سؤال لخبراء اللهجة الشامية
 

شو معناها جملة ( تشكلي اااسي ) :yahoo: او بالاحرى شو هو ( الااااس )
منسمعا كتير بالشامي القديم ,,
مشكورين .......

انا سمعت انو نبتة ... ( هيك قالولي من فترة حاكم انا كمان ما كنت بعرف ) :lol:


يعني على ذمة الراوي نبتة .. :D

مع اني مالي شامية ..بس يلله بفيدكن بخبرتي العظيمة
الاس هو نبات يزرع على قبر الميت و عملية الشكل ( من تشكل ) يعني الزراعة
وبذلك تصبح العبارة ..تزرع على قبري نبات الاس وهي بالمفهوم الاخر تشكل اسي
انتهينا
:ss:

اي تشكلي اسي ... ليش شو حكينا ؟ :frown:

بظن انو الاس هوي نفسو الراص :adal:
يعني تشكلي راصي يعني تقبريني :pos:

نحنا فصلنا وشرحنا اما حضرتكن اختصرتو فقط :p
طلعت خبرتي اكبر من خبرتك ..لاتقولي لاء ..ايوا:gem:

طيب سؤال اخر :
اوجد الفرق بين تقبر قلبي وتقبش قلبي
ماالفرق بين القبر والقبش

يسلموا كتير ........

اقبر يعني ادفنك تحت الطراب
اقبش يعني اخد شقفة منو

المصطلحين نفس الشي ... بس نحنا الشوام مفزلكين بنحب نطالع 100 مرادف لنفس الكلمة :lol:

تضربي ع هالسؤال .. اي شو بيعرفني :p

لك شو هالتعبير اللذيذ عنجد انك نهفة..:sosweet:

يعني أنا شامية بس هي أول مرة بعرف شو يعني اقبش :p

طيب شو هاد الراص؟؟ :shock:

:lol: :lol: :lol: ما بتعرفي شو يعني راص
صار بدنا نستعين بخبراء اللغة العربية :lol:
راص غنم ولسانات وحباشات :melody:
الراص هاد الشي يلي بركبوه للأنسان من فوق :larg:

أنا بعرف شو يعني راس :p

بس راص هلأ عرفت شو يعني بقاموسك :larg:

ميغسي بوكو جيمس ومنك نستفيد :lol: :D

جوسوي مالادو ( متل العادة لا تسأليني شو معناتا لأني ما بعرف ) :pos:

هاد هوي مع شوية تعديلات

تشكل يعني تحط على قبري مو تزرع

بالمقبرا بتلاقي قدام كل قبر الشاهدة وتحتها طاسة بتتعبا مي وبينحط فيها الاس وهي نبتة خضرارها صاير غامق وحلو

يعني متلها متل تتطلع على قبري وتنزل زحلطة :o

كمان تكفني وتدفنيي :shock:

عنا الدعاوي ما شاء الله كلها مرتبطة بالقبر :lol:

تقبرني شو شامي :lol:

نحن قوم ٌ لا توسّط عندنا :p