أخوية

أخوية (http://www.akhawia.net/forum.php)
-   منبــر أخويـــة الحــــــر (http://www.akhawia.net/forumdisplay.php?f=15)
-   -   سيريا نيوز تستمر بطرحها المتخلف الغبي (http://www.akhawia.net/showthread.php?t=127036)

Joe 06/08/2009 07:56

سيريا نيوز تستمر بطرحها المتخلف الغبي
 
هل تزوج ابنتك من جنسية عربية أخرى؟
مواضيع للحوار

لو كان لديك ابنة مؤهلة للزواج، فهل تزوجها من شاب من جنسية عربية أخرى؟


وسبب طرح هذا السؤال أنه يحظى بإجابتين: الأولى الرفض المطلق لما يرافق ذلك من مشكلات مرتبطة بالعادات والتقاليد والمشكلات القانونية المرتقبة في حال الطلاق، أو اضطرار الفتاة لمرافقة الزوج إلى بلده وسواها من مشكلات...
الثانية هي التأييد لأسباب عديدة من بينها الفضول للتعرّف على مجتمع جديد، وأحياناً لأسباب مادية خاصة أن معظم من يتقدم من العرب للزواج من سوريات يكونون من الخليج.

فما رأيك فيما سبق؟
هل تقبل بتزويج ابنتك من شاب من جنسية عربية أخرى؟ ولماذا؟






==========




بيعجبني كتير الطرح تبع سيريا نيوز.. كل ما قول انو ما بيطلع معهم اسوأ من هيك.. بيرجعوا بيطالعوني بالخجلة و بيطرحوا اسئلة اضرب و اتعس

انو يا xxxxx.. نفس السؤال و نفس النقاش ممكن ينطرح بس بطريقة تانية حضارية و هي انو نسأل البنت السورية عن رأيها.. هي المخلوقة المدعوسة على رقبتها, مقصوفة العمر سليبة الارادة... بدل ما نغذي نفس التخلف تبع بتجوز بنتك و بترضى لاختك و بتسمح لمرتك... ليش ما يكون السؤال ببساطة... يا ايتها الفتاة.. هل تتزوزين شخصا من غير دولة عربية؟ يرجى الشرح مع التعليل

بس اخي هني بيخافوا من رأي المرأة.. ما تقلهم طبعا ليش لاء... معقول يعني يكون عندها رأي؟ خاصة اذا كان هادا الرأي ما بيصب بصالح الرجل الشرقي .. يعني هيي المفروض رأيها دايما انها ميتة بدباديب الرجل السوري (يلي طبعا بيحقلو يعبر عن عشقه من اي ممثلة او فنانة او انسانة اجنبية).. و الشغلة بقى راجعة لابوها و اخوها و عمها اذا بيحبوا يزوجوها لشب من دولة عربية تانية (قال احلى شي الفضول للتعرف على مجتمع جديد... لك !#^))%$#... )

لازم نحنا نرسخ, بمساعدة سيريا بطيخ نيوز, العادات و القيم المتخلفة يلي بتعكس صورة انو البنت او الاولاد بشكل عام عبارة عن ملكية للاهل

متل مثلا الموضوع السابق تبع شو بتساوي اذا اكتشفت انو ابنك شاذ (طبعا اول المسخرة استخدام كلمة شاذ المنبوذة بدل استخدام مصطلح مثلي جنسيا)... و طبعا التركيز على الابن بما انه شرف العيلة بما يتعلق بالنسل كونه صاحب الخصيتين و العضو التناسلي... يعني ما حدا جاب احتمال سحاقية البنت.. و طبعا اتبرعوا بوضع خيارات كلها اضرب من بعضها متل اخدو على اخصائي او يمكن بيقتلو او يتبرى منه

المهم... سيريا نيوز مستمرة على نهج التخلف و الغباء و قلة الفهم...



لسا على هل تقبل و هل تقبل..



كان بودي اهدي القائمين على موقع سيريا نيوز كم تلحيسة (بوظة بكداش طبعا) بس ما رح اهديهم حفاظا على الذوق العام و منعا لخدش حيائه


ابو نجبو 06/08/2009 08:19

بتعرف....!!!
يمكن صرلي 3 سنين مالي فاتح هالموقع...

أول ما طلع الموقع ..استبشرنا خير و قلنا التغيير جاي...بس بعدين اكتشفت انو مابتختلف عن جريدة الثورة بشي.....

Joe 06/08/2009 08:28

ع راسي ابو نجبو.. شو اخدك ع الصين يا رجل؟

موقع سيريا نيوز بينطبق عليه المثل القائل لسنا الافضل لكننا الوحيدون...

Elephant And Castle 06/08/2009 08:37

يا رجل ..صفحاتون غير مريحة للنظر ...بتلاقي بصفحة وحدة بس من عشرين لتلاتيين اعلان تجاري ...مسخرة ما بعدها مسخرة ...

اغبى موقع بالعالم ,,,و ما بيسمح غير بتعليقات غبية بمستوى الموقع نفسو

ابو نجبو 06/08/2009 08:47

اقتباس:

كاتب النص الأصلي : Joe (مشاركة 1311325)
موقع سيريا نيوز بينطبق عليه المثل القائل لسنا الافضل لكننا الوحيدون...

هع...


صدقت.....:lol:


والانكى من هيك ..من حين لاخر بتطلع اشاعة...قانون جمارك...اقتصاد...ماليّة.... بيروحو هنن بيحطوها خبر....بيخربو الدنيا فيها....
من فترة 4 شهور عملولنا بلبلة بالشغل كرمال اشاعة حطّوها ...على أساس خبر...من مصدر رفض الكشف عن اسمو....:frown:

Joe 06/08/2009 08:53

طالما مصدر مطّلع يعني انسى.. :lol:

marochka 06/08/2009 09:06

طيب شو رأيكن بموقع all4syria عم يقولولي أنو ما بو شي وأخبارو غالباً مظبوطة، حدى بيعرف عنو شي ينصحنا قبل ما نضيع وقت ونجربه؟

jano. 06/08/2009 09:50

أحياناً بقرا بفقرة "مقالات وآراء" مشاركات حلوة. غير هيك موقع سيريانيوز منافق ومتخلّف وياما ما نزلولي مشاركاتي :pos:

W.E.G.A 06/08/2009 10:28

لك اخييييي

هس هس هسسسسسسسسس

شبك خلينا فرحانين انه عنا موقع

ضروري تفيقني على الحقيقة المرة

شبك من الصبح

:cry::cry::cry::cry:

butterfly 06/08/2009 12:11

موقع سيريانيوز ، بدي بنفس وتابع بنفس تاني ، ولسى عم يتابع بنفس تالت اسوأ من الاول

هلق المهم ( انو في واحد لاطشلي خربوشة عندن وما عم يردو عليي ويحزفوها :cry: )


وصحي .. Joe
ما عرفنا جوابك ع السؤال
هل ترضى ولا لا ترضى ؟ :flala:


Dndoshy 06/08/2009 13:17

فكرة انو الواحد شرفو معلق ببنتو أو بابنو طول ما ضلت مرافقا عقول الشعب..بيضلو xxxxxx
لك يا أخي كل واحد شرفو لحالو هوي بيرفعو وهوي بيوطي.........بس..عبث





مع أنو أنا هالموقع اسى ماني فاتحو ولا مرة..بس هلق عالحارك رح شوفو:lol:

Nay 06/08/2009 14:54

اقتباس:

كاتب النص الأصلي : marochka (مشاركة 1311333)
طيب شو رأيكن بموقع all4syria عم يقولولي أنو ما بو شي وأخبارو غالباً مظبوطة، حدى بيعرف عنو شي ينصحنا قبل ما نضيع وقت ونجربه؟

كلنا شركاء موقع كتير محترم.. بينزل فيه مقالات كتير مهمة وتحليلات لوقائع البلد..

marioma alghzayala 06/08/2009 15:18

ما .. ما ما ..

ما فكّرت شي مرة اقرا فيه :oops:

Joe 06/08/2009 21:05

اقتباس:

كاتب النص الأصلي : butterfly (مشاركة 1311386)


وصحي .. Joe
ما عرفنا جوابك ع السؤال
هل ترضى ولا لا ترضى ؟ :flala:



طبعا لا أرضى :x

مو ناقص غير يسألوني هل ترضى بنتك تستخدم برامج الدردشة و الفيسبوك :jakoush:

suryoyo 06/08/2009 21:59

اقتباس:

ليش ما يكون السؤال ببساطة... يا ايتها الفتاة.. هل تتزوزين شخصا من غير دولة عربية؟ يرجى الشرح مع التعليل
بكل الاحوال رح يبقى السؤال بلا معنى !

الزواج مو شراء كم كيلو بندورة ... حتى تعرف تاخذ بندورة محلية او بندورة مستوردة :lol:


بعد كم يوم ينزل سؤال بالموقع ...
هل تغسل وجهك اول ما تفيق من النوم او بعد الفطور :lol:

sona78 06/08/2009 22:21

لك انت فهمت الموضوع غلط..;)
ما هوي باللغة لعربية المذكر والمؤنث تيناتون يستخدمو صيغة المذكر احيانا :frown:
يعني بتعرف اللغة عنا كمان الها صيغة ذكورية ( كيف ما تسالني بس هيك قلنا مدرس لغة عربية مرة!!:shock:)
فهمت هلق شلون:o

لك اخخخخخخخخخخخخ :sick:

VivaSyria 07/08/2009 01:18

بتعرف يامعلم بهالموضوع وفرت عليي تعب اني نزل موضوع صرلي عم فكر فيه اكتر من شهر عن سيريا نيوز وشام برس يلي تخطت وقاحتون كل الحدود

المشكل الاساسي مانو باستطلاعات الرأي أو التحقيقات الخاصة وإنما المشكل بطريقة عرض الأخبار بشكل عام وكأنما بعدنا على أيام ماريا ديب والقناة الأولى والتانية وماعنا مصدر للمعلومة غير مواقعهون السخيفة

تصور لدى قراءتي لأحد اخبار شام برس مثلاً عن اتهامات لجنة مراقبة الانتخابات اللبنانية للمرشحين بدفع الرشاوي كنت حاضر المؤتمؤ الصحفي من نص ساعة ويلي أعلنو فيه عن التقرير.. المهم اللجنة أعلنت عن 22 خرق قبل الإنتخابات وانقسمت الخروقات بين فريق 14 آذار و8 آذار بالتساوي فبتفاجئ بالخبر بشام برس 22 خرق للانتخابات من قبل فريق الحريري... فاجيت بعتلون لينك التقرير الرسمي من موقع اللجنة انو يااخي بس حفاظاً على الحد الادنى من المصداقية طبعاً ما نشرو التعليق

منروح على سيريا نيوز جايبين من فترة خبر انو اوباما يعلن انه جاهز لزيارة سوريا وهيك بس حو حاطين تفاصيل كلام اوباما لقناة فوكس.. فاذا بترجع للنص الكامل لحكيو قال انا جاهز لزيارة سوريا بعد ما تعالج سوريا ملفات حزب الله وحماس وتهريب الارهابيين للعراق

طبعاً هاد غير تطنيشهون الكامل على اي خبر ما بيجيهون من المخابرات متل مواضيع الاعتقالات التعسفية او التنقلات بالجيش والامن وملفات الفساد يلي مو مرضي عن فتحها من الحكومة... ومن كم يوم فضحهون ايمن عبد النور بكلنا شركاء بانو نشر مادة كتب تحتها وردتنا من احد افرع الامن وننشرها كما هي عن اعتقال صلاح كفتارو فبتروح على شام برس بتلاقي نفس المادة منشورة ومذيلة بتوقيع شام برس وكأنها تحقيق خاص بالموقع..

يعني ياصاحبي بغض النظر عن رضايي او عدم رضايي عن تحريف الاخبار بهالشكل وحتى لو انا شخصياً ممكن انبسط ببعضها بس بحسو استغباء كبير للقارئ انك تعاملو وكأنو خاروف بدك تقريه الخبر متل ما انت بدك وكأنو هو مابيحقلو يقرا الخبر كما حصل ويحلل بعقلو

Joe 07/08/2009 03:16

اي و الله طريقة عرض الاخبار كلها على بعضها مخجلة .. و الامثلة كتيرة جدا. و حتى مقالات نضال معلوف احيانا فيها الكثير من عدم الاحترافية بالطرح (مثلا تبع لما صوّر كم وسخة بنيويورك و جاي عم يقارنها بسوريا و انو مو بس سوريا وسخة.. هي لحالها كان بدها موضوع)

يبدو راحت عليك البحتة السابقة تبعي هون

- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا -



لازم اتعلم من اخطائي و ما بقى ادخل بس المشكلة ما بعرف غيرو موقع يقلي شو عم يصير بسوريا


الساعة بإيدك هلق يا سيدي 16:14 (بحسب عمك غرينتش الكبير +3)

Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون

Page generated in 0.03186 seconds with 11 queries