|
سؤال واقتراح ((مهم جداً))
بدي اسأل انو يلي بيتخذ الدين والاديان لوضع نكت هاد مو لازم يتعقاب؟؟!! وكمان يلي بشاركو بالمسخرة على الدين؟؟!! لو سمحتم حطو قوانين صارمه على اي واحد بحط هيك موضوع
|
الإساءة لأي دين أو معتقد ... تعتبر مخالفة لقوانين الكتابة بالمنتدى
بس انتقاد مفهوم الدين بالمطلق .. لا يعتبر مخالفة يعني بالموضوع يللي بتقصدو صاحب الموضوع عم يشكك بالعدالة الالهية ...بالدنيا و بالآخرة .. بدون ما يمس بأي دين من الأديان انت بدل ما تسب صاحب الموضوع .. و تطالب بحذف الموضوع روح ناقشو بطريقة منطقية .. و اقنعو أنو العدالة موجودة |
وضع موضوع الي بيقراه بيعرف انو يقصد الدين الاسلامي بالخصوص وكمان لوتقرأ مطرحو بتلاقيه غير لائق للمنتدى
|
باعتبار انو تحليلك اجا نتيجة استنتاج وفهم شخصي منك فما منقدر نخدمك بشي.. يعني مو كل واحد بيقول انو انا فهمت هاد الموضوع مقصود فيه دين معين بدنا نجي نمشي على تحليلات شخصية
شغلة تانية الجنة والنار أو مبدأ الثواب والعقاب موجود عند كل الاديان فما في داعي انك تقلب الموضوع على دين معين وبالأخير هالموضوع بيعود لتقدير مشرف القسم والادارة واكيد مامسموح كل موضوع مابيعجبك تنزل مسبات بالبشر شغلة تالتة باخوية في سقف حرية بيضمن للكل طرح أرائون بحرية بس دون المساس ببعض أما بخصوص الله فتاركينو هو ياخد حقو من هالبشر اذا إلو حق :D |
| الساعة بإيدك هلق يا سيدي 17:30 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون