وأخيرا ... وبعد طول انتظار .. الجزء الثالث من أعضاء أخوية !!
 

أنا وعدتكن ورح أوفي بالوعد :pos: .. ورغم كل المشاكل اللي عم واجها وكافة الصعوبات اللي منعتني من انجاز الموضوع ... بس خلص حقدت عالموضوع لحتا خلصتو .. انشالله بيعجبكن ..
وبتمنى ما حدا ينزعج من التعليقات ...و اللي عندو أي مشكلة يراسلني عالخاص ..وببقى بشيل اسمو .. تحياتي
وطبعا كل الموجودين بهالموضوع هني أعضاء مميزين بنظري وأنا بحبن ولهيك حطيتن هنا ..
بس ما تفكرو تمسيح جوخ ها
:lol: ..
-------------------------
منبدا مع ..
the morning :
منسق بتعجبني صورتها الرمزية .. معلقة بالشام .. ما بعرف شو القصة في عندا 9 بشلة الحبايب مطنشيتن وما ضايفتن لعندا .. حرام عليكي .. والله انن كويسين وبيستاهلو تضيفين .. (مافيكن تقولو أنا ماتواسطتلكن )
حاليا هيي بأميركا .. عم تدرس الله يوفقها .. ويوفقنا .. ;)
أغلب مواضيعا بقسم الكاريكاتير .. وهيدا بيدل على شخصية هادية ومهضومة ... وهيدا شي حلو كتير ..
نزلت موضوع تبع فضيلي الصندوق .. اول ماشفتو متت ضحك .. شكلا مقروقة من هالقصة كتير ..
انا برأيي القصة بدا حل .. لازم نشوف المسؤولين عن هالموضوع .. :frown:
وبتتميز مواضيعا بالجودة من حيث الكيف والكم .. بهنيا .. :D

yass :
مشرف إداري .. لقبو أبو مارال .. حلو هالإسم وغريب ..
بتوقع هوي من أنصار قضايا الإشتراكية ورافع شعار (خبز,سلم وحرية ) وبيطالب بتحرير الأسرى ووقف حجب أخوية ..
اصدمنا كم مرة .. بس هوي ما في منو ..دايما بيفهمني غلط .. مو مشلكة نحنا أصدقاء .. وأخوة بعائلة أخوية .. بحب وجهلو تحية ..:D
كمان مطنشلو كم واحد بشلة الحبايب تبعونو .... حرام عليك يازلمي .. :cry:
اغلب مواضيعو بالمنبر وبالقسم السياسي :larg:.. مطنش الكاريكاتير وبايع هالدني ببصلة .. معو حق ..
وفي إلو موضوع لفتلي نظري بنصحكن تشوفوه اسمو (بابا ماما كيف بيجو الولاد ...) ههه سؤال خطير كتير بيخطر عبال الولاد هالإيام ... معن حق .. صحي كيف بيجو الولاد .. :lol:

SURYOYO :
اسمو غريب .. لانو اسم علم أعجمي ولا اسم راية فضائي بتمنى يوضحلي شو معناتو ويطفي هالحرقة بقلبي .. مدري منين مخترعو :cry:.. بس هوي صديق عزيز ومنسق محترم ..بحب حيي صمود أهل بلدو بغداد العزيزة ..ومنقللو كلنا معك ع طريق التحرير
حاطط شخص كبير بالسن .. بتوقع بيعز عليه كتير .. بس الصورة معبرة .
وبيحب المشي والقراءة .. :larg:
ردودو مزوقة وضمن حدود اللباقة .. وما بيفقد أبدا زمام الأمور .. ولا بيتسرع بالحكم ..:jakoush:
عندو كذا موضوع بما يتعلق باللغة الآرامية والسامية وهالقصص ... ودايما بيطلطل على قسم عالطاير وبيغنيه بمواضيعو الشيقة ...:D
كان عندو نية لإنشاء شلة ثقافية .. مدري كنا فرطت وللا لأ .. إذا ما فرطت يا ريت يحط اسمنا فيا ... :clap:

VIVASYRIA :
المناضل السوري الكبير .. صديقي العزي:Dز .. تخالفنا شوي أول شي .. بس متل ما بيقولو آخرة العداوة صداقة .. وهوي ماكان لا في عداوة ولا شي .. كلو سوء تفاهم :pos: .. وهوي زلمي فهمان كتير وبحييه على هالميزة ..
مطرح الإقامة الدائم بالقسم السياسي ... ههه اشتهيتو يفوت ع قسم الكاريكاتير يغير شكل ;) .. ما في أمل ..
بيحب السياسة كتير .. وبيهتم بأخبار بلدو .. بشكل مو طبيعي .. ولو لو كان بإيدي كنت سلمتو إدارة أخبار الشرق الأوسط :yahoo:.. وبحب قللو (إلا ماتنفرج خيو .. وما في داعي للإشمئزاز .. روق ..) لك أحلا أبو الفد .. خيو بدا سكرة برأيي .. :nirvana:

وشم الجمال :
بنوتة متمردة حسب قولها .. مطرحها بجبين الشمس .. مدري وين هادا .. :shock:
أغلب توجها أدبي .. وبتفيق وبتنام بقسم الخربشات .. وحاملي سلم التشريفات بالعرض وماشية ..
كل الوقت ... مبروك .. ورحبوا بفلان ... والحمدالله عالسلامة لمدري مين .. ههه .. كتير حلو .. هيدا بيدل على محبتك الكبيرة .. وانسانيتك وقلبك الكبير .. وجواتها متأكد انو في عاطفة رهيبة .. كتير بحسها شاعرية ..
لك يمكن إذا تركت قسم الشعر بيموت .. هيي اللي معيشيتو.. تحيات إلك ...:dabeek:
بس صورتا الرمزية ماكتير حلوة .. بالنسبة لشخصيتها ;).. ما بعرف هيك رأيي ..
ههه .. هيدا شي بيرجع إلها .. :lol:

SANDRA :
ام السوس , صارت منسقة عن جديد .. بحب وجهلا تحية وبقللها مبروك :clap:.. بتحب السياحة والسفر والتعرف عالحضارات .. والقراءة والموسيقى ومدري شو .. كتار كتير .. لابقلك اللون البردقاني ها ..:wink1:
حاليا هيي بالغربة انشالله بترجعي من الغربة ومنشوفك بخير وسلامة.. :tears:
كانت من فترة مضيعة كرت مكتب يدري الله شو قصتو .. وضلت واهرتنا فيه جمعتين .. ووقت لقيتو .. رجعت هلكتنا جمعة تانية ... ويمكن عملت حفلة مشانو .. بس ما عندي أي تأكيدات رسمية ...:pos:
كمان هيدي متل الصبايا .. حاملة عكتفا التشريفات ونازلة ترجيب واستقبال بهالعالم .. ونازلة التدروير بالروزنامة عالأعياد والمناسبات الوطنية والفردية والدينية والثقافية والعسكرية .. الخ .. :hashish:
وبتحب الورد كتير ... هيك حسب علمي .. كتير طيوبة وكتكوتة .. وبتفوت عالقلب بسرعة ..:sosweet:

M.E.e.R.O :
هيدا عندو عصابة اسمها شوي بيفتل المخ .. ماتعمم - شو مشان .. :?
ما بيحب الطائفية .. وبيحيي الإنتماء الوطني ... (لك حاج تمسيح جوخ ) .. ههه
صاير معو شغلات قد ما صاير مع كل هالعالم .. يا حرام حملو تقيل .. :sick:
ومستلم التخت ببيتو وما بيتزحزح عنو .. عأساس طالب .. بس شو بدو بالمسلسلات .. عم فكر دق لأهلو .. بركي ما بيعرفو .. :devil:
ومستعمل كلمة طقطقة عالكيبورد .. مابعرف من وين جايبها .. بس ما لقيتها بالقاموس العربي الحديث .. ما بعرف شو وضعها ..:dunno:
مشاركاتو مشكلة .. ما عندو قسم محدد .. وهيدا بيدل عاللإنفتاح .. وتقبل كبير للآخرين ..
وبحب قللو أنو صورتو كتير حلوي وأنا شخيا بحب أنور الأمير وخاصة غنيتو (حبيب عينيا ) ..:metal:

MATIA :
كتير بتعجبني صورتها الشخصية .. بتدل على نعومة ونقاوة .. واسمها كتير لذيذ ..
كتير مهضومة ودلوعة:oops: ... وكمان قصتها متل وشم الجمال .. حاملة سلم التشريفات بالعرض وماشية ..ههه
بتحب الصداقة كتير .. بتحب تنكوش بالملفات الشخصية تبعون غيرا :pos:.. وكشفت حالها بإيدها وحطت موضوع عن هالشي ... وصرحت للجزيرة بمقابلة خاصة انها صارت عم تخاف من قدرة المشرفين على الإمساك بها بالجرم المشهود وهيي عم تنفذ عمليات التجسس عالآخرين.. :jakoush:
شوفيلك شب حدا متل جيمس بوند بلكي بيقدر يساعدك .. أو دبريلك شي واسطة مع شي مشرف ...
انا شخصيا ما بقدر ساعدك نهائيا ... :nono:

SOURIANA :
عضو مناهض للطائفية .. صورتو كتير بتعجبني .. بهنيه عليا .. وبعزمو ع كاسة متة .. :melody:
مدري شو قصتو هوي وغدر الجسد .. في مشاكل بيناتن .. بيعينو الله ..
ماتارك قسم ما حاطط فيه موضوع ..
ومعو حق بالنسبة لجنبلاط .. يا عيني عالضفادع ..:yahoo:
مقيم يتراوح بين دائم ومؤقت بقسم الأخبار ... وعندو اهتمامات انترنيتية وكمبيوترية .. 8)
وشلحلو موضوع أو تنين بقسم الرياضة .. شكلو ما بيعمل كتير ضغط عالصبحيات ..:gem:
إن في الرياضة حياة خيو ... يللا بلش (واحد تنين .. فوق تحت يسار يمين ..) :yahoo:

GOVERMENT :
صرلي زمان ما شفتو بالمواضيع .. مدري شو القصة .. ع حكيو .. كسول وقليل مروة :sleeping:.. كان ع أساس بكلوريا ما خبرنا شو صار معو .. منتمنى يكون نجح .. :birthday:
بيحب الرياضة كتير ... لازم يشتغل مع الجزيرة الرياضية أو يروح يلعب مع شي فريق .. حرام تضيع مواهبك ...
مدري كيف صارت وقرب ع قسم السياسة والتكنلوجيا كم مرة .. لأأنو كل وقتو بالساحة الرياضة حامل هالميكرفون ونازل التعليق على هالبشر .. ودايما بيجلنا التطورات الأمنية على صعيد المنتخبات الوطنية والعالمية والعربية ... الله يدملك هالهمة .. :ok:

Roaa :
منسقة جديدة بالأخوية ... كل يومين بتكون غيرت اسمها ... صرنا عم نضيع .. :jakoush:
عندا عشرتالاف واحد مطنشيتن بشلة الحبايب شيتا ... :pos:
وبتهتم بالموضة كتير .. شكلا مزوقة ... يعني أي معومات عن أي عطر او اي ازياء ,.. فورا بتجيبن قبل ما ينتشر الخبر لسا على قنوات الموضة .. بتحط خزعبلات غريبة بأسماء مواضيعا وردودا وأشكال ما بتعرفلها راس من رجل متل هودي (>><< ,*,×,.•,... الخ )
كما عندا اهتمام بالأغاني .. وهالشغلات يعني السينما والإفلام ..
عندا كافية باسم (أخوية كافية ) شغلها داقر هالإيام .. بس ما صدف وعزمتني ولا مرة عليا .. بس شايلة لهيدي عجنب ... :sly:

يمان ROOOOONALDO :
روح قلبو الشام .. عضو بارز بعصابة الملوك .. وهوي من أتباع ريال مدريد .. وأنا كمان .. اهتماماتو كتيرة .. حلو عنو ما رح يخبركن شو هيي .. :frown:
أكتر اهتماماتو رياضية الله وكيلكن ما بيترك خبر ولا بيجيبو .. أضرب عالجزيرة الرياضية ... وعندو شوية اهتمامات موسيقية .. بس ما بتعادل شي قادم العشق للرياضة ..
كان عضو من عصابة اسمها (عصابة الملوك ) بس شكلا فرطت ... :waa3:
وصرلو فترة غايب عن الأخوية ... بركي خسران شي فريق بيحبو .. ومكتئب وحابس حالو بالقوضة ..:confo:

CUTY :
أرق عضو بالأخوية , إلها مطرح بكل أجزاء هالموضوع .. لأأنو شخصيتها مميزة .. وتوقيعا بيعقد :D..صرلها زمان غايبة .. هي عادتها .. بتغيب كتير .. مدري شو قصتها .. منقللها ارجعي .. اشتقنالك ..;)
عندها اهتمام بالتكنلوجيا والأغاني .. وما بتقرب عالسياسة لامن قريب ولا من بعيد .. ماشية الحيط الحيط وياربي السترة .. ههه أحسللا شو بدا بهالوجعة الراس .. :wink1:
كتير بتعجبني شخصيتا وخاصة الصور اللي بتنقين كتير معبرين .. :pos:

OOOPSS :
توقيعا مختصر وواضح .. (لو فييي ..) بس مانو واضح بالنسبة إلي .. شو يا جماعة انتو شو رأيكن ! >>
منسقة جديدة بالأخوية .. مبروك عليكي .. قوية كتير ع حسب حكيا .. :adal:
وههي مطرحها بهالأرض المجنونة .. (ما كلنا هيك ..)
بس اسمها (علامة تعجب .. ) ..
مواضيعا مشكلة ... بس بتتميز بانو بتدافع عن قضاياها ... وإذا في فكرة براسا ومقتنعة فيا خلص .. بتضل مدبقة عليا لو شو ماصار .. وهالشي كتير كويس .. يعني بتدافع عن معتقداتها ..
بتحب الفلسفة والأدب والكتب ... وأحيان بتحطلا كم خبر بحصاد المواقع ..:lol:

REEMI :
مشرفة بالأخوية .. مع انها من عنا من الضعية .. بس ما في تمثيل دبلوماسي بيناتنا :pos:.. مدري ليش .. بتضل متحفظة وآخدة وضعية :sly:.. بتحب الضحك .. انشالله كل ايامك ضحك .. بس شو قصدها بعفريتة .. أنا ما كتير استوعبتها ..
أكتر شي بتناضل على المستويات الرياضية والتكنلوجية ...
وكمان عندا اهتمام بالأخبار لهيك احيانا بتطل على قسم حصاد المواقع ...
آخر انجاز عمليتو اطلاق أخوية كافي 2 .. وذلك منافسة لRoaa بس بتوقع كافي رؤوى أقدم وشعبي أكتر ...
وطبعا ... انعدت من الصبايا ... بقصة تنطيش الحبايب .. لك حرام عليكن .. :sick:

BARLEB :
عضو مستشار .. توقيعو بيدل على انو
بيعاني من عداوة مع المؤخرات .. ما بعرف بس هيك فهمت .. يا ريت يوضحلنا .. :frown:
منزل مواضيع عن السريان ولغاتن .. يدري الله من وين ناكش هالمعلومات ..
زعيم السقيفة ... ومتفرد بالزعامة :king:... وعم يستغل الثروات الباطنية والمعدنية لمصالحه الشخصية ..
نزل موضوع تحشيش :hashish: .. وجامع فيه شلة محششين ... عموما ما بعرف كنو من شريبين العرق .. إذا منن بدعيه لينضم لشلة العرقجية الأخوية .. وبلكي بيعلمنا عالحشيش .. لأن الشرب ما بقا عم يعبي الراس .. :nirvana:

الآلهة :
يدري الله وينو .. ما عم شوفو بالمواضيع .. مختفي هوي وصديقو آش .. بيحب حالو .. وبيهتم بحالو :?.. وبيضل مع حالو .. وبيشتغل بحالو :shock:.. صورتو الرمزية معبرة ..
كان معتكف بالسقيفة والملطوشات .. بس هلأ شكلو ترك هالقصة .. :lol:
وعندو موضوع بالسقيفة مسماه .. (تعو نسطلا ) ... لهيك شكلو شغل كاس ومزاج .. ومندعوه للإنتساب للجمعية العرقجية ...:onetv:
بس توقيعك فوتني بالحيط (ان بمسي التاماسي اكدع تماسي احسن تئولو النانا ناسي بم بم بم .. !!)
ترجم يا خيي ترجم ...;)
خيو وبدي اسألك عن صديقي آش .. صرلي فترة ما شفتو .. طمنا عنو ..:sick:

PHOENIXBIRD :
اسمو كتير عريق .. اهتمامو طق الحنك .. (اشارة تعجب ..)
شغلتو طالب .. منقللو .. موفق .. :deal:
عندو توجه سياسي ... وبيضلو بأقسام الفساد والسياسة ...
وهيك احيانا بيتجه ع قسم أخبار النجوم .. وبيحط لمساتو السحرية بالقسم .. :detec:

ASH :
هادا صديقي اللي صرلي زمان ما سمعت أخبارو .. وصلني انو عم يعاني مشاكل بشغلو .. منقللو انشالله محلولة .. ما بيعرف الله وبن حاططو .. بنصحو يستخدم GOOGLE EARTH كتير بيساعد بس يمكن المنطقة اللي هوي فيها .. محجوبة عالخريطة .. ع كل معو حق .. كلنا ما منعرف الله وين حاططنا .. :confo:
قال بيحب شلف القطط بحاوية الزبالة (معناتا انتا ولد عاقل .. ) ههه .. بس ليش الكذب انتا صديق غالي .. واشتقنالك .. لك حاج غيبة .. :roll:
لقبو أبو عبيد .. مخلص أدب انكليزي وعلوم كمبيوتر الله يحميه.. بيحب هتلر .. :shahbi7:

BLACK :
منسق .. يمكن زعلان مني مشان كلمة ما كنت بقصدا وهوي بيعرف .. على كل .. بسيطة نحنا أخوة ..بيحب عزف الغيتار .. وبيعجبني اسمو كتير .. ...:pos:
اكتر مشاركاتو بالمكتبة ... وغالبا تاريخية أو سياسية ...
آخر فترة زاد توجهو لجهة المنبر... ;)
ع كل كتير بحسو مميز ... تحية الك ..:D

بنفسجة :
بتحب السياسة .. والرياضة .. وهيي طبيبة اسنان المستقبل .. طلعت جارتنا وماني عارف :lol:.. مو مشكلة ..
يمكن عاتبة عليي مشان المخيم .. بس والله حكمتني لوقت ما الله يفرجا مشاكل .. وقصص غريبة ..
المهم .. مع انها عضو مستشار بس ماعندها مواضيع كتير ... بتوقع ما إلها خلق على هالقصص .. مو مشلكة المهم تنورنا بتعليقاتها .. :oops:
وبالنسبة لحوار الطرشان .. انا سمعان فيه .. وكل يوم بسمع فيه .. ورح ضل اسمع فيه ..:sly:

اممي :
في عندو حقد كبي:ohyeah:ر .. بيدل عليه توقيعو .. أنا ما بلومو .. وعجبني بتوقيعو (لا حياء لمن تنادي ... )
وهلأ هوي مبسوط الله يبسط الجميع .. بيقول انو هوي صاحب بسطة ما بعرف من أيا نوع بلكي من (أيا قطعة بعشر ليرات .. ) .. وبيحب المطالعة بس مطالعة شو غير الله ما بيعرف ... :-?

طفوله :
كتير اسمها بريء .. بتنادي بحرية صوت الضمير .. وأنا معها بهالقصة :deal:
كتير صورتها حلوة .. ومبروك منصب المنسق .. انشالله بتصيري مشرفة .. :yahoo:
بتهتم بالأخبار الإقتصادية كتير وبتحط رحالا دايما بالأخوية الإقتصادية ... بس غريبة هالقصة .. ومع هيك إلها تميزها الخاص .. وأسلوبا المميز .. :sosweet:
وهيي كمان بتستخدم الرموز .. " غصة بقلبون .. لنثبت فشلون ...
قلب مين .. وفشل مين ...:?:frown:
مواضيعا بتمتاز بحسن العرض .. ودقة المصدر .. وروعة المعلومات
وخصوصي موضوع /نقطة التقاء/ كتير أثر فييي... بوجهلا تحية خاصة ..:D

achelious :
هوي صدقي العزيز .. اجمالا اهتماماتو ادبية معظم مشاركاتو بالقصة القصيرة والمكتبة ما بحب الألقاب وأنا وياه عأساس بدنا نعمل جلسة سكر .. وشرب .. انشالله بتصير .. وعم فكر ننشأ مؤسسة دعم للمشروبات
الروحية ..هههه :nirvana:
اللي ما بيعرفو بيجهلو , بيضل بمكتبة وبأقسام الشعر والأدب .. وبعالطاير ... وعندو كم مشاركة بالكمبيوتر والسينما .. ههه دقة قديمة .. عم نمزح .. احلا شريك والله .. وأكتر من هيك عقل منفتح ما في .. :D
كتير بحترم اتجاهو الأدبي .. وبهنيه .. قليل اللي بيهتم بالأدب هالأيام .. :larg:
عن جديد صار منسق .. بقللو مبروك .. وهيدي بدا كاس لحالا .. جيب هالبلاك وشد يللا ناطرك ..:eat:

marwa hanna :
أول شي بقللها الحمد الله عالسلامة أحلى مروى بالدني ...:D
هيدي صديقتي العزيزة ... أهدى وأروق بنوتة بالمنتدى .. شخصيتا مميزة .. ما عندا مواضيع كتير .. بس مو مهم العدد المهم النوع .. :pos:
بتقول بملفها الشخصي انها ع سطح القمر ... بس انو بأي رحلة طلعتي .. لأن لسا ما بلشت الرحلات بشكل :lol:نظامي .. ولا أخدتي سيارة طلب .. لك كنتي قوليلنا .. كنت عم فكر زور الشباب هونيك ..ههه
وهيي ضد العنف ضد النساء ... وكلنا هيك مش بس هيي .. لا وألف لا للعنف ضد النساء ..
بتهما كتير أخبار السياسة .. مع انو قليل البنات اللي بيهتمو بهيك شغلات .. بس انو حلوي هالشغلة .. مشان ما يضلو الشباب حاملين السلم بالعرض لحالن ..
تحية الك مروى .. :D

اللامنتمي :
مفكر أخوية ... وأديبها الرائع :pos:.. مواضيعو وتعليقاتو مميزة بأسلوب طرحها ومعالجتها .. صورتو كتير مؤثرة .. وبتدل على عمق شخصيتو ..أكبر اهتماماتو النوم والقراية ..عحكيو .. مانو منتمي لأي بلد .. بس هوي أولا وآخرا منتمي لعيلة أخوية .. بلدنا التاني .. :oops:
بيحب الشعر والأدبيات كتير ... بيضلو بالقسم الأدبي .. وهوي شخص محترم وعقلو منفتح .. وبيحب الفصحة كتير .. وأغلب ردودو بالفصحة ..
نيالو على هالخلاق .. وأخيرا وليش آخرا .. هوي صديق عزيز ..:D

MIIDO :
أول شي بهنيه عالسلامة .. وبباركلو بالتنسيق :D.. ما كتير في تمثيل دبلوماسي بيناتنا .. بس انشالله بيتم انشاء علاقات سياسية واقتصادية في المستقبل القريب ... ;)
آخر فترة نزل موضوع بيحكي معاناتو بعد مرورو من جنب حاوية زبالة .. وضلت مأثرة ع حالتو المزاجية والفكرية .. حتى انو قرر يترك أخوية .. ويمكن فكر بالإنتحار .. بس مش أكيد .. أحيانا بيخربش شوي بالخواطر والخربشات .. حسب مزاجو .. يعني بس طالع معو شغلات حلوي .. :pos:
وهلأ حاليا صار اسمو ahmad .. وذلك ع موضة تغيير الأسماء بأخوية .. يللا شباب شبكن ليش مانكن عالموضة . ما بدكن تغير اسمكن .. ما حدا أحسن من حدا ... :frown:
اغلب مواضيعو عنوانا إما كلمة أو كلمتين ... ( الوطن .. - العرق - وجوه - ... ) خيو بيحب الإختصار ...:nono:

HANNYDAGHER :
مشرف متقاعد ... آثار التقاعد ظاهرة بتجاعيد بروفايلو ..مطرحو حواليك .. اهتماماتو كل شي بيخطر ببالك .. وشغلتو شغلة .. علامة تعجب واستفهام .. :?
أكتر شي عندو مواضيع بالصالون والمسابقات ... :nono:
صرلو فترة ما طل عالأخوية ... مامنعرف شو وضعو التكتيكي والاستراتيجي .. :dunno:

SARITA :
مشهورة بصورها الرمزية الغريبة :pos:.. يدري الله من وين بتلملمون .. عمرها 85 سنة .. العمر كلو ..
اكتر شي بتركز عالتصميم والغرافيكس ... مع انها بتدرس طب :shock:.. ولازم تهتم بالصحة ... بركي مرضاها عندن تشويه خلقي وبدن كم حركة غرافيكس .. يمكن هيك .. بعتقد لازم ما ..:lol:
كان في نغمة بدها اياها من الأرض وللا من السما . ما بعرف كنو لاقيتا ... إذا ما لقيتا منقلها حظا أوفر ..
كان في حقد بينها وبين المنتمي ... يمكن هلأ مشي الحال .. وبلش تمسيح الجوخ .. أنا حاليا ما عم المس أي تطورات استرتيحية بيناتن .. بس أي تطور أكيد حتعرفو فورا .. لانو بتصير حروب عالمية .. الله يجيرنا ..:willi:

بلاك 1 :
بنوتة غامضة ... هالشي بيبين من اسما 8).. كنت مفكر انها شغل ميتال وموسيقى غربية .. بس مو الهيئة ..أغلب مشاركاتها بعلى الطاير ...
بس انو غريب ليش مانها حاططة صورة ... :humm:
بلكي من شدة الغموض .. ما بعرف .. :?
أنا حطيت اسمها بالموضوع بناء ع طلبها .. بس وحق الله ما بعرف شو بدي اكتب كتير غامضة ... لك دورت بحبشت ما لقيت شي .. شبعرفني ... بس تحية إلك .. :D

مالي خايف :
ماحدا خايف خيو ...:7asheesh:
عندو توجه سياسي .. وع حكيو .. الحياة تفاحة .. يدري الله من وين شبها هالتشبيه ..
قال بيشتغل كل شي .. وأحيانا ولا شي .. يعني حدد .. بتشتغل ولا لأ .. :wink:
حاطط صورة ولد شايفلو شي شوفة ... بس مهضومة .. وما صرلو زمان منورنا .. لسا ما شفنا شي منو .. :mbc2:

gabriel :
عضو مستشار .. قصتو هوي وسعدو قصة .. :ohyeah:
حاطط صورة برغي .. بيرمز لشغلات غريبة الله أعلم ..:i7raj:
قال مضيع جحشة خالتو .. معقولة لهلأ ما لقاها ... لك بتكون محشرة عند شي حرش أو شي حقل .. خيو عمول بحث بالGOOGLE بركي بتلاقيا .. حاكم هدا بيلاقي كل شي ..
وبحب قللو أهلا بالبش مهندس .. أحلا زميل والله .. :deal:
وما تنسى تفضي صندوق الرسايل دايما .. هيك بتقللك THE MORNING >>
عابد السقيفة .. والرسم والتصوير ..
خيو ناولنا هالسجادة من السقيفة ع طريقك .. :wink1:

sona78 :
بنوتة ... حياتها السياسة .. مدري شو القصة .. مابعرف أبدا أي تفصيلات عن شخصيتا ..:humm:
ما قدرت راداراتي توصللها .. شكلا بتستخدم نظام حماية أمنية متقدم ... .. :-?
مقرها الدائم واللوجستي الاسترتيجي .. القسم السياسي .. مقر إدارة العمليات الميدانية .. والأخبارية ..
ما بعرف عنها شي غير هيك .. شو بدكن أكتر من هيك ...:sly:

thelight :
شوكة بحلقك .. لضل ذكرك ... " حلق مين .. وتذكر بشو خيو .. لك شو هالرموز الغريبة ..:jakoush:
طبعا التوقيع .. صريح وواضح .. فورا بتفهمو ... "م" ... بس أنا ما فهمتو ..الظاهر العطل مني ..:nono:
الأخ مشرف متقاعد .. وحاليا عم بقبض الراتب التقاعدي .. يادوبو يكفي حق باكية وسندويشة فلافل ..
طبعا .. لازم تزيد أخوية راتبو شوي ... ;-)
من فترة حصل سوء تفاهم بيناتنا :oops: .. بلشت انو أنا علقت على حكي قالو .. رجع ياس حركش شوي .. وقال وقلت وقلنا .. وضلينا نحكي ونرد عبعض .. لك كانت رح تعلق حرب عالمية .. آخر شي .. الأخ the light حطلكن رد بيأفحم .. وكونو سهر عليه الليل .. ما حبينا نعمل مشاكل وقدرنا تعبو .. وسكرنا الموضوع .. بس هيي القصة ما كانت مستاهلة ..
..... و انحلت القصة بالأخير .. :clap:
عالعموم .. هوي عضو قديم بالأخوية .. وفهمان .. ولا غبار عليه ..
وبوجهلو تحية .. :D

صياد الطيور :
من الشلة الوسوفية ..مكتسح الساحة الرياضية وآخد الصدارة .. بيبحبش عأخبار الرياضة وبيجبلنا اياها طرية وطازة .. الله يعطيه العافية ...:D
كتير بحسو محترم وجنتل ... وتعليقاتو السياسية بتعجبني ..:pos:
صورتو الرمزية بتدل على هيبة .. ورغبة بالقيادة أو الزعامة ...:larg:
أحيانا بتطق بمخو .. شوية فيوزات .. وبيشك عالقسم السياسي وبينزل بهالتحليلات وإدلاء التصريحات ..:jakoush:
بيحب جورج وسوف كتير ... وعقولة ابو وديع بقللو .. (حبيب قلبي .. ):deal:
----------------------------------------------------------
بتمنى يعجب الكل ... تحياتي ... THE PUNISHER " :D

:lol:ع راسي يوسف (عقولة كام واحد هون عراصي ونفسي اعرف من اي جذر مشتقينها)،
اول شي ميرسي اللة يسلمك عيني...

تاني شي، بالنسبة للمواضيع ع قولتك : الكيف لا الكم...
بس بصراحة انا بتكاسل اني حط مواضيع...
بس ازا بكون كتير معصبة عشي بقوم بطرح فيو موضوع يعني....
عدا عن انو الهمة بالشباب الطيبة ما بيتركو شي بلا ما يحكو عنو.... يعني بيعملو تغطية شاملة...

تالت شي، بالنسبة للأخبار السياسية هيي بتهمني بس مشاركاتي فيها مش كتيرة يعني هيك شي على قد الحال... اكتر مواضيع بتهمني هيي يلي بتطرخ قضايا اجتماعية وخصوصي ازا شي بيتعلق بالمرأة...:larg:

المهم، ازا غيران وحابب تجي عسطح القمر قلي ببقى بعملك واسطة... والشباب كلون بيسلمو عليك... :p

واخيرا لا والف لا للعنف ضد النساء...
اي لاحقيتكو لهون انا :lol:


تحياتي كلها الك عيوني :D

انا دلوعة؟ بدك هاني داغر يجي يقلك متل ما قال قبل مرة انو :

ماتيا ودلوعة ما بتزبط :lol:

هلأ بالنسبة لملفات الاعضاء..كشفت حالي وكشفت غيري كمان...عادي يعني... :p

و ع راسي... طبعًا هذا بعض من ما تملكه ماتيا من صفات جميلة :o:p..

شكرًا الك.. ع اول سطرين.. لانهن مدح:lol:

:shock:
انا بضل اخده وضعيه ...كيف يعني؟
بعدين عفريته بدك تسال عليها " محمد ابراهيم " مو انا .. !

وانت من عنا من الضيعه؟؟؟

واخر مره فتت فيها الحصاد من سبع سنين يمكن !!!
:?:?:?

اسمي .. خلينا بعدين نشرح عليه !!

شكرا يا حبيب .. كلك ذوق



اي ... بس خلينا نركز على صورة هذا الرجال ... اللي فعلا اعزو ... و احترمو


هي صورة الكبير نزار قباني ...

احم احم احم

صحة حجي صحة

أنا قلت عن حالي متمردة والا انت استشفيت هالشي ما بعرف...بس اي متمردة وما في شي بعجبني :lol:
جبين الشمس يوب هيدا مكان ما حدا بطولو ومطرح ما انخلق غير لإلي لأنو من لما انخلق كان عم يدور على شي حدا بيستحقو وبعد طول انتظار طلعت انا المصطفاه الو وطلع مطرحي انا....
بالنسبة للتشريفات اكيد مبروك وحمدلله عالسلامة بس يعني بدك ياني اعرف خبرية حلوة وما نزلها مشان ابسط الكل!!!طيب كيف لكان نحنا رفقات وبنحب بعض:pos:
بالنسبة للشعر والخواطر لك اخ خليها بالقلب ما عاد الحكي طلع والقلب انفطر يا رجل:sick:
طبيعتي رومانس وشاعرية اي تمام..

وصورتي غصبن عنك حلوة فاهم:jakoush:وفكر فيها بعمق بتلاقي سراب جواتها بس يا ابني بدك فت خبز لسا:lol:

مشتقة من الجذر المجودي :lol:


خيو انا وضعي التكتيكي والاستراتيجي عم فرّ بعد الكر وعم اتراجع والاطلاق دراكا اي بشرفي وما بزل عليك بحرف

ودقلي بودعك :yahoo:

بلاك 1 :
بنوتة غامضة ... هالشي بيبين من اسما 8).. كنت مفكر انها شغل ميتال وموسيقى غربية .. بس مو الهيئة ..أغلب مشاركاتها بعلى الطاير ...
بس انو غريب ليش مانها حاططة صورة ... :humm:
بلكي من شدة الغموض .. ما بعرف .. :?
أنا حطيت اسمها بالموضوع بناء ع طلبها .. بس وحق الله ما بعرف شو بدي اكتب كتير غامضة ... لك دورت بحبشت ما لقيت شي .. شبعرفني ... بس تحية إلك .. :D

----------------------------------------------------------
بتمنى يعجب الكل ... تحياتي ... THE PUNISHER " :D[/quote]



:shock: معقول لهالدرجة غامضة
:D بس شكرا الك لأنك تذكرتني:sosweet:

هي ليكني كمان بقسم ع الطاير .. مو بس بالسياسة ..:lol:

بعدين تعا لنشوف .. شو حابب تعرف عني :shock:؟؟؟؟؟؟؟؟ خبرني لقلك:p

شغلة انوالرادارات ما بتوصلي ما فهمتها..... كيف يعني ؟؟؟؟:shock:

تحية من حالي ومني انا الك على اسلوب الشرح المنطقي لكل شخصية فينا
ومنتشرف نشترك معك يا مان
وآش والله انا ما عم شوفو كمان بس بلقطو لا تخاف

لك كل ماشوفها بتموتني من الضحك...
انو بحسها مشتقة من الجذر (ع**)... :lol: