|
الإفراج عن ميشيل كيلو
أعلن موقع المرصد السوري منذ قليل عن معلومات تفيد عن أنه تم إطلاق سراح ميشيل كيلو مساء اليوم, الثلاثاء, بعد احتجازه لمدة يومين في فرع أمني نُقل إليه بعد انتهاء مدة حكمه (ثلاث سنوات) في سجن عدرا...
بانتظار أخبار أخرى, منقول للأستاذ ميشيل مبروك الحرية, و عقبال كل أسرى الضمير و منهم أصدقائنا و شبابنا... عشتم و عاشت سوريا و أبناءها :akh: |
يمكن ماعاد رح نشوفك عالتلفزيون السوري :lol:.. على كل الحمدلله عسلامتك مسيو ميشيل :akh:..
|
عقبال ما نفرح بشي حقيقي . اصلاح ذاتي و سلمي و خطوات عنجد تعيد الأمل .
مبروك الحرية لـ ميشيل كيلو . :D |
اي .. الف مبروك ..
و ع قبال الشباب لو بيشملون قانون تلات رباع المدة .. رح نبلش نشوفهون هالسنة |
اي الحمد لله ع السلامة
ايمتى رح ترجع تزور الشباب؟;) نتمنى تكون بداية لمرحلة جديدة بهالبلد يكون قادر يسمع لكل واحد فيه و يكون قادر على استيعاب الكل بس مو عند الشباب مشان ما تفهمونا غلط |
مبارك لنا ولسوريا الإفراج عن المناضل الكبير ميشيل كيلو...
ميشيل كيلو... سوريا اشتاقتلك الخبر من كلنا شركاء: أخيرا أفرجت السلطات السورية اليوم عن الكاتب والصحفي السوري ميشيل كيلو بعد حجز حريته لمدة أسبوع بعد الإفراج عنه من سجن عدرا المركزي. وكانت معلومات وردت لكلنا شركاء أن ميشيل كيلو نقل إلى جهاز أمن الدولة فور خروجه من سجن عدرا، وخصوصاً فرعي المعلومات الذي يرأسه (ز.ح) والفرع الداخلي الذي يرأسه (ت.ع). |
اقتباس:
|
مبروك لـ مشيل كيلو
وع ئبال كريم والشباب وكل الاسرى  |
الف مبروك للانسانية الافراج عن المفكر ميشيل كيلو وبتمنال العودة السريعة لنضال من اجل وطن افضل :D
|
مبروك لميشيل كيلو ...و مشان بقية الشباب ,,,يالله هانت .
|
بالفترة الأخيرة افرجو عن طاهر عبد القادر و سفيان بكور و قبلون دليلة و هلئ ميشيل كيلو ...و اخيرا صرنا نسمع انباء شوي بترد الروح ...اكيد المطلوب لسا كتير كبيير ..بس بما انو ما في باليد حيلة ...فخلوبا نتأمل انو الشي هاد مؤخرا هو سياسة جديدة
على فكرة ,,,نحنا شعب ما كتير متطلب ..يعني افراج عن شي معتقل و فتح موقع مغلق سابقا منشوفو قد الدنيا !! ...لأنو بصراحة ما باليد حيلة . بتمنى اهل السلطة يعرفو الشي هاد و يعرفو انو بالسجون هني سوريين و ماحدا كان قصدو يضر لا بسوريا و لا حتى بقيادتها يعني الغاء قانون الطوارئ مثلا رح يخلي كتير معارضين يعيدو النظر و الشعب ما بقى رح ينظر لقيادتو و كأنها عدو ! |
مبروك للاستاذ ميشيل الحرية....
وعقبال مانشوف كريم عربجي ورفاقو....أحرار و بيناتنا..... :D |
الأستاذ ميشيل صخرة الحرية الف مبروك وانشالله الأيام السودا مابترجع ويكون فجر حرية جديد لبلدنا الحبيب
|
الحمد لله على سلامتك وعقبال كل الاحرار
|
ميشيل كيلو المناضل الذي لا يكل او يمل ألف الحمدلله على السلامة
|
مبرووك وعقبال حسام والكل طبعا
:D:cry: |
مبروك.. لميشيل وعقبال عند الباقي وخاصة اكرم وانور البني..
غريب انو المحطات الاخبارية الفضائية ما جابت سيرة اطلاق سراح ميشيل كيلو باستثناء خبر قصير بالشريط الازرق بمحطة العربية.. يعني انا ما سمعت شي... حدا سمع؟! |
اقتباس:
لأنو كل المواقع كتبت عن الموضوع:?.. بس لا ولا كلمي:pos:.. |
| الساعة بإيدك هلق يا سيدي 08:03 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون