|
شو الحل برأيكن؟؟؟
مرحبا للكل بالاول انا حاسة حالي بين اهلي ورفقاتي واصدقائي وعشان هيك تجرأت اطرح هيك موضوع شخصي هون وهاد موضوع حقيقي وواقعي وهوي قصة عنجد بتوجع القلب اد ما فيها ظلم وتخلف معليشي سامحوني وتحملوني شوي هي قصة طويلة بس راح حاول اختصر اد مافيني :oops: هاي القصة لصديقتي او توأم روحي لينا هاي رفيقتي سورية وعايشة هون بالرياض متلي مع اهلها وطبعا انتو بتعرفو شو يعني الحياة هون وكيف المجتمع مغلق وبيخنق خنق يعني مافي مجال البنت تتعرف على شخص او تحب شخص متلها متل ايا بنت بأيا بلد تاني بتصور الكل بيعرف حجم المعاناة مافي داعي للشرح والتطويل بخاف تملو بعدين:cry: في مرة من المرات لينا تعرفت على شب سوري بمنتدى ع النت وشوي شوي تطورت العلاقة وتحولت من تعارف الى صداقة الى حب قوي وصادق وكان في اتفاق على الزواج بينها وبينو وقام هوي وحكى لاهلوانو بدو ياها فانقلبت الدنيا وجنو اهلو انو كيف بدك تتجوز بنت تعرفت عليها عن طريق النت وضلو يحاولو يبعدو ابنهم عن هاي البنت بكل الطرق المشروعة وغير المشروعة لدرجة انو اتصلو على موبايلها وحكولها حكي مو حلو وتهديدات وهيك شي وكل عيلتو حاولو يبعدوها عنو اتصلت عليها اختو وبعدين امو واخر شي حاكاها اخوه وحكالها حكي بيمس اخلاقها وشرفها وهددوها ازا مابتبعد عنو ليعملو لها مشاكل وفضايح كل هاد وهي متمسكة فيه وبتحبو وعم تتحمل حكي اهلو وضغط اهلها عليها كرمال رفضها لكل العرسان يلي عم يجوهاواهلها للينا مابيعرفو أيا شي عن هاي العلاقةا ولا الاهانات يلي عم بتتعرض الها بنتهم المهم ضلو هيك تلات سنين وهيي عم تستنى هاد الشب يقنع اهلو ويتقدم لها ويخطبها من اهلها وهوي بيحاول مع اهلو بس مافي فايدة هنن معارضين هاد الارتباط بكل قوة وصلابة . السؤال هون ويلي بيطرح نفسو هلأ مرت تلات سنين ومافي شي صارلحد هلأ وهنن بقصد الشب ولينا حاولو مرات كتير يتركو بعض ويبعدو عن بعض بس ماعم يحسنو يستغنو عن بعض ولا يعيشو بلا بعض. ومافي للشب يخطبها بلا اهلو بتعرفو العادات والتقاليد بهيك مواقف. ياترى شو الحل بهاي الحالة ولو انت او انتي كنتو مكان لينا اوهاد الشب شو رح يكون موقفكن وكيف رح تتصرفو وشو الصح والمفروض ينعمل بهاي الحالة وشو رايكن بموقف هاد الشب هل هوي صح او لا ؟؟ عنجد هاي قصة حقيقية ومو من وحي الخيال وحياة الرب وبتصور في كتيييييير متلون او بمرو بنفس المشكلة وبواجهو زات العوائق عنجد عنجد حابة كتير اعرف اراؤكم وانطباعاتكم لانو عنجد حابة اساعدها وكتير مقهورة على هيك قصة حلوة تنتهي نهاية حزينة ومأساوية بتمنى من كل قلبي ماتبخلو علينا بردودكن :D ودمتم ودامت اخوتكم .... راما |
قصه توجع القلب
بس والله مابعرف حل ....غير انو الشب لزوم يكون رجل بمعنى الكلمه ويخطب البنت وينزوجها وليش هوه خايف من اهلو ؟؟؟؟؟؟؟؟؟؟؟؟؟؟؟؟ |
خيتو
يعني ما بعرف شو بدي قلك بس انو اذا بدك تاخدي الموضوع عاطفة وجنان ومن هالحكي...بيفركوها خلصنا بس انو مو حل يعني لانو اله عواقب سيئة كتير بس لو كنت بدالو كنت هيك بعمل يمكن |
انا بقصد لو انت شب وصار معك هيك شو بتعمل؟؟
ولو انتي بنت وصار معك هيك كمان شو بتعملي؟؟ |
و الله يا اختي القصة بتوجع
بس اذا انا ماكنه ما رح اقدر اتزوجه كيف اتزوج واحد اهلة واخوه سبوني وبيكرهوني وانا لاني بحبو لازم اتركه لاني ما بدي بالاخر يعلق مع اهله بسببي انا من رايي تغصب حالها وتحاول تنساه. بس والله بجد ليش الاهالي متخلفين وشو يعني تعرف عليها بالنت هاد ما بيعني انها وحدة فلتانه.والله بجد اله يعينا على هيك عقليات.الاهل ظالمين |
هلاء اذا بحبه بعض ما لزم يتركوا بعض واذا هو رجال عنجد لزم يتجوزها ويطلع عن اهله لا انه هو يلي بدو عيش معها مو اهله او اهلها
|
يعملو متل روميو وجولييت ...........ينتحرو وخللي اهلهن يطقو من الندم والحزن
|
يخطفها ويهربو سوااااااااااااااااااااااا
اي يخطفها (طواعية طبعا) هيي رح تكون مبسوطة بهالخطفة............... والله انا محللو هيك بعمل ولجهنم الحمرا بعدين........ أكيد ما رح نموت من الجوع ومنلاقي رزقنا بمحل تاني غير السعودية عل الأقل في حب يخلينا عايشين....؟ |
اقتباس:
حلوه هاي وحياتك لو هربوا سوا رح يقتلوهم هم ههههههههههههههههههههههههه ولوماتوا متل روميووجولييت بيفرحوا وعفكره مين الي حيموت اول روميو ولجولييت |
والله برايي انو الشب غلط من الاول وماكان لازم يقول لا اهلو انو تعرف عليها علنت لانو شي اكيييييييييييد مارح يوافقو هو لازم كان يحبكها مزبوط انو شافها بالصدفة بشي محل وعجبتو واخد رقم اهلها منشان اهلو يخطبولو اياها انو كتيييير شباب بيعملو هيك ما بيقولو عن طريق النت هاد رايي مافي حل تاني اكيد ما بقبل ولا على بنت انها تهرب مع حبيبها ليتزوجو وينحطو تحت الامر الواقع الاهل لانو وقتا رح يطلع حكي طالع نازل على البنت ويشكو بشرفها وبعتقد انو لازم يكون رجال هو ويعرف يتصرف مع اهلو بدو اياها يعني بدو اياها والله انا بدالها ما بنطر كل هالسنين بنووووووووووب الف ااه ولا عيني تدمع او يصير الي يسوى والي ما يسوى يحكي على شرفي واخلاقي |
اقتباس:
|
ممممممممممممممممممممممم
يا ستي العزيزة هلأ عنجد ما بعرف شو بدي قول .. بس انو يعني متل ما قالت بنوتة حلب ما كان في داعي يقلهن من النت بالاساس طيب هلأ هادا الحكي معت يفيد بدنا حكي هلّأ .. مممممممممممم انا برأيي يستمرو مع بعض .. ويتم الشب عم يحاول يقنع اهلو .. وفي شغلات شوي جنان .. مثلا يهددن بالانتحار .. يهددن بانو بدو يسافر لعندا ويتجوزا من دون رضاتون .. وهيك شغلات .. والله يخليلي اهلي .. وانشالله ما تصير نفس القصة معي بس بالعكس .. . |
اقتباس:
بس هاد مو حل المفروض يضل يقنع اهلوا لليتزوجها يااما يتركوا بعض |
شلون بدك اياهن يتركو بعضهن؟؟؟شو هي شراكة تجارية؟؟؟هيدا اسمه حب...ومن الحب ما قتل...لك اخخخخخخخخخخخخخخخخخخخخخخخ
|
يايروحو ينتحرو
يا ناوي عليكي خطيفة لو مهما يصير:clap: |
اقتباس:
طبعا مع النظر للعواقب المستقبليه |
الحل الزمن بيحل كل شي وان ماحلها تنسى .....الواحد فينا مابيقدر يعيش لوحده معزول عن أهله وناسه ومجتمعه ...اذا الشب تزوج غصب عن أهله حيصير كتير مشاكل بين البنت وأهله حينغصوا عليهم حياتهم .......واذا البنت تزوجت غصب عن أهلها حتكون ضعيفة تاكل هوا وتسكت عن كل شي حيصير معها وما حا تلاقي حدا يدافع عنها
|
اقتباس:
طلع الحل اما انتحار او غنيه بس بربي هاد الشي المظبوط |
| الساعة بإيدك هلق يا سيدي 03:20 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون