|
حول بعض أعمال الدراما السورية
خطر ببالنا أنا و nour 333 انو نعمل فسحة لمناقشة بعض أعمال الدراما السورية المتميزة .. اللي بتطرح قضايا جادة و مواضيع حساسة .. بلش النقاش بموضوع عن حلقات أهل الغرام 2 و رح نتناول لاحقاً أعمال تانية .. الكل مدعو لإبداء الرأي بس رجاءاً من اللي بيحب يناقش يكون شايف العمل في حال عم نحكي عن عامل متكامل أو الحلقة في حال كان المحور حلقة منفصلة ..
كان الحديث بخصوص حلقة من حلقات أهل الغرام اسمها سوا ربينا (الحلقة الرابعة و لمتابعة الحلقة فيكون ترجعوا للموضوع بقسم السينما و الأفلام) ... ************************************************** **** اقتباس: كاتب النص الأصلي : nour333  هلا انا و أم الجود حبينا نعمل فكرة انو مناقشة حلقات اهل الغرام او اي دراما الها هدف معين بنسبه لحلقة سواربينا كانت حلوة وقصة كتير واقعية كيف لنتين تربو مع بعض وحبو بعض بس كل واحد حب التاني حب من نوع مختلف فرح حبتو متل اخ وتعودت على وجودو بس ما ادركت هالشي إلا بعد الزواج يعني بتحب اضل قريبه منو بس ما تكون علاقتها فيو متل علاقة الازواج ببعض هلا هو حبها كحبيبه وزوجه وهالشي بيبين انو مو كل الناس نفس الطبيعة كل واحد بيختلف عن التاني بس بنهاية فشلو كزوجين فكرة ظريفة..  أوكي مشان انو ما استوعبت كيف "وسيم" حس بالرغبي اتجاه "فرح".. انا رفئاتي يلي دخلت معن عالروضة(المرحلة التحضيرية) هنن نفسهن يلي دخلت معهن هلئ عالبكلوريا (وهيي اخر مرحلي بالثانوية بسوريا) يعني رفئتنا عمرها 12 سني.. وبالرغم من انو رفقاتي عالاغلب احلى بنات بالمدرسي كلها..بس ما ممكن ائئدر انظر لوحدي فيهن كحبيبي.. او فكر فيهن غريزيا.. يعني امر مستحيل.. وما فهمت كيف "وسيم" إدر يمحي من ذاكرتو "فرح" الطفلي.. يلي ربي معها !!.. وكمان رفئاتي هيدول صارو جزء من نمط حياتي..لأني خلال 12سني بفيئ كل يوم متوقع شوفهن .. وما بتحمل فكرة انو بيوم رح نفترء. فزعلت كتير عفرح بنهاية الحلئة..بس شافت "وسيم" وكانت لسا عم تئول "شفت حبيبي وسيم" لساتها متعلئة فيه.. "وسيم" جزء كتير اساسي من حياتها.. من نضج شخصيتها.. واجا كمل بتطريئو كأنو ما بيعرفا... كأنو ما ربو سوا.. كتير كان مشهد مؤلم  ..وبعدين اجا صوت نورا رحال "الا حبذا.. حبذا حبذا.. حبيب تحملت منه الآذى.." كتير حبيتها انا لهالحلئة...  تحية |
هامش ... الرد السابق للعضو Jimy
 |
ما بعرف اذا المطلوب علق على اللي ورد بالموضوع ...
بس بتوقع إنو لما تكون علاقات طويلة الأمد أحيانا وكتير بتصير الإنسان بيخلط بين التعلق الشديد الناتج عن صداقة قوية وبين الحب ... بتذكر كلمات نزار قباني : أحبك جدا ..وأعلم أنك أخر زنبقة فوق سور الحديقة ولو كان لي أن اميز بين الصداقة وبين الحب لأخترت فيك الصديقة ... تحياتي الحارة ظل جيفارا |
هلأ مشان الحلقة .. بغض النظر عن كيف وسيم حبها لفرح و تمناها كزوجة و هي ربيانة معو و المفروض انها متل أختو .. العبرة مو هون ، العبرة باللي صار بيناتون بعد الزواج .. و هالشي ممكن يصير مع كتير ناس مو بالضرورة يكونوا ربيانين سوا .. ممكن لأسباب تانية نفسية بس هالشي ما بيلغي وجود الحب من الأساس .. العلاقة الزوجية مو بس عواطف و مشاعر ، فيها شق كتير مهم اسمو العلاقة الحميمة و هالعلاقة هي بتحكمها مجموعة من العناصر الحب واحد منها مو كل شي فيها ..
أنا بشوف المشكلة اللي صارت بين فرح و وسيم واردة و غير مستبعدة .. بس برأيكن .. هل القفلة كانت منطقية ؟ هل كان ممكن يوصلوا لحل غير الانفصال ؟!! |
اقتباس:
بالنسبي للقفلي..إي ما بظن كان في حل تاني.. يعني لو انهن زوجين عاديين كان ممكن يكون في حلول تانية.. بس حئيئة انهن ربوا سوا..هلشي مستحيل يخليهن ينجحو كزوجين:pos: اما المشاكل الحميمية بشكل عام..فهي كتير موجودي.. هلئ بثقافة بعض المجتمعات..في شي اسمو Sex Before Marriage ... وهوي هدفو معرفة اذا كان في انسجام بين االشخصين:hart: أبل الزواج .. تجنبا للمشاكل بعدين.. تحية:D Bay |
اقتباس:
اما بالنسبه لنهاية الحلقة انا مع جيمي ما كان في حل غير الانفصال |
ما بظن أنو كان في حل تاني غير الانفصال:cry: لأنو الطريقة يلي كان وسيم يحب فيها فرح غير عن ما كانت هي تحبو.. أما ميشان أنو وسيم وفرح تزوجو بعد ما كانو رفقات من الطفولة وفشلو..هاي حالة وحدة ما بتنطبق عـ كل الحالات..أنا بعرف ناس كانو رفقات وبيحبو بعضون..تزوجو ونجحو حتى أكتر من كتير غيرون:heart: بس بيضل الزواج بعد معرفي قديمة(خاصة اذا كانوا رفقات من الطفولة:dc:)..فيه بعض التحفظات من كلا الطرفين من ناحية العلاقات الحميمية وغيرها... في حلقة عـ بكرة ماني حاضرها من قبل بس مبين أنها حلوة:yahoo: |
حلقة احن الى خبز امي كتير مؤثره
القصة بأختصار متل ما قال رجل من ورق اسم الحلقة خبز امي ابطالا ما عرفتون القصة انو صبية من الجولان بتدرس بالشام وبتحب شب بالشام بس ما بتقدر تضل معه بتقرر انو ترجع للجولان الحلقة اجت بمناسبة عيد الام وكانت عم تصور الاحتفال بعيد الام بالجولان انو شفنا هالمشهد كتير شو قاسي بجد انا كتير أتأثرت وكنت وقتها بشغل نزلت كام دمعه خفت ازا فات ناس يفكروني مجنونه بس اجمالا احنا كبيت مرينا بهاي التجربه مع اختي تزوجت بضفه وبقيت من 2000 ما شفناها إلا ب 2008 لما طلع لم الشمل تجربه كانت قاسيه جدا وتصرف البنت اللي تخلت عن حبيبها برأيي كان كتير سليم مو حلو الواحد يتخلى عن اهلو حتى كرمال الحب بنهايه بنتمنى تنحل مشكلة الجولان قريبا ويعودو الاهل يلتقو من جديد |
لك انو حاج تقولوا قصص المسلسل ..:pos:
بتحرقولنا الحلقات ولو ....:frown: ما بيكفي جيمي حرقلي حلقة سوا ربينا .. يعني دمعت عيني .. ولو ما حرقلي الحلقة كنت بكيت :cry: |
اقتباس:
بس فعلا كتير حلوه المخرج الليث حجو ابدع بتصوير لقطات عيدالام وقت التقو الاهل بشام والجولان لازم تشوفها |
اقتباس:
|
اقتباس:
اقتباس:
بالنسبي للحلئة انا من أول ما كتبو "الجولان السوري المحتل" تقريبا عرفت شو رح يصير :pos:.. وضليت كل الحلئة متماسك..بس اثناء مشهد الاحتفال بعيد الأم :cry:.. فرطت بعد ما سمعت صوت مارسيل خليفي :cry:.. "احن الى خبز امي.. وقهوتي امي.........ولمستي امي.. وتكبر فيي الطولتو.. يوما على صدري يومي.. واعشق عمري لأني.. إذااا.. مت اخجل.. من دمع امي..آآآه..من دمع امي" *هاموش: فيكن تنزلو الغنية من - ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - |
قصص اهل الغرام
من منا لم يتفرج على حكايا قصص الغرام ولم يتاثر بنهاياتها الماساوية والحزينة الى حد بعيد انا شخصيا ما في حلقة ما بكيت او تاثرت فيها كمان فيه حلقات ضليت طول اليوم فكر فيها واتمنى لو ما صار بالبطل او البطلة او فيهن هيك بدي اسالكن ازا حكايا الواقع هي هيك كمان بمعنى هل كل قصص الحياة درامية الى هادا الحد ونهاياتها مو سعيدة دائما.................:oops:
|
بزمانو طرحنا موضوح حاولنا نناقش فيه حلقات هالمسلسل و أعمال درامية سورية تانية .. الموضوع ما أخد حقو من النقاش فإذا بتحبي تشاركينا تفضلي
- ابو شريك هاي الروابط الي بيحطوها الأعضاء ما بتظهر ترى غير للأعضاء، فيعني اذا ما كنت مسجل و كان بدك اتشوف الرابط (مصرّ ) ففيك اتسجل بإنك تتكى على كلمة سوريا - :D |
اخت ام الجود انا ما عم احكي عن مناقشة الحلقات بل عن اسقاطات الحكايا على الواقع هل لازم الحكايات تنتهي بهالقدر من الماساوية ام لا
|
دمجنا الموضوعين :D
|
مشاركة اولى ..
واحد ... واحد ... واحد .... ! .... تجربة ..
|
ليكي انو من ناحية فرح ووسيم انو احسن حل انهن ينفصلو
لانو م في مشاعر متوافئه بيناتهن شي حب حب والتاني حب اخويه .... اما بالنسبه لاهل الغراااااام مسلسل بيجنننننننننننن ما تركت ولا حلقه من حلقاتووو الا ما شفتها ..... وكتييير حلوه (طلي بالابيض) و (حبيبي)و حيرت قلبي معاك) وكتييييييير منهن ..بيجننو بس اكترر شي انو لفت انتباهي بهالمسلسل نهااية كل قصصو فراااااق وحزن وليييي عليي انا ميرسي عالمووضوع كتيييير حلووو:D |
| الساعة بإيدك هلق يا سيدي 19:14 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون