|
سورية دولة فاشلة
سوريا دولة فاشلة! اطلع على المقال أدناه، الذي وصل من سورية، واعرف حجم الفشل الذريع! حتى لو لم تكن الأرقام صحيحة أو معقولة، لكن انظر إلى حجم الطاقات والقدرات المهدورة! انظر إلى حجم المهاجرين والمهجرين السوريين! اكتشف السياسات البالية! هذه الإحصائية تضم جميع الاشخاص والافراد ذوي الاصول السورية ( أبائهم او اجدادهم سوريين ) والمنصهرين، وكذلك من يحملون الجنسية السورية والذين يقيمون في سوريا الام أيضا تسلسل الدولة عدد السكان عدد السوريين النسبة الى السكان سوريا 225.000.000 21.000.000 84 % لبنان 36.000.000 800.000 13.3 % الولايات المتحدة 4350.000.000 8.000.000 2.28 % كندا 538.000.000 4.000.000 10.52 % المكسيك 6120.000.000 600.000 0.5 % كولومبيا 745.000.000 1.500.000 3.33 % فنزويلا 830.000.000 1.500.000 5 % اوروغواي 95.000.000 500.000 10 % تشيلي 1020.000.000 1.750.000 8.75 % البرازيل 11200.000.000 13.000.000 6.5 % الارجنتين 1245.000.000 6.000.000 13.3 % استراليا 1325.000.000 100.000 0.4 % الكويت 143.000.000 500.000 16.67 % السعودية 1527.000.000 700.000 2.59 % الإمارات 164.000.000 150.000 3.75 % ايطاليا 1770.000.000 100.000 0.14 % فرنسا 1870.000.000 450.000 0.64 % ألمانيا 1990.000.000 1.200.000 1.33 % بريطانيا 2070.000.000 650.000 0.71 % الصين 211.550.000.000 500.000 0.032 % اسبانيا 55.000.000 5.000.000 9 % 21.000.000 47.000.000 عدد سكان سورية المغتربون السوريون 68.000.000 الإجمالي 1. بدأت الهجرات السورية إلى شتى بقاع الأرض رسميا منذ عام 1820 م بعد الازمات الاقتصادية التي تعرضت لها بلاد الشام اثناء الحكم العثماني ، كما كان اول المهاجرين هم النصارى والدروز واتجهوا الى امريكا الجنوبية والدول العربية واستقروا هناك واندمجوا مع المجتمع المهاجر، وفي عام 1900 م (وقد شهدت بعض الازمات الاقتصادية وبداية شرارات الحروب)، هاجرت مجموعات اخرى من المسلمين والمسيحين الى امريكا الجنوبية واوروبا، واشتركوا في تكوين روابط ادبية وطبية ودراسية ومهنية مع الاخوة اللبنانيين، وبعد الحرب العالمية الاولى هاجر بعض السوريين الى المانيا والولايات المتحدة الامريكية ، واثناء الانتداب الفرنسي هاجر البعض الى فرنسا للدراسة لكنه استقر هناك ، وبعد الحرب العالمية الثانية هاجر كثيرون الى أمريكا الجنوبية واوروبا ، كما هاجر البعض الى دول الخليج بعد ظهور النفط والرفاه المعيشي ، وحديثا بعد عام 1970 م هاجر البعض الى استراليا والصين واندونيسيا. 2. يقدر عدد السوريين ( ومن له اصول سورية ) المقيمين في الدول العربية ( ما عدا سوريا ولبنان ) ما يقارب 2.750.000 سوري ، كما يقدر عدد السوريين ( ومن له اصول سورية ) المقيمين في الدول الاوروبية ما يقارب 5.000.000 سوري . 3. في أمريكا الشمالية ( كندا والولايات المتحدة ) ينقسم السوريون لقسمين : الاول : الذين تجنسوا بالجنسيات الامريكية وانصهروا في المجتمع الامريكي ، وفقدوا الهوية السورية ، وهؤلاء يقدر عددهم بـ 8.000.000 شخص ، كما يقدر عدد السوريين الذيم ما زالوا متمسكين بجنسيتهم ومحافظين على اصولهم 4.000.000 سوري 4. في امريكا الجنوبية ( والحديث هنا طويل ) يقدر عدد السوريين الفاقدين لهويتهم وجنسيتهم والذين ذابوا في المجتمع الامريكي وتجنسوا بجنسيته ( انعدموا من سوريا لكنهم م زالوا يحتفظون بولائهم لسوريا ) ما يقارب 19.000.000 فرد ، بينما الذين ما زالوا محتفظين باصولهم السورية وجنسيتهم يبلغ عددهم 11.000.000 سوري ، والسبب في هذا الاختلاف يرجع للهجرات القادمة منذ عام 1820 م ، والكثير من هؤلاء المنصهرين من المسيحيين ، وقد تمكن المنصهرون من الوصول لارفع المناصب واعلاها ، حتى ان الرئيس الارجنتيني السابق ( كارلوس منعم ) ترجع اصوله لسوريا ( جده وابوه وامه سوريون ومسلمون ) ، اما السوريون المقيمون في امريكا الجنوبية فهم من فئة التجار وأصحاب المهن الرفيعة. 5. اكبر جالية سورية في العالم تقيم في البرازيل وعددها 7.000.000 ( من غير المنصهرين ) وتعود اصولهم لمدينة حمص واللاذقية، تليها الجالية في الارجنتين والولايات المتحدة . 6. بالنسبة لاسبانيا فالسبب في العدد الهائل للمنصهرين ( عددهم 5 ملايين ) ، هو ان معظم الاسبانيين متوالدين من العرب اللذين كانوا يحكمون الاندلس ، ويقدر عدد الاسبانيين الحاملين لاصول عربية نصف عدد سكان اسبانيا ، اما السوريون فيشكلون خمس المنصهرين العرب، والسبب الرئيسي معروف وهو انحدارهم من اصول اموية هجينة ، وما زال المنصهرون في اسبانيا يفتخرون بالاصول العربية الأموية حتى يومنا هذا . 7. جميع التقارير من جميع المنظمات الدولية والحكومات العالمية ، تشير الى حسن السيرة والسلوك للمواطن السوري بشكل عام ( مع وجود بعض المخالفات طبعا ) ، وتتمتع الجاليات السورية في البلاد العربية والاوربية والامريكية بالسمعة الحسنة والسلوكيات القويمة المحترمة . 8. وضع المواطن السوري في قطر والكويت والامارات أفضل بكثير من وضع قرنائه من المصريين او اللبنانيين ، ويعد المواطن السوري الذي يعيش في دول الخليج اكثر السوريين رخاء ونعيما مقارنة بأقرانه في سوريا او بلاد الشام 9. عدد السوريين الموجودين في العالم ككل يبلغ 73.000.000 فرد ، منهم الذين فقدوا هويتهم السورية ( المنصهرين ) ويقارب 35.000.000 ، اما عدد السوريون ممن يحملون الجنسية السورية فيبلغون حوالي 38.000.000 سوري ، 21.000.000 منهم يعيشون في سوريا ، والباقين موزعين في اقطار العالم . تابع أيضا على الرابط التالي - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
اقتباس:
مو ملاحظ إنو الرقم مبالغ فيه كتير :shock: |
اي ... والمطلوب ؟!!! :?
|
حبيب انا حاطط الرابط يلي عم يقول العدد ؟؟؟امو انا صاحب الاحصائية
|
اقتباس:
|
اقتباس:
|
يعني على هالحال سوريا مابقى فيها واحد سوري
الارقام اللي حطيتها كتير كبيرة بعدين مافيها شي اذا بعض السكان هاجروا ياعمي على العمالة اللي في البحرين لو بتروحها بتفكر تابعة للهند وماحدى قال انو دولة فاشلة الفشل بيجي من نفس السكان هيك انتا بتتهم السكان مابتتهم الدولة تقبل مداخلتي |
اقتباس:
|
لك اخي نحن ما لازمنا احصائيات لحتى نعرف اذا في خطأ او فشل متل ما عم يقول المقال ... يعني الخطأ بكون واضح ومابده مين يدل عليه ... ولكن مهمتنا نحاول نصحح الخطأ مو بس نقول انه موجود ...
بعدين برأيي انه هي الاحصائيات تأثيرها السلبي اكتر بكتير من تأثيرها الايجابي ... وبتعمل يأس وطريقة لتوجيه النقد من دون حل ... فما الها داعي ... يعني هي مذمة اكتر منها محاولة للاصلاح مثلاً. |
اقتباس:
|
اقتباس:
نورت :D |
اي حلو هالاحصائية وصلتني من زمان كتير
بس بدون المقدمة طبعا:lol: يعني تبعا لظروف كتير قديمة من قبل عهد السياسات البالية والهجرة عم تم وانتو طبعا لازم تعرفو انو هالاحصائية بتضم الناس يلي مهاجرين من قرون وهلق بينقال عنون برازيليين (مثلا) من اصوووووووووول سورية حلو السوريين متداخلين في شتى بقاع العالم وهاد دليل على انو شعب حيوي وبيتاقلم مع الشعوب الاخرى وبيندمج فيا وما بينسى اصلو السوري والدليل انو يلي اصلون سوري حتى لو كان بعيد نزلو بالاحصائية هي سوريا وهيدا الشعب السوري دليل حي على الحيوية والتعايش بس انو فشل ذ ريع بشو؟ باستقدام هي الناس على سوريا؟! يعني مابعرف اذا واحد مهاجر من سنة الف وعشرمية وخشبة من جراء سياسيات النظام البالي وولادو صارو مجنسين بالبلد يلي هنن فيه وطبعا ولالاد ولالالااااااااااااااااااا اااد ولادو عايشين هنيك يعني كيف بدنا نرجعون هدول الانسان بيلحق لقمة عيشو وبيستقر محل ما بيشوف انو الانسب الو انا شايفة انو سوريا بسياسات نظاما البالي وبكل العلل يلي فيا الانسب الي وغيري طبعا بشوف انو جزر المالديف احسن بكتير الشغلة اختلاف ازواق ومصالح :D |
اقتباس:
|
انا بتفق معك بنفسجية كلامك عين العقل
هلا ناس صار الون الاف السنين مهاجرين هلا في زمن الجاهلية كم واحد هاجر من سوريا و بزمانه ماكانت اسمه سوريا وماكانت دولة ياعمي العالم عم يتغير والناس بتنبش بالماضي المفروض تفكرو بالمستقبل زكيف بدا سوريا تكون احسن من قبل ومثل ماقلت من شوي السكان هني اللي بيكبرو الدولة وبيصغروها دخلك بجد سؤال لو بيرجعو كل المهاجرين الى سوريا وين راح يسكنو ؟! |
شكراع حبك لوطنك وع فهمك العميق للواقع والظروف التي تحيط بسوريا.مع الأسف أنت لافهمان شي ولابتعرف شوكاتب.تنفرض هالمقاله كاتبها واحد يهودي..بتصدقها؟
كل دول العالم نازله تجريح وضغط عسوريا وعم يحاولوا يستغلو أي شي حتى يحولوه ضدسوريا.وقمةالعار والخذي شوف واحدسوري بيستغل مقاله مغرضه لتشويه صورة بلدو وسياسة بلدو يلي لحد الأن وهي دولة عروبه وصمود وتحدي ونحنابسوريا شعب صامد شعب تحدي ومامنركع إلا للعلي القدير.وبالنسبه لهجرة السوريين نحناشعب بيزرع الكون بالعلم والمعرفه واقتحام المجهول ونحنا بوجودنا بدول العالم المختلفه عم نعطي دفع لوجود سوريا كدوله قويه ومستقله.وموسوريا الفاشله الناس يلي بتقتنع بهالأرقام أوبتحاول تصدق هالحكي لو لثانيه وحده هدول الفاشلين.عيب والله عيب.بربك أنت عايش بسورياولا مغترب؟.ههههه <حماك الله يا أسد سلمت ويسلم البلد> |
مم هلق الاحصائية اللي بعرفا هي 35 مليون سوري مغترب من شي 4 سنين وممكن صارو 38 مليون هلق ..
و اكيد هادا دليل على صعوبة الحياة بسورية .. طبعا مو بس السبب الادارة والتقلبات على مدى 100 سنة .. كمان في سبب اساسي انو سوريا بلد فقير .. و مانو غني حتى يقدر يعيش كل السوريين . بالاضافة انو الهجرة امر طبيعي و الكل بيبحث عن الافضل و اللي بتصرلو فرصة لا يقصر .. شكرا للمقال و لجهدك .. |
اقتباس:
|
يعني شيت انو فاشلة ما اختلفنا بس شيت هالحكي الجايبو كأنو مبهور زيادة ابو شريك:shock:
|
| الساعة بإيدك هلق يا سيدي 13:49 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون