أخوية

أخوية (http://www.akhawia.net/forum.php)
-   الصـــــــــــالون (http://www.akhawia.net/forumdisplay.php?f=11)
-   -   عقوبة اللي بيسرق هاتف محمول في ايران (http://www.akhawia.net/showthread.php?t=87600)

maged-syrian 10/12/2007 07:17

عقوبة اللي بيسرق هاتف محمول في ايران
 
العقوبة انهم يمشوا الحرامية قدام كل خلق الله بوضع مهين وشرشحة ... تخيلوا تصير هالعقوبة بسوريا عليي الحلال رووووووووووووووووعة :clap::o:o
اليكم الصور










انا اللي فهمتوا من الكتابات اللي معلقة على صدور الحرامية : أراذل واوباش :o:da7ook:

التقرير الجوال 10/12/2007 07:25

كان صدام بيساوي هيك بالحراميه, بس بظن كانو يطالعوهن عالتلفزيون

Syrian__Angel 10/12/2007 09:28

?? elly byesro2 mobile heik 3qobto

?!? :shock: mo ka2anno mobala'3 feha shway

Syrian Gay 10/12/2007 23:24

4 ملف مرفق .
العقوبات الأيرانية ما بتمد للأنسانية بصلة ..

معقول بشان سرقة موبايل بيصير هيك ؟

هل الأسلام يقول هذا !



تسليط الضوء على تعذيب أتباعي ..


شاب مثلي ايراني جلد 100 جلدة و قبل أن يحكم عليه بالأعدام هرب لاجئ لـ بريطانيا ..




شابين مثليين ايرانيين جلدو ما بعرف كم جلدة وهربوا على تورنتو بكندا ..


وطبعاً كل كم شهر بينعدم مثليين بأيران ..

الله يبعد أيران ع سوريا ..

:D


Nabilove 10/12/2007 23:42

اقتباس:

كاتب النص الأصلي : Syrian__Angel (مشاركة 838719)
?? elly byesro2 mobile heik 3qobto

?!? :shock: mo ka2anno mobala'3 feha shway


عقوبة عن جد رائعة احسن ما يفوتوه على السجن, البعض بيشوف سرقة موبايل شي تافه بس بغض النظر عن ثمنها (المرتفع بالنسبة للانواع الجديدة) فهي تحمل اسرار شخصية و ارقام مهمة يمكن ارقم زبناء او موردين يمكن شاب مقدم على عمل و راح يتصلو بيه والله بعض الاحيان بيكون موبايلك هو راس مالك بسبب العملاء الي بيتصلوا بيك..... يعني واحد يشقى و الثاني يكلها بالبارد شيء غير منطقي,
للاشارة هذه العقوبات مفروضة ايضا فامريكا شفت فبرنامج واحد كان متهم باغتصاب الاطفال قضى مدة في السجن و اعطوه عفو بس على شرط يعلق على باب بيتو العبارة التالية" انا اغتصبت طفلا في سنة كذا ... و قضية عقوبتي السجنية و اطلب الصفح..."

سارة$$$ 10/12/2007 23:45

اي هن بيستاهلو العقوبة بس مو لهالدرجة يعني كيف لو سرقو بنك شوو بعملو فيهم؟؟؟

Nabilove 10/12/2007 23:47

اقتباس:

كاتب النص الأصلي : Syrian Gay (مشاركة 839356)
العقوبات الأيرانية ما بتمد للأنسانية بصلة ..

معقول بشان سرقة موبايل بيصير هيك ؟

هل الأسلام يقول هذا !



تسليط الضوء على تعذيب أتباعي ..


شاب مثلي ايراني جلد 100 جلدة و قبل أن يحكم عليه بالأعدام هرب لاجئ لـ بريطانيا ..




شابين مثليين ايرانيين جلدو ما بعرف كم جلدة وهربوا على تورنتو بكندا ..


وطبعاً كل كم شهر بينعدم مثليين بأيران ..

الله يبعد أيران ع سوريا ..

:D


هو الهروب من ايران سهل كثير رغم ان المتهم بيكون بيد الشرطة ؟؟ ما في حدا بيراقب الحدود ؟؟ و شرطة المطار نايمة او حرس الحدود دايخيين :shock: الفيزا على بريطانيا و كندا صارة مثل تذكرة باص:shock:؟؟
اذا كان كلامك صح فشرطة ايران اغبى شرطة في العالم

Nabilove 10/12/2007 23:48

اقتباس:

كاتب النص الأصلي : سارة$$$ (مشاركة 839372)
اي هن بيستاهلو العقوبة بس مو لهالدرجة يعني كيف لو سرقو بنك شوو بعملو فيهم؟؟؟

يقطعو ا الايد اليمين

kholoud talal 10/12/2007 23:55

مو معقول:?

Syrian Gay 10/12/2007 23:58

اقتباس:

كاتب النص الأصلي : Nabilove (مشاركة 839374)
هو الهروب من ايران سهل كثير رغم ان المتهم بيكون بيد الشرطة ؟؟ ما في حدا بيراقب الحدود ؟؟ و شرطة المطار نايمة او حرس الحدود دايخيين :shock: الفيزا على بريطانيا و كندا صارة مثل تذكرة باص:shock:؟؟
اذا كان كلامك صح فشرطة ايران اغبى شرطة في العالم

شكلك ما بتعرف انو المثليين بيعطوهون فيزا للدول المتقدمة بسهولة ..

فكيف إذا مثليين معذبين وممكن ينعدموا متل هدول .. وكمان منظمات وجمعيات حقوق الانسان صار عندا ضجة بشان هالحالتين ..

:D

Nabilove 11/12/2007 00:05

اقتباس:

كاتب النص الأصلي : Syrian Gay (مشاركة 839386)
شكلك ما بتعرف انو المثليين بيعطوهون فيزا للدول المتقدمة بسهولة ..

فكيف إذا مثليين معذبين وممكن ينعدموا متل هدول .. وكمان منظمات وجمعيات حقوق الانسان صار عندا ضجة بشان هالحالتين ..

:D

اكيد الغرب بيصير بيقطر حنية فمثل ها المواقف لكن المشكل كيف يمكن لمتهم جلد و محتجز عند الشرطة او المحكمة في انتظار اعدامهم يتمكن من الهرب و التوجه الى سفارة و بعدها الخروج من المطار دون ان يمسك او يظهر اسمه على لائحة المبوحث عنهم يعني هذا شغل افلام ما بيدخل العقل فمسلسل preson break شافوا الويل عشان يهربوا و المثليين الايرانيين يهربون في رمشة عين

Syrian Gay 11/12/2007 00:11

اقتباس:

كاتب النص الأصلي : Nabilove (مشاركة 839390)
اكيد الغرب بيصير بيقطر حنية فمثل ها المواقف لكن المشكل كيف يمكن لمتهم جلد و محتجز عند الشرطة او المحكمة في انتظار اعدامهم يتمكن من الهرب و التوجه الى سفارة و بعدها الخروج من المطار دون ان يمسك او يظهر اسمه على لائحة المبوحث عنهم يعني هذا شغل افلام ما بيدخل العقل فمسلسل preson break شافوا الويل عشان يهربوا و المثليين الايرانيين يهربون في رمشة عين


دور بغوغل عن الحكي .. اكتوب Iranian Gay ورح يطلعلك مئات المواقع يللي بتحكي عنون ..

:D

Nabilove 11/12/2007 00:25

اقتباس:

كاتب النص الأصلي : Syrian Gay (مشاركة 839392)
دور بغوغل عن الحكي .. اكتوب Iranian Gay ورح يطلعلك مئات المواقع يللي بتحكي عنون ..

:D

بعرف انك قاري ها المواضيع في النت ما بكذبك بس هذه المواضيع ملفقة لتاثير اكثر على صورة ايران في الغرب.
فمثلا نتذكر شهادة الكويتية في مؤتمر لحشد الدعم الدولي لتحرير العراق او المطالبة بتعويضات " لا اتذكر جيدا " و دموع تسيل من عيونها و صوتها يقطع القلب و تحكي كيف ان الجنود العراقيين اغتصبوها و قتولوا من قتلوا ونهبوا ابان غزو العراق و في الاخير تبين انها بنت احد الامراء و لم تكن اصلا في الكويت خلال الحرب.
انها تمثيليات و تلفيقات لان بتفكير البسيط ستجد ان الامر غير منطقي خصوصا ان الشرطة الايرانية و الحرس الثوري و جهاز الامر بالمعروف و النهي عن المنكر معروفون بصرامتهم.
يعني في صور بتشوف لصان سرقا موبايل فقط معهما شرطيان فما بالك بمحكوم بالاعدام؟؟

ASH 11/12/2007 01:08

ليش حاسسهم طالعين بالهولين هدول لوووووووووووووول:o

اقتباس:

كاتب النص الأصلي : Syrian Gay (مشاركة 839356)
العقوبات الأيرانية ما بتمد للأنسانية بصلة ..

معقول بشان سرقة موبايل بيصير هيك ؟

هل الأسلام يقول هذا !



تسليط الضوء على تعذيب أتباعي ..


شاب مثلي ايراني جلد 100 جلدة و قبل أن يحكم عليه بالأعدام هرب لاجئ لـ بريطانيا ..




شابين مثليين ايرانيين جلدو ما بعرف كم جلدة وهربوا على تورنتو بكندا ..


وطبعاً كل كم شهر بينعدم مثليين بأيران ..

الله يبعد أيران ع سوريا ..

:D


هاد يلي مبعوجه عينو بتوقع جايبها من شي حلبة ملاكمه حبي

وبعدين الجلد هاد شي بيقولو الاسلام اي نعم هاد عقاب تعزيري لو سمعان فيه ، شو بيعملو فيهم لكن بيلحمسلو الواحد على وشو و بيحكيلو لا بقا تعيد ، وهوه طالع بيطبطبلو على قفا ، و بيحكيلو لا توخزنا اخدنا من وقتك :frown:

Syrian Gay 11/12/2007 01:12

اقتباس:

كاتب النص الأصلي : ASH (مشاركة 839439)
هاد يلي مبعوجه عينو بتوقع جايبها من شي حلبة ملاكمه حبي

وبعدين الجلد هاد شي بيقولو الاسلام اي نعم هاد عقاب تعزيري لو سمعان فيه ، شو بيعملو فيهم لكن بيلحمسلو الواحد على وشو و بيحكيلو لا بقا تعيد ، وهوه طالع بيطبطبلو على قفا ، و بيحكيلو لا توخزنا اخدنا من وقتك :frown:

بس ما عرفت ليش مجعوص انت :? ؟

maged-syrian 11/12/2007 04:03

اقتباس:

كاتب النص الأصلي : Nabilove (مشاركة 839370)
عقوبة عن جد رائعة احسن ما يفوتوه على السجن, البعض بيشوف سرقة موبايل شي تافه بس بغض النظر عن ثمنها (المرتفع بالنسبة للانواع الجديدة) فهي تحمل اسرار شخصية و ارقام مهمة يمكن ارقم زبناء او موردين يمكن شاب مقدم على عمل و راح يتصلو بيه والله بعض الاحيان بيكون موبايلك هو راس مالك بسبب العملاء الي بيتصلوا بيك..... يعني واحد يشقى و الثاني يكلها بالبارد شيء غير منطقي,
للاشارة هذه العقوبات مفروضة ايضا فامريكا شفت فبرنامج واحد كان متهم باغتصاب الاطفال قضى مدة في السجن و اعطوه عفو بس على شرط يعلق على باب بيتو العبارة التالية" انا اغتصبت طفلا في سنة كذا ... و قضية عقوبتي السجنية و اطلب الصفح..."


حكيك فيه وجهة نظر ... خصوصاً أن سرقة الموبايلات انتشرت بشكل كبير بمجتمعاتنا .. فمتل هيك عقوبات اكيد رح تردع السارق قبل مايفكر بسرقة الموبايل باعتبار ان الفضيحة حتصير بجلاجل ...

مع احترامي للرأي الآخر :D

maged-syrian 11/12/2007 04:09

اقتباس:

كاتب النص الأصلي : Syrian Gay (مشاركة 839356)
العقوبات الأيرانية ما بتمد للأنسانية بصلة ..

معقول بشان سرقة موبايل بيصير هيك ؟

هل الأسلام يقول هذا !



تسليط الضوء على تعذيب أتباعي ..


شاب مثلي ايراني جلد 100 جلدة و قبل أن يحكم عليه بالأعدام هرب لاجئ لـ بريطانيا ..




شابين مثليين ايرانيين جلدو ما بعرف كم جلدة وهربوا على تورنتو بكندا ..


وطبعاً كل كم شهر بينعدم مثليين بأيران ..

الله يبعد أيران ع سوريا ..

:D


معلم تعذيب المثليين بايران موضوع تاني ..:D

يمكن يكون الايرانيين غلطانين بموضوع تعذيب مثليي الجنس واعدامهم..
بس بالنسبة لهالعقوبة فهي فعلاً عقوبة رائعة بحق لصوص الموبايلات باعتبار ان اذاهم معنوي واجتماعي اكتر مايكون اذى مادي ...
وانا شخصياً لمن كنت بسوريا انسرق موبايلي ومازعلت على حقه قد مازعلت على الارقام المهمة اللي كانت مخزنة فيه ... ولمن شفت هالموضوع اتمنيت ان تتطبق هاي العقوبة بسوريا باعتبار ان سرقة الموبايلات بسوريا منتشرة للاسف على نطاق واسع

Government 11/12/2007 06:35

تخلـــــف ..

blue eyes 11/12/2007 07:55

ولي حكمو عليهن بالاعدام كرمال سرقة موبايل اذا كانو سارقين بنك شو رح بيعملو فين شي غريب كتير ..

cheeeeek 11/12/2007 08:41

هادا النوع من العقاب موجود من زمان يمكن من زمن العثمانيين وهنن اللي اخترعو هالطريئة وعنا بالشام بيسموها تجريص ( وهي كانت انو يئعد الشخص وهو مبهدل وبالمقلوب على جحشة ويدورو فيه بالشوارع بس مابظن انو كان في شوارع المهم بالحارات والعالم تتفرج عليه ) وهلء الظاهر الايرانيين عملولها آب ديت للطريئة وبدال الجحشة جابو شاحنة ( يعني فوق مو سارئين الحكومة بدها تتخسر عليهم مازوت)

انا برأيي انو من زمان باعتبار انو العالم اللي بالحي الواحد كانو يعرفو بعضهم كلهم تقريبا كانت تعطي نتيجة وكانت شغلة مهينة اما بهالحالة فهو مجرد سيرك متحرك لمهرجين مابيعرفهم غير فئة قليلة من الناس ومن هالفئة القليلة فئة أقل هنن اللي شمتو واستمتعو ازا لحئو يشوفوه.......

والمعروف انو العثمانيين كانو يتفننو بطئ العقاب والتعذيب
يعني يحمدو ربهم انو ماتخوزئو:o كنوع عقاب عثماني

إم العز 11/12/2007 11:31

اقتباس:

العقوبات الأيرانية ما بتمد للأنسانية بصلة ..

معقول بشان سرقة موبايل بيصير هيك ؟

هل الأسلام يقول هذا !

ليش السرقة بتمد للإنسانية بصلة ؟؟؟
لما واحد يستهين بعقلك ويحتقرك وينتهك خصوصياتك ويسرقك هالشي
بمت للإنسانية بصلة ؟؟
والعقوبة هاي بتمت للإسلام بصلة ...
أي بكفي انهم ما قطعولهم ايدهم ...
والدليل انو هالعقوبة بتمت للإسلام بصلة ...
انو على زمان أمير المؤمنين عمر بن الخطاب رضي الله عنه ...
كان في شغلة إسمها الحسبة .. أو المحتسب ....
لما تاجر كان يغش بالسوق ... كان يلبسوه اواعي زي مهرج
ويخلوه يمشي بالسوق عشان الناس تعرف انو غش وسرق الناس ..

إم العز 11/12/2007 11:32

اقتباس:

ولي حكمو عليهن بالاعدام كرمال سرقة موبايل اذا كانو سارقين بنك شو رح بيعملو فين شي غريب كتير ..
السرقة سرقة .. مش مهم ان كان ليرة وللا ان كان بنك بحاله
مش شايفة شي غريب بالموضوع انا

إم العز 11/12/2007 11:34

اقتباس:

تخلـــــف ..


التخلف هو لما يكونوا الحرامية ماشيين براحتهن بالشوارع وعم بسرقوا بالناس
مش لما نعاقبهن ونورجيهن غلطهن ...
بس ... عبث .. أمة لا تعرف معنى للنظام والإنضباط

ASH 11/12/2007 13:04

اقتباس:

كاتب النص الأصلي : Syrian Gay (مشاركة 839444)
بس ما عرفت ليش مجعوص انت :? ؟

منكم انتوا جماعة حرام و ما بيصير و خطي و انسانيه و ما انسانيه

بدكم الواحد يقتل و يروح لدكتور نفسي ليعالجو

الواحد بيدبح بتحكو ما بيصير ينعدم

بيسرق ما بيصير ينحبس او ينجلد

بيقذف الناس ما بدكم يتادب

كل ما صار شي بتنطو اي ولله حرام

اي يحرم جلدهم عن عضمهم :frown:
انا ما يسلموني القضاء شهر ، يلي بيسرق بدي خوزقو

ويلي بيقتل بدي مشي شغلة حد السيف ماني شايفه ولا مره لانو لووول

ويلي بيحكي علعالم بشرفهم و هل حكي الكبير يلي ما بينسكت عنو بدي قص لسانو و علقلو ياه برقبتو كادو ..

هيك الحكي بيصير :pos:


اي ما واحد فيكم ينسرق موبيلوا يناطح الحيطان ليعرف مين سرقو مشان يشرب من دموا :shock:

Syrian Gay 11/12/2007 14:41

اقتباس:

كاتب النص الأصلي : ASH (مشاركة 839697)
اي ما واحد فيكم ينسرق موبيلوا يناطح الحيطان ليعرف مين سرقو مشان يشرب من دموا :shock:

وليش متأكد ؟

لو ما كان محتاج هالشخص يللي سرقوا ما كان سرقوا ..

ولما ما بيشوف هالشخص مورد ولا بيشوف من الدولة (أيران) اي مساعدة لـ الو .. فشو بدو يساوي ؟

هللا ممكن يسرق وممكن لاء .. حسب اخلاقيات هالشخص .. بس حتى في اوقات الاخلاقيات تنتسى إذا كان ظرف طارئ ومصيري .. مثلاً ابنو رح يموت موت حقيقي من الجوع .. او يلزموا دواء .. امو رح تموت .. ابوه رح يعمل عملية مصيرية .. وهكذا ..

يعني لما بيكون في سرقة لشغلات تافهة .. فالسبب يكون الفقر المعدم .. والسبب الغير مباشر هو الدولة يللي عايش فيا ..

من ناحيتي إذا انسرق موبايلي بدور عالشخص بشن رجع موبايلي وبعطيه بدالو مصاري (حسب شو بشوف إذا محتاج وللا لا) .. حباب انا مو :o ..

:D

Government 11/12/2007 14:51

اقتباس:

كاتب النص الأصلي : إم العز (مشاركة 839650)
التخلف هو لما يكونوا الحرامية ماشيين براحتهن بالشوارع وعم بسرقوا بالناس
مش لما نعاقبهن ونورجيهن غلطهن ...
بس ... عبث .. أمة لا تعرف معنى للنظام والإنضباط


ايواااااااااااا هو ده

ياعيني انا ماعبحكي ع التخلف ماقصدت في انو لما بحاسبو السارق
انا قصدت في الطريقة اللي حاسبوة في للحرامي ..
يعني الحرامي اللي بسرق بحاسبو بالسجن مثلا كــأقل شي
بس مو بلسن هالبس الغبي ومدري كيف وبالطريقة الغبية هي ..
هادا ما اسمو عقاب هادا اسمو تخلف وغباء ..


وصلت الفكرة ؟

ASH 11/12/2007 17:45

اقتباس:

كاتب النص الأصلي : Syrian Gay (مشاركة 839753)
وليش متأكد ؟

لو ما كان محتاج هالشخص يللي سرقوا ما كان سرقوا ..

ولما ما بيشوف هالشخص مورد ولا بيشوف من الدولة (أيران) اي مساعدة لـ الو .. فشو بدو يساوي ؟

هللا ممكن يسرق وممكن لاء .. حسب اخلاقيات هالشخص .. بس حتى في اوقات الاخلاقيات تنتسى إذا كان ظرف طارئ ومصيري .. مثلاً ابنو رح يموت موت حقيقي من الجوع .. او يلزموا دواء .. امو رح تموت .. ابوه رح يعمل عملية مصيرية .. وهكذا ..

يعني لما بيكون في سرقة لشغلات تافهة .. فالسبب يكون الفقر المعدم .. والسبب الغير مباشر هو الدولة يللي عايش فيا ..

من ناحيتي إذا انسرق موبايلي بدور عالشخص بشن رجع موبايلي وبعطيه بدالو مصاري (حسب شو بشوف إذا محتاج وللا لا) .. حباب انا مو :o ..

:D

رامي انت بدك تجلطني شي بدك تعمل معي كساح او شل اطفال على كبر بس حكيلي :cry:

اخي محتاج بيسرق يعني هاد الحل برايك يا الله ، اخي سماع لقلك انا نازل اجازه مجنط اكلة خازوق بشغلي طالع من احف راسي شو رايك روح اسرقلي كم موبيل و كم لاب توب و بيعهم لاني حتاج مصاري ، هاد برايك شي صح ولا تحكيلي سبب مو مقنع لانو مافي حل ....

لا شريك مو هيك الواحد بيفكر لو كلامك صحيح معناها كان لقية لاكل عم يسرق لانو الكل بيشوف حالو محتاج ..

يعني الحكي مو منطقي

jouliana 11/12/2007 17:59

:oلازم يقطعو ايديهم لانه اليوم سرقوا موبايل بكرا الله يستر شو بسرقوا;)

Syrian__Angel 11/12/2007 19:31

هيهيهي ... والله حلوين الردود :lol:


كم تعليق عالسريع ..

1) اذا ايران بدها تطبّق الشريعة الاسلاميــّة ، فـ الشريعة ما بتقول " تنشرو عرض " اللي سرق ...
في حكم واضح بهالشي ... فـ اذا كان ولابدّ وبدها تطبّق الشريعة فـ تبقى تطبقها مزبوط ، او بلا تأليفات وفزلكات من بعض جماعـ....ــات ;) ، كل ما دق الكوز بالجرّة بيقلولك " هي الدين " و " ليكو الدين " ...
مو كل شي غلط بهالعالم بينرمى سببو عالدين ... لانو خزيت العين ، البشر مو مقصرين ..

2 ) لفتتلي نظري هالجملة ..
اقتباس:

ما كان محتاج هالشخص يللي سرقوا ما كان سرقوا ..
ولما ما بيشوف هالشخص مورد ولا بيشوف من الدولة (أيران) اي مساعدة لـ الو .. فشو بدو يساوي ؟
وكمان ..
مو كل شي غلط بالبشر وتصرّفاتون وافعالون ، بترموها عالدولة ..
كـ مثال ، عندك اميركا منيحة وما بتشكي من شي بالنسبة لاغلبية شعبا ، ومع هيك في عندون معدّلات الجريمة مرتفعة .. يا ترى ليش ؟

شغلة تانية خطرتلي ولو انو ما كتير قريبة من الموضوع ، بس انـّو متّصلة بمنطقة ما ..
في عالم - كمان كـ مثال - عندون السرقة المرضيــّة ، بيكونو فعلياً مو محتاجين ، بس مرض ! بيسرقو مو بايدون !


فـ لهيك ، وبما انـّـو نحنا ما عنـّا غير مجموعة صور لطريقة عقاب ع سبب " بسيط " ( ع قولة البعض ، مو سرقة بنك .. ) ... ما بيحقــّلنا نحكم انو كانو الطرف الاضعف بالقصــّة ، او كانو هنن الظالمين او المظلومين فعلاً ...

و لهـــــذا ، خلـّونا - بتعليقاتنا - نكتفي بـ " هل برأيك هالجريمة بتستاهل هالعقاب .. وليش !؟ " ...

الفيلسوفة 11/12/2007 22:24

اقتباس:

أراذل واوباش
اي بربي احلى عقوبة.. وعقوبة ذكية كمان..:o

black_iris 12/12/2007 00:36

مو شايفه انو العقوبه مبالغ فيها ..
بتقترحو الحبس أحسن ... يمكن لو سألتوهم كانو إختارو يصير فيهم هيك ولا ينحبسو

ASH 12/12/2007 00:47

انا كان بقترح يقطعو ايدهم و خلصنا من المشكله :o

maged-syrian 12/12/2007 04:44

اقتباس:

كاتب النص الأصلي : ASH (مشاركة 840070)
انا كان بقترح يقطعو ايدهم و خلصنا من المشكله :o

احلى اقتراح :o

بس دخلك اذا انقطعت ايدهم هدول مابيصيرو عاهات وعبء على الدولة باعتبار انو في ضمان اجتماعي للمعاقين والعاهات ;)

ASH 12/12/2007 08:47

اقتباس:

كاتب النص الأصلي : maged-syrian (مشاركة 840139)
احلى اقتراح :o

بس دخلك اذا انقطعت ايدهم هدول مابيصيرو عاهات وعبء على الدولة باعتبار انو في ضمان اجتماعي للمعاقين والعاهات ;)

مبلا بيصير هيك ، مشان هل سبب بنتقل للشق التاني من الحل و يلي هوه بنقتلهم مشان ما يكونو عبئ علمجتمع :o

Nabilove 12/12/2007 13:42

[quote=Syrian__Angel;839902]هيهيهي ... والله حلوين الردود :lol:


كم تعليق عالسريع ..

1) اذا ايران بدها تطبّق الشريعة الاسلاميــّة ، فـ الشريعة ما بتقول " تنشرو عرض " اللي سرق ...
في حكم واضح بهالشي ... فـ اذا كان ولابدّ وبدها تطبّق الشريعة فـ تبقى تطبقها مزبوط ، او بلا تأليفات وفزلكات من بعض جماعـ....ــات ;) ، كل ما دق الكوز بالجرّة بيقلولك " هي الدين " و " ليكو الدين " ...
مو كل شي غلط بهالعالم بينرمى سببو عالدين ... لانو خزيت العين ، البشر مو مقصرين ..

quote]

حد السرقة لا يطبق الا اذا و صلت قيمة المسروق على ما اتذكر درهما فضة التي كان معمول بها ايام الرسول و هذه القيمة تتغير مع الزمان و من مكان لمكان. و اذا كانت القيمة اقل يعزر فقط و ما قامت به الشرطة الايرانية يدخل في هذا اطار التعزير.
بالنسبة اذا كانت فعلا ظروف السارق معدمة و سرق للحاجة الماسة لا يطبق عليه الحد و الدليل على ذلك ان عمر ابن الخطاب الغى حد السرقة في عام الرمضاء (جفاف) لان السارق كان مضطر ليسرق حتى ياكل

Purple Rose 15/02/2008 08:31

لك والله عقوبة احلى منها ما فيه
لكان شو بدكن يعملو للحرامي
يدللو ويحكولو بلاما تسرق مرة تانية
اي هنن لا ضربوه و لا دبحوه
هنن خلوه يحس بالذل شوي
لحتى ما يرجع يسرق
لانو يا عمي يلي ببلش بموبايل
بكرا ببلش بأشيا تانية اكبر و اكبر
اي والله عقوبة بتجنن :lol:

free_worod 15/02/2008 09:43

اي لا كتير هيك
انا بقترح يرجعوا الموبايل لاصحابه
وكم يوم بالغرفة السودا ما رح يضرهم


الساعة بإيدك هلق يا سيدي 00:45 (بحسب عمك غرينتش الكبير +3)

Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون

Page generated in 0.05575 seconds with 10 queries