|
الديمقراطية عند الغرب! قال وبنادوا بحرية التعبير
 |
طيب انت بتعرفي شو صاير بهالصورة؟؟؟
يعني عندك دليل بأكد انو هيي مو عاملة شي |
اقتباس:
لباسها مبين محتشم بعدين شو ما كانت عاملة مابصير يقتحموا حرية حياتها بوضع الحجاب وهنن هيك بكونوا عم يمارسوا قمة الديكتاتورية يلي قال عم يكافحوها:cry: |
حضارة زائفة
المصيبة مو بس بالغرب .. المصيبة بالعربان يلي بصدقوهم وطابسين فيهم وعابدينهم بدال الله ..
|
حبيتي وايت روز تسلم ايديكي عالصورة
سب الرسول حرية تعبير الحجاب تعدي عالاخرين !!! هي سياية الكيل بمكيالين وهي الصورة شي بسيط قدام صور بتشيب شعر الراس !!! يا الهي مالنا غيرك MUHAMMED WE NEED YOUR TENDER HAND |
لما بيسبو الرسول ومنرد عليهن بانو بيحقلهن يعبرو بطريقة محترمة بيقولو العرب متخلفين وما عندهن قيمة لحرية التعبير !!
مع انه جرحونا لكن لما بنت بتلبس الحجاب الي ما بتوقع انو بيجرح مشاعر الاخرين بيعتبروها عمتتعدى عالحرية والمشكلة اننا "العرب" منصدق ومنسكت !!! |
للشاعر الكبير احمد مطر...قلة ادب
قلة أدب :jakoush:
قرأت في القرآن : " تبت يدا أبي لهب " ، : فأعلنت وسائل الإذعان " إن السكوت من ذهب " أحببت فقري، لم أزل أتلو : "وتب " ، " ما أغنى عنه ماله وما كسب " فصودرت حنجرتي بجرم قلة الأدب ، وصودر القرآن، لأنه حرضني على الشغب ...!!!!! :jakoush: احمد مطر ارجو انكن تورجوني ارائكن وارجو الدعاء لاحمد مطر بالشفاء :cry: |
اقتباس:
لنفرض انها عاملة شي ليش ليخلعولها حجابها يعني ما بيقدروا يعتقلوها الا ليخلعوا حجابها ؟؟؟!!! مع انو هي البنت مو عاملة شي لانو هيي وكتااااااااااااااار غيرها عم يتعرضو لهالشي لمجرد ارتدائهن للحجاب ... هي هيي الديمقراطية شو بدك بالحكي |
الجامعات التركية ترفض متفوقة بسبب الحجاب
وهي ما بتوقع انها عاملة شي عملة لانو قصة هالبنت المسلمة واضحة مع زكر المصدر :سوريا:
 رفضت إدارة قيد وقبول أوراق التقديم للجامعات التركية قبول أوراق طالبة تركية حصلت على المرتبة الخامسة على مستوى تركيا بين الطلاب الناجحين في امتحان القبول بالجامعات التركية بسبب ارتدائها الحجاب،(ليكو هالزنب ) وذلك بحسب جريدة "وقت" التركية في عددها الصادر الجمعة 15-8-2003. وقالت الجريدة التركية إن الطالبة "عائشة أرجون" التي نجحت في امتحان القبول من خلال نظام التعليم المفتوح لثانويات الأئمة والخطباء بمحافظة قونيا التركية، والتي كانت قد فصلت من قبل أيضا من "ثانوية الأئمة والخطباء المركزية" بمحافظة قونيا لنفس السبب، حصلت على 288 درجة من مجمل 300 درجة (اسم الله عليكي حبيبتي :hart: ) ووفقا لـ"وقت" أيضا، رفضت كليات الطب والهندسة بجامعات تركية، مثل بوغازجي بإستانبول وبيلكنت بأنقرة، قيد وقبول أوراق الطالبة المذكورة بسبب حجابها، ونقلت الصحيفة عن الطالبة قولها: "أملي وترجيحي الشخصي هو دراسة الطب، وأنا لا أفضل دراسات أخرى لا تتوافق مع ميولي"، كما أعربت عن رغبتها في القيد بكلية طب جامعة قونيا حيث مقر إقامة عائلتها. !!!!!!!!!! انو شو هالديمقراطية ...؟؟؟ الله يطعمنا متل ما طعمهن هالديمقراطية MUHAMMED WE NEED YOUR TENDER HAND :hart: :hart: |
وع فكرة في كتييييييييييييييييير قصص عندي ازا حابين بجيبهن بس هلق خلونا وحدة وحدة ...
تحياتي |
المشكله ان الديموقراطيه اصبحت حجه الغرب للاستيلاء على الشرق
|
اقتباس:
فلا يثورون ولا يشكون ولا يموتون ولا يحيون يسقط كل شئ الشمس والقمر والنجوم والوديان والعدل ...و الانسان |
ان الناس هم من يصنعون المدن .
فبأيدينا نصنع مدنا ونشيدها لتكون صرحا للحريه والديموقراطيه. وانا عن نفسي احاول تشييد مدينتي بيدي . |
المزيد من القمع للمسلمات المتحجبات ...عفوا الحرية
1 ملف مرفق .
لك يا هيك الحرية يا بلا
|
الله يخرب بيتهم وبيت حريه رايهم لا وفيه مين يدافع عنهم
والله زمان بلوة بالنسبه للمشرفين لاتشيلو مشاركتى يعنى ما تقلت العيار حكيت بصبر كتير :aah: |
اقتباس:
هاد مو معناته شي مرة بالزمانات وحدة هون باميركا لابسهة اسود من فوق لتحت مغطاي كلشي حتى عيونها دخلت مع بنتها على محل تياب وبس طلعت زمر الباب قام سألوها شو في معك يعني شو سارقة قام بلشت تضرب بنتها قال ولي شو سارقة بهدلتينها ومن هالحكي قام طلعو البنت من تحت الباب ما زمر خلو المرا تمرق من تحت الباب بلش يزمر وبلشت اتشيل التياب اللي مخبايتهون تحت تيابها يمكن لو اخدين صورة لهديك المرا وحواليها رجال الشرطة كنتي بلشتي تقولي انو شو هاد ما بصير هيك لانها متحجبة بس بالحقيقة لان هيي حرامية مشان هيك محاوطينها انت ما بتعرفي شو اللي صاير بالصورة وليش هيك عاملين معها |
هلق عندي رد بسيط
أنا مابعرف أعماركون منيح ( وايت روز و السورية المشتاقة) بس في حادثة أسئلوا أهلكون عنها وقت كان اللص الكبير رفعت الأسد بسوريا كان وقتها بعز جبروته و طغيانه كانت سريا الدفاع تنزل على الشارع وتشلح النسوان حجابها بالقوة وغص من على راس الكبير والصغير بحجة الخوف من هجمات أنتحارية لعصابة الأخوان المسلمين وطبعا هاد الكلام موصحيح 100 % السبب كان طائفي بحت و تعبير عن شدة الحقد الدفين من طائفة في سوريا كانت مظلومة ونكل بها (طبعا الكلام لا يشمل الكل) المهم ليش الناس وقتها ما فتحت تمها بحرف وما قالت شي و أنا بتزكر حادثة حصلت قدامي وقت يلي كنت صغير أنا وكانت أمي معي على باب سوق الحمدية كان في بنتين لبسين لباس عسكري موه وكانوا عم يشلحوا النسوان الحجاب تبعهون ويلي ما بترضى تشلح الحجاب كانوا يسبوها أبشع مسبات من تحت الزنار ويشلحوها ياه غص من عنها بحجة أنو هيك الأوامر المهم هي الشغلة قديمة وصفحة سوداء من تاريخ سوريا وياريت تنطوي عند سؤال لوايت روز و السورية المشتاقة ليش لما صارت هل الشغلة عندنا بسوريا ما حدى سترجى يرفع صوته ولما عم تصير بالغرب الكل بفتح حلقوا متل البورظان وبيصر يهاجم الغرب ويلعن الغرب ويقول عنوا أنو ديكتاتوري هلق بنسبة إلي أنا ضدد المس برموز الثقافات و الديانات بشكل فج متل مو واضح بصورة بس بنفس الوقت بتفهم الغربين ليش عم يعملوا هيك حقهون هي البلاد بلادهون وهني بيحطوا القوانين يلي بيلاقوها مناسبة لهم ويلي مو عاجبوا يوجيهون عرض كتافوا الحجاب وكل الرموز الدينية ممنوعة بالأماكن الرسمية بأوربا شغلة مو كيماء هني هيك عجبكون مشو معهون ما عجبكون ورجوهون عرض كتافكون ودمتم |
مشان ما حدى يسأل السؤال البديهي السخيف أنو لوكانت أختك أو أمك أو مرتك أو حبيبت قلبك مكنا هي البنت يلي شالوا الحجاب عن راسها شو لح تساوي
لح قلهون الرد بسيط إذا ما قدرت أتقبل هل الشغلة أو ما حسنت أمنعها لح أرجع على بلدي بلدي بمارس كل الطقوص الدينية بدون أزعاج ودمتم |
| الساعة بإيدك هلق يا سيدي 00:57 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون