|
مشروب الطاقة نصيحة ألكم صبايا
ريد بول بيعطيك جوانيج :sick:
انا وبصراحة مقصرة بشغلي شوي واجاني هيكة فركة ادن من السوبر فايزر فقررت اني خلص تراكمات الشغل بيوم واحد فقررت اشرب ريد بول بعد نصائح الأصدقاء رحت على الشغل واشترينا هادا ريد بول وبعد شي ساعتين من الشغل وقت حسيت حالي رح اتعب شربتها على مهل اول شي طعمتها مو طيبة ابدا عادية يعني مو بشعة تاني شي حلووووووووووووووووووووووو ووووةيمكن فيها كيلو سكر:cry: غصبت حالي عليها لازم خلص شغلي وبلشت وبعد اقل من نصف ساعة طلعلي جوانيح اما شو جوانيح الله لا يدوقكم مابذكر غير اني عم موت من وجع معدتي وجع وجع وبلشت دوخ وماعاد بذكر شي يمكن طرت غير اني بالمشفى وامي ورفقاتي فوق راسي فلم هندي مو هاد ضربلي معدتي ورفعلي ضغطي حتى ماسيء للمنتج قال الدكتور انه السبب انو انا عاملة حمية عن السكريات فالسكر كان نازل معي واخدت ريد بول فارتفع معي السكر بدقائق بنسبة كبيرة فرفعلي ضغطي واتشنجت المعدة واغمن عليا:sick: وقال الدكتور انو هو مو كتير صحي للنساء لأسباب كتيرة وهو مو مجموعة فيتامينات ابدا هو عبارة عن طاقة كبيرة كميات كبيرة من الكالوري يعني متل المنشطات بقا نصيحة يابنات لاتدوقو كرمال مادوقوا يلي دقته وماخلصت شغل وبكرى اجازة راحت ليوم الأحد :cry::cry::cry: بقا سلامتي:p |
كتير بشربوا منو هادا .. ولا مرة طلعلي جوانح
وبعدين لابنشط ولا شي . بحس حالي بلشت انعس كل مابشربو كلام فاضي .. |
انا مرة رفيقتي ....
شربت ريد بول.... بس هديك طلعلها قرون... بقا بدك تاخدي احتياطاتك وايت :larg: |
اقتباس:
مانك بحاجة ريد بول |
اقتباس:
انا مجربو.. الاغماء بعد تشنج المعدة.. بس لأني ماشربت ريد بول:p شربت مي:p تماما بعد ماخلصت "الأشغال الشاقة"-نقلة بيت:sick:- ويعني أكيد حسيت بشعوري.. حسيت حالي عم اغفاااا-بعد ما قعدت- وسمعت كل شي دار فوق راسي وكأنو بالحلم.. وفقت بعد وقت قصير..- بدون دكتور- ولقيت حالي مسطح ورجليي لفوق:lol: بقا سلامتي:p |
اقتباس:
شو قصدك .. بشبه الملائكة انا يعني :oops::oops: |
اقتباس:
مو كل شي الو جوانح .... بكون ملاك :p  |
اب سمرا هدول مو جوانح ........ هدول قرون + جوانح بس بالمصطلح الكمبيوترجي Built-In
اخي هالريد بول .. عميشتغل شغلو |
ريد بول يم يم ..
في كتير مشروبات للطاقه غير ريدبول و اطيب منو , هلئ انا ما بشرب ريدبول كتير لانو مابعرف ليش :o بس بشرب monster  يم يم :eat: اقتباس:
عفكره الورد بالغرفه محل ما عم تشتغلي بيعطيكي طاقه بدون لا تشربي ريدبول ولا شاي و قهوه و منبهات و منشطات .. يعني و انتي رايحه عالشغل يوم الاحد مرّي اشتري لحالك باقه ورد و حطيها على مكتبك - بس لا تجيبي ورد الو ريحه بتتحسسي منها :lol: - الورد اللي بريحه لو كان قريب منّك لفتره طويله ممكن يوجّعلك راسك بس الورود بشـكل عام بتعطي طاقه .. |
اقتباس:
|
اقتباس:
|
اللي صار معك whiterose شي طبيعي و لو ما أخدوكي للمشفى...كان طلعلك أجنحة
و هي الفكرة....:p  |
هلأ هو مبدئياً ما بعرف اذا عم تحكوا عن نفس الريد بول يلي كلنا منعرفو من زمان و يلي انا شخصياً بشربوا من خمس سنين بشكل يومي 3 او 4 مرات... فإذا هو هاد الاكتشاف الجديد تبع صاحبة الموضوع فما عندي شي قولو غير انو المشروب عادي و العطل مو من المسحوق اكيد من الغسالة..:larg:
بس من ناحية أخرى فالريد بول مفيد و تجديداً "لليالي الخميس" و مايشوبها من أعمال تم ذكرها بمواضيع سابقة لصاحبة الموضوع :o و نصيحة هامشية هيك يعني شغل شباب.. اذا ما مشي حال الريد بول لحالو جربيه مع فودكا و بوعدك ما بتندمي.. متخيله الريد بول بيزيد فرز الادرينالين و الفودكا بتهدي بيقوم بتضرب الأمور ببعضا و غير الله ماعد يحلها.. :larg: و الهامش التاني عنجد مواضيعك بتاخد الغقل و انا من اشد المعجبيين فيها.. يعني فيك تقولي هيك اي ام ا بيغ فان.. و ياهلا :larg: |
بزمانو بايام التاني ثانوي..
شله بنات سعوديات بالمدرسه سكروا بالريد بول .. القصه ومافيا بتجيبي حبتين بنادول وبتحطيهن بالريد بول .. وبتتركيها شوي .. قال انوو بتتحول لشي بسكر .. انو بخليكي تسكري كان نهارا فظييييييييييييييع .. وقامت الدنيا وقعدت .. وكانت مناظر البنات والمديره والمراقبه عجبه .. :lol:.. |
شكرا على الموضوع whiterose.........:D
|
ما بحبو ولا بنشط ولا بطيخ .. بالعكس بتحس حالك عم تنام .. كل مشاريب الطاقه حكي فاضي وطعمتهن بضحك كمان ...
سلامتك :D |
اقتباس:
تـــمــامـا |
متل الفودكا ..
بس انو طول عمرن بيشربوا قهوي ليصحصحوا .. انتي بوشّك عالريد بول .. يا زلميي واللهي شغلتك شغلي .. :lol: |
| الساعة بإيدك هلق يا سيدي 19:16 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون