|
أعراس العرب
الأعراس الفلسطينية طبعا لازم قاعة ... مو مهم بفندق بنادي بالشارع المهم قاعة... وطبعابيبدأ العرس بس نسوان ... وكل البنات لابسين أحمر أو دهبي وفضي .... وخمسين أم بتلف عالطاولات عم تدور على عروس لابنها... واذا مالقت لابنها عروس بالعرس بس تروح عالبيت بتحضر فيديو العرس كمان مرة ومرتين وعشرة مشان تتأكد انو ما نسيت شي بنت متخبية تحت الكرسي ما شافتها والعروس الله لا يورجيك شو عامل فيها الصالون ... شوي بتقلب مهرج ...... وفجأة بيدخل العريس وأبوه وأخواته واولاد عمه واولاد خاله وكم واحد من اصحابه الصيع ... وكلهم لابسين بدلات الشغل .وهات اللي يطلعهم لآخر العرس... ---------------------- الأعراس اللبنانية : ألف بنت وخمسين شاب .... ونص الشباب سكرانه ... والمسترة لابسه ميني سكيرت وحفر... الشباب بدل من دون ربطة .... والقميص مفتوح وسلسال ذهب .... والعروس أكتر وحدة بترقص بالعرس... العريس بيرقص مع صاحبته .... والعروس مع أخوه وإم العروس مع خاله ... والحياة حلوة ... ---------------------- الأعراس السورية : العرس صغير .على الأقل200 شخص لأنه ما لحقوا وعاملينها عالديق لا تواخزونا... وطبعا كل العرس شباب وصبايا ...وعلى كيفك الجينز .... والبنات اللي بكونوا شادين الهمة بالرقص هنن من طرف العريس .....تارة من أهله وتارة صاحباته... البوفيه عالقد .... ولازم سيارة الزفه بي ام... ومن أول العرس لآخره دبكة علوش .. ----------------------- أعراس الامارات : عرس الرجال متل العزا بالأردن بس الفرق انه في واحد لابس بشت مستعيره ..... وطبعا الكل صايم يومين مشان العشا .. عرس الحريم شبيه الحفلات التنكرية اللي منشوفها عالتلفزيون ...... وطبعا لو نزلت مطر عليهم بتصير الأرض كلها ألوان الطيف ..... ---------------------------- أعراس الأردنيين : خمسين طاولة ... كل طاولة عليها خمس رجال ... المنسف والذبيحة قدامهم..... غير الطخ الشغال على ابو جنب ... يعني ما بيهدى بالهم الا بس يدبحولن حدا ... مشان بعد العرس ما يمللوا ...... يعني بصير في عطوه او جاهه اوشي مشان ياكلولهم فيه لقمة منسف ثانية ------------------------- أعراس المصريين : بتخزي من اولها لآخرها وما بتسمع غير الزلاغيط وعأبالك يا فاروووق ، والله يخليك يا معلم ...... وكانت عم تصير إما بنادي الماء والكهرباء او النادي السياحي ... وبس لما سكروهم عزف المصريون عن الزواج ... ------------------------- أعراس السعوديين : خيمة كبييييييييييييرة او قاعه كبييييييييييييييييييييره ... فيها ألف واحد لابسين بشت .... وكل واحد شايل سيف ومفكر حاله نمر بن عدوانوبعد هيك بتبدا الحرب مع الرز والحمهوالله لا يورجيكالدم للكوع - عفوا الزيت للركب من ايميلي |
ههههههههههههههههههههه
حلوين واحلاهم العرس اردني |
انا يللي عجبني بالاكتر العرس اللبناني
تحشيش ما هيك ؟ |
احلى شي السوري ياقلبي:sosweet:
رايق وخفيف وظريف يقبرني ربو:sosweet: |
ليكي لولو هلاء صار في تقدم والاعراس الفلسطينية صايرة مختلطة والتشليح والميني شغال على ودنه لانو بيقولوا لكل شب فلسطيني بيطلع سبع صبايا .........فهمتي ليش هلاء صار مختلط؟؟؟؟؟؟؟؟؟؟؟:D
|
| الساعة بإيدك هلق يا سيدي 18:00 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون