أخوية - مدينة الياسمين..وأنا

الصفحة 1 من 2

عرض 40 مشاركة من هذا الموضوع في صفحة واحدة

أخوية (http://www.akhawia.net/forum.php)

- السقيفة (http://www.akhawia.net/forumdisplay.php?f=58)

- - مدينة الياسمين..وأنا (http://www.akhawia.net/showthread.php?t=126124)

..Jimy

21/07/2009 19:22

مدينة الياسمين..وأنا

رحت عالشام بعد طول غياب.. متغيرة كتير الشام خلال اربع سنين..

كنت خلال معظم اوقاتي بالشام هيك:shock:..واحيانا هيك:?..

ما رح احكي عالتلوث البصري عطريق الشام..لأ بقلب الشام اعلانات عشوائية..مباني عشوائي ..سيارات عشوائية ..سير عشوائي..شوب وخنيئ وعجئة..

مارح ائدر..مستحيل ائدر عيش بالشام :cry:.. ما كنت عم بئدر اتنفس..مافي هوى..اختنئت..

وينها مدينة الياسمين :cry:؟؟وين دمشق نزار:cry:؟؟..

(عم فكر سجل اي فرع بحمص.. مافيني بالشام:pos:..)

Dndoshy

21/07/2009 19:32

لي مو كل عواصم العالم هيك:?..

بس هالشي صار معك لأنك مو متعود عليه:shock:..
بس اذا بتصبر فترة بالشام بتلاقي الشغلة صارت عادية:adal:

باشق مجروح

21/07/2009 19:35

بالشام لسع في مكانين بس : قاسيون و الشام القديمة . و غيرو بدك تكبو بالزبالة . مدينة غير صالحة للحياة البشرية :cry:

Sun Shine Art

21/07/2009 19:40

كتير عم تفائلونا ......:cry:

انا لهلىء الشام بقلبي وبذهني ..شوارعها كلها ياسمين .وريحه قاسيون بتوصل للعباسين ..وسحرها موجود بين حيطانها وبيوتها وشوارعها ....مافيني اقبلها غير هيك

saman

21/07/2009 20:33

اقتباس:

كاتب النص الأصلي : ..Jimy (مشاركة 1301245)

رحت عالشام بعد طول غياب.. متغيرة كتير الشام خلال اربع سنين..

كنت خلال معظم اوقاتي بالشام هيك:shock:..واحيانا هيك:?..

ما رح احكي عالتلوث البصري عطريق الشام..لأ بقلب الشام اعلانات عشوائية..مباني عشوائي ..سيارات عشوائية ..سير عشوائي..شوب وخنيئ وعجئة..

مارح ائدر..مستحيل ائدر عيش بالشام :cry:.. ما كنت عم بئدر اتنفس..مافي هوى..اختنئت..

وينها مدينة الياسمين :cry:؟؟وين دمشق نزار:cry:؟؟..

(عم فكر سجل اي فرع بحمص.. مافيني بالشام:pos:..)

متل ما قلك صافو ... بالشام ما في غير مطرحين حلوين .. قاسيون (المهاجرين) .. ودمشق القديمة ...بالمهاجرين قليل لتلاقي بيوت للآجار ...:pos:
ازا ع بالك بدورلك .. بالشام القديمة كوني ساكن فيها ... الرواق ع اصولو حبيب :gem:
بدورلك ع شي بيت او غرفة للآجار بأحد البيوت العربية او الشبه عربية ... شي ناهي :larg:
فا انو ازا ع بالك ... بهالمنطقتين الرائعتين .. بتلاقي الياسمين بالطريق مليان .. لحتى تشبع ... بس ما بتوقع انك رح تلاقي نزار :lol:

يمان Rooooonaldo

21/07/2009 21:37

الشام هيّة هيّة ..

نحنا اللي عم نركد .. وننهب فيها .. يمين ويسار .. كلّو بدو يعيش ..
الزمن عم يمشي .. بس .. الشام هيّة هيّة ..

:D

..Jimy

21/07/2009 23:08

لك مو بس هيك..بـ6000 بالشام بتاخد غرفي بمنطقة جيدة شوي :?..
بـ6000 بحمص بتاخد شقة..

jano.

21/07/2009 23:39

زمانية كانو ناويين يعملو شارع أو أوتوستراد ويمرقوه بالشام القديمة.. شو صار بالمشروع هلا؟

saman

21/07/2009 23:41

اقتباس:

كاتب النص الأصلي : Urhoy (مشاركة 1301486)

زمانية كانو ناويين يعملو شارع أو أوتوستراد ويمرقوه بالشام القديمة.. شو صار بالمشروع هلا؟

وع اساس بيتنا يروح بالقص :lol:
بس ما بيسترجوا :sly:

jano.

21/07/2009 23:50

اقتباس:

كاتب النص الأصلي : saman (مشاركة 1301487)

وع اساس بيتنا يروح بالقص :lol:
بس ما بيسترجوا :sly:

أي منيح ما قصوه :lol:
لك اهلييييين ميرو العظيم، كيفك ياشيخ؟
بس ماحكيتلنا شي عن المشروع الفظيع.. بوقتا كنت متابعو للموضوع بس بعدين ماعاد سمعت شي...
ياريت تحكيلنا شو صار بشكل عام.

saman

21/07/2009 23:54

اقتباس:

كاتب النص الأصلي : Urhoy (مشاركة 1301493)

قهلا قهلا اورهوي .. والله انا مشتقلك ع فكرة .. طللك طلة ع المسنجر لشوف :gem:
بالنسبة للمشروع ..
يا سيدي ما انت .. نحنا اول ما اشترينا البيت يلي ناج باب شرقي .. قالولنا انو بدو يروح بالقص بعد ما فتحو ساحة البيطرة وزبطوها ... بس ما راح شي بالقص ولا هم يحزنون ... شكلهن ناموا ع السيرة .. انشالله نومة اهل الكهف :pos:

يمان Rooooonaldo

22/07/2009 00:05

اقتباس:

لك مو بس هيك..بـ6000 بالشام بتاخد غرفي بمنطقة جيدة شوي ..
بـ6000 بحمص بتاخد شقة..

كمان .. بالضيعة بتاخد قصر ب 600 ورقة .. بس بباريس .. بتاخد .. بلاطة عالرصيف فيهم .. !

معليم .. ما عم قلك انو ما في غلاء .. بس اجباري وشي عالمي مانو حصريا بالشام !

المحارب العتيق

22/07/2009 02:29

الله يرحم مدينة الياسمين . حتى قاسيون انا مابتفق مع الشاب بهالشغلة . انتزع وصار شي مقرف . بدك تدور على شي مكان فيه يكون مافيه مقصف أو فرصة رزق متل مو الكل شايفينو :pos:

saman

22/07/2009 02:39

اقتباس:

كاتب النص الأصلي : المحارب العتيق (مشاركة 1301619)

انا عادة بقعد فوق ... بس الا ما لاقي كم منظر مؤذي وكم منظر مقرف وكم صوت بيـــخــــــ ــــلي الواحد ينرفز كـ سارية السواس واخواتها ....:frown:
بس الا ما تقعد شي نص ساعة بـ شوية صفاء :larg:

المحارب العتيق

22/07/2009 03:05

اقتباس:

كاتب النص الأصلي : saman (مشاركة 1301626)

لك اخ . سارية السواس . ومطاعم شي مقرف . واسعار سبطعشر نجمة . وبسطاطية أخدين الأارصفة وعم يأجروها . بس أخر مرة لقيتهم مصادرين البسطات ( شيئا ما ) . الاحلى من هيك قال عم يحاربو الشحادين كمنظر غير حضاري . هجمو على واحد وبلش الضابط فيه ضرب كأنو صهيوني . وطلعو عالسيارة لهل القرد . يعني يامحلى منظر الشحاد قدام منظر قتلتو وشحطو من عشرين شرطي . ورايحين جايين رايحين جايين . بتحس كأنك قاعد بمخفر

طبعا أنا ماعم قول كل يوم بيصير هيك . بس هاد مثال . يعني القصة مو ظابطة . فيها شي غلط . وعسا يرجع متل أول

marioma alghzayala

22/07/2009 10:02

وقت بدك تنتقل عالشام وجاي ومصمم تعمل شي ..

ما لازم تقول مابقدر ..

وما لازم تقارن بين الشام وحمص لان رح تتعب صدقني..

مو بس كطبيعة جو .. عالم غير وناس غير .. حتى الاسعار بين حمص والشام متل ما حكيت انت طبعا غير ..

بس اول شي ممكن تحس بغربة بس بعدين بتتعود ... وبتصير بتشتاق للشام متل ما بتشتاق لحمص

بس انت طالع لتعمل شي بدك تصبر مشان تحققو ...

وعليهم :gem:

..Jimy

23/07/2009 00:08

عليهم...

saman

23/07/2009 03:15

اقتباس:

كاتب النص الأصلي : ..Jimy (مشاركة 1302136)

عليهم...

عليك لحالك... :lol:

الساعة بإيدك هلق يا سيدي 23:57 (بحسب عمك غرينتش الكبير +3)

الصفحة 1 من 2

عرض 40 مشاركة من هذا الموضوع في صفحة واحدة

Page generated in 0.06477 seconds with 11 queries