أخوية

أخوية (http://www.akhawia.net/forum.php)
-   أخبار العلوم و التكنولوجيا (http://www.akhawia.net/forumdisplay.php?f=70)
-   -   حقيقة علمية جديدة (http://www.akhawia.net/showthread.php?t=132362)

kimo-mimo 19/12/2009 01:02

حقيقة علمية جديدة
 

القدس العربي - لندن:

أعلن علماء في وكالة الفضاء الأمريكية (ناسا) أنهم اكتشفوا مؤخراً نتيجة للأبحاث التي قاموا بها طيلة العشرين عاماً الماضية أن كل النظريات السابقة بخصوص دوران الأرض حول الشمس خاطئة وأن الأرض هي مركز الكون وبقية الكواكب والنجوم والأفلاك هي التي تدور حولها.
وجاء هذا الإعلان في مؤتمر صحفي عقدوه في مقر الوكالة وقال رئيس الفريق الباحث "توم هالاويد" أنهم توصلوا إلى أدلة تدحض كل المعلومات السابقة وتؤكد نتائجهم وشكل هذا الخبر صاعقة مدوية بين العلماء الذين تهافتوا لدراسة هذه الأدلة وشكل الرئيس الأمريكي "باراك أوباما" لجنة من كبار العلماء في الولايات المتحدة الأمريكية للتحقق من صحة ما توصل إليه العلماء في (الناسا) وكانت هذه اللجنة برئاسة العالم "روبرت رزنيك" وعضوية عشرة آخرين من ألمع العلماء في كافة الأصعدة. وكانت جامعة (فيلادلفيا) أعلنت أنها ستتوقف عن إعطاء دروس الفيزياء التي ترتبط بموضوع مركز الكون وأنها سترسل فريقاً من كبار الأساتذة ومن بينهم البروفسور "جورج كرين" لديها لمؤازرة اللجنة التي شكلها الرئيس الأمريكي.
وقد كان هذا الخبر محط اهتمام جميع الصحف ومحطات التلفزة العالمية عموماً والأمريكية خصوصاً التي خصصت صفحات عدة وبرامج لمتابعة هذا الموضوع الذي شغل بال جميع العلماء والمهتمين بعلوم الفضاء والأرض والفيزياء.

ترجمة حنا يوسف - المصدر الواشنطن بوست.

عاشق اللادقية 19/12/2009 01:17

عن جد معقوووووووول

من فترة وانا سمعان بهالحكي

رفيقي قلي كمان انو شاف البرنامج عال cnn

حلبي 19/12/2009 01:18

مشكور على الخبر أخي الكريم

بدنا الأخوى دارك نيس و ناصر يعلقو على الموضوع

mhsen77 19/12/2009 03:06

يعتمدو ع رأي و يخلصونا بقى


طوشونا ياه :frown:

DARKNESS 19/12/2009 08:05

شو مشان من وين جايبلي هالخبر:shock:


يعني الكنيسة القديمة كان معها حق بحرق كل مين عارضها:frown:

يا اخي ما الو اصل هالموضوع و الشغلة مبينة متل عين الشمس الارض عم تدور حول الشمس و الشمس بتدور حول مركز المجرة

انتهى

ابو نجبو 19/12/2009 11:34

وين المصدر .....!



ولا معتمد على مؤسسة اغا خان كـمصدر لمعلوماتك .....!

ayhamm26 19/12/2009 15:33

اقتباس:

كاتب النص الأصلي : ابو نجبو (مشاركة 1367627)
وين المصدر .....!

ولا معتمد على مؤسسة اغا خان كـمصدر لمعلوماتك .....!

الله يسامحك ماشفت حاططلك المصدر باول الخبر ...... القدس العربي رغم اني بحبشت و دورت من شوي وما لقيت هالخبر موجود الا بمنتدى تاني يعني لا القدس العربي و لا الواشنطن بوست الن علاقة بالخبر و بتمنى لو كنت غلطان يجبلنا الاخ رابط مباشر للخبر من هالصحيفتين

وبغض النظر عن المصدر هيك خبر لو كان صحيح كان انطبلت في الدنيا و كنت شفت قناة الجزيرة حطتو باول صفحة على موقعها لتثبت لقرائها الكرام انو نظرية مكة هي مركز الارض صحيحة.

عاشق اللادقية 20/12/2009 00:32

اقتباس:

كاتب النص الأصلي : ابو نجبو (مشاركة 1367627)
وين المصدر .....!



ولا معتمد على مؤسسة اغا خان كـمصدر لمعلوماتك .....!



رجاء خليك محترم واحترم ثقافة ودين غيرك
مافي داعي لهيك تعليقات سخيفة

حلبي 20/12/2009 03:33

اقتباس:

كاتب النص الأصلي : عاشق اللادقية (مشاركة 1367821)
رجاء خليك محترم واحترم ثقافة ودين غيرك
مافي داعي لهيك تعليقات سخيفة

طيب بدل ما تنحمئ بهاد الشكل أزا عندك دليل أدمو و أزا ماعندك لا تعتب على غيرك لأنو المصدر مو مقدم أثبات كافي

بعدين وين الأهانة

ابو نجبو 20/12/2009 04:36

اقتباس:

كاتب النص الأصلي : عاشق اللادقية (مشاركة 1367821)
رجاء خليك محترم واحترم ثقافة ودين غيرك

دين !! :shock:
.
وين جبت سيرة الدين !! :?
اقتباس:

مافي داعي لهيك تعليقات سخيفة
السخيف اللي بيحط " حقيقة علميّة جديدة " جاييتو على ايميلو ......ونسخ لصق بدون مايتأكّد


لسّا و الاسخف اللي بيعتمد كلام "رفيقو" كمصدر لمعلوماتو ....

غيداء ذاك اسمي 20/12/2009 13:35

فكرت حالي رح اقرا موضوع علمي ونقاش حوله قمت لقيت خناقة
عطونا المصدر الله يرضا عليكم

أإأبو العبد 20/12/2009 14:11

انا اعترض

لان الانسان هو مركز الكون والكواكب والمجرات والدنيا كلا بتدور حولو
والي بدو الدليل يجيني بالسهرة اليوم وانا بثبتلو بما لايدع مجالا للشك ان الانسان اصله جلده حنفيه:hashish:

أإأبو العبد 20/12/2009 14:14

اقتباس:

كاتب النص الأصلي : عاشق اللادقية (مشاركة 1367546)
عن جد معقوووووووول

من فترة وانا سمعان بهالحكي

رفيقي قلي كمان انو شاف البرنامج عال cnn

والدليل ئلولو

marochka 20/12/2009 15:07

اقتباس:

كاتب النص الأصلي : أإأبو العبد (مشاركة 1367998)
انا اعترض

لان الانسان هو مركز الكون والكواكب والمجرات والدنيا كلا بتدور حولو
والي بدو الدليل يجيني بالسهرة اليوم وانا بثبتلو بما لايدع مجالا للشك ان الانسان اصله جلده حنفيه:hashish:

اقتباس:

كاتب النص الأصلي : أإأبو العبد (مشاركة 1368000)
والدليل ئلولو

أنا معك مية بالمية، وبعتقد أنو جلدة حنفية منزوعة كمان:p

أإأبو العبد 20/12/2009 15:19

اقتباس:

كاتب النص الأصلي : marochka (مشاركة 1368018)
أنا معك مية بالمية، وبعتقد أنو جلدة حنفية منزوعة كمان:p

ايه مزبوط حتى بالعلامة انو الانسان بيصير معو تسريب باوقات معينه باليوم :p

عاشق اللادقية 20/12/2009 15:52

اقتباس:

كاتب النص الأصلي : ابو نجبو (مشاركة 1367627)

ولا معتمد على مؤسسة اغا خان كـمصدر لمعلوماتك .....!


انا اسف اذا ردي كان قاسي بس هيدي الجملة ما بحقلك تكتبها بهالشكل


طول بالك يومين لتعرف شو قصة الموضوع

kingknights 20/12/2009 18:19

شو ابو العبد شو هالحكي مهعقول جلدة حنفية بس انت هيك ما عم تحدد هالحنفية مي باردة ولا ساخنة
لانو بتفرق

ابو نجبو 20/12/2009 20:21

اقتباس:

كاتب النص الأصلي : عاشق اللادقية (مشاركة 1368047)
طول بالك يومين لتعرف شو قصة الموضوع

:lol:
يومين ....

كنّي المصدر لسّا مو متأكد من المعلومات ...!!

يثبّت الموضوع ...بانتظار المصدر ....

:lol:


الساعة بإيدك هلق يا سيدي 00:36 (بحسب عمك غرينتش الكبير +3)

Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون

Page generated in 0.03573 seconds with 11 queries