|
مشكلة كبيرة كتير مو عارف حلها حلوها بليز ؟!@#$#$%^
في لألي صاحب عزيز علي تبلت عليه وحدة من المسوا الراقي من تحة ومابدي قول شو بتشتغل فهمكم كفايه تبلت عليه أنو كان يحاول يغطصب بتنها عمرها 9 سنين وهوه عمرو 25 سنة على هوه حكيها انو كان ماسكها وخلصة حالها منو وفلة منو طفلة فلة من شب عمر 25 سنة ومسكوه وفي مجال كبير أنو يروح بيها أقل شي 6 سنين أقل شي ولازم أحلف يمين على القرأن الكريم أنو ما صابها وانا مو واثق أنو ما لمسها ولا قربلها بنوب ومني عارف بعد شهر المحكمة ومو عارف أحكلف ولا شو سألة 6 شيوخ واحد حرام يا أبني وثاني إذا بدك تخلصو من السجن لمدة كبيرة عادي بس أتخفر ربك وثالث ولرابع خامس إلى خخخخخخخ مني عارف احلف ولا شو بليز ساعدوني وأخواتو كلهن بترجوني ومشان الله تعا أحلف وخلصو شو اعمل؟؟؟؟؟ :cry: :cry: :cry: :cry: :cry: :cry: :cry: :cry: :cry: :cry: :cry: :cry: :cry: :cry: :cry: :cry: :cry: :cry: :cry: :cry: :cry: :cry: ملاحظة : عدي أستعداد أنو اروح لعند مفتي الجمهورية إذا عاد ستقبلني ؟ |
Mt:5:37:
37 بل ليكن كلامكم نعم نعم لا لا.وما زاد على ذلك فهو من الشرير (SVD) اي قل ماتعرفه دون اي زيادة |
والله فعلا مشكلة عويصة
هلئ اذا ما حلفت يمكن يكون صاحبك بري ويمكن لا اذا كان بريء رح تنهدم علاقتك معو لانك ما وقفت معو وساعدتو لانو فيها ضياع مستقبل واذا كان مو بريء فهو رح ياكل جزائو وانت نفسك ما رح ترتاح لانو صاحبك واهلو رح يلوموك كتير واذا حلفت وصاحبك بريء رح تكون ساعدتو باكبر محنة بيتعرضلها بحياتوو واذا صاحبك مو بريء بتكون ضريت البنت ونفعت صاحبك يعني حلفك على باطل بس بامكانك توضح لصاحبك الامر انو يزبط علاقتو مع المرة اللي رافعة الدعوة ويخليها تتنازل عنها وانت بدورك ممكن تساهم بحل هالمشكلة قبل ما تحلف وتتورط انا جاهز للنقاش في حل المشكلة :D |
انا برايي اذا انت واثق بس احلف اما اذا ما كنت واثق وكان صاحبك برئ ربك كبير وما بينسى عباده:pos: :pos: :pos:
|
لا تخالف ضميرك
صلي بلكت يظهر دليل آخر يحب القضية |
انا برأي اليوم قبل ما تنام او بكرة .. صلي صلاة الاستخارة .. واستخير ربك انه تشهد ولا لأ ..
وان شاء الله الأمر راح يسهل عليك .. وراح تشوف منام بالليل .. اذا كان الله راضي عن هالشيء او لا .. وممكن اذا ما شفت المنام .. الأمور لحالا راح تنحل بسرعة .. بعد صلاة الإستخارة .. وان شاء الله خير ... تحياتي .. |
انا برأيي انك تروح لصديقك وتقوله انه هو يحلف على المصحف انه برئ واذا حلف هو خلص احلف انت بس اول تاكد من انه بجد برئ
|
يا زلمه احلف :pos:
|
يا أخي الموضوع ليس بهذا التعقيد اذا كنت واثقا من صديقك 100% أنه لم يفعل ذلك فلاشيء عليك وإن حلفت وبالنسبه له ولك الحلفان على عدم اللمس المقصود به هنا التحرش الجنسي الامر بتصوري بغايه البساطه مجرد التأكد من أن صاحبك على حق كي لاتظلم أحدا وإن كان غير ذلك فدعك منه وكما أشار الاخ محبه أن تقول ماتعرفه دون زياده وهذا الذي سينجيك الدين ميسير لماذا يحب البعض تعقيده والدخول في مجالات لاجدوى منها دمت بود :D |
حبيبي اذا كنت بالشام ف مفتي الجمهورية بيحللك ياها وهو موجود بمكتبو كل يوم اربعاء لاستقبال الناس امثالك و على ما اعتقد هو بيحللك ياها ومكتبو بوزارة الاوقاف بساحة الميسات - الطابق العاشر .. اتمنى ان تكون قد وجدت الحل .
|
مرحبا أبو الشباب:
هلق أنتي شاهد يعني لا بدها مفتي و لا شيخ يبحثلك ياها: شاهد يعني شفت شي أو سمعت شي و بدك تدلي بي يلي سمعتو بكل بساطة الشاهد الفروض يحكي الحق كل الحق دون زيادة أو نقصان يعني بدون ما يخبي و لا يزيد من عقلو هلق إذا ما بتعرف ليش لتشهد؟ حكي اللي بتعرفه منجي لصاحبك : إذا بدك تكذب لتنجي من الحبس ؟ ليش؟ إذا هو عامل عملة ليش ما يتحمل عقابها انشالله عشر سنين و أكثر و نحن هون عم نحكي عن الاشتباه بجريمة اعتداء على طفلة و هي أسوء أنواع الجرائم على الإطلاق لأنها بتخرب حياة هي الطفلة و إذا كان عمرو 25 سنة يعني واعي لازم يتحاسب و أشد الحساب على جريمته في حال كان ارتكبها فعلا ؟ هلأ أنت كيف فيك تشهد انو ما ارتكبها ؟ ما فهمت أنا على كل حال الأخبار الجيدة : أنتي فيك تنصح أهلو يطلبو استشارة اختصاصي اجتماعي نفسي : ليش؟ لأنو في خبراء شرعيين بيحددوا و بالمعاينة الجسدية و النفسية إذا الطفلة تعرضت لأي نوع من أنواع التحرش او الاعتداء ، بما فيها اجراء اختبارات نفسية و من بضع أسئلة بيتضح مباشرة في حال الطفلة كانت ضحية لهيك أفعال شنيعة ، يعني إذا اثبت نفسيا و جسديا أنها مو متعرضة لهيك شي.. صاحبك بتثبت برائته أخيرا إذا عم تنظر للموضوع من وجهة نظر دينية بحتة يعني و عم تسأل شيوخ و مفتيين ما بدها كل هالجهد واضحة متل الشمس : الرسول بيقول أنو المؤمن ما بيكذب يعني لما بتقول شي ما شفتو هادا كذب لو فتالك ياها ألف شيخ ، و بالنهاية أنت إذا كذبت و ثبتوها عليك فإنت بتتحول من شاهد نفي إلى شريك بالجريمة |
اقتباس:
وانا مع رايك بس يمكن اذا خلصتوا من هالمشكلة يتوب والله يهديه ويحرم يعمل هيك شي مرة تانية وانت بتكون كسبت الاجر والثواب انك اهديت رفيقك بس اول الكل تحلفوا على المصحف انو برئ |
يعني مافي فحوصات عدم المؤاخزة يعني ... مابتقدر تحلف من بعد صاحبك شو يعني ازا الشغله فيها 6 سنين
حبس اكيد رح يحلف مافي شي الا بعد الفحوصات ازا البنت مالها اشي والله يازلمة يعني بترضاها انت ..؟؟ |
بلكي صابك متل الادعشري بباب الحارة ...:p
|
لك حجي
اذا واثق منو ومتاكد منو للزلمة وانو هو ماعملا شي للبنت وعندك يقين 100% فشو عبتستنى رووووووووح حليف حليف لكن هيك بتخلي يروح فيا خمس ست سنين اي والله حراااااااااااااااام واذا بدك تشوف مفتي الجمهورية بتحسن تشوفو بحلب كل يوم سبت بجامع الروضة بتشوفوا وبتحكي معو عااادي وهو بقلك |
إذا مش متأكد لا تحلف
بتحلف ّإذا كنت متأكد وشاهد على الموضوع بس أنت ما عليك إلا إنك تحكي الشي يلي بتعرفو |
الي بتعرفو احكيه يعني بس الي شفتو
وراح يطلبو منك رأيك في اخلاق هادا الشب كمان قول الي بتعرفوو والمحامي حطوه شاطر :p |
انا براْي سواء كنت واثق او مش واثق في صاحبك لا تشهد لانك ما شفت شي وما في حد بيجي يشهد لمجرد ان واثق ان هاد الشخص ما عمل شي
وعلى كل في شي بقدر يساعدكانك تصلي صلاة استخارة وراها اكيد رح تلاقي حل للمشكلة بس انتبه ان شهادة الزور من الكبائر ويمكن تطلع شهادك وانت مش قاصد لمجرد انك تخلص صديقك شهادة زور |
| الساعة بإيدك هلق يا سيدي 05:42 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون