30 يوم كمسلم (30 days as muslim)
وثائقي بعنوان (30 يوم كمسـلم) من سلسلة (30 يوم)
Morgan Spurlock الكثيرون يعرفونه من فيلم (Super Size Me), حيث قام بإجراء فحوصات شاملة ثم ودع خطيبته النباتية وعاش لمدة 30 يوم على McDonalds.ثم قام بإجراء فحوصات مرة أخرى ليرى نتيجة ال مكدونالدز على جسده فيلم 30 يوم كمسلم, مرشح للأوسكار كأفضل فيلم وثائقي لهذا العام.... أحد أقرباء مورجان (دايفـد) وهو مسيحي متدين , أي يواظب على حضور صلاة وقداس الأحد في الكنيسة ويمارس الطقوس المسيحية, متزوج ولديه طفل... كأغلب الأمريكين لا يعرف الكثير عن الإسلام, وبعد أحداث الحادي عشر من سبتمبر صارت.. الخوف والإرهاب والعنصرية والقنابل البشرية , كلمات مرتبطة بالإسلام! مورجان يطلب من قريبه التخلي عن حياته والعيش لمدة 30 يوما كمسلم؟؟؟!!! ليتعرف على الإسلام أكثر ! أول مايفعله هو إرتداء جلباب ومن ثم السفر ليلتقي بعائلة أمريكية مسلمة سيعيش معها فترة التجربة. في المطار نظرات الناس إليه ملؤها الشك والريبة والحذر... وطبعا يقوم رجال الأمن في المطار بتفتيشه بشكل دقيق,ما رايكم؟؟؟ يلتقي بعد رحلة غير سارة بالعائلة وهي من أصل باكستاني الزوج طبيب والزوجة طالبة تدرس المحاماة.... حياتهم في أمريكا كانت عادية حتى الحادي عشر إياه, الزوجة كانت أكثر من يعاني بسبب زيها الإسلامي (الحجاب).... يزور المسجد يتعلم الصلاة حسب الطقوس الإسلامية ويتعرف على الإسلام وعلاقته بالإديان الإبراهيمية الأخرى (اليهودية والمسيحية)........ لا أريد ان أطيل ولكن الفيلم يحمل الكثير من المفاجآت للجميع عربا ومسلمين وأمريكين... الفيلم قام برفعه الصديق [Shah Jahan](شاه جهان) على رابط مباشر حجم الفيلم حوالي 150 ميجا فقط بجودة DivX Format: AVI Length: 150 MiB for 45mn 44s 976ms Video #0: Intel H.264 at 391 Kbps Aspect: 512 x 384 (1.333) at 23.976 fps Audio #0: MPEG-2 Audio layer 3 at 48 Kbps Infos: 2 channels, 24 KHz صور من الفيلم: رابط التحميل: - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - الفيلم سيظل على السيرفر لفترة محدودة, لذا أرجو تحميله بأسرع وقت وأمانة كل من يرغب في نقل الموضوع إلى منتدى آخر ,ذكر اسم كاتب الموضوع واسم المنتدى وشكرا اخوكم سامي أبوالعـلا Samy Abul-Ela |
ممكن تشرح لي كيف زبطت معك صفة " وثائقي " للفيلم ؟!؟!
بكل الأحوال انا نزلت الفيلم ولي عودة للموضوع :D |
شكرا على الفيلم
الذي قام بتوثيق 30 يوم عاشهم مواطن امريكي مسيحي الدين في منزل رجل مسلم تسجيل متابعه بعد المشاهدة |
اول شي بعتذر من صاحب الموضوع عن الرد الأول لأني دخلت بالحيطان وقت شفت وثائقي واوسكارومدري شو
كون حجم الفيديو كتير كبير بالنسبة لخطوطنا الرهيبة اللي بأحسن احوالها بكون الداون لود فيها 5 كيلو بالثانية قررت اني نزل الفيديو واعمل متل ملخص عن الحلقات وادعم الملخص بالصور بمحاولة نستعيض عن الفيديو مشان بقية الأعضاء . الفيديو اللي محطوط فوق هوي منقول من قناة dbb الأميركية للمحطة احد برامجها واللي بسمى 30 يوم 30 days تقديم Morgan Spurlock اختيارهم بالحلقة هي كان حول الاسلام والمسلمين والشخص اللي اختاروه هو مسيحي من فيرجينيا بالبداية بقدموا متل لمحة بسيطة عن الاسلام كيف ان الشعب الأميركي كان سابقا ما بيمتلك اي صورة عن الاسلام وما كان حدا بيوعى على ناس اسمهم مسلمين كانت افكارهم بتنحصر بانهم فئة من الناس بتعيش بالصحراء بتهوى الرقص وتربي الأفاعي الا انه في القرن الواحد والعشرين وأصبحت الصورة مختلفة جدا وتحولت إلى هذا الشكل تم استبدالها بطائرات 11 ايلول بعد المقدمة بيطلع المذيع حتى يبدا برنامجه بحلقة المسلمين في اميركا وبقول : بسب احداث 11 ايلول بدئنا نسمع بكلمة اسلام الاسلام هو الدين الثاني انتشارا حاليا في العالم و 1.5 مليار في العالم بعدد 6 مليون في اميركا من هم هؤلاء ؟! ما هي تعاليمهم ؟! بكمل المذيع وبقول بدنا ننتقل إلى ميتشيغان حتى نعيش نعمل نأكل وننام مثل المسلمين بيعرضوا اجزء من احداث 11 ايلول الشخصية اللي اختاروها اسمه دايفيد ستايسي من شارلسترون اللي بتقع في غرب فيرجينيا دايف اب لفتاة متزوج عمره 33 سنة مسيحي ممارس لمسيحيته " تعبير غبي بس هاد اللي عبيخطر على بالي :lol:" قبل ما يتم ارسال ديفيد بالمهمة جلس مع المذيع وسأله وقت بقول لك كلمة مسلم او اسلام شو اللي بتتخيله !؟ الجواب : بتخيل امرأة متحجبة تضع غطاء على وجهها ستار رجل مسلح يحمل ( ما قدرت افهم شقد رقم السلاح:lol: بس هي صورته ) وبركز المذيع على فكرة انه مسيحي يمارس مسيحيته وبيعطيه مجموعة من القواعد اللي لازم يلتزم فيها كونها خاضع لتجربة البرنامج القاعدة الأولى انه بده يعيش مع عائلة مسلمة وبدك تشاركهم عاداتهم وتقاليدهم القاعدة الثانية بدك تدرس القرآن القاعدة الثالثة بدك تظهر بشكل انسان مسلم وبيعطيه كيس فيه عباية :lol: " عبضحك لأن صاحبنا بينصدم وقت بشوف العبائة وبيمسكها " ساميلي عبيضحك " بينزل عند زوجته بتقول له ما عرفتك !!!!!! وكأنك مانك انت !!! بودع ديفيد زوجته وبينطلق برحلته اللي بدها تستمر 30 يوم بيوصف تجربته بالمطار بانها غريبة جدا وبقول من المذهل كيف ان الملابس بتغير نظرة العالم إلى الشخص عند اول نقطة تفتيح بوقفوه وبيطلبوا منه خلع حذائه للتفتيش بعدها عملوا متل استطلاع رأي بالشارع الأميركي منشوف المذيع عبوقف مع عدة من الأمريكيين من شتى الأعمار بيسالهم شو بيعني لك كلمة اسلام بجي السؤال ( الارهاب ) وبجزء تاني بقول لهم شو هوي الارهاب بيجي الجواب( الاسلام ) وفي اجوبة كانت غريبة فمثلا الاسلام جاوب احد الأشخاص ( ايران) الاسلام جاوبت احدى السيدات ( الرعب) !!!! وبقول المذيع بالرغم من ان المسلمين ينتشرون بأميركا بشكل ملاحظ إلا ان العيدد من الامريكيين لا يعلمون شيء عن الاسلام ديفيد ليس مستثنى من هذه المعلومة بينتقل دايفيد إلى احدى الجوامع حتى يلتقي الرجل اللي بده يستضيفه عنده بالبيت لمدة 30 يوم وبكون الرجل بلحظتها عبصلي بيلتقي بالشخص اللي بده يستضيفه وزوجته المضيف وزوجته اميركيان مسلمين من اصل باكستاني طبيب وزوجته تدرس المحاماة بحطوا له لقمة اكل وهنن عبياكلوا بيحكوا له عن معاناتهم بأميركا وعلى التمييز اللي عبعانوا منه خصوصا بعد احداث 11 سبتمبر وكيف ان الزوجة بسبب ارتدائها الحجاب عبتتعرض للتميز بالمجتمع بالوقت اللي ما بتعاني منه الامرأة المسيحية او اليهودية , بعد العشاء بيسلتم ديفيد نسخته من القرآن اللي بده يدرسها بحسب الشرط الثاني للبرنامج بينتقلوا لتعريف المشاهد شو هو الاسلام وشو هو مرتكزاته بقولوا في 5 اعمدة بيرتكز عليها الاسلام الأولى عبادة الله الواحد الثانية الزكاة الثالثة الامتناع عن بعض الماكولات الرابعة السفر إلى مكة لأداء الحج الخامسة اداء الصلوات خمس مرات في اليوم وهيك بينتهى اليوم الاول من ال 30 يوم اكمّل ولا بتفضلوا تنزلوا الفيلم :lol: |
اقتباس:
صعبة تنزيلة الفيلم هلأ |
رؤيا شخصية من جهة وتوضيح من جهة اخرى
كون الموضوع قامت الدنيا فيه امبارح وخوفا من اعادة تكرار نفس الأحداث اللي حصلت حسيت انه لازم احط توضيح للشي اللي صار او بالاصح للشي اللي انا عملته بداية اول ما قريت اسم الموضوع توقعته انه متله متل امثاله الكثر اللي بيحكوا عن اشخاص مسيحيين بعد ما كانوا مؤمنين بدينهم تركوا المسيحية وانتقلوا إلى الإسلام الشي اللي خلاني احط موضوع بالبريد استفسرت فيه عن شو موقف الأخوية من الافلام الدينية الوثائقية كان الرد من جانب المشرفين والمنسيقين كتير مقنع بوجهة نظري وحسيت انه معهم حق 100 % وبالتحديد سامر قال لي ما منقدر نحكم على الفيلم لحتى نشوفه وباعتبار الخطوط سيئة حاليا ما منقدر نشوفه بدنا ننتظر حدا يشوفه ويحط رد حتى نعرف شو هوي . قمت انا نزلت من بيتي وفتت على كافيه انترنت نزلت الفيلم وحضرته بالبيت تبين اني كنت على غلط والفيلم ابعد مما تصورته بكتير لا بل عجبني لأبعد الحدود . يمكن كوني مسيحي تختلفوا معي عن الشي اللي عجبني . كمسلمين بالتاكيد بتشجعوا الافلام اللي بتشابه الفيلم هاد كونها بشكل او بآخر بعرف عنكم بشكل افضل . اما انا فاعجبت جدا بالفيلم كونه أميركي اولاً ولو كان عربي يمكن ما كنت كتير اهتميت فيه بس كونه اميركي كتير احترمته لأني شفت فيه انه بينقل صورة كتير حلوة . كون الفيلم اميركي وموجه بشكل خاص للمجتمع الأميركي كان بالنسبة الي شي كتير عظيم انه يصير بين ايدينا لأن بوضح لنا كيف انه الشعب الأميركي عنده صورة عن المسلمين تشكلت بشكل او بآخر ومع هاد الشي نشوف الأعلام الأميركي قام بالبحث وبالاتصالات وحب ينقل صورة جديدة للشعب الاميركي كيف انه الاسلام بعكس الشي اللي متخيله الشعب الأميركي بمعنى آخر حاول انه يحسن من صورة الاسلام عند المجتمع . الشي اللي عجبني برجع بقول هو حيادية البرنامج اللي منشوف ما اتخذ اي موقف متطرف تجاه عرض الحلقة لا بل بالعكس أظهر الاسلام على انه دين سماوي ودين محب وانحاز لجانبه بعدة مواقف والمشاهد لا بل حتى في بعض المشاهد منشوف كيف ان المخرج حاول تمرير بعض الصور والشعارات اللي بتتنافى مع الواقع لكنها بتدعم فكرة الـبرنامج متل الصورة اللي بدي احطها واللي بتقول " بارك الله أميركا " وصراحة ما بعتقد في مسلم على الأرض بردد هي الجملة ومع هاد الشي حاول البرنامج تمرير العديد من الصور المماثلة واللي تعد متل " مسجات مخفية " للمشاهد الأميركي . واللي عجبني اكتر هوي اختيار احد المؤمنين المسيحيين وكيف انه ما كان عنده مشكلة انه يفوت على بيت مسلم ويعيش معه ويقرا بالقرآن ويسمع تعاليمهم ويصلي متلهم بالرغم من الفكرة المتكونة عنده عن الجماعة اللي بدهم يستضيفوه متل ما شفنا انها قال بيتخيل الرجال المسلمين حاملين أسلحة . من كتراعجابي بالحلقة وطريقة تقديمها حبيت انا كمان اقتدي فيهن واعمل متلهم اني اشيل كل الأفكار اللي عندي على المسلمين ولاسلام المتكونة براسي بطريقة او بأخرى " اكيد مانها موضع نقاشنا هلق " والتزم الحياد لا بل اكتر من هيك اني ابذل بعض الجهد لمساعدة الأخوة اللي حابين يطلعوا على الفيلم سواء كانوا مسحيين حتى ما يوقعوا بالفخ اللي انا وقعت فيه او من المسلمين حتى يعرفوا شو هو موضوع الفيلم وطريقة عرضه . الحكي هاد اللي كتبته كنت ناوي اكتبه بالنهاية بعد ما انتهي من تصوير الفيلم " تحويله إلى صور " حتى اني بديت افكر بالاسلوب المناسب وكتبت بعض الاجزاء من اللي بدي اكتبه بالنهاية اقتباس:
|
يعطيك ألف عافية جابريل ع المجهود المميز وبدك مين يقدّر.
فيلم حلو وممتع و هي تسجيل متابعة. :D |
متابع معك غابرييل .. ولح نزل الفلم وشوفو كمان .. بس يصحلي :D
يعطيك العافية :D |
البرنامج قُدم بصيغة رهيبة .. جد ..
صراحة .. عجبني كتير .. وخصصوصي الجملة اللي بيحكيها اخر شي . الاستاز اللي درسو العربي .. بقلو بمعناها .. انو انت مسيحي .. والله يقويك .. بس متل انو لو سمعت شي عن الاسلام .. لو بتحسن انك تعرفهلم ياه .. حسب ما شفتو وعرفتو .. مو حسب ما كنت مفكر متلهم وكيف عم يحكو .. صراحة يعطيك العافية .. لصاحب الموضوع .. لانو جد روعة وان شا الله يكون عكس صورة منيحة عند الامريكان عن المسلمين .. ويعطيك العافية لجابرييل على الشرح .. وناطرين البقية منشان باقي الشباب اللي ما قدرت تنزل الفلم .. :D |
اقتباس:
|
اي اي اي هادا الفلم حضرتوا ابل يومين وثائقي شيق صراحة انسجمت معه ,, يسلموا :deal: |
ألف شكر :D
|
بازن الله ان بكرا جابي ما قبل انو يكملو بحاول اني كمل .. الفلم انا ..
عفكرة طريقة جابريل ما فيا هالشي .. اللي مشددين عليو الكل جماعة .. هدو الوضع وحكيو للزلمة كان عادي .. :D |
الحمدلله على نعمة الاسلام :pos:
|
ماشاء الله وكان ... يا عيني على الاسلوب العظيم المحايد بنقل احداث الفيلم.
أما كفاءة تستحق التصفيق وخلع القبعة بروفسور ماغنوم... يا اما بتتفضل بتنقل الفيلم متل ما هوي وبدون رأيك الشخصي الي ادعيت انك انزعجت منو بتصوير جابي للفيلم .. يا اما بلالك هالفوتة من اساسها ازا ما فيك غير تنتقد شي وتجي متلو وباسلوب اوضح لسه: اقتباس:
هادا تغطية للفيلم ولا رأي شخصي ! اقتباس:
وهالاستنتاجات التاريخية من سياق الفيلم ومن قراءتك المحايدة !!! وما رح اطرق لاستنتاجاتك الأربعة بنهاية التعليق تبعك لأنها ما شخصية ومو تغطية للفيلم. يعني الي ما بدو ينزل الفيلم لازم يقرا الفيلم من الزاوية الي حضرتك شفتو منها ومن خلال نظرتك للفيلم. |
الموضوع مغلق للتعزيل :D |
رح يرجع ينفتح الموضوع الموضوع عن فيلم والنقاش حول الفيلم والردود حول الفيلم أي رد لا يناقش الفيلم .. رح يعتبر حوار جانبي وسبام .. ورجااااااااااء ً بدون تهكم وإهانات :D |
الساعة بإيدك هلق يا سيدي 04:49 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون