|
المسيحين و النصارى
اول شي هالموضوع لازم يكون تاريخي و ينحكى بشكل تاريخي و ادلة هلق في مصطلحين المسيحين و النصارى هلق اذا قلت لمسيحيى انك نصراني لح يكفر على سما ربك و اذا قلت قدام مسلم متشدد مسيحي بيسلخك 600 مسبة و مو بعيد يكفرك و يلحدك هلق انا ما بعرف شو الفرق سئلت صديق ايلي قلي انو النصارى هني يلي كانو من اهل الناصرة و هلق انقرضوا بقا ما بعرف ________________________ فعول : ايا حدا بدو ياخود الموضوع لمنحى طائفي بدي العن طاهر تبعو :deal: |
يا صديقي العزيز:
انا بدي ارد عليك بشي بسيط كتير كتير كتير وما بدي ادخل في التعقيدات النصارى هم المسيحيين الذين دخلو في المسيحية وكانو من أصل يهودي... وضلو متمسكين بشرائع موسى والتوراة بالإضافة للإنجيل أما المسيحيين فهم الذين دخلو المسيحية من أصل وثني ولم يتمسكو بالتوراة |
ما عندي فكرة عن الموضوع لح نكوش وارجعلك
هاموش قربت |
أخي العزيز .. لا علاقة لتسمية النصارى بالناصرة لا من قريب و لا من بعيد و ليس لها أي معنى أو استقاق من تعبير النصرة أو المناصرة لغوياً - التسمية مأخوذة من اليهود الذين كانوا يعيشون بالجزيرة ، فهم لا يؤمنون بالعقدية المسيحية و لا يستطيعون أن يسموا دين المسيحيين بالمسيحية ، لأنهم عندها يعترفون بأن المسيح عاد و أكما نبوءات التوراة و افتدى البشرية و مهد الطريق لخلاص الناس ، فسموهم نصارى و من هذه التسمية أخذها محمد كما هي .. هناك مقالة للباحث نبيل فياض تسلط الضوء على هذه النقطة سأبحث عنها ..تقبل تحيتي على هذا الطرح
|
بما انه ما ظل اثار مسيحية بالجزيرة العربية ...
لذلك صعب نعرف عقيدة اللي كانوا موجودين هناك او عقائد االطوائف هناك ... الا من بعض المصادر بس نصراني ... قد لا تعني مسيحي الامس او اليوم ! |
اقتباس:
يعني نحن هون بالتاريخ و التاريخ وثائق و براهين |
اقتباس:
شو يعني مسيحي و شو يعني نصراني و ليش خبروني انو يمكن ينهدر دمي عن جديد اذا فتحت هالموضوع :lol: |
اقتباس:
|
ازيك يا ابو وليم
ليك وحشة كبيرة........... اولا نصرانى دى جاية من كلمة الناصرة وهى بلد موجودة والبلد دى كان عايش فيها السيد المسيح ( وكان يلقبونة يسوع الناصرى)لانة من الناصرة وبعدين من وجة نظرى خليك حكيم واكسب الاتنين لا تزعل دة منك ولا التانى منك مش كدة ولا ايييييييييييييييييييييييي يييييييية؟؟؟ |
بدي قلك شغلي يا حبيبي
1- النصارى هو اسم مشترك بين انصار نبي الاسلام والنصارى الذين هم من الناصرى في فلسطين وقد قيل الى السيد المسيح انه ناصريي لانه اتى من الناصرى |
اقتباس:
يا أخي ما فهمت علاقة النصارى بالاسلام ..؟؟! يا ريت كل ما نحكي نجيب مصادر .. |
اقتباس:
بس بدي اعرف انا كل مصطلح على مين بيدل هلق صار في عنا انو النصارى هني اليهود يلي متبعين الدين المسيحي و النصارى يلي هني من الناصرة طيب مين اصدق مممم |
اقتباس:
ما رح ينهدر دمك لا تخاف ... ! كلمة نصارى ... كلمة عربية او معربة ... قد تكون مأخوذة من كلمة "الناصري" كلمة الناصري نسبة الى مدينة الناصرة ... و قد استعملت من اليهود كما نرى في سفر الأعمال 24:5 فوصفوا الرسول بولس ... مقدام شيعة الناصريين لكن في الآية 14 لم يقبلها الرسول بولس .. و لكنني اقر لك بهذا انني حسب الطريق الذي يقولون له شيعة هكذا اعبد اله ابائي مؤمنا بكل ما هو مكتوب في الناموس و الانبياء الخلاصة .. مسيحي.. تعني مؤمن بالمسيح .. و هي اللقب الموجود بالكتاب المقدس ناصري .. نسبة الى الناصرة و مثل ما قلت .. قد تكون نصارى مؤخوذة من ناصريين ... و قد لا تكون ... اتمنى تكون استفدت ... ا |
النصارى... هو لقب اطلق على المسيحيين يلي بهديك الفترة تبعو المسيح الملقب بيسوع الناصري نسبة لمسقط رأسة "الناصرة"... واصبح كل من ناصر يسوع الناصري... ناصرياً...
شي كتير طبيعي انو واحد مسيحي يغضب ازا قلتلو ناصري خاصة انو هلكلمه بتحمل بطياتها تشكيك او نفي لنبوءة المسيح... هلمصطلح "ناصري" ما بيستعملو غير الاسلام واليهود، في العبري نصارى = نوتسريم / נוצרים... اليهود بيستعملوه باعتبارهم لساتهم بانتظار المسيح المخلص واكيد من الكفر انو يعترفوا بالمسيح والمسيحية... اما الاسلام والمسلمين فما عندياي معلومة حول الهدف من استخدامهم لهلمصطلح.... اقتباس:
|
هلأ انو انا كمان كنت مفكرة انو النصارى و المسيحية نفس الشي..
وعم بتفاجأ بالمعلومات اللي عم تنحط.. ع كل حال.. متابعة للاخير و حلو ابو وليام انك فتحت هيك موضوع.. :D |
على حسب ما قريت مرة انو النصارى هنن جماعة انشقت عن المسيحية في القرن الثاني اتبعت اناجيل مزورة وكانت طبعا مرفوضة من المسيحية.
هي كانت تدعي وهاد أخطر الشي انو المسيح ليس الها انما هو بشر ولد ومات كأي انسان آخر ونزل عليه الروح القدس بعد تعميده من قبل يوحنا المعمدان . ربما لهذا السبب من الخطأ والخطير عدم التفريق بين المسيحيين والنصارى. انا حطيت هالرد عالسريع واذا بدك مراجع رح أمنهم أكيد. |
اقتباس:
يمكن انت قصدك على طائفة الابيونيين |
بحسب موسوعة عالم الأديان الصادرة عن دار نوبليس المؤلفة تحت إشراف ط . ب مفرّج
في المجلد الثامن صفحة 43 إن المؤتمر المسيحي الأول حرر المسيحيين الأمميين من الشريعة والختان, لكنه ترك النصارى من بني إسرائيل أحرارا في إقامة التوراة والإنجيل معا , والعماد والختان معا , والسبت والأحد معا ...... وهكذا كان مؤتمر الرسل سببا غير مباشر لانقسام أهل الإنجيل إلى فئتين : فئة النصرانية من بني إسرائيل , وفئة " المسيحية " من المهتدين من الأمميين . وتكتل النصارى حول يعقوب , وانتسب المسيحيون إلى بولس. وقد تمحورت عقيدة النصارى حول ثلاثة أركان: 1-إقامة التوراة والإنجيل معا. 2-اعتبار يسوع المسيح "كلمة الله وروحا منه". ففسروا كلمة الله بأنه "ملاك كلمة الله" أي ملاك حل في يسوع الناصري , بخلاف النظرية المسيحية التي تؤمن بأن كلمة الله من ذات الله, وهو بالتالي نطقه الذاتي. 3-اعتبار حلول كلمة الله في يسوع ظاهريا لا تجسدا أو تأنسا , وقد فارق المسيح قبل الآلام يسوع الناصري , ولما رجع المسيح الكلمة إلى يسوع في القبر قام من الموت وارتفع حيا إلى السماء. انتهى |
| الساعة بإيدك هلق يا سيدي 14:28 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون
