد بيعرفو مين الاشخاص المتابعين ... ياريت ما حدا ياخد عخاطرو ...ويرجى التفهم ...:deal: |
برافووووووووووووووووووووو ووووووووووووووووووووو
:yahoo::yahoo::yahoo: ميرسي كتير مريوم و T maxx و برافو على المجهود الكبير اللي بتادوه :clap::clap: فعلا اساتذة جديرة بالاحترام يا رب متتاخروش الدرس الجاي عشان انا اتشوقت ليه جدا تحياتي / Guitarist |
5 ملف مرفق .
مرحبا كيفكن شو اخباركن....اليوم حأعطي درس عالسريع فركزو معي منيح
هلئ في شي عنا بالنوتة اسمو دييز وبيمول.....هدول شو بيعملو بئا؟.....هدول بيرفعو وبينزلو النغمة نص درجة او ربع درجة..... البيمول بخفض النغمة او العلامة نص درجة...الصورة رقم واحد الدييز بيرفع النغمة او العلامة نص درجة..الصورة رقم تنين هلئ بالموسيقى العربية في النص بيمو والنص دييز.....هدول اللي بيفرؤو عن الموسيقى الغربية.....وهادو بتسمعون بالبيات والرست وبائي الشلة....صور رقم 3 و 4 هدول بينحطو بأول المدرج على النغمة المراد خفضا او رفعا...يعني على السطر او الفراغ تبع النغمة وعنا شي اسمو البيكار هاد برجع النغمة لأصلا...الصورا رقم 5 |
اييييه يعطيكم العافيــة علـى هـالشــرح ياللـه معكـم ع الدعســة ..
|
:o
واو .. أنا متابع .. ومنتظر بقيت الدروس .. :oops: |
4 ملف مرفق .
up
هاد الكتاب عملتو انا ورفيقي ..انو جبنا من كتير مراجع ودمجناها .....وممكن يفيد شوي ... :gem: |
4 ملف مرفق .
هلق رح نبلش بقراية النوطة ...
اللي عندو اي سؤال انا جاهز .. بس بظن انو واضحة طريقة القراءة ... طبعا لازم يكون في وزن معين عم نمشي عليه ... مثلا منطقش بأصبعتنا ...او بتضرب برجلك عالارض ...بس بوزن ثابت وبتقول العلامات .. بعدين بتحاول مع اللحن ...بس هو المشكلة بتكون مع اللي ما عندو الة موسيقية ياخد منها الطبقة ... عالعموم رح نشوف كيف رح نحلا ...بس مبدئيا بيكفي انو نقول اسماء العلامات صح ...بدون لحن مو مشكلة ... تحياتي ...:D |
منتابع بكرا ..:sly:
|
يالله .......
|
| الساعة بإيدك هلق يا سيدي 04:29 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون