|
ماذا تطلب من حكومتك؟
طبعا .. وأكيد .. وكلنا عارفين أنو ما حدا بيسمعنا .. ولا حدا رح يسمعنا ..
رح نحكي عالسكت وبهدوء ... مشان ما يطلع الحكي لبرا .. كلنا بدنا نعيش .. كلنا عنا احتياجات .. كلنا عنا أفكار .. كلنا عنا تصورات .. لالنا .. لاهلنا .. لمجتمعنا .. لبلدنا .. هلا البلد .. الوطن .. شو بدك منو ... ؟ شو بطلب من حكومتك مشان تصير بلدك أحسن .. مشان يتقدم البلد .. مشان انت يا مواطن تقدر تعيش وتعيش مرتاح ؟ تعليم .. صحة .. حرية .. الخ .. تخيل انو في بعض الدول المواطن يطلب .. يطالب .. يتظاهر .. يكتب ... يُضرِب .. يقول ما يشاء .. والحكومة في الغالب تلبي .. ! هون بنا نعبر عن مطالبنا بكل حرية .. لانو عنا مساحة من الحرية . .حتى ولو صغيرة .. يمكن يوم تكبر ... بس بدنا نحط تصور واضح .. شي فعلا ممكن يساهم في تقدم البلد ؟ اطلب ولا تستحي !! اطلب فانت مواطن وهذا حقك ! |
صراحة انا بطلب من حكومتنا اظل متل ماهيه
بس يحسنو وضع المعيشه للمواطن ، و يطلعو هل كم حرامي يلي فيها كلام مالح يعجب كتيرين سب هاد يلي بطلبو انا |
حرام عليكم خنقتونا
|
بدي بس تتغير سياسات الحكومية التعليمية
وخاصة وزير التعليم العالي والمجلس تبعو لانون عم يخبصو كتير وخاصة بالقرارات يلي بتجي متاخرة وياريت تلاقي الحكومة حل لمشكلة العراقيين يلي خربو اقتصاد البلد |
أخ جيتي عالوجع :cry:
أولا ( وهي من باب كل واحد بغني عاليلو ) : أرحمونا بالرسوم الجامعيه .. لما واحد بالعيله يدرس جامعه العيله بتضل اربع سنين صايمه عن الاكل والشرب .. العمى :frown: نانيا : سيبكم من قصص العشائريه .. وحطولنا مشان الله مسؤولين بيفهمو تالتا : لازم الدور بديوان الخدمه يتورث .. لانو هيك هيك الواحد ما رح يطلعلو .. يستفيدو ولادو رايعا : تزكرونا بالتعديل الوزاري الجاي خامسا : ما في شي .. بس ورده لاحلى نيرفانا :D |
يعني نحكي ؟؟؟
واذا حكينا رح يردو علينا بدنا كتير وكتير ورح نحكي بدنا نعمل اضراب بدنا يتحرر شبابنا من السجون بدنا نشتغل بدنا مستقبل بدنا ضمان صحي بدنا ما نهاجر لبرا بدنا ما يتحكم فينا شرطي السير ومجند بالمخفر بدنا شوفير الضابط .... او الضابط ذاتو يعرف انو السيارة يللي راكبها من مال الشعب بدنا الضرايب تخف ما تزيد بدنا كتير وكتير بدنا نحكي بحرية وما حدا يحاسبنا بدنا نعيش متل البشر كلها بدنا قانون يحاسب الكبير قبل الصغير وبدي نام وما فكر انو بكرا بجوز صير ببيت خالتي |
اقتباس:
|
بنفسجه حكومتي غير عن حكومتك :D
بس بكل الحالات الوضع ببكي :cry: |
اقتباس:
سلامتن بطلب سلامتن |
يخففو شوي ع الشعب
وكل واحد بيدبر راسو :larg::larg::larg::larg: |
ردي 3 كلمات وحرف عطف ضبو غراضكم و ارحلو :jakoush::jakoush: |
اقتباس:
انا بايدك بس مو لكل الوزراء |
قانون يطبق على الجميع .. " لا أحد فوق القانون "
جهاز قضائي مستقل وحر وشريف إعلام .. حر .. قانون أحزاب .. منطقي إلغاء قانون الطوارئ أطلاق سراح " مو عفو .. إطلاق سراح " معتقلي الرأي اقتصاديا بدي كتير كتير كتير قصص خصخصة - سياحة - عقوبات أكبر على الفساد وسرقة اموال الدولة .. كتير بدنا أشيا .. بس فين يبدو بهدول |
ضمان صحي
قانون لا احد يعلو فوقه نظـــــــــــــــــــــــ ـــــــام |
الاســـتقالة .
|
ياااااااااااااااااااااااا اااااه شو بدي اطلب لاطلب يللا رح اطلب وشوف شو بيلبولي منها
1- اعلام متل الناس والخلق 2- ثقافة منتشرة للجميع 3- توسيع الشوارع 4- توسيع الجامعات 5- حل مشاكل اللاجءين 6- محاربة الفساد 7- الاهتمام بالسياحة خاصة دمشق 8- قوانين جديدة للاعلام والاحزاب 9- انفتاح اقتصادي 10- تحديد الاسعار 11- وقف الهجرة 12- الاهتمام بالريف 13- تقليل المهرجانات 14- الضمان الاجتماعي 15- فرص عمل وفق الشغل 16- الايدي العاملة السورية الاهتمام بها 17- الاهتمام بالشباب السوري على انه شباب سوري 18- تحسين مطارنا وخاصة مطار دمشق 19-تخفيف المناهج 20- نشر ثقافة العمل الانساني والتطوعي 21- عدم حجب اخوية 22- تخفيف الضرائب والفواتير 23- عدم قطع الكهرباء 24- تامين مصادر للمياه والطاقة 25- تعديل قانون الجرائم وتحديدا جرائم الشرف 26- تعديل قانون الاحوال الشخصية 27- تعديل قانون الزواج والسماح بالزواج المدني 28- تخفيض فاتورة الخلوي 29- توسيع وتحسين شبكة الانترنت 30- تلبية المطالب 29 والسابقة 31- ما تشحطوني بسبب هالمطالب |
اقتباس:
الخصخصة هي اللي عم تخلي المافيا تمسك باللي بدها ياه.. قبل كان قطاع عام فاسد.. هلق صار قطاع خاص استثماري استغلالي... خود بقى تعا قيمني |
ولا هاد تحسن ولا هداك
|
| الساعة بإيدك هلق يا سيدي 14:34 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون