مفردات مشجعي الكرة الحلبية
 

ضب عليه : اضغط عليه

قرصوا_ فتلو : تجاوزو

كـبّـا : ارميها خارجا

لجوااا: العبها إلى الهجوم

حكم التوش : حكم التماس

فقوسه _ بيضة : يعني مرت بين قدميه

في الثمانية _ في العكس _ في العقدة : يعني في زاوية العارضة مع القائم

قتلوا قتل : يعني سجل كوول سم عالحارس

صحة يا حارس : هي بعد كل كووول

عيفو عيفو عيفو : هي اذا أحد الجمهور انمسك من قبل الشرطة

موجة موجة : هي اذا فايزين أو فريقنا عبيلعب كويس

كسحوا : إذا المهاجم أنفرد ومعاه مدافع واحد

طحااااش : مشان المهاجم بدخل بسرعة

مووت اللعبة : يعني بلعب ببروودة

طالعو : تبديل


يمو على الله : راحت فرصة

كبسها : اذا كان المهاجم منفرد بالحارس او كان هناك فرصة للتسديد


جيبو : يعني الدفاع عم يلحق بالمهاجم

كبو : يعني دحمة كتف

على الحاوية : اذا كان احد اللاعبين من الفريق الخصم على الارض مصاب

سكر تمك يا جدبه :تقال لأحد لاعبي الخصم عند الاعتراض

مبروك حامل:تقال عندما يقوم لاعب من الخصم بالاستلقاء على الارض و التقلب و التظاهر بالالم

هش هش: اذا كان احد لاعبين الخصم يلعب بخشونة

اهازيج الحلبية :

قالو عنا مدرسة قالوعنا كلية اللي بدو يتعلم فوتبول يبوس إيد الاهلاوية

نسيان وحدة

شلحوا : خود منه الطابة :lol:

هههههههه
هي نسيناها

ياخيو الشعب الحلبي دمو خفيف مو بايدو:lol:

بس في هي كمان لما بقولوا على واحد"سنتر جيبا" يعني اللي بلم الطابات

باينتك حلبيه :larg:
ايه اكيد الشعب الحلبي مهضوع:p
هيه اسمها سنطر جيبا ب (ط)
شكرا لمرورك زينه:D

والله هالغربة خلتنا نضيع التراث وصرنا نقول ت بدل ط :x

هههههههههههههههههههه
يامو على الله
اهلاوية

ماشالله انتي بكل المواضيع وكل المحافظات .. :lol:
ما عاد عرفتك طرطوسية ولا شامية ولا لادقانية ولا حلبية ! :?

حلوين مازن حلوين ... :lol:
:D

حلوين هدول:lol:

ميرسي ع مرورك....

عيونك الحلوين :D:D

اي معليش يومين تلاته بحلب بترجعي كلشي فاتك;)

والله حلو الحكى الحلبى
دمه خفيف

بس في مسبات كمان ..
باينتك مو حضران مباراة الاتحاد والكرامة ؟؟؟

مين جاب سيرة الحكم :o

اكتر وحده عجبتني هش هش


يسلمووووووووووووووووووووو ووو

تذكرتلي هلق وحدة كمان

مبروك حامل : بتنقال وقت لاعب من الفريق الخصم بمثل انه مصاب وبيتشطح على الأرض مشان يغش الحكم :lol:

هدول المأدبات .. اسـّا في شي ما نقال .


و ما خفي كان أعظم :lol: