المغتربين
 

صباح الخير يا جماعه
حبيت من الصبح بكير افتح معكون هل الموضع يلي فعلا يا اخون دابحني ودابح كثير من الشباب يلي مثلي
وهو الاغتراب

يا اخوان خلصنا دراسه وتخرجنا من الجامعه وقدمنا على وظيفه بهل الدوله بس احزرو شو صار
يلي صار يا اخوان انو طلبي انرفض كوني مالي خادم عسكريه فهون انا انحطيت بين امرين يا اني اخدم عسكريه سنتين ونص وضل خلال هل فتره عم اخد مصروفي من اهلي واخلص عسكريه عمري خمس وعشرين سنه ماحيلتي قرش يعني ايد من ادام وايد من ورا وها لبلش امن مستقبلي بدي خمس عشر سنين مشان بتعرفو بيت ومستلزماتو مشان بعدين اتزوج
او اني اغترب بدول الخليج خمس سنين مشان اخاص من العسكريه وقملي كم قرش .
والله يا اخوان قررنا السفر على الامارات وسافرت وهون بلشت القصه
بتعرفوا شب مالو شايف شي من حياتو يا دوب بيعرف كم كلمه بالانكليزي وبيعرف حارتو وبيوت حارتو الاديمه ويلي من العصر العثماني والفرنسي ( يسعد ربها ما احلاها ) وبيعرف بنات بلدو يلي اذا حب الواحد منا بنت من بنات جيرانو بيتخبى من اخوها ومن ابن عمها وبيستناها عند مدرستها ( اه ه ه ايام الانتظار عند مدرسه جول جمال بالصالحيه ) وبيعرف انو اطيب صندويشه هي الشاورما لما كانت ب 25 ليره ولما يديق خلقو بيطلع ما صحابو على الاقهوه بشربلو كاسه كمون مع نفس اركيله ودق تريكس بحطلو 125 ليره بيرجع على بيتو بنص الليلل مرتاح
بس هون بالامارات اول ما فوت الواحد على المطار وبيشوف الديكورات وبعدين بيطلع على المدينه وبشوف هل ابراج والشوارع المنظمه والسائقين يلي خايفين من شرطي المرور ولا من سياره الشرطه وبشوف ما هب ودب من جنسيات من هنود وباكسان وفلبينين وغيرو وغيرو وهاد يلي ماشي مع هي وهي يلي عابطى هاد وباليل بهل حديقه كل واحد مع وحده اخدين زاويه وعلى عينك يا تاجر غير الطنطات يلي بصيرو يلحقوك مشان يطبقوك هون بسموهن بكلات ويلي بدو ياكل سندويشه شاورما يلي طبعا مالها طعم ولا نكها وبتخلص بعظتين بحط حقها 5 دراهم وبدو يسهر بصير يروح على الديسكويات
كل هل اشيا يا اخون غير انو كثير من الشباب العرب والسوريين خصوصا تزوجو من فلبينيات لسببين اول شي
ممكن يكون غلط معها وبدو يصلح الغلط وشي بقلك بنت بلدي غاليه ومتطلبه كثير بدها بيت وبدها سياره وبدها وبدها
بس الفلبينيات بساولك كلشي من غير ما يطلبو شي وبيرضو يسكنو مع الواحد بغرفه مو بشقه وينامو على الارض على فرشه مو بغرقه نوم
كل هل الامور خلت الواحد يقسى قلبو على بلدو ويرفض يرجع على سوريا .
وفي شغله تانيه يا جماعه كمان مو كل الناس بتعرفها , انو مو كل الشباب يلي مسافرين على الخليج مرتاحين ماديا او معنويا في شباب يا اخون الراتب ما عم يكفي لاخر الشهر وعم يكونو مديونين هل شغله اهل الشام ما بعرفوها الناس بسوريا مفكرين انو المغترب قاعد على سطل من دهب عم يغرف منو ويعبي كيس الشوال يلي بدو يرجع فيه على بلدو ولما ينزل اجازه بعد ما يكون الشب حط كلشي مصمدوا حق تكت طياره وكم هديه
بقلولو هاد يلي جبتو معك ما بيعرفو انو هون ملتعن ابو سلسفيلو
ولما تخلص الخمس سنين يالله يا شاطر ادفع 5000 دولار بدل الجيش

والله يا اخون شي بحز بالنفس لما الواحد يطلع من بلدو ويترك اهلو وناسو واحبابو
بس كمان يلي بيجرح الواحد اكثر انو يحس حالو مغرب ومهضوم حقو ببلد
ولا شو رائكون

انسا موضوع الجيش هلق.. بالامارات لازم تتطلع لفوق.. و تضل عم تطور حالك و تدور ع شغل أنسب...
اذا اشتغلت مظبوط ممكن هالخمس سنين ينشلوك.. وحمود ربك غيرك رح يعيش هالخمس سنين يكش دبان

صديقي الغربة الحقيقية هي هادا الشي يلي كنت عبتتكلم عنو ..بقصد الحارة القديمة و بنات الحارة و هال ذكريات يلي ما بتطعمي خبز ...مجتمع منغلق بشكل مخيف ,,مع انو مو هيك كنا ,,,يعني نزول عالصليبة بلاذقية و شوف الشباب الطيب كيف قلبولك قوس النصر لقهوة و اراكيل و مكان للسب ولشتم ولكلام عن العالم التانية ,,تماما متل النسوان بعمر الستين ...هيك مو بتقدر تعمل مصارى و توسع افقك شوى عالأقل !! ...استغل فرصتك ,,,عيش و خلي غيرك يعيش ,,الناس بسوريا ما الها هم غير تفشل و تفشلك معها ,,,عابتكلم من موقع محبة ,,,البلد ما عادت تستحملنا يا صاحبي فما النا غير الغربة ,,انا عايش ببريطانية يعني الغربة هون اصعب بس بحاول اتجاهل هل شعور مشان ما اضعف ,,,لأنو شيل كل شي عا جنب ,,النزلة عالبلد صار فيها خطر انك ما بقا تطلع منها ,,,كل مغترب و إلو اسبابو ....هون بأخوية فينك تحكي و تفش قهرك ,,,و نحنا كلنا رح نسمعك

لفك خيو وينك
نصيحة من أخوك
خليك برا وتركلي هالحكي الفاضي تبع التمسك بالوطن والذكريات والحنين للقعدات مع الشباب
يعني هلق إذا رجعت عالبلد رح دق فيك المخابرات من المطار وبدكوك بعدا شي أسبوع بالبالونة وبعدا شي أسبوع بسجن تدمر وبعدا بيشلحوك بشي قطعة عسكرية وبيسلموك لشي عسكري شاوي ما بيفهم الخمسة من الطمسة وما بيقدر يفك الحرف وبينزل لطش الكفوف فيك وانت ملتعن رب ربك بالجامعة عأساس شو أنو كسر نفسية

لك إي يلعن أبو على أبو أبو اللي بدو يحارب بعد كل هالذل

ما هو كل شي بسوريا مبرمج ليكسروا نفسية المواطن,,و يخلوا ضعيف مو قادر يطالب ولو بجزء بسيط من حقوقو !!