|
العربية .. أن تعرف أكثر
عن ماذا تريد قناة العربية من المشاهد العربي أن يعرف أكثر ؟ طبعاً هذا هو شعار المحطة الجديد بعد شعارها السابق البراق (( أقرب الى الحقيقة )). لمتتبعي سياسة المحطة بالطبع لاحظتم منذ تبدل هذا الشعار وبدأت سياسة المحطة بالتبدل والتوضح بشكل أكبر لتصبح واضحة وصريحة وعارية . ناطقة باسم نظام الحكم السعودي. اليوم والعالم بوسائل اعلامه يغطي احداث عملية التبادل (( المشرفة )) بين حزب الله والكيان الصهيوني والعالم يتابع كلمة سماحة السيد . كانت قناة العربية تغرق في تحليل كلمة أبو متعب في مؤتمر مدريد لحوار الاديان . تلك الكلمة التي لم يجد قرائتها ولا حتى هجائها . وتارة تغرق القناة في سوق الاسهم السعودي او الدوري او اكتشافات السعودين العظيمة التي تغني العالم .. فهم وحسب تقارير العربية اليومية اكتشفو علاج السرطان والايدز وكثير من الامراض فكل يوم تخرج العربية باعجاز سعودي جديد مثل المصور الأعمى او الطفل المعجزة الخ الخ الخ... عادت بي الذاكرة قليلاً الى لقاء وفاء الكيلاني مع جزيل خوري مذيعة العربية وسؤالها ان العربية قناة للأنظمة وليست للشوب ولها نهج وخط وليست حيادية فأجابت الاخيرة بأن نهج العربية يتفق مع نهجها فلماذا اذا تدعي المحطة الحياد والمصداقية ؟ انا كتير اخدت موقف من العربية اليوم .. مهنياً اهمال حدث بهالاهمية بيثير الف سؤال. شو رأيكون .. |
سمعت اليوم كمان مسؤول اسرائيلي بيطالب التلفزيونات الإسرائيلية بعدم بث وقائع الإحتفال
و ادارة سجون الأسرى سحبت جميع التلفزيونات من السجون و منعت الأسى من مشاهدة الإحتفال....شوفو على هالصدفة شوفو أخي بالنسبة للشعار "أن تعرف أكثر" فأول أعلان للشعار كان بدعاية عن فول الصويا و إنو كيف ممكن يسبب مجاعات و حروب بين الدول...فشو بتتوقع أن تعرف أكثر يعني التعرف أكثر على الحياة الأميركية....نسب البدانة، نسب الطلاق، تدهور الحياة الرومانسية بين العشاق، أكبر بطيخة بالعالم، أجحش حمار بالعالم، قرد بدين، كلب و قطة صارو أصدقاء، انشغال جميع العلماء و الباحثين بتحديد فيما إزا كانت البدانة تؤثر على صحة الإنسان أو إزا كان الضجيج يؤثر على راحة الإنسان و.......الخ الخ الخ من الشغلات التافهة الي لازم نعرفها أكتر...و ما رح احكي عن أخبار السعودية المذهلة لأنو بالأخير قناة "اسراعودية" سبق و حكينا كتيير عن مجموعة Mbc و قناة العبرية بالتحديد لزلك اكتفيت بالحكي عن الشعار المزلزل و هي صورة من موقع القناة عن الشعار...    تحياتي...:D  |
اقتباس:
|
مو شي جديد
قناة سعودية شو بدك ياها تكون؟ مايسترو |
من يوم يومي بكرههها بهدلت العراق و شوهت صور المقاومة و الدجفاع عن الاقاليم بكل بقاع الارض ...
و ليس بجديد عنها التصرف اللي عملتو مع عملية التبادل ... لانو صاحبها متلم ا منعرف بيكون سعودي الللي هوي وليد الجفالي بقى اكيد بدها تكون تابعة للكاي اس اي .. شكرا الك مصطفى ...و الحمدلله انك لاحظت و الفت النظر |
هلأ هية معروفة أنها سعودية
وشي طبيعي أنها تكون مهتمة بأخبار السعودية بس بعتقد أنو أهتمامها بنقل أحداث مؤتمر حوار الأديان لا يقل أهمية عن عملية أطلاق الأسرى ولو كانت العلاقة بين قناة الجزيرة والسعودية أفضل لما قصرت بالنقل والتحليل |
كلامك سليم محارب
بعدين ليش ما بنحكي انو الجزيرة صارت كمان سورية |
اقتباس:
من كم يوم كانو الجزيرة خونة و عملاء و صهاينةّّّ نسيتو مين بلش يحط برامج عن رفعت الأسد؟؟؟ نسيتو مين بلش يحط ممثلين المعارضه بشكل دائم؟؟ نسيتو الجرايد السورية شو كانت تكتب عن الجزيرة و عن قطر؟؟ بس صحيح نسيت هلئ قطر سكرت مكتب التمثيل تبع اسرائيل وسكرت قاعدة العديد أكبر قاعده أمريكية بالمنطقه وصارو من الشرفاء الممانعين. |
اقتباس:
ما حدا بينسى تاريخ الجزيرة السابق بس كمان التحول الكبير بموقف هالقناة الواحد ما لازم يغيبو ..بكفي بتسمي شهيد ومقاومة بدل قتيل ومغامرة طائشة ما بعرف انا باخد ع الجزيرة تماهيها الحالي بنقل الاخبار عن سورية يعني احيانا بحسها قناة سورية بس لا يلغي بعض موضوعيتها باخبار تانية .. صراحة كيف ما كان لا تقارن حاليا بالعربية.. بعدين قطر عم تتبع سياسة مشي امورك كيف ما كان يعني اولا واخيرا مصلحة قطر.. فوين العيب يعني؟ ما خلت حدا يزعل منها . بعدين دول الاعتدال العربي عندها ابشع من مكتب تمثيل عندون مكتب تنفيذ لارادة اسرائيل وهيدا اهم ..... العربية امريكية اسرائيلية بامتياز |
اقتباس:
ما عم دافع عن الجزيرة الي هي قناة داعمة للتيارات المتشددة بس ع المخفي. اما العربية فاصبح قناعها مخلوع. |
اقتباس:
مأخذي عالقناة مو لأنو علاقاتنا مع السعودية "ليست على ما يرام"...بس لأنها بتدعم آراء و أفكار الدول المعادية لسوريا |
العربية اثبتت بجدارة انها عين شر مسلطة على الشارع العربي...
وقراءة سريعة للتعليقات الي بتصير بموقعها بتدل على انها نجحت بتحويل الكتير من الناس لأداة طائفية وبتقدر تتحكم فيهون عن طريق اخبارها.. كمثال: احياناً بتصدف انو بتكتر الاخبار الحلوة الي بتجي من شي بلد عربي معيّن (ان كانت سياسية، اقتصادية او ثقافية) وهالقناة المصونة لما بتشوف انو كتران مديح المعلقين لهل البلد يلي "بيصدف انو مو من المقربين الها", فبنلاحظ انها بتنكش شي خبر تافه من تحت الارض (مالو داعي انو يننشر اصلا) ودغري بتتحول معظم التعليقات لمعركة شتائم واهانات الخ الخ.. يعني احياناً لما بشوف التعليقات المخيفة لبعض الاشخاص بتصورهن كقنبلة موقوتة ممكن تنفجر بأي انسان من غير طائفة او بلد اذا التقى فيه تاني يوم بالشارع... مع اني ما بطيق اخبارها بس بتصور مهم كتير الواحد يضطلع على افكار الناس الي بتعلّق بموقعها لانو هي للاسف صارت شريحة بالشارع العربي كلمالا عم تزداد وتكتر... |
الاعلام العربي مو محايد ابدا و مؤدلج .....
و اذا ما نقلت قناة العربية الخطاب ... هذا ما يقلل من شأن الخطاب ابدا معناها لازم تعتب على كل القنوات اللي ما نقلت الخطاب ... اللي نقل اغاني و اللي نقل افلام و اللي نقل مباراة قدم .. ... |
انو بالنهاية كل القنوات العربية نفس بعضها... تختلف الامكانيات و تختلف الاستعراضية و البهورة ... لكن كل القنوات بلا استثناء تمثل وجهة نظر دولتها الراعية بشكل لا يمكن تتحرك عنو... ( ولا الجزيرة و لا العربية استثناءات..)
يعني يوم أحداث 11 أيلول افتتاحية أخبار الفضائية السورية كان استقبال و توديع و مؤتمر فلاحي قطري و مدري شو.. بالأخير لجابو سيرة أحداث أيلول.. الفرق انو العربية عندون مصاري يجيبو مذيعين مشاهير و أكثر استعراضية.. و التلفزيون السوري ع قد حالو و ما عنا غير أم عمار حفظها الله ذخرا للوطن و عين الحسود تبلى بالعمى |
صحيح ..
انا ما بتابع اخبار على العربية .. لانو الجزيرة بتغنيني عن العربية .. بس عنجد كانت قمة الوقاحة .. انهم ما ينقلوا الخبر الاهم .. وهو تبادل الاسرى .. ويبجيبوا .. اخو ال ******* .. عاملي فيها محاور .. |
اقتباس:
مؤتمر حوار الأديان تافه ؟ ليش مو كل مشاكل الكرة الأرضية تناحر تيارات فكرية مرتبطة بالدين ؟ ولا بس لأنو برعاية سعودية لازم نتجاهلو ؟ بعدين برأيي لو بدهم يعملو قناع مابيكون برنامجهم الرياضي عن السعودية وسوق الاسهم تبع السعودية |
اقتباس:
مع احترامي الشديد لرايك ... كان من الاجدر بالسعودية وملك السعودية انهم يلمعوا صورتهم السوداء لدى الشعوب الاخرى خصوصاً الشعوب الاسلامية وشعوب العالم الثالث بعدين يجوا يرعوا حوار الاديان بقيادة بو متعب ... مخطيء من يظن أن معظم القوانين بالسعودية قوانين اسلامية ... بل بالعكس هي قوانين قبلية تعصبية مغطاة بغطاء رأسمالي امريكي .. على سبيل المثال هل قانون الكفالة والاستعباد قانون اسلامي ؟! كلا والف كلا اذن بأي حق بومتعب عم يدير حوار الاديان ؟! ولاهي الشغلة بس تبييض وش قدام الغرب ؟! |
اقتباس:
صديقي ماجد أنا مادافعت عن السعودية أو الملك . أنا دافعت عن المؤتمر وفكرتو . وأي خطوة من هذا القبيل حتى لو كانت ضعيفة .لازم نشجعها عسى ن تكون هناك خطوات أفضل بالمستقبل اذا كانو أطراف المؤتمر شافو بعضهم بالصورة يلي عم تقول عليها قبل المؤتمر أنو هاد خطأ . وهي الجهة مابيطلعلها تحكي . كان ما أنعقد المؤتمر أصلا . ولا ممكن بالمستقبل ينعقد مؤتمر متلو |
| الساعة بإيدك هلق يا سيدي 11:05 (بحسب عمك غرينتش الكبير +3) |
Powered by vBulletin® Copyright ©2000 - 2024, Jelsoft Enterprises Ltd.
ما بخفيك.. في قسم لا بأس به من الحقوق محفوظة، بس كمان من شان الحق والباطل في جزء مالنا علاقة فيه ولا محفوظ ولا من يحزنون