|
the moment of truth هل ستكون هناك نسخة عربية
 منذ اسابيع بدات قناة ام بي سي 4 عرض برنامج لحظة الحقيقة the moment of truth البرنامج الاكثر جدلا في امريكا والذي فضح اسرار الناس ودمر حياة البعض ومن المتوقع ان يعرضو النسخة العربية فهل تعتقدون ان هناك شخص عربي قادر فضح اسراره امام العالم من اجل المال هل تعتقدون ان البرنامج سينجح بالنسخة العربية ماهو رايكم  |
اي ولو .. يعني فضحوا حالهن بالستار اكاديمي من خلال تصرفاتهن يللي اخدت لمحة مبسطة عنها..
بقى مو بعيدة يفضحو اسرارهن كرمال المصاري بعدين بيقولوا هونيك افهم منهن.. يعني رح يقولوا انو اذا هونيك عملوا هيك فـ هيك الصح!!! |
اقتباس:
والله معك حق يعني بناخد افعال واقوال الغرب وكأنها فرض ولازم نقوم فيه وإلا بنروح عالنار!!!!!!! هي سببها عدم ثقة بالنفس وشعور بالنقص كبييييييير |
بـِ اعتقادي أنَ البرنامج ناجح جداً كـَ فكرة جديدة لكن ما أستغربه مِن أؤلئكَ الرجال أو النسوة اللواتي يخفينَ أسراراً عن أزواجهنَ وَ كشفهنَ عنهم بغاية الحصول على المال فعلاً " الطمع " صفة قبيحة وَ الأقبح هوَ إفشاء تلكَ الأسرار دون مراعاة شعور الزوج أو الزوجة " المال أساس كُل شَر " سينجح هذا البرنامج بالنسخة العربية وَ سيلقى أصداءً لا مثيلَ لها لكن هل سنشاهد جرائم شرف في مُجتمعاتنا العربية بسبب ذلكَ البرنامج .؟ أم سنشاهد أناساً لا يتكلمونَ الحَقيقة مُراعاة ً لشعور ِ الآخر القريب .؟ سننتظر وَ نرى ,. رأيُك .؟! |
هاد النوع من البرامج (هالصيغة بالتحديد) دخلت على احدى قنوات التلفزيون الاسباني من فترة ست شهور أو هيك شي..
أنا ولا مرة حضرتو ... شفت منو مقاطع ببرنامج تاني بيحكي عنو بصراحة ماني مقتنع كتير انو عن جد بيروحو ناس يشرشحو بعض بهالطريقة.. بعتقد انو هدول يا أما ممثلين يا أما متفقين بين بعض يعملو هيك كرمال المصاري... هون كمان في شغلة و هيي انو بيقلولك انو هالبرنامج موجود بالغرب و بالتالي هاد منيح... أول شي هيك برامج حتى بالغرب غير محبوبة و لا عندها هالجمهور الكبير (بأوربا على الأقل.. ما بعرف بأميركا) و هالبرنامج بالذات باسبانيا بيعرضوه آخر الليل (يمكن عالوحدة و نص أو هيك شي) و حاطين اشارة منع حضوره لأقل من 18 سنة... فالمشكلة انو اذا نقلتو شي محطة عربية راح ينقلوه عالـ prime time أي الشريحة الوقتية اللي أكتر شي فيها ناس عم يتفرجو عالتلفزيون و ما رح يحطو ضوابط للمشاهدة... و يكونو مقتنعين انو عم يجيبو شي من الغرب.. مالقو غير هالأمور يجيبوها؟ ما بيجيبو أفلام عليها القيمة او برامج وثائقية أو حتى مسابقات علمية... و كمان في عامل مش ممكن ننساه و هو انو "الجمهور عايز كدا".. يعني لو ما عاملين دراسات جدوى تثبت انو هيك برنامج ممكن يتقبلوه العالم كان ما نقلوه... و بالتالي كمان فينا نحط الحق شوي عالجمهور |
برنامج مثل هادا بالنسخة العربية راح ينجح بالاستعانة باشخاص عندهم موهبة التمثيل, مثل ماعملت هالة سرحان ببرنامج روتانا.. اللي استعانت فيه ببنات الليل, مشان تنجح الحلقات.ومابظن ابدا انو الجرأة راح توصل بالعرب انو يفضحو اسرارهم.انو اعتدنا على برامج مشابهة نوعا ما لهالبروكرام مثل افتح قلبك بس مو لدرجة الفضايح.
بتمنى هيك برنامج ما يوصل بالنسخة العربية. |
عفواً اني رح شذ شوي عن الموضوع بشكل وبآخر..بس بحب احكي نقطة على شي انورد:
اقتباس:
هنّي في حقيقة الامر مش بالضرورة يكونوا فعلاً فتيات هوى .. يعني القصة تمثيلية لغاية ما حتى تلاحقت هالة على هالحلقة نتيجة اتهامات وُجِّهَت لها من قـِـبـَـل البعض |
اقتباس:
|
اقتباس:
( ما رح يصير اكتر من اللي صار واللي عم بيصير ) :D الك..واحسنتِ التعبير :D |
اقتباس:
الك احلى ماتيا:D مع سمايلي ميمو |
اقتباس:
هالنوعية من البرامج عادةً بتكون مفبركة .....و أحيان كتير بشكل مفضوح |
لكان شو رايك اذا بقلك اني هاد البنامج تم الغائه في كوبا يمكن يا دولة تانية مش متزكرة لما وحدة اعترفت انها استاجرت قاتل محترف عشان يقتل جوزها السابق بس قبل بدقائق تخلت عن الفكرة :shock: يعني اذا هذا الشي ما بخليك تقتنع انو هاد البرنامج كلو تمثيل ما بعرف شو رح يقنعكو ...................بعدين انا ما بفهم هاي الناس الي بتفضح حالها عشان المصاري والشهرة يعني عنجد مفكرين انو بغدرو يضحكو على الجمهور وغير انو في ناس اعترفوا بتاخيانة والسرقة وغير شغلات يعني اتخلة عن شرفهم عشان المصاري واذا صار في نسخة بالعربي انا اكيد مش رح تابعو لانو رح يكون شي تافه وحتى اتفه من النسة الغربية لانو هاد بس الي شاطرين فيو العرب :pos:
|
لو يعطينو مليون بس شارك .. :?.. مستحيييييل ..
وليي وأدام العيله ..:lol:.. بس انو جد شي بضحك والي بشاركو بس بدي افهم عقلهن وين :lol:.. ياريت يطبقو هالبرنامج عالسياسين العرب :sly: |
ههههههه انو حكيت كتير بهالموضوع انو ! وين رايحين ايا عرب بدن يتقبلو فكرة انو تنسال هيك اسئلة علين ؟
او بالاحرى لنحكي .. قعدنا هيك عم نحكي مرة انو شو ممكن يجيبو اسئلة .. ازا ممنوع تقرب على .. الكلام بالجنس .. وومنوع تقرب على الكلام عن ما بعرف شو .. يعني ما لح يتقبلها المشترك العربي ولا بشكل .. لزلك .. الشي الوحيد اللي خطر عبالنا اسئلة متل .. : شي مرة جبتي اكل لزوجك من السوق .. وانتي قلتيلو انو هاد طبخك! :o شي مرّة .. حطيتي حجاب لزوجك تحت الفرشة . كم مرّة شكيتي بزوجك انو عم يخونك .. وهاكزا ما بتوقع يكون اكتر .. هلا بالنسبة الي انو ما عندي مانع يطلع هيك برنامج لانو تسالي .. يعني عود واضحاك بس .. وازا طلع نسخة عربية .. عقد ما حتكون الاسئلة فيو سخيفة .. حيكون حلو البرنامج لزلك بفضلو :p :D |
اذا بصير في منو نسخه عربيه فبحب بشركن انو جرائم الشرف رح تزداااااااااااااااااااااا اااااااااد
|
انا مافهمت شلون فكرة البرنامج يعني ؟؟
انو بيعطو للواحد مصاري وبيكشف كل اسرارو قدام العالم ? |
اذا بتــقــارنــي اجــوبــة الشخــص كلــها ببــعضــها .. بيــطلــع بــرنــامج استهبال ... ع استبــياخ بــعديــن .. شــعبنا بــدفــع مشــان التــئســيم والالبنضــه .. مو بــحـاجـه .. مــو بــحــاجــه |
اقتباس:
فكرتوو انو بجيبو حدا بيسالوه كم سؤال بالكواليس .. وبكونو موصلينو بجهاز كاشف للكذب .. هلأ وقت عرض الحلقه لايف .. بينسال هالاسئله ولازم يجاوب عليها بصدق حتى يترفع ويربح اكتر .. وطبعا بكون معو 3 من ناس مقربين من الضيف \\ اخ .. زوج ام .. وهيك .. ولازم يحكي الصدق ومايكذب بالاسئله .. وصلت ؟ |
| الساعة بإيدك هلق يا سيدي 19:14 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون