|
المشرف الغير مثالي الموضوع الرئيسي 2008
بصراحة ماحبيت كلمة المشرف الاسوأ ، يعني تخيل مشرف بيقول عنك العضو الاسوأ فهاد اكيد شيئ ما بيرضيك ولما كان القاعدة هي الاحترام المتبادل للمشاعر فلذلك افضل قرار هو المشرف الغير مثالي ولا تنسو انو كلنا هون اصدقاء او زملاء يعني نحنا ما اعداء حتى وان كان في تحفظات او مشاكل فهاي موجودة بكل مكان عمل ودراسة ونادي وشارع وكل مكان . ولما كان مصطلح المشرف المثالي مصطلح فضفاض وواسع جدا فلذلك كان القرار الافضل هو فك المصطلح الواسع لمجموعة اقل اتساعا هي كالتالي:- المشرف الغير حيادي (بينحاز لقضايا وافكار وطوائف واشخاص ومواضيع هكذا.....) المشرف الغير عادل (بين الاعضاء تلاقي المشرف غير عادل ) المشرف العدواني (يهاجم افكار واشخاص وطوائف وافكار بطريقة عدوانية ) المشرف كثير المجاملة لاصدقائه على حسابك المشرف قليل الخبرة والغير مجيد للتعامل مع المواقف في قسمه المشرف الاقل مسئولية (يعني من افعالو تلاحظ انو مافارقة معو اي شيء بالقسم يعني يخرب بتراجع ) المشرف اللي شايف حالو عليك وبيتعامل معك بفوقية وانو اعلى منك او افضل المشرف اللي دايما يحط حواجز بينك وبينو وما بيخليك تقدر تتناقش معو بقضايا تخص مصلحة القسم او غيرو . المشرف اللي بيعطي تنبيهات ومخالفات كتير بمناسبة وغير مناسبة وبيسكر مواضيع كتير بدون اسباب واقعية او مقنعة المشرف اللي ما بيتعامل معك باحترام ----*****---- هاي كانت قاعدة اساسية للانطلاق عن طريقها في التفكير منشان يكون في اسلوب علمي في التفكير مش مجرد عشوائية . طبعا وارد جدا انو مصطلح المشرف غير المثالي يمكن فكو بمجموعة اكبر او اني اكون ما حطيت اشياء كان يجب احطها . على كل حال بنترك بند للعضو يحط اي نقاط انا اغفلتها  بس في كم شغلة بدنا نتفق عليون من هلق وقبل المشاركة 1.المشرف صديق و زميل او زميل بس على اسوأ الاحتمالات(يعني غير مقبول التجريح او الاهانة هون جملة وتفصيلا) 2.الامور والاعتبارات الشخصية بين العضو والمشرف ليس لها مكان هون (اي حد بدو يصفي حساب ما يستخدم هالموضوع) 3. غير مقبول مخاطبة الاشراف بالفاظ وعبارات غير لائقة او غير محترمة (مثلا المشرفين مش خدم عند الاعضاء ) * في كم شغلة بدنا نتفق عليون مع المشرف 1- النقد غير شخصي (يعني ما منشان شخص هاني داغر مثلا كل هالشغلة قايمة او الانتقاد مارح يكون في شخص هاني داغر وانما تصرفات هاني (بالمناسبة هاني مشرف متقاعد يعني ماالو دخل بهالشغلةوانما ضرب اسمو كان مثال فقط) ) 2-المشرف لازم ياخود هالموضوع بروح رياضية (هو تعبير من الاعضاء ومش هجوم ) يعني منفذ للتعبير بحرية مسئولة ) 3-منعا للحساسيات الزائدة من حق اي مشرف عدم الاهتمام بالموضوع او تحمل عناء الرد اصلا (اعتبرو شغلى تنفيس عن الاعضاء ) *التصويت مغلق وسري منشان منع الحساسيات من ورا التصويت ومنشان يكون في حرية اكبر وعدم مجاملة . وشكرا جميعا من اجل مصلحة الاخوية (اعضاء ومشرفين) المخلص للجميع محمد ابراهيم |
شباب مستثنى من الاختيار عدد 4 امناء كريم وليلى وسيزار ومجود (طبعا بتعرفو الفرق بين الامين والمشرف أوالمنسق؟) وكمان المشرفين المتقاعدين (مالون اقسام وصلاحيات وسلطات) وكمان ياس لانو مستلم الاشراف من ايام بسيطة وطبعا مش منطقي او عادل يكون بالتصويت فيكون تكتبو ارائكون عن اي حد منون وفق الشروط سالفة الذكر عن الاحترام وعدم الشخصنة وعدم التجريح والاهانات الى اخره . |
الموضوع حلوا كتير .... وحركة أحلى من حبيبنا محمد ....بس يا ريت تكون الرسالة بعد ما الموضوع يشتغل توصل للبعض من المشرفين و المشرفات الأحياء منهم و الأموات
أنا من ناحيتي رح صوت و بأعلى صوتي...........و هي بتعرف حالها تحياتي الحاج متولي على الهامش ..... ما حدا يزعل بنوب بنوب من الموضوع أيواااااااااااااااااااااا ااا:adal: |
ما عجبتني.
كلمة "غير مثالي" قليلة بحق الشخص اللي بودّي صوتلو |
اقتباس:
وانا هيك عم ئول |
اقتباس:
|
اقتباس:
بس مالطيفة كلمة الاسوأ (كبيرة هاي) بغض النظر عن الاستحقاق والجدراة . خلي الموضوع لطيف للنهاية :D بعدجين انا فكيت الغير مثالية الي 10 نقاط (10 نقاط كتير بردو ) واذا بدك تكتب رسالة لهالشخص اكتبلو وهو رح يفهما او هي رح تفهما اقتباس:
بس بلا نقطة الاسوأ الله يخليكون :D |
حتى انا يازلمة الشخص اللي بدي صوتلو كمان غير مثالي حاسا مامناسبة الو
بدنا شي اتقل اتقل بكتير .. ومع هيك المهم صار هالموضوع .. والي رجعة عليه لنحكي بالتفصيل والتفصيل الممل عن اللي ببالي :larg: |
شكلها رح تحمتا كتيييييييييييييييييييييير و الناس مستنية هيك موضوع ...:lol:.... الله يحميه من الحذف :o
|
اقتباس:
ما تختلفو هون وبعدين انتا ليش نمت امبارح بكير (كنت فوت عالماسينجر واحكي متل ما بدك كنا غيرناها ) هلاء خلص الموضوع صار . وانا بقى ما معقول احكي مع 200 واحد قبل الموضوع بيكفي اللي كانو موجودين امبارح اونلاين . |
اقتباس:
والخطة البديلة رقم1 انو انزل نفس الموضوع بالبريد ورح اعرفكون كيف تشاركو بالبريد بهالموضوع او باي موضوع فيما بعد :larg: بس سكوت منشان الخطط البديلة الباقية ما يعرفوها الناس التانيين :o |
المشرف يلي بدي صوتلوا مو بس غير مثالي بل مشاكس بينزل مواضيع من عنوانها ومضمونها تجريح لطرف اخر واذا حدا حاول يلطف الجو بيسلخه زعلات وبيحطه الخروج عن الموضوع في الاقسام الجدية عدا عن حذف الردود يلي مابتجي مع موضوعه
غير انو بتجي رفيقته المشرفة بتسلخك تنبيهات تكتفوا ياولاد ولاحدا يطلع صوت يلا لشوف |
اقتباس:
شو مشكلة غير مثالي !!! خلص وعد لو صار اجماع على انو "غير مثالي " ما عبرت عن اللي بدكون اياه بوعدكون بغيرا الى مصطلح اخر نتفق عليه :D ميت وردة (انا منكم ولكم :larg:) |
تنويه: انا فقط حطيت سيريان انجيل مشان شوف النتيجه ...يعني ما مشان شي...وهيي مو مستلمه اي قسم حاليا .... يعني تصويتي يعتبر لاغي :D
|
للأسف أخطأت يا محمد باغلاق التصويت.....
سينحى الموضوع عن الموضوعية باتجاه الشخصنة...ويللي بيكره مشرف لشخصه رح يصوتلو حتى لو ما كان الافضل.... التصويت الافضل نتيجة بيكون لما العضو قادر يقول مين صوت وليش صوت.... واكبر دليل هو انو ينعاد التصويت مع امكانية اظهار الاسماء وحنشوف الاختلاف بالنتيجة.... سلفا رغم انو عدد المصوتين أربعة فالنتيجة تميل للشخصية لانها غير عادلة.... |
أنا كمان مع رأي The light
التصويت يجب أن يكون مع اظهار الأسماء منشان هيك مارح صوّت هلأ. |
اقتباس:
لكن لحد كم ساعة بس لما تابعت التصويتات السابقة الي(كانت مفتوحة) اكتشفت اني تفكيري ضد الحرية وضد العقل والمنطق . حتى سئلت ودورت شو فايدة الاقتراع السري !!! ليش اصلا اخترعو ؟!!! لاقيت انو الاعلان العالمي لحقوق الانسان سنة 1948 قال اشياء هايله اثبتت اني كنت بتفكيري القديم بخصوص الاقتراع المفتوح او العلني غلطان جدا جدا . المادة 21 بتقول انو الاقتراع لابد وان يكون "الاقتراع العام وعلى قدم المساواة بين الناخبين وبالتصويت السري أو بإجراء مكافئ من حيث ضمان حرية التصويت". وهذا معناه انو الاقتراع او التصويت لازم يكون عام ع الملأ مش خاص وأهم شيء يكون التصويت سري (مغلق يعني) وشرط السرية هو لضمان حرية التصويت وليس لشيء اخر . - والفقرة 2 من المادة 25 رجعت لتؤكد على سرية الاقتراع مرة اخرى . * مركز حقوق الإنسان التابع للأمم المتحدة خرج ب8 حقوق لاي شخص . الحق السادس هو سرية الاقتراع . اخيرا فيما يتعلق ب الاقتراع السري نصت الفقرة (ب) من المادة (25) للعهد الدولي للحقوق المدنية والسياسية على حق المواطن في أن ينتخب وينتخب في انتخابات نزيهة تجري دوريا بالاقتراع العام وعلى قدم المساواة وبالتصويت السري، تضمن التعبير الحر عن إرادة الناخبين. ولهذا يعتبر التصويت السري هو الأساس في اعتبار الانتخابات حرة و نزيهة وقد أشار مشروع المبادئ العامة بشان الحرية وعدم التمييز في الحقوق السياسية وجوب أن يكون بإمكان كل ناخب التصويت بأسلوب لا سبيل فيه إلى كشف الطريقة التي صوت أو ينوي التصويت بها، وان لا يرغم على الكشف عن حيثيات ذلك وان يحاول أحد الحصول من أي ناخب ، بشكل مباشر أو غير مباشر على أي معلومات عن عملية تصويته. وهذا يتطلب العديد من الإجراءات الفنية والإدارية لضمان الحفاظ على سرية الاقتراع وحماية صوت الناخب من التأثير المباشر أو غير المباشر للإفصاح عن طريقة تصويته. انتهى التوضيح (هاي افضل طريقة للتعبير عن الراي عن طريق التصويت ) وبكل حال من الاحوال الشخصنة سهل جدا تكون موجودة لو التصويت مفتوح (وكانت موجودة في تصويتات سابقة) كون التصويت سري او علني فهاد مارح يمنع الشخصنة عالاطلاق .بس التصويت السري اكبر ضمان لتحقيق الحرية والنزاهة . |
اقتباس:
هلاء مافي حد بيعرف مين اختار مين وهون الجمال مامهم (س،ص ،ع) من اسماء المشرفين ومامهم (أ ، ب، ج) من الاعضاء ، هاي هي الحرية والنزاهة كلو واحد ومافي اعتبارات شخصية لحد على حساب حد . اقتباس:
شو رئيك تصوت بالتصويت وتختار حدى وتكتب كتابي بالموضوع مين اخترت (هاد بيحقق الشيء يللي طلبتو انتا ) اظهار الاسماء . |
حلو هالموضوع من يوم يومنا تعودنا ع المدح المفروض هيدي هيي الديمقراتوس مشان العدل و العدالة
بقى صوتت انا الشخصية اللي صوتللا بتكهربني و نتيجة لافعالا و اسلوبا صارت ما بتهمني بس هيك |
أنا حاولت وصللك فكرة بس الظاهر ما وصلت... بكل الأحوال
اسمع وجهه نظري. يعني كانت "طبعاً وجهة نظري أنا لحالي" أحلى لو كان الموضوع "عرض أسماء الأخوة المشرفين تحت عنوان شغلات بحبها فيك/ي و شغلات ما بحبها فيك/ي . طبعا من كل النواحي و اولها الطرق المتبعة في الاشراف . هيك مارح يكون لا حساسيه و لا Allergy :lol:. كمان العضو رح يحاول قدر الامكان توصيل رأيه بالمشرفين بطريقه مزوقه و لبقه.. كمان هون رح يكون تفاعل من قبل المشرفين و تأثر...يعني الغلطان رح يحاول التصليح و الكويس رح يعلى رصيدو محبة و تقدير. بسيطه سلسه:lol:. هيك تنافس أخوي. أما مين المشرف الغير مثالي.؟ محمد نحن بشر و بنتأثر بالكلام حتى اذا كان مجرد للكلام... بعدين يا أخي كلنا عم نتعلم من مدرسه الحياة. رأيي الشخصي "المثالية" شوي صعبه بس الاجتهاد هو الطريق القويم . هاد مجرّد رأي خاص فيني . |
اقتباس:
|
اقتباس:
بس بليز خليك بصلب الموضوع انت انتقدت شغلة التصويت السري وأنا جيبت مواد الاعلان العالمي لحقوق الانسان بخصوص هالجزئية يعني ماناقشتك من وجهة نظري انا لحتى تناقشني بوجهة نظرك انت . هاد الموضوع هيك ورح يضل هيك :D نسيت خبرك بليز لاتناقش بخارج فكرة الموضوع (منشان بعصب من هالامور بهالنوعية من المواضيع) لانو بتشتت الموضوع وانا وقت الموضوع بتشتت فكري بتشتت ولما فكري بتشتت حكيي بتشتت وانتا مابيرضيك هاد يحصل الي مو؟:D so خليك بصلب الموضوع وما تحرف مسار الموضوع :D |
هلأ في اللي صوت لمشرف معين يقول ليش صوت ضد هالمشرف ..
يعني انو من ناحية النقد مافي لاتجريح ولا شي .. وياريت هالموضوع يكون معمول مشان كلو احد يحكي اللي بقلبو وبادب .. يعني احسن ماتصير احقاد ويشتغل الخاص بين العضو والمشرف والمشاكل تكبر خلينا هون ع بساط احمدي .. وهالمشرف اللي اتصوت ضدو يعرف انو هو كتير من افعالو غلط .. واللي مابدو يقول لمين صوت كمان حرية شخصية وياريت الكل يصوت الكل الكل يعني هي الموضوع انحط واجا بوقتو كل واحد يحكي اللي عندو لانو بكل موضوع عبصير حكي ع المشرفين وتلطيش وغمز ولمز .. وبمواضيع ممنوع فيا هالشي وعبتنحزف هالردود وبتطير.. هون فينا نحكي وبصراحة وباحترام وادب .. |
عفوا محمد...أنا بدي أرجع للبداية واسأل.. شو الهدف من الموضوع؟؟ اذا كان بهدف التسلية..فالنقد لا مكان له..والشخصنة لا بأس بها (وانا مقتنع انو مو هاد هدف محمد ابراهيم من نشره هالموضوع ولو أنو العديد شاركوا بهدف التسالي) اذا كان هدف الموضوع هو ارسال رسالة مجهولة المرسل..مضمونها تنبيه المشرف السيء على رأي الجماعة..فراح أقبل انو التصويت يضل سري..ولو أن قبولي هو على مضض..كوني مقتنع أنو (الجمل ما بيشوف حدبته)..كون كل مشرف..متل أي عضو..مقتنع دائنا انه على صواب.. اذا كان الهدف من الموضوع هو نقد المشرفين..فاغلاق التصويت غير مفيد بالاضافة لعدم تبيان دافع كل مصوت.. ختاما..معرفتي بقصص الاعضاء والمشرفين..خلتني اقرأ النتائج حتى الأن كالتالي..80 بالمية من المشاركين صوت للمشرف يللي خالفه او حذفله موضوع.. وكل شخص صوت..بيعرف انو كلامي صح...ويراجع نفسه..ولكل شخص ماصوت..هذه دعوة ليكون موضوعي مو لياخد الموضوع ك(فشة خلق الاعضاء بالمشرفين) ع الهامش* أنا كمان صوتت... :D |
احلى شي بالموضوع إنو "المتقدمين " هون ..تقريبا نفس المتقدمين بموضوع "المشرف المفضل"
يعني ممكن جدا يطلع المشرف الافضل هو المشرف الغير مثالي .. ممكن .. بس كيف الله أعلم :lol: |
اقتباس:
يعني انا من جهتي لما صوتت ضد اللي ببالي .. ماخطرت ع بالي بالمرة ولا تزكرتا مع انو هو عاطيني مخالفتين من قبل مو وحدة .. بس هلأ لتزكرت هالشغلة وبظن اغلب الناس ماعبتصوت ع هالاساس .. ومتل ماعبيختارو الافضل مشرف لمواقف وشغلات منيحة عملا معن كمان عبيختارو الاسوأ ع شغلات سيئة وشغلات مامنيحة عملن معن ومن خلال ادائو الاشرفي |
اقتباس:
كنت بدي قول نفس الحكي  و هاد بدل أنو الموضوع ما كان موفق بتوصيل نقد بنّاء |
هلق كوني ماني فاضي اقعد اتناقش معكن ليش وما ليش
حبيت بس قول انو فقي مشرفين مشاركاتن قليلة لانو قسمن هادئ مو لانو هنن سيئين يعني قسمن ما فيو مشاكل او اشكالات متل غير اقسام و بيجوز في اعضاء هون عم يصوتوا على هالاساس او كمان عم يصوتوا ضد شي مشرف لاو صار بزماناتو شي موقف بيناتن جبيت بس نوه لهالنقطتين و بتمنى انو التصويت يكون على اساس انو شو عم يقدم المشرف لهالقسم و هل هو عادل او لاء :D |
اقتباس:
ممكن يكونو الاعضاء اللي عبصوتو هيك يكون معن انفصام شخصية مثلا |
تقريباً المشرفين المتصدرين هنّ نفسهن بالموضوعين المتباينين.؟؟
مو هيك. |
انا عمري اطول من اعماركون انتو التنين لانو خطر عبالي الفكرة (بس قلت هاد تفكير محدود وقصر نظر مني ) ولما نخلص نقاش بالموضوع وتصويت رح تعرفو ليش .
انا بدي احكي نقطة مهمة جدا جدا جدا ، هي انو في اصحاب مصلحة ومنتفعين من ورا الدفاع عن الاشراف ، ليش ياترى !!!! لانو اترشحو ضمن الكادر الاداري واللي رشحون ناس بالاشراف ولهذا في رد للجميل على حساب اي شيء اخر . ياترى بدكون اقتباسات من الحكي يللي صار بالمنتديات الادارية ولا لاء (منشان المصداقية الشغلة مانا استعراض ) بس منشان الاعضاء تقرا بعينا وتعرف الحقيقة -ياترى بعد ايام هالعالم كيف رح تتعامل مع الاعضاء لما يلاقون فعلا صارو من الطاقم !!!! بهالوقت رح يعرفو ليش العالم كان بتستقتل في الدفاع . ليش المراهنة من العالم دايما بتكون على غباء الاعضاء وانون بينسو دايما !!!! |
اقتباس:
اترك كل واحد يحكي والشاطر يللي بيضحك بالاخر مسخرة |
اقتباس:
انٌو و بعدين :sly: |
محمد أنا تقريبا بعيد عن أحداث الساعة بالمنتدى او لما بتوصللي بتوصل عن طريق التعميم.. منشان هيك
Go on buddy hope you get what do you up from your topic :D |
اقتباس:
بس اكيد مابيرضيكي اللي عميصير هاد انا راضي بحكمك (كيف بلشت بالموضوع انا !!! ) سمن على عسل واخر فل شايلين العالم على راسنا (بس لاحظي الاستفزازات :pos:) انا رايح انام وبالليل منكمل (متل مابدون رح نكمل )نقاش او خناق واللي معاه كروت يرميها |
اقتباس:
هاد اذا افترضنا انو يللي صوتو هون هن نفسهم يللي صوتو بالموضوع التاني... نو...ما معهن انفصام شخصية.....لانو مو نفسهن.... الشخصنة دايما الها دور...والاسباب معروفة.... |
انا بعرف تماما سبب طرحك لهالمواضيع .......
|
أهم شي بالنسبة الي كاحد الأعضاء أنو ما يتم تقييد حريتي أو اختلاق صعوبات أو حجج لحتالي ينحذف ردي أو موضوعي بس لأنو ما عجب المشرف .. لأنو هيك رح تخسر أخوية ميزتا أنها مثال لحرية الرأي والتفكير
|
و ع فكرة موضوعك مميز جدا ;)
تحياتي:D |
اقتباس:
شو بتعرفي يعني ؟ سبب طرحو لهالموضوع انو نحن طالبنا انا وكم واحد انو متل مانفتح موضوع لافضل مشرف .. ينفتح موضوع لأسوأ مشرف كمان يعني .. يعني مو اجتهاد شخصي منو .. بناءا ع طلب كزا واحد ;) ووفيكي تتأكدي بالموضوع التاني |
| الساعة بإيدك هلق يا سيدي 20:11 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون