|
تابع لشي .... تابع شي
مرة في واحد كتب مسرحية ( بتحكي عن واحد ألّف مسرحية و قدما للرقابة قامت منعتا )
و من بعد ما كتبا لهالمسرحية ..... أخدا بشكل طلبعي و روتيني ...و قدما للرقابة ( الحقيقية ) فـ منعتا قام سأل الرقابة ( من كل عقلو )... ليش ....؟؟ جاوبتو الرقابة بأنو المسرحية بشكل عام لا غبار عليها .... بس منعناها لأنك قايل بالمسرحية أنو في زلمي قدم مسرحية للرقابة ومنعتا و انت عم تشوّه صورة الرقابة بهالطريقة .... و هادا شي مش مزبوط .... لأنو الرقابة ما بتعملا فـ مشان هيك ... الرقابة مضطرة تمنعا **** و كمان ..... مرة واحد كتب عالنت ....أنو ما عنا حرية تعبير و أي انسان بيحكي يللي بقلبو ......... بيشحطوه قام اجا الفرع 999 شحطو ....... لأنو هالكلام مو صحيح ...و الجماعة عنا مو من عادتون يشحطوا حدا و هو بهالكلام ... شوّه صورة الفرع 999 قدام الرأي العام العالمي و المحلّي لهيك مضطرين يشحطوه بسبب هالكذب و الافتراء وهالاضعاف للشعور القومي يللي عم يقوم فيه عالهامش ... حدا منكون بيعرف شو عكس الأمن ..؟؟ |
مفارقات مضحكة ومبكية بنفس الوقت
اقتباس:
|
اقتباس:
|
طيب محاولة جديدة
الجواب الو علاقة بزياد الرحباني شي؟ ;) |
اقتباس:
لأنو عندا قدرة فظيعة لتحسسك بانعدام الأمن ....و انعدام الطمأنينة و ما بتحسي بالأمن ....الا لما بتبعدي عن شي اسمو أجهزة الامن |
عكس الامن هوي الامن,,,
ساندرا يحرق حريشك شو عرّفك:o |
اقتباس:
موضوع حلو كتير... بيذكرني بمسائل الرياضيات هاي اللي صايرة حلقة مغلقة... هو في حرية تعبير... بس انت دير بالك ما يكون كلامك فيو: - ذم ادارة عامة -تعكير علاقة الوطن مع دولة اجنبية - ذم الثورة و أهدافها - نشر أخبار كاذبة من شأنها ان توهن عزيمة الأمة (يعني بدل ما تكون العزيمة ع شاورما تصير ع فلافل) - محاولة تغيير الدستور بصورة غير مشروعة - الخ الخ الخ الخ اذا تأكدت انو بكلامك مافي من هدول... يبقى فيك تحكي. بس بصوت واطي ها.. لأنو ازعاج الجيران كمان جناية  |
اقتباس:
مزبوط .. يعني مقسوم لا تاكل ..و صحيح لا تقسم ...و كول لتشبع (ما بعرف اذا المثل صحيح ... بس ستي ماتت ..و مافي مين يدقق ورايي  ) |
اقتباس:
لاااااااااااا في مين يدقق وراك بس المتل صحيح يا تشك أسي :p:p:p:p ظريف الكلام ببصملك بالإدعش :sosweet::sosweet: |
والله بصراحة انا شي بخاف منه بحياتي
هو الامن يعني فعلا احيانا عكس الامن هو الامن شكرا على الموضوع :D |
مين قال ماعنا امن !!!:shock:
مين انتو :pos: مين انا :waa3: |
اقتباس:
و اجا بعدين واحد اقتبس كلام أب سمرا و كمان اجوا شحطوه 9 9 9 الله وكيلك مو أنا يا سيدي هاد أخي كان عالنت مو أنا  |
إذا أقبلت باض(1) الحمام على الوتد، وإذا أدبرت بال(2) الحمار على الأسد
ببلادنا.. كان في مجنون دايماً يردد بيت هالشعر اللي ما بيعرف اسم صاحبو ( وشو نفع الأسامي بهيك موقف ) ، على كلٍ ، من وقت ما صار حاكم هالبلد أسد.. مجنوننا مرض وانطرح بهالفراش ، قررو الحناين عليه.. يسفروه لبرا يتعالج، وكان علاجو الوحيد انو يرجع يردد بيت هالشعر. طبعاً كان مستحيل هالحكي ... لأنو كل هالبلاد .. أسود(3) حتى بلاد الواق واق.. أو سيراليون ... مع انهن أرانب .. بس مستأسدين.. مجنون رضخ للأمر الواقع ، ورجع عالبلد .. مع موافقة ضمنية على مضض انو ما عاد يكرر بيت هالشعر، مو تهديد اجاه، انما من ذاتو .. كرمال ما يجيه شي مخبر ... يخليه يدوق بول الحمير عأصولو اجا صاحبو عميمزح معو وقلوا : - إذا... قلو مجنوننا : - إذا بتخرس أحسن ومرت الأيام .. وبين قيل وقال صار ع حفة قبرو صاحبنا المجنون اجاه رفيقو نفسو .. وقلو : رفيقو : لا تزعل.. بكرا بس تموت رح اكتب بيت الشعر هاد ع قبرك المجنون : بدك تساوي قبري مفرخة لبيض الحمام ؟ رفيقو : ليش قررت انو يبيض الحمام ، ليش مو يبول الحمار .. نطلو المجنون فاردا ذراعيه للريح :lol: : الحمار ما رح يبول ع قبري لـ : حين يتوقف الحمار عن البول عليكم ، وأنتم تظنونه أسداً تمّــــــــت(4) هوامش : 1- باض = الفعل من يبيض البيض إباضة ، وهاد الحدث الوحيد الي بتتمتع فيه بلادنا بهالمكان والزمان بالذات بإنو أفراخ الديكة قادرة على البيض. 2- بال = شــــــخَّ، فعل ماضِ غير ذي رائحة 3- هامش غالباً غير مهم لكن كرمال جماعة التمييز العنصري أسود = جمع أسد ومفردها أرنب :larg: 4- لا تواخزونا عالنكش .. بس طلع معي الموضوع .. ويعني يستحق انو يضل فوق النخل فوق ... يبا .. الخ الخ الخ |
حلوة هانكوشة
كنت مفكرة الموضوع جديد وبدي قلو لسامر انو بيجوز يزور هادا 999 بس بما انو طلع قديم فعليك الامان:lol: |
اقتباس:
و الله من زمان كان في جو حلو :sick: |
اقتباس:
بعدك بتذكر يا.. وطى الدوّار؟! |
عكس الأمن
الأنسياب-التفلت |
عكس الامن .. الامن ..
ممكن حدا يعرفلي شو يعني الامن؟؟ ما عاد بعرف شو هيي لانو |
| الساعة بإيدك هلق يا سيدي 09:38 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون