|
الاعضاء البشرية ... بين التجارة والتبرع
كلنا بشر .. وكلنا بدنا نموت .....
واعضائنا البشرية هي ملكنا ومانها ملك اي شخص تاني لكن السؤال يبقى هل اعضائنا نحن مخولين ان نبيعها في الاسواق السوداء وهل لنا السلطة عليها من ناحية اخرى التبرع مقبول فيه داخل الاوساط الاجتماعية والاخلاقية ..... خصوصا اذا كان هناك من يحتاج اليها لكن هناك بعض الناس الفقراء الذين يموتون من الجوع والقهر .... يبعون اعضائهم لتجار البشر والاعضاء ........ وهناك من يتهافت عليها بشكل رهيب ويدفعون مبالغ طائلة للحصول على كلية او الحصول على عين او قلب وهذه الحالات موجودة وخصوصا في البلدان الفقيرة كيف نتغلب على هذه الظاهرة ؟؟؟ كيف نمنع من تجارة وسخة كبيع الاعضاء والسؤال الاهم ..... لو احد مننا اصابته ضائقة مالية وتسكرت جميع الوسائل في طريقه ..... هل من حقه ان يبيع اعضائه.؟؟؟ في الحياة او بعد الممات .... شكرا لمتابعتكم :D |
اولا موضوع جميل
ثانيا المفروض ان الناس ما تملوكش حاجه في نفسها لان مافيش حد يعرف يعمل عين ا و قلب بس الناس برضه عصب عنها مافيش حد هايفرط في جزء من جسمه الا لما يكون وصل لوضع مهين وزي ماقولت انه الفقر السبب لكن في رايي ان التبرع يبقي عن طريق الهبه افضل لان ماينفعش تبيع حاجه لا تقدر بثمن ومش ملكك ثالتا مش هاينفع ان تتمنع الموضوع ده لان اللي يخليها تتمنع حاجه واحده ومبقتش موجوده كتير وهيه الضمير بالنسبه للدكتور وبالنسبه للي وصل حد انه يعمل كده في نفسه لو كان للتجاره وانا عن نفسي ممكن اتبرع بجسمي بدون مقابل لو حد يحتاجه بعد لما اموت لان ممكن تبقي حياة حد متوقفه علي اي جزء في جسمي وشكرا علي الموضوع الحلو ده |
الموضوع متل مااشرت الو شقين اول شي تجارة الاعضاء اللي بالنسبة الي مرفوضا قطعيا وبشوفها عمل لا اخلاقي.... وهالانسان الفقير اللي مضطر يبيع جزء من جسمه لحتى يجيب مصاري يعيش منها بدو رعاية من المجتمع والدولة واصلا جريمة انو يوصل اي انسان لهي الدرجة من الفقر
ومنشان التبرع بالحياة انا معو بس على مضض :sick:يعني اذا شخص بدو يتبرع بعضو من اعضائه لشخص كرمال انو بحبه وبس فهي مافينا نسميها لا اخلاقية بالعكس هي قمة الاخلاق بس صعبة :cry: وبخصوص التبرع بالاعضاء بعد الموت هي انا من انصارها وبقوة.... انو خيو هالانسان خلص مات ومارح يستفيد باي شكل من اعضائه وبشوفها شغلة حلوة انو يستفيد انسان تاني من هالعضو ويقدر يعيش حياة طبيعية وصحية بسبب هاد التبرع وشكرا كوستا عالموضوع :D |
اقتباس:
إذا في الممات .. فـ أنا بدي كون ميت وما رح اقدر اقبل او ارفص .. بس قبل ما موت ممكن أقبل انو يتم وهب اعضائي لأناس محتاجين لألهون .. وطبعاً مو بيع وشراء .. مجرد وهب لأناس بحاجة لأعضاء وما معها تشتريهون من غلاء اسعارون .. أحسن ما يأكلون الدود .. اما التغلب على هالظاهرة .. بشوفها صعبة شوي .. لأن ما حدا الو سلطة ع العالم ويقدر يمنعون .. لأن الفقير إذا احتاج وقرر بيع اعضاءه فـ إلا يشوف قليلين ضمير بيقبلوا يشتروا الاعضاء ليبيعوهون دوبل .. شكراً كوستا .. موضوع مميز (ملينا من السياسة بالمنبر) :D |
بالنسبة للدول المحترمة حالها تجارة الأعضاء غير موجودة و لا يمكن تكون موجودة لأنو مافي جرّاح يشتغلها. التبرع بالحياة ممكن يكون لقريب مباشر فقط ( كلية, جزء من الكبد... الخ) و بالنسبة للتبرع بالأعضاء بعد الوفاة في طريقتين:
1- تعمل وثيقة بهالخصوص عند الكاتب بالعدل انك و انت بكامل قواك العقلية و الفكرية بدك تتبرع بأعضاءك بعد الممات ( و ما حدا من أهلك راح يعرف أعضاءك مين انتفع منها). 2- انو الأهل يوافقوا بعد الوفاة على التبرع حسب سلّم صلاحيات (الزوج أو الزوجة, الفروع, الاصول). هاد الحكي القانوني. ما بعرف مدى كبر سوق التجارة بالأعضاء في الشرق الأوسط صراحة... لكن أمر جدا خطير لأنو المتبرع ( أو البائع) اذا تبرع بعضو بدون قناعة تامة ممكن هالشي يسبب أعراض نفسية شديدة تصل الى الشيزوفرينيا و حتى الانتحار موضوع حلو تحياتي |
مقاسات الحرية
اقتباس:
فعلاً الموضوع مهم و يستحق النقاش. أذكر أنني شاهدت البرنامج الأمريكي الشهير minutes 60 و كانوا يتحدثون عن هذه الظاهرة في أمريكا, و كان الحديث عن أن الأمريكي يستطيع أن يتنازل عن أعضاءه الحيوية بعد ثبوت الموت الدماغي و ليس السريري,و أن عائلة اعترضت على تنفيذ وصية ابنها المتوفى حول تبرعه بأعضائه و حكم لصالح العائلة التي استخدمت كبد الشاب آنذاك.و تحدثوا أيضاً عن تجارة الأعضاء في الولايات المتحدة لدرجة أنهم يقتلون لهذه الغاية و يستأجرون سفاحين لتأمين عضو سليم. أنا أظن أن التبرع بالأعضاء بعد الوفاة شئ سامي و إنساني و لكن ليس قبلها.حتى أن علم الجينات تطور بشكل مذهل لدرجة إمكان (تصنيع) أعضاء من خلايا جذع وحيدة. أشكرك و أرجو لك السلام:D |
اقتباس:
هو متل ما حكيت انا معك فيه بس كمان في ناس محتاجة بتكون لكلية او لشيء ما ..... وبيطلبو من الناس التبرع ومن تحجت لتحت بيدفعو مصاري ( اذا كانت احوالون ميسورة ) بس سمعت قصة مرة صارت انو طبيب كان متفق مع طبيب تاني على كلية مريض واجا لعنون عالمستشفى مريض فقير وما في حدا ورا يعني شبه مقطوع هالانسان ..... هون ما قدمولو العناية اللازمة وتركو حتى يموت مشان يستأصلو الكلية ويبيعوها لانسان غني محتاجها كان هلأ من النايحة الانسانية هاد الشي مرفوض بس هون المريض الغني فينا نعتبر انو عليه ملامة بهاي القصة يعني لو حط دعاية انو محتاج لكلية و وقادر انو يكافئ الانسان المتبرع ....... هون شو فينا نقول عنو اخلاقيا ..... ( كتير بسمع انو الانسان بيقدر يعيش بكلية واحدة اذا كان جسمو سليم ) ما بعرف شو رايكون .... |
اقتباس:
طبعا ضد التجارة بالاعضاء وضد التبرع فيها لاجل المال ومتل ما ذكرتي انو المجتمع بيقع عليه عاتق هالشي والدولة كمان بس على ما اذكر انو في اتفاقيات دولية على هاد الشي ...... ويمكن منظمة الصحة العالمية بترعى هيك مطالب بالتبرع وهي القصص بس انو ليش على مضض التبرع بالحياة ؟؟ يعني اذا كان واحد منعرفو ومحتاج لشيء مننا ونحنا قادرين نمنحو هو بدون ما ياثر على حياتنا .... ليش حتى ما نمنحو هالشي ؟؟ وشكرا الك على المرور والمشاركة :D:D |
اقتباس:
لفتت نظري كلمة حلوة قلتها .... وعن جد انو احسن ما ياكلهون الدود بس هون حطنا الجمال انو هي الاعضاء رح تروح لناس فعلآ بحاجة الها او رح تنباع لناس وتجار يتاجرو فيها ؟؟؟؟ عالهامش عننا بسوريا في شي من هاد ؟؟؟ التبرع ما بعد الموت ؟؟؟ انو وصية او هيك شغلات ؟ يعني في قانون على هالشي ...... :larg: |
مرحبا كوشتا
هلق انا بوافق امراة من روق ع الحكي اللي حكيتو انو قبل الممات لا الا في حالات انسانية لانقاذ حياة شخص اخر و بعد الممات فما في مشكلة ابدا بس انو سؤال يعني استنساخ الاعضاء مو افضل من التبرع؟؟ |
اقتباس:
طبعا أفضل.... بس أنا بقلك وين المشكلة لحد الآن مافي طريقة استنساخ خلايا بشرية الا عن طريق الخلايا الأم متعددة الكمونيات (هلأ المصطلحات ما بعرفها بالعربي فعم ترجمها من الاسباني حرفي.... سامحونا يعني) و هالخلايا تكون الخلايا الملقحة, فبنظر اليمين الديني انت لما تستخدم هالخلايا عم تقتل انسان في طور التشكل, يعني عم ترتكب جريمة.... ففي عليها مشاكل كتيرة بأوربا... و باسبانيا هلأ في ضجة على قضية من هالنوع لهالسبب مافي تطوّر سريع بهالمجال.. في عراقيل كتيرة بوجهو لأنو أولا ما في نص قانوني صريح يدعم هالأبحاث و ثانيا الشركات الطبية الكبرى ما بتموّل هالمشاريع من خوفها من أنو الفاتيكان يعاديها و يعمل حملة ضدها... |
انا بدي اتبرع بحالي كلو ع بعضو
............................................... |
كل واحد بيخلي اعضاءو عندو ما بدنا منية حدن
|
الاتجار بالاعضاء مرفوض وحرام انو يوصل انسان لمرحله يبيع اعضاءه لحتى يعيش .. او يخرج من ضائقه ماليه
لانو بهيك ظروف في دوله ملزمه توفر المتطلبات الاساسيه وما في عذر لحد انو يبيع اعضاءه التبرع سواء بالحياه او بعد الممات هو تصرف اخلاقي للغايه التبرع بالعضو اثناء الحياه بكون "حسب علمي " ما بأثر على صحة المتبرع .. وبقدر يستغني عنو " هاد العضو او الجزء منو " وبعد الممات: اعضاء ممكن تشفي انسان او حتى تنقذو من الموت حرام تروح تحت التراب ويمكن هلأ مفهوم التبرع بالاعضاء بعد الموت مو منتشر بين الناس او قليل ليصير 1 - لانو الانسان اثناء حياتو ما بفكر بهالموضوع انو يوصي اهلو بالتبرع باعضاءه بعد مماتو 2 - لما ما يكون في وصيه من هالنوع الاهل ما بتقبلو فكرة أخذ اعضاء هالانسان يلي فقدو والتبرع فيها بس بظن انو يوم عن اليوم الناس بتوعى لهالموضوع وعم تتقبلو اكتر يسلمو عالموضوع :D |
اقتباس:
طيب يا اخي رجال الدين لازم يراعو انو في حالات بتقتضي استنساخ الاعضاء مشان انقاذ حياة انسان اخر مو احسن ما يتركوه يموت ساعتها بتصير عن جد جريمة ولازم يتحاسبو عليها :jakoush::jakoush: |
طبعا انا حرة اتصرف بجسدي متل مابدي
لكن قطعا مش بغرض الاتجار يعني بعد ماموت ممكن اتبرع باعضائي الصالحة للتبرع واذا ما فيي شي صالح يلاه بعطيه لكليات الطب للفائدة الدراسية وهيدا يلي رح يصير عندي اما شغلة الاتجار فانا ضدها تماما اذا احتاج احد الاشخاص المقربين والذين يعنون لي شيئا في هذه الحياة الى عضو انااستطيع ان اقدمه له دون المساس بصحتي فلن اتورع ابدا عن التقدم في هذاالمجال احيانا الفقر الشديد يدفع الناس لبيع اعضائهم هذه الحالة لست قادرة على الحكم عليها |
اقتباس:
الاستنساخ لو انو مافيه خطر ما كانت كتير حكومات حؤمتو وحظرتو لو انو واثقين انو بيكون فقط لاغراض طبية بحت ما كان في مشكلة بس في بشر كتير وكتيرين يلي عم يموتو وبيضل عندون اعضاء سليمة يعني خلينا نمي شوي فكر التبرع وخاصة بعد الوفاة بنصير قادرين نغطي احتياجات كتير محتاجين لهيك اعضاء |
أنا لفت نظري (شبه) إجماع كل مين علق ع الموضوع ع نقطتين: 1- الإتجار بالأعضاء حرام ويجب مكافحته. 2- ما في مشكلة بالتبرع بالأعضاء بعد الموت.. هلأ فيما يخص النقطة الأولى... أنا ما بشوف أنو الإتجار بالأعضاء حرام.. الحرام هو يلي الوضع يلي بيخلي الإنسان يوصل لمرحلة أنو يرضى يعيش ناقص عضو على أن يموتوا كل أعضاؤو... أنا بشوف أن الإجرام هو أنو أنا بيع عضو شخص تاني! (نصب طبي، اختطاف أطفال، ....) أما إذا شخص وبكامل وعيه وإدراكه قرر أنو يبيع كليته مثلاً، فأنا هون بشوف أن مبلوعة نوعاً ما.. أما فيما يخص النقطة التانية... أنا بشوف أنو في مشكلة... المشكلة بعدم التبرع بالأعضاء بعد الموت!! يعني إذا أخذتها من منطلق إنساني، فأنا عم ساعد شخص على الحياة بالوقت يلي أنا ميت بجميع الأحوال.. وإذا أخذتها من منطلق شخصي أناني بحت، فأنا بهالطريقة عم أوصل للخلود بأن رغم موتي إلا أن أحد أعضائي لسا عايش.... على فكرة بالنسبة لموافقة الأهل أو الزوج أو الزوجة ... إلخ.... فالقانون هون بألمانيا أريح... أنا مثلاً موقع على ورقة أنو وقت موت ما مسموح للشخص يلي بيستلم جثتي أنو يسأل حدا من أهلي إذا بوافقوا على التبرع بأعضائي. يعني أهلي ما عاد مسموح أنو يتدخلوا بمصير أعضائي بل الطبيب يلي بيقرر وفاتي له كامل الصلاحية بالتبرع بما ينفع من أعضائي... :D:D |
| الساعة بإيدك هلق يا سيدي 16:37 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون