|
في الحقيقة أسرتوني يا شباب! كلامكن وحكيكن رائع كتير كتير...
قريت ما جادت به القرائح أكتر من مرّة، وخاصّة حنّونة! روحوا دربكن مفتوحة وبتمنى ما تغيبوا كتير. لكل الحاضرين هون :D. |
اقتباس:
يالله شو قصة فوبيا الاقلام;) |
شعراء وشغلتكم غزل وكتابة احلى ابيات سحرية بتطير ملكات العقل وتعيش الوحدة باحلام وردية تبنولها قصور من رمل تسكنها فترة زمنية فجاة مع اول فجر تلاقي حالا على شط الحزن مرمية وحيدة تسال ليش هيك عمل وتقول يالله قدبش كنت غبية لغز انتو بقدم الازل ما عرفنا هدا طبع ولا نوبات مرضية ازمة وما لقينالها حل ولا قدرنا نبقى بلاكم ابديا ولما يزوركم الحب عن جد تسكتو وتخلو المشاعر الصادقة سرية!!!!!!????? مش هيك يكون الحكي شاعر وكلماتك قوية سحرها ضمان تسهر الليل تفكر قبل ما تردلك خبرية صداقتنا صداقة حبر وقلم وكرمالها يمكن نشفلكم حل القضية:o ادا احتجتو نصايح بلاه الخجل كلنا اولاد وبنات اخوية :gem: |
اقتباس:
هم اكتر من رائعين مرسي كتير :D |
قوييييييييييييييييييية
بانتظار المزيييييييييد لا تتأخرو كتير... |
اقتباس:
سكرني عطركم... ولهني حرفكم مستني شوفتكم انا الغزل بدمي لو بدكم بسكبلكم والحب ديني ومذهبي كلامي بيدلكم الصداقة ياصديق كنز ما بدو مين يقلكم والخيانة كريهة وانتو طيب اصلكم لو رمشة عيني فكرت مرة وخانتكم بشيلها ... بكبها عندي اخسر عين من عيوني بس ما اخسركم |
اقتباس:
وكلماتك بمي الدهب مسطورة منك نحنا استلهمنا الشعر من عيونك... صورة وصورة تلتْ شعّار يتغزّلوا فيكي وانت تولدتي للشعر مندورة لا تتواضعي وتقولي جديدة لو وحدة غيرك ... قتلها غرورا |
اقتباس:
كتير حبيتها ... كفي كفي:gem::gem: :mimo: |
اقتباس:
قربت ساعتي قربت رح موت اكيد بس لاتتهمو الغرور القاتل يا بتكون عرفتو يا فيه اشتبهت يا بتلاقيه باول الموضوع مدكور كلماتكم بالنور اطرزت وعلى الكل سكبت عطورا صحيح كيف نسيت قول لكل شاعر من قلبي مشكور جمال اساليبكم حرر القلم من اسر طويل دايم شهور من قبل ماكان يسيل حبر الا ان كان القلب مقهور وبفضلكم صرت اكتب واتعلمت وصرت اكتب سطور وسطور شو رايكم تكتبو من غير غزل بلكي منك نستفيد اكتر و نفهم جذور الامور وان عجزتو وكان الغزل ضرورة ليكها موجودة سندور او ادا شيء حلوة من هون مرقت ضرورة صارت ترضو غرورها :D :D :D |
اقتباس:
بس يردو جوابهم مرسي :D |
اقتباس:
ضاعت ملامحها وصار الغزل فاضي وروحك ع سكرة صار لونها رمادي والسرّ خريفو لبس و صار عادي لا بقى تركض وراها بالقصد كل القصد مفهوم بس انت مش راضي! |
اقتباس:
بكل شط صبية ناطرة وتذكار شدّ شراعك وقلها ياريح هبّي طال السفر, اشتقنا لأرض الدار واضحاك... بعرف الدنيا صعبة العمر قصير... والزمن ختيار اضحاك...ولووووه .. لا توجعلي قلبي متلك نحنا بهالدني زوّار قلهم راجع ع بلادي بعد غربة حامل معي ربيع يزهِّر ونوّار جايي..؟ رح انطرك عالدرب الغربي افرش الياسمين والفل غمار كل ليلة عم ادعيلك ربي ترجع للوطن و عَ جبينك الغار وصلّي بكل صدق ومحبة يزيدك سعادة ويطوّل الأعمار ناطرك... قهوة مهيلة بمصبّي والمهباج يرن تينغم الأشعار |
اقتباس:
أشكرُك بوفرة على كلماتِك هذه فيَّ، وإن دلَّ فعلى لطفِك وطيبة قلبِك وسخائك... فأمّا أنا فلستُ من الشّعرِ ولا الزّجلِ ولا من أصحابهما، فعذراً يا أصحاب القلم الجميل! إنَّ كتابة الشّعر نعمة قبلَ أن تكون درساً وتمرينا... أدعو لكَ يا صديقي بالتّوفيق وليدمْ قلمُك وأقلامُ الأصدقاء سخيّة ساحرة :D. |
راجع..... راجع ياشتي راجع بعد ما الصيف حلّى حبات العنب راجع إنت!! فيـّـقت نبعة مي .... وعصفور عاحدودا لعب هالمي شربت من عطش قلبي أنا حبة مطر والشوب من حبو تعب وحلوة اجتني وحاملة بإيدا اعتذار ومفكرة أنو أنا عندي عتب رجعلي بقى وخللي الحب والأشواق وكل وراق زهري تيرجعوا....إلهن سبب |
يمكن أنا مشتاق لَغمرة زنودك يمكن بصدري فاق الصيف تيحمّر خدودك ولَحتى زيّن كُحل هالعين سرقت ليلة ما كان فيها قمر وشلحتا ....عَجفونك وبغفلتو لهالشتي رح أهرب بغيمة وخللي مطرها يسكّت ظنونك إن فاق الشتي وبين عيونك شافها ابتسمي بعينيك إلي ولا تفضحي جنونك جايي بربيعي بعد نومو فيقو يسأل عاحبّ كبير خبيتو بعيونك |
بين عيوني وعيونك سرار وخبار وحكي وسهر وغمرة دفا وشوق وكومة أزهار مدري حلم .... مدري صحوة شمس بعد الشتي .. وحبة مطر اتعربشت عاخدي وبلهفة وبضمة وجع مسحت دمعتي // |
اقتباس:
يا معربشة بقلبي ومشتاقة للضمة يمكن انا نسيان ويا مكحلة ونازل على خدك دمع شفتو وانا سكران ويا شايلة بعبك ريحة شتي وعصفور شو بردان روحي وخبي دمعتك عني بحزنك صرت ضجران وخبري اللي صاير مدري وين نطرتو وصرلي زمان |
راجع أنا متل زلزال, عالهدى يهز الأرض, والبرد الي مخيم بالطريق نازل أنا فوقو ت رد, الدفا ع درب الشغف, وتتذكر البوسة انو وطنها الخد جاي أنا متل نسمة وشوشها النظر , تسرق من حلاكي الصور متل همسة بإدن الضجر تصحي صدى سكران, تغازلو تيرد |
| الساعة بإيدك هلق يا سيدي 10:11 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون